spot_img
Friday, November 20, 2026
Home Blog Page 166

കള്ളും മീന്‍തലയും കഴിച്ചു; യുവാവിന്റെ മരണം ഭക്ഷവിഷബാധ മൂലം?; 5 പേര്‍ ചികിത്സയില്‍ജ്യോതിഷിന്റെ മരണത്തില്‍ പൊലീസ് അസ്വാഭാവിക മരണത്തിന് കേസെടുത്തു

0

കോട്ടയം: കള്ളുഷാപ്പില്‍ നിന്നും ഭക്ഷണം കഴിച്ച യുവാവ് മരിച്ചത് ഭക്ഷ്യവിഷബാധ മൂലമെന്ന് സംശയം. കുമരകം ചൂളഭാഗം സ്വദേശി ജ്യോതിഷ് (42) ആണ് മരിച്ചത്. സമീപ പ്രദേശത്തെ ഒരു ഷാപ്പില്‍ നിന്ന് ഭക്ഷണം കഴിച്ചതിന് പിന്നാലെയാണ് ജ്യോതിഷ് മരിച്ചതെന്ന് സുഹൃത്തുക്കള്‍ പറയുന്നു.ജ്യോതിഷും സുഹൃത്തുക്കളും ശനിയാഴ്ചയാണ് ഷാപ്പില്‍ നിന്നും ഭക്ഷണം കഴിച്ചത്.

ജ്യോതിഷിന് ഒപ്പം ഭക്ഷണം കഴിച്ച അഞ്ചുപേര്‍ ചികിത്സയിലാണ്. കള്ളും മീന്‍തല കറിയുമാണ് ഇവര്‍ കഴിച്ചത്. കുമരകം കറങ്ങാന്‍ എത്തിയ, ഗള്‍ഫില്‍ ജോലിയുള്ള കുമളിയിലെ സുഹൃത്തുക്കള്‍ക്കൊപ്പമാണ് ജ്യോതിഷ് ഷാപ്പിലെത്തിയത്.വൈകീട്ട് ഇവര്‍ക്കെല്ലാം വയറുവേദനയും ഛര്‍ദ്ദിയും വയറിളക്കവും അനുഭവപ്പെട്ടു. തുടര്‍ന്ന് ഇവര്‍ സമീപത്തെ ആശുപത്രിയില്‍ ചികിത്സ തേടി.

പിന്നീട് ഇവരെ കോട്ടയം മെഡിക്കല്‍ കോളജിലേക്ക് മാറ്റുകയായിരുന്നു. ഒരാള്‍ ഇപ്പോഴും ഐസിയുവില്‍ ചികിത്സയിലാണെന്ന് ബന്ധുക്കള്‍ സൂചിപ്പിച്ചു.ആരോപണത്തിന് പിന്നാലെ ഭക്ഷ്യസുരക്ഷാ വകുപ്പ് പരിശോധന ആരംഭിച്ചു. ജ്യോതിഷിന്റെ മരണത്തില്‍ പൊലീസ് അസ്വാഭാവിക മരണത്തിന് കേസെടുത്തു. പോസ്റ്റ് മോര്‍ട്ടം റിപ്പോര്‍ട്ട് ലഭിച്ചാല്‍ മാത്രമേ മരണ കാരണം എന്താണെന്ന് വ്യക്തമാകുകയുള്ളൂ എന്ന് പൊലീസ് അറിയിച്ചു.

സ്ത്രീകളുടെ കംപാർട്ട്മെന്റിൽ പുരുഷന്മാരുടെ യാത്ര: ഇനി 2500 രൂപ പിഴ, ജൂലായ് 1 മുതൽ വർധന.

0

മുംബൈ: റെയിൽവേ നിയമങ്ങൾ ലംഘിച്ചാൽ യാത്രക്കാർ ഇനി കനത്തപിഴ നൽകേണ്ടി വരും. ജൂലായ് ഒന്നുമുതൽ ഇത് പ്രാബല്യത്തിലാവുമെന്ന് റെയിൽവേ അറിയിച്ചു. ടിക്കറ്റില്ലാതെ യാത്ര ചെയ്യുക, മറ്റൊരാളുടെ ടിക്കറ്റിൽ യാത്ര ചെയ്യുക, കച്ചവടം നടത്തുക, പുകവലിക്കുക, അതിക്രമിച്ചു കടക്കുക തുടങ്ങിയ കുറ്റകൃത്യങ്ങൾക്കുള്ള പിഴകൾ ജൻ വിശ്വാസ് നിയമപ്രകാരം റെയിൽവേ വർധിപ്പിച്ചിട്ടുണ്ട്.ടിക്കറ്റില്ലാതെ യാത്രചെയ്താൽ കുറഞ്ഞത് 500 രൂപ പിഴ ഈടാക്കും.നിലവിൽ ഇത് 250 രൂപയാണ്. 2013ലാണ് പിഴ 250 രൂപയാക്കിയത്. അതിനു മുൻപ് 50 രൂപ മാത്രമായിരുന്നു.

