ഫെഡെക്സ് കൊറിയര് സര്വ്വീസില് നിന്നാണ് എന്ന വ്യാജേന തട്ടിപ്പുകാര് നിങ്ങളേയും വിളിക്കുമെന്നും ആരും തട്ടിപ്പിന് ഇരയാൈകരുത് എന്നുമുള്ള മുന്നറിയിപ്പുമായി കേരളം പൊലീസ്. വ്യാജ ഐഡി ഉപയോ?ഗിച്ച് പൊലീസാണെന്നു ധരിപ്പിച്ചായിരിക്കും തട്ടിപ്പെന്നും മുന്നറിയിപ്പിലുണ്ട്.
ആധാര് കാര്ഡും ബാങ്ക് വിവരങ്ങളും ഉപയോഗിച്ച് കൊറിയര് ബുക്ക് ചെയ്തു എന്ന പേരിലും തട്ടിപ്പ് അരങ്ങേറുന്നതായും മുതിര്ന്ന പൊലീസ് ഓഫീസറുടെ യൂണിഫോം ധരിച്ച് വിഡിയോ കോളില് വന്നായിരിക്കും അവര് ഈ ആവശ്യങ്ങള് ഉന്നയിക്കുകയെന്നും പൊലീസ് വ്യക്തമാക്കി.
പൊലീസിന്റെ കുറിപ്പ്
ഫെഡെക്സ് കൊറിയര് സര്വ്വീസില് നിന്നാണ് എന്ന വ്യാജേന തട്ടിപ്പുകാര് വിളിക്കുന്നു. നിങ്ങളുടെ പേരില് ഒരു കൊറിയര് ഉണ്ടെന്നും അതില് പണം, സിം എന്നിവ അടങ്ങിയിട്ടുണ്ടെന്നുമായിരിക്കും വിളിക്കുന്നയാള് അറിയിക്കുക. നിങ്ങളുടെ പേരില് നിങ്ങളുടെ ആധാര് കാര്ഡും ബാങ്ക് വിവരങ്ങളും ഉപയോഗിച്ച് കൊറിയര് ബുക്ക് ചെയ്തു എന്ന പേരിലും തട്ടിപ്പ് നടത്താറുണ്ട്.
നിങ്ങളുടെ ആധാര് നമ്പറും ബാങ്ക് അക്കൗണ്ട് വിവരങ്ങളും നിങ്ങളോടുതന്നെ തട്ടിപ്പുകാരന് പറഞ്ഞു തരുന്നു. പാഴ്സലിലെ സാധനങ്ങള്ക്ക് തീവ്രവാദ ബന്ധമുണ്ടെന്നും കൂടുതല് വിവരങ്ങള് അറിയിക്കാന് ഫോണ് CBI യിലെയോ സൈബര് പോലീസിലെയോ മുതിര്ന്ന ഓഫീസര്ക്ക് കൈമാറുന്നു എന്നും പറയുന്നതോടെ മറ്റൊരാള് സംസാരിക്കുന്നു.
പാഴ്സലിനുള്ളില് എം.ഡി.എം.എയും പാസ്പോര്ട്ടും നിരവധി ആധാര് കാര്ഡുകളുമൊക്കെയുണ്ടെന്നും നിങ്ങള് തീവ്രവാദികളെ സഹായിക്കുന്നുവെന്നും പറയുന്നു. വിശ്വസിപ്പിക്കുന്നതിനായി പോലീസ് ഓഫീസര് എന്നു തെളിയിക്കുന്ന വ്യാജ ഐഡി കാര്ഡ്, പരാതിയുമായി ബന്ധമുണ്ടെന്ന് തെളിയിക്കുന്ന വ്യാജ രേഖകള് തുടങ്ങിയവ നിങ്ങള്ക്ക് അയച്ചുതരുന്നു. ഐഡി കാര്ഡ് വിവരങ്ങള് വെബ് സൈറ്റ് മുഖേന പരിശോധിച്ച് ഉറപ്പുവരുത്താനും ആവശ്യപ്പെടുന്നു. മുതിര്ന്ന പോലീസ് ഓഫീസറുടെ യൂണിഫോം ധരിച്ച് വീഡിയോ കോളില് വന്നായിരിക്കും അവര് ഈ ആവശ്യങ്ങള് ഉന്നയിക്കുക.
