കല്പ്പറ്റ: വയനാട്ടിലെ ആദ്യകാല സിനിമ സംവിധായകനും തിരക്കഥകൃത്തും ഗാനരചയിതാവും നിര്മ്മാതാവുമായ പ്രകാശ് കൊളേരി (65)യെ വീട്ടിനുള്ളില് മരിച്ച നിലയില് കണ്ടെത്തി. ചൊവ്വാഴ്ച ഉച്ചയോടെ ആയിരുന്നു സംഭവം. കോളേരി പരപ്പനങ്ങാടി റോഡിലെ വീട്ടില് ഒറ്റക്ക് താമസിക്കുന്ന ഇദ്ദേഹത്തെ രണ്ടുദിവസമായി പുറത്ത് കാണാത്തതിനെത്തുടര്ന്ന് അയല്വാസികള് നടത്തിയ അന്വേഷണം നടത്തുകയായിരുന്നു. തുടര്ന്നാണ് വീട്ടിനുള്ളില് മരിച്ച നിലയില് കണ്ടെത്തിയത്. കേണിച്ചിറ പൊലീസ് സ്ഥലത്തെത്തി തുടര്നടപടികള് സ്വീകരിച്ചു.
1987ല് പുറത്തിറങ്ങിയ മിഴിയിതളില് കണ്ണീരുമായി ആണ് ആദ്യചിത്രം. അവന് അനന്തപത്മനാഭന്, വരും വരാതിരിക്കില്ല, മിഴിയിതളില് കണ്ണീരുമായി, പാട്ടുപുസ്തകം, ദീര്ഘസുമംഗലി ഭവ എന്നീ ചിത്രങ്ങള് സംവിധാനം ചെയ്തു. ചില ചിത്രങ്ങള്ക്ക് തിരക്കഥയൊരുക്കുകയും ചെയ്തു.അവിവാഹിതനായ പ്രകാശ് പിതാവ് കുമാരന്റെയും മാതാവ് ദേവകിയുടെയും മരണത്തിന് ശേഷം വീട്ടിൽ ഒറ്റക്കായിരുന്ന താമസം.