മറ്റൊരാളുടെ ടിക്കറ്റോ പാസോ ഉപയോഗിക്കുന്ന യാത്രക്കാർക്ക് കുറഞ്ഞത് 500 രൂപ പിഴയും ടിക്കറ്റ് കണ്ടുകെട്ടലും നേരിടേണ്ടി വരും. സ്ത്രീകളുടെ കംപാർട്ട്മെന്റുകളിൽ യാത്രചെയ്യുന്ന പുരുഷൻമാർ 2500 രൂപ പിഴയൊടുക്കേണ്ടി വരും.പുതുക്കിയ പിഴകൾ സബർബൻ, പാസഞ്ചർ, മെയിൽ, എക്‌സ്പ്രസ് ഉൾപ്പെടെ എല്ലാ ട്രെയിനുകൾക്കും ബാധകമാണ്. ജൻവിശ്വാസ് ആക്ടിലെ 137,188 വ്യവസ്ഥകളിലാണ് മാറ്റം വരുത്തിയിട്ടുള്ളത്.നിയമലംഘനങ്ങൾ കുറയ്ക്കുക, യാത്രക്കാരുടെ സുരക്ഷ വർധിപ്പിക്കുക എന്നിവയാണ് പുതുക്കിയ വ്യവസ്ഥകൾ ലക്ഷ്യമിടുന്നതെന്ന് റെയിൽവേ അധികൃതർ പറഞ്ഞു.

മറ്റ് കുറ്റകൃത്യങ്ങൾക്കും കർശനമായ ശിക്ഷകൾ ഭേദഗതികൾ വ്യവസ്ഥ ചെയ്യുന്നു. റെയിൽവേ സ്റ്റേഷൻ പരിസരത്ത് അനധികൃതമായി കച്ചവടം നടത്തിയാൽ 2,000 രൂപയും ആവർത്തിച്ചാൽ 5,000 രൂപയും ഈടാക്കും. പുകവലിച്ചാൽ 2,000 രൂപയാണു പിഴ. അപകടകരമായതോ നിരോധിച്ചതോ ആയ വസ്‌തുക്കൾ കൊണ്ടുപോകുന്നതിന് കുറഞ്ഞത് 10,000 രൂപ ഈടാക്കാം. നീണ്ട കോടതി നടപടിക്രമങ്ങൾക്ക് പകരം സ്ഥലത്തുതന്നെ പിഴ ചുമത്താനും റെയിൽവേ അനുമതി നൽകിയിട്ടുണ്ട്.

മലപ്പുറത്തെ കള്ളന്റെ അസാധാരണ സ്വഭാവം! വെറൈറ്റി കള്ളനെ തിരഞ്ഞ് പൊലീസ്, മോഷ്ടിച്ച പഴയത് ഉപേക്ഷിച്ച്‌ പുതിയതുമായി മുങ്ങും.

0

മലപ്പുറം: താന്‍ മോഷണത്തിലൂടെ സ്വന്തമാക്കിയ വസ്തുക്കളേക്കാള്‍ മികച്ചത് കണ്ടാല്‍, പഴയത് വഴിയില്‍ ഉപേക്ഷിച്ച്‌ പുതിയത് കവരുന്ന അസാധാരണ സ്വഭാവമുള്ള ഒരു കള്ളന്‍ പുലാമന്തോളിലുമെത്തി.ഷൊര്‍ണൂരിനടുത്തുള്ള കുളപ്പുള്ളിയില്‍ നിന്നും കഴിഞ്ഞ ദിവസം മോഷ്ടിച്ച സ്‌കൂട്ടിയുമായി വരുന്നതിനിടയിലാണ് പുലാമന്തോള്‍ ചക്കമ്പലം മദീന നഗര്‍ മസ്ജിദിന് സമീപമുള്ള ക്വാര്‍ട്ടേഴ്‌സ് പരിസരത്ത് കള്ളന്റെ കണ്ണ് പതിഞ്ഞത്.ക്വാര്‍ട്ടേഴ്‌സിന് മുന്നില്‍ സുരക്ഷിതമായി പാര്‍ക്ക് ചെയ്തിരുന്ന ബജാജ് പള്‍സര്‍ മോട്ടോര്‍ ബൈക്ക് കണ്ടതോടെ കള്ളന്റെ മനസ്സ് മാറി.

