കൊച്ചി: അന്തരിച്ച ഗായകൻ എസ്.പി. ബാലസുബ്രഹ്മണ്യത്തിനോടുള്ള ആദരസൂചകമായി നാളെ (ശനി) എം.എ ഹൗസില് സംഗീതനിശ നടക്കും.’ട്രിബ്യൂട്ട് ടു എസ്.പി.ബി ‘ എന്ന പേരില് ഐ.എം.എ കൊച്ചിയുടെ നേതൃത്വത്തില് നടക്കുന്ന സംഗീതനിശ വൈകിട്ട് ആറിന് ആരംഭിക്കും.
ഗായകരായ അഫ്സല്, അഖില ആനന്ദ് എന്നിവർ നയിക്കുന്ന പരിപാടിയുടെ പ്രവേശനം പാസ് മൂലം. പ്രമുഖ സംഗീതജ്ഞനായ ഡോ. ലിങ്കന്റെ നേതൃത്വത്തിലുള്ള സംഗീത പരിപാടിക്കും 17ന് ഐ.എം.എ ഹൗസ് വേദിയാകും. ഏപ്രില് 20ന് പ്രശസ്ത ഗായകൻ ഷഹബാസ് അമൻ നയിക്കുന്ന സംഗീതസന്ധ്യയും നടത്തുമെന്ന് ഐ.എം.എ കൊച്ചി പ്രസിഡന്റ് ഡോ.എം.എം. ഹനീഷ്, സെക്രട്ടറി ഡോ. ജോർജ് തുകലൻ, ട്രഷറർ ഡോ. സച്ചിൻ സുരേഷ് എന്നിവർ പറഞ്ഞു.
