നാളെ ഫെബ്രുവരി 13 ന് ചൊവ്വാഴ്ച്ച കേരളത്തിലെ വ്യാപാരി സമൂഹം ഒന്നടങ്കം കടകൾ അടച്ച് കേരള വ്യാപാരി വ്യവസായി ഏകോപന സമിതിയുടെ നേതൃത്വത്തിൽ തലസ്ഥാന നഗരിയിൽ പ്രതിഷേധത്തിൻ്റെ ഭാഗമായി ഒത്തുചേരുകയാണ്.
നിരവധി നീറുന്ന പ്രശ്നങ്ങളും പ്രയാസങ്ങളോടും മല്ലിട്ട് ഓരോ ദിവസവും തള്ളിനീക്കുന്ന ചെറുകിട വ്യാപാരിയെ സംബന്ധിച്ചിടത്തോളം നിലനിൽപ്പ് തന്നെ ചോദ്യചിഹ്നമായി മാറിയ സാഹചര്യത്തിലാണ് ഇത്തരമൊരു കടയടപ്പ് സമരവുമായി വ്യാപാരികൾക്ക് രംഗത്തിറങ്ങേണ്ടി വന്നത്. അതേ സമയം കേരള വ്യാപാരി സമിതി അംഗങ്ങൾ കടയടുപ്പിൽ നിന്നും വിട്ടുനിൽക്കുന്നു.