ഉടന്‍ തന്നെ താന്‍ ഓടിച്ചുവന്ന സ്‌കൂട്ടി വഴിയരികില്‍ ഉപേക്ഷിച്ച മോഷ്ടാവ്, പള്‍സര്‍ ബൈക്കുമായി നിമിഷങ്ങള്‍ക്കകം കടന്നുകളയുകയായിരുന്നു.കോഡൂര്‍ പെരിങ്ങോട്ടുപുലം സ്വദേശിയും നിലവില്‍ പുലാമന്തോളില്‍ താമസക്കാരനുമായ കുറുന്തല ശരുണിന്റെ ഉടമസ്ഥതയിലുള്ളതാണ് മോഷ്ടിക്കപ്പെട്ട പള്‍സര്‍ ബൈക്ക്. വാഹനം കാണാതായതിനെ തുടര്‍ന്ന് നടത്തിയ തിരച്ചിലിലാണ് അജ്ഞാതനായ കള്ളന്‍ ഉപേക്ഷിച്ചുപോയ സ്‌കൂട്ടി പരിസരത്തുനിന്നും കണ്ടെത്തിയത്.തുടര്‍ന്ന് നടത്തിയ പരിശോധനയിലാണ് ഈ സ്‌കൂട്ടി കുളപ്പുള്ളിയില്‍ നിന്നും മോഷ്ടിച്ചതാണെന്ന വിവരം പുറത്തുവന്നത്. സംഭവത്തിന് പിന്നാലെ പരിസരങ്ങളിലെയും കള്ളന്‍ പോയ വഴിയിലുമുള്ള സിസിടിവി ദൃശ്യങ്ങള്‍ പൊലീസ് സംഘം വിശദമായി പരിശോധിച്ചു.

മോഷ്ടാവ് ബൈക്കുമായി കൊളത്തൂര്‍ പൊലീസ് സ്റ്റേഷന്‍ ജംഗ്ഷന്‍ വരെ എത്തിയതായി ദൃശ്യങ്ങളില്‍ വ്യക്തമാണ്.എന്നാല്‍, അതിനുശേഷം ഇയാള്‍ എങ്ങോട്ട് പോയി എന്നതിനെക്കുറിച്ച്‌ നിലവില്‍ യാതൊരു വിവരവും ലഭ്യമല്ല. സംഭവത്തില്‍ പെരിന്തല്‍മണ്ണ പൊലീസ് ഔദ്യോഗികമായി കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്. മലപ്പുറം, പാലക്കാട് ജില്ലകളിലും പരിസരപ്രദേശങ്ങളിലും സമാനമായ രീതിയില്‍ വാഹന മോഷ്ടാക്കളുടെ വിളയാട്ടം തുടരുന്നുണ്ട്.

വീണ്ടും മുൻ ചാംപ്യൻമാരെ തളച്ച്‌ കേപ്പ് വെര്‍ദെ

0

മയാമി: ആഫ്രിക്കൻ രാജ്യമായ കേപ്പ് വെർദെ ഫിഫ ലോകകപ്പില്‍ സ്വപ്നതുല്യമായ കുതിപ്പ് തുടരുന്നു. ആദ്യ മത്സരത്തില്‍ മുൻ ചാംപ്യന്മാരായ സ്പെയിനിനെ സമനിലയില്‍ തളച്ച ‘ബ്ലൂ ഷാർക്സ്’, ഇത്തവണ മുൻ ചാംപ്യന്മാരായ ഉറുഗ്വെയെയാണ് 2-2 എന്ന സ്കോറിന് സമനിലയില്‍ കുരുക്കിയത്.മയാമി സ്റ്റേഡിയത്തില്‍ നടന്ന ആവേശപ്പോരാട്ടത്തില്‍ കെവിൻ പിന, ഹീലിയോ വരേല എന്നിവർ കേപ്പ് വെർദെയ്ക്കായും മാക്സി അരൗഹോ, അഗസ്റ്റിൻ കനോബിയോ എന്നിവർ ഉറുഗ്വെയ്ക്കായും ലക്ഷ്യം കണ്ടു.

ആദ്യ പകുതിയില്‍ ഒരു ഗോളിന് പിന്നില്‍ പോയ ശേഷമാണ് ബുബിസ്റ്റയുടെ ശിക്ഷണത്തിലിറങ്ങിയ കേപ്പ് വെർദെ ശക്തമായി തിരിച്ചടിച്ച്‌ സമനില പിടിച്ചെടുത്തത്. കേപ്പ് വെർദെയുടെ മിഡ്ഫീല്‍ഡർ കെവിൻ പിനയാണ് മത്സരത്തിലെ മികച്ച താരം.മത്സരത്തിന്‍റെ തുടക്കം മുതല്‍ ഇരു ടീമുകളും ആക്രമണ ഫുട്ബോളാണ് പുറത്തെടുത്തത്.

