കൊച്ചി .. മനുഷ്യൻ്റെ വൈജ്ഞാനികവും സാംസ്കാരികവുമായ ഉന്നമനത്തിനാധാരമായ അറിവുകളുടെ ശേഖരമാണ് പുസ്തകങ്ങളെന്നു കേരള ജംഇയ്യതുൽ ഉലമ ട്രഷറർ സി.എം മൗലവി ആലുവ പറഞ്ഞു.കെ.എൻ.എം മർകസുദ്ദഅവ വനിതാ വിഭാഗമായ എം.ജി.എം സംസ്ഥാന സമിതി സംഘടിപ്പിച്ച പുസ്തകാസ്വാദന മത്സരം ഉദ്ഘാടനം ചെയ്യുകയായിരുന്നു അദേഹം. വായന മരിക്കുന്നു എന്നത് അടിസ്ഥാന രഹിതമാണ്.
വായനയുടെ മാധ്യമങ്ങളിൽ വൈവിധ്യം വരികയും വിവിധ തലങ്ങളിലുള്ള വായന കൂടുകയും ചെയ്യുകയാണെന്നും അദ് ദേഹം പറഞ്ഞു.എം.ജി.എം പ്രസിഡൻ്റ് സൽമ അൻവാരിയ്യ അദ്ധ്യക്ഷത വഹിച്ചു. ജന സിക്രട്ടറി സിടി ആയിഷ മുഖ്യപ്രഭാഷണം നടത്തി.ജില്ലകളിൽ നിന്ന് ഒന്നും രണ്ടും സ്ഥാനങ്ങൾ ലഭിച്ചവരാണ് സംസ്ഥാനതല മത്സരത്തിൽ മാറ്റുരച്ചത്. ഫാതിമ മൻസൂർ (ആലപ്പുഴ) ഹസീന മൻസൂർ (മലപ്പുറം വെസ്റ്റ് ) ജമിന അൻസാർ , ഇ ഒ നിഹാല എന്നിവർ ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി.കെ എൻ എം മർകസുദ്ദഅവ സൗത്ത് സോൺ സിക്രട്ടറി സലീം കരുനാഗപ്പള്ളി, സാബിക് കൊച്ചി, നെക്സി കോട്ടയം, ഹിബ വിസമദ് , ഹാറൂൻ കക്കാട്, ഡോ. മുസ്തഫ കൊച്ചിൻ , ജ്യോതി ടീച്ചർ ആശംസകൾ നേർന്നു.
