സംസ്ഥാനത്തെ പോപ്പുലര് ഫ്രണ്ട് ഓഫിസുകളില് ദേശീയ അന്വേഷണ ഏജൻസി (എൻഐഎ), എൻഫോഴ്സ്മെന്റ് ഡയറക്ടറേറ്റ്( ഇഡി) എന്നീ കേന്ദ്ര ഏജൻസികളുടെ റെയ്ഡ്. വിവിധയിടങ്ങളിലായി റജിസ്റ്റര്ചെയ്ത കേസുകളിലാണ് പരിശോധന. പോപ്പുലര് ഫ്രണ്ട് ഓഫിസുകൾക്കൊപ്പം ദേശീയ, സംസ്ഥാന, പ്രാദേശിക നേതാക്കളുടെ വീടുകളിലും റെയ്ഡ് തുടരുകയാണ്. കേന്ദ്ര സേനയുടെ സഹായത്തോടെയാണ് റെയ്ഡ്
ഡൽഹിയിലും തിരുവനന്തപുരത്തും റജിസ്റ്റർ ചെയ്ത കേസുകളെ തുടർന്നാണ് പരിശോധന. തിരുവനന്തപുരം മണക്കാട്ടെ ജില്ലാ കമ്മിറ്റി ഓഫിസിലും പരിശോധന നടന്നതിനു പിന്നാലെ പ്രവർത്തകർ ഓഫിസിനു മുൻപിൽ പ്രതിഷേധിച്ചു. നേതാക്കളുടെ വീട്ടിൽ നടന്ന റെയ്ഡിൽ മൊബൈൽ ഫോണുകളും ലാപ്ടോപ്പും പിടിച്ചെടുത്തു.
