കോഴിക്കോട്:നിരവധി ക്രിമിനൽ കേസുകളിലും, മയക്കുമരുന്ന് കേസുകളിലും ഉൾപ്പെട്ട പ്രതിയും, പന്നിയങ്കര പോലീസ് സ്റ്റേഷൻ പരിധിയിലെ അറിയപ്പെടുന്ന റൌഡിയുമായ കല്ലായി കണ്ണഞ്ചേരി സ്വദേശി പുതിയാപ്പിൽ പറമ്പിൽ ഇഖലാസ് (30) നെയാണ് കാപ്പ ചുമത്തി ജയിലിലടച്ചത്. പ്രതിയ്ക്ക് നല്ലളം, പന്നിയങ്കര, ടൌൺ, കസബ തുടങ്ങിയ പോലീസ് സ്റ്റേഷനുകളിൽ ലഹരി മരുന്നു കളായ കഞ്ചാവ്, MDMA തുടങ്ങിയവ വിൽപ്പന, കൈവശം വെക്കൽ, ഉപയോഗം എന്നിവക്കും പൊതു സ്ഥലങ്ങളിൽ വെച്ച് മദ്യപിച്ചതിനും ആളുകളെ ഭീഷണിപ്പെടുത്തിയതിനും, കവർച്ച, വധശ്രമം, മാരകായുധങ്ങൾ ഉപയോഗിച്ചും അല്ലാതെയും മരണം വരെ സംഭവിക്കാവുന്ന ഗുരുതരമായ പരിക്ക് ഏൽപ്പിച്ചതിനും മറ്റുമായി നിരവധി കേസുകൾ നിലവിലുണ്ട്.
കോഴിക്കോട് ടൌണ് പോലീസ് സ്റ്റേഷനില് രജിസ്റ്റര് ചെയ്ത പോക്സോ കേസില് ജാമ്യത്തില് ഇറങ്ങിയ പ്രതിയെ പന്നിയങ്കര പോലീസ് സ്റ്റേഷന് ഇന്സ്പെക്ടര് സതീഷ് കുമാര്, അസിസ്റ്റന്റ് സബ് ഇന്സ്പെക്ടര് ബാബു, സിവില് പോലീസ് ഓഫീസര്മാരായ ശ്രീനാഥ്, ബിനീഷ് എന്നിവരടങ്ങിയ സംഘം KAAPA ഓർഡർ പ്രകാരം അറസ്റ്റ് ചെയ്യുകയായിരുന്നു. മുന്പും പ്രതി കാപ്പ നിയമപ്രകാരം ജയിലില് ശിക്ഷ അനുഭവിച്ചിട്ടുള്ളതാണ്. തുടർച്ചയായി കുറ്റകൃത്യങ്ങൾ ചെയ്ത് പൊതുസമൂഹത്തിന് ഭീഷണിയാവുകയും, നിരവധി ക്രിമിനൽ കേസ്സുകളിൽ ഉൾപ്പെട്ടുവരുന്നതിനെ തുടർന്നാണ് പ്രതിയ്ക്കെതിരെ പന്നിയങ്കര പോലീസ് KAAPA നടപടി സ്വീകരിച്ചത്. പന്നിയങ്കര പോലീസ് സ്റ്റേഷൻ ഇൻസ്പെക്ടർ നൽകിയ പ്രാഥമിക റിപ്പോർട്ട് പ്രകാരം കോഴിക്കോട് സിറ്റി ഡെപ്യൂട്ടി പോലീസ് കമ്മീഷണർ സമർപ്പിച്ച ശുപാർശയിലാണ് കോഴിക്കോട് ജില്ലാകളക്ടർ പ്രതിയെ കണ്ണൂർ സെൻട്രൽ ജയിലിൽ പാർപ്പിക്കാൻ ഉത്തരവ് പുറപ്പെടുവിപ്പിച്ചത്.
