വാഹനാപകടത്തിൽ നടൻ ബിജുക്കുട്ടന്‌ പരിക്ക്‌

പാലക്കാട്‌: ചലച്ചിത്രതാരം ബിജുക്കുട്ടന്‌ വാഹനാപകടത്തിൽ പരിക്കേറ്റു. ദേശീയപാതയിൽ വച്ചാണ്‌ അപകടമുണ്ടായത്‌. പാലക്കാട്‌ വടക്കുമുറിയിൽ വച്ച്‌ ബിജുക്കുട്ടൻ സഞ്ചരിച്ച കാർ നിർത്തിയിട്ടിരുന്ന ലോറിയുടെ പിറകിൽ ചെന്ന്‌ ഇടിക്കുകയായിരുന്നു. കാറിന്റെ മുൻവശം തകർന്ന്‌ പോയതായാണ്‌ വിവരം.ബിജുക്കുട്ടന്റെ ഡ്രൈവർക്കും അപകത്തിൽ നേരിയ പരിക്ക്‌ പറ്റിയിട്ടുണ്ട്‌. ഇരുവരുമിപ്പോൾ പാലക്കാടെ സ്വകാര്യ ആശുപത്രിയിൽ ചികിത്സയിലാണ്‌. ബിജുക്കുട്ടന്റെ കെെക്കാണ് പരിക്ക്. കോയമ്പത്തൂരിൽ നിന്ന് തൃശ്ശൂരിലേക്ക് പോവുകയായിരിന്നു ബിജുക്കുട്ടൻ.