കുറ്റിപ്പുറം: കുറ്റിപ്പുറം റെയില്വേ സ്റ്റേഷനില് വെച്ചാണ് ഇയാളെ പോലീസ് കണ്ടെത്തിയത്. മാനസികാസ്വാസ്ഥ്യം പ്രകടിപ്പിച്ച യുവാവിനെ കുതിരവട്ടം മാനസികാരോഗ്യ കേന്ദ്രത്തിലേക്ക് മാറ്റി. ആസാം സ്വദേശിയായ യുവാവിന്റെ ബന്ധുക്കളെ പോലീസ് സംഭവം അറിയിച്ചു.
മിനിഞ്ഞാന്ന് വൈകിട്ടാണ് കുറ്റിപ്പുറം ബസ് സ്റ്റാന്റില് വെച്ച് പൂച്ചയുടെ ശരീര ഭാഗങ്ങള് ഇയാള് കഴിക്കുന്നത്. പട്ടിണി കാരണമാണ് പൂച്ചയെ ഭക്ഷിച്ചതെന്നായിരുന്നു ഇയാള് നാട്ടുകാരോട് വ്യക്തമാക്കിയത്. തുടര്ന്ന് പോലീസ് വാങ്ങി നല്കിയ ഭക്ഷണം കഴിച്ചതിനു പിന്നാലെ ഇയാള് മുങ്ങി. ഇയാള് ട്രെയിനില് കുറ്റിപ്പുറം റയില്വേ സ്റ്റേഷനിലെത്തിയതാണെന്നാണ് പോലീസ് പറയുന്നത്.
