മുക്കം: മാമ്പറ്റയിലെ സ്വകാര്യ ഹോട്ടലിലെ ജീവനക്കാരിയായ പയ്യന്നൂർ സ്വദേശിനി കെട്ടിടത്തിൽ നിന്നും ചാടിയ സംഭവത്തിൽ അടിയന്തര അന്വേഷണത്തിന് മനുഷ്യാവകാശ കമ്മീഷൻ ഉത്തരവിട്ടു.
കോഴിക്കോട് റൂറൽ ജില്ലാ പോലീസ് മേധാവി അന്വേഷണം നടത്തി രണ്ടാഴ്ചക്കകം റിപ്പോർട്ട് സമർപ്പിക്കണമെന്ന് കമ്മീഷൻ ജുഡീഷ്യൽ അംഗം കെ ബൈജൂനാഥ് ആവശ്യപ്പെട്ടു. ഫെബ്രുവരി 28 ന് കോഴിക്കോട് ഗസ്റ്റ് ഹൗസിൽ നടക്കുന്ന സിറ്റിംഗിൽ കേസ് പരിഗണിക്കും.പീഡനശ്രമം ചെറുക്കുന്നതിനിടെയാണ് യുവതി കെട്ടിടത്തിൽ നിന്നും ചാടിയതെന്ന് പരാതിയുണ്ട്. ഹോട്ടലുടമയും മറ്റ് 2 പേരും താമസസ്ഥലത്ത് കയറി യുവതിയെ ഉപദ്രവിക്കാൻ ശ്രമിച്ചതായി ബന്ധുക്കൾ പറയുന്നു.പത്രവാർത്തയുടെ അടിസ്ഥാനത്തിലാണ് കേസെടുത്തത്.
കേസിലെ പ്രതികൾ ഒളിവിലാണ്. ഇവർ കേരളം വിട്ടിട്ടില്ല എന്ന നിഗമനത്തിലാണ് പൊലിസ്. ഒളിവില് കഴിയുന്ന പ്രതികള്ക്കായി അന്വേഷണം വ്യാപിപ്പിച്ചിട്ടുണ്ട്. ഹോട്ടലിലെ സി.സി ടിവി ദൃശ്യങ്ങള് ശേഖരിക്കാനുള്ള ശ്രമവും പുരോഗമിക്കുന്നു.ചാടിയതിനെ തുടര്ന്ന് പരുക്കേറ്റ യുവതി കോഴിക്കോട് മെഡിക്കല് കോളജ് ആശുപത്രിയില് ചികില്സയിലാണ്. ആരോഗ്യനില മെച്ചപ്പെട്ടു വരുന്നതായി ഡോക്ടര്മാര് അറിയിച്ചു,