എന്നാല്‍ 21-ാം മിനിറ്റില്‍ ഉറുഗ്വെയെ ഞെട്ടിച്ചുകൊണ്ട് കേപ്പ് വെർദെ ആദ്യ ഗോള്‍ നേടി. ടെല്‍മോ അർക്കാഞ്ചോയെ ഫൗള്‍ ചെയ്തതിന് ബോക്സിനു പുറത്ത് (34 യാർഡ് അകലെ) ലഭിച്ച ഫ്രീകിക്ക് കെവിൻ പിന ഉറുഗ്വെ പ്രതിരോധ മതിലിനിടയിലൂടെ തൊടുത്ത തകർപ്പൻ ഷോട്ടിലൂടെ ഗോള്‍വലയുടെ താഴത്തെ മൂലയിലെത്തിച്ചു.ഗോള്‍ വഴങ്ങിയതോടെ ഉണർന്നു കളിച്ച മാഴ്സെലോ ബിയല്‍സയുടെ ഉറുഗ്വെ ആദ്യ പകുതി അവസാനിക്കുന്നതിന് തൊട്ടുമുൻപ് മിനിറ്റുകളുടെ വ്യത്യാസത്തില്‍ രണ്ട് ഗോളുകള്‍ നേടി കളി തങ്ങളുടെ വരുതിയിലാക്കി.44-ാം മിനിറ്റില്‍ റോഡ്രിഗോ ബെന്‍റാങ്കൂറിന്‍റെ ഹെഡർ പോസ്റ്റിലിടിച്ച്‌ മടങ്ങിയപ്പോള്‍ റീബൗണ്ടില്‍ നിന്നും അറൗഹോ ഒരു ഹെഡറിലൂടെ ഉറുഗ്വെയ്ക്ക് സമനില സമ്മാനിച്ചു.

ആദ്യ പകുതിയുടെ ഇൻജുറി ടൈമിന്‍റെ ആറാം മിനിറ്റില്‍ അറൗഹോ നല്‍കിയ ഹെഡർ സ്വീകരിച്ച്‌ കനോബിയോ കേപ്പ് വെർദെ കീപ്പർ വോസീന്യയെ മറികടന്ന് ഉറുഗ്വെയ്ക്ക് ലീഡും നല്‍കി.രണ്ടാം പകുതിയില്‍ കളി തിരിച്ചുപിടിക്കാൻ കേപ്പ് വെർദെ ശക്തമായി ശ്രമിച്ചു. 61-ാം മിനിറ്റില്‍ ഉറുഗ്വെ പ്രതിരോധ നിര വരുത്തിയ പിഴവ് മുതലെടുത്ത് ഹീലിയോ വരേല സമനില ഗോളും നേടി (2-2). തന്‍റെ ലോകകപ്പ് അരങ്ങേറ്റത്തില്‍ തന്നെ ദേശീയ ടീമിനായി ആദ്യ ഗോള്‍ നേടാൻ കഴിഞ്ഞതിന്‍റെ സന്തോഷം വരേല മത്സരശേഷം പങ്കുവെച്ചു.ഗാലറിയില്‍ ഇതിഹാസ താരം ലൂയിസ് സുവാരസിന്‍റെ സാന്നിധ്യത്തില്‍ പിന്നീട് ഉറുഗ്വെ വൻ ആക്രമണങ്ങള്‍ നടത്തിയെങ്കിലും, കേപ്പ് വെർദെ ഡിഫെൻഡർമാരായ പിക്കോ ലോപ്പസും സിഡ്നി ലോപ്പസ് കബ്രാളും ചേർന്ന് ആക്രമണങ്ങളെല്ലാം തട്ടിയകറ്റി.

മത്സരത്തിന്‍റെ അവസാന മിനിറ്റുകളില്‍ കേപ്പ് വെർദെയുടെ പല താരങ്ങളും പേശിവലിവ് കാരണം ബുദ്ധിമുട്ടിയെങ്കിലും അവർ പോരാട്ടവീര്യം കൈവിട്ടില്ല.ലോകകപ്പ് ചരിത്രത്തില്‍ ആദ്യമായാണ് നാല്‍പ്പതുകളില്‍ (40s) പ്രായമുള്ള രണ്ട് ഗോള്‍കീപ്പർമാർ ഒരു മത്സരത്തില്‍ ഒന്നിച്ച്‌ ആദ്യ ഇലവനില്‍ കളത്തിലിറങ്ങുന്നത്. ഉറുഗ്വെയുടെ ഫെർണാണ്ടോ മുസ്ലേരയും കേപ്പ് വെർദെയുടെ വോസീന്യയുമാണ് ഈ അപൂർവ റെക്കോർഡിന് ഉടമകളായത്.

ഈ സമനിലയോടെ ഗ്രൂപ്പ് എച്ചില്‍ സ്പെയിൻ ഒന്നാം സ്ഥാനത്ത് തുടരുമ്പോള്‍ ഉറുഗ്വെയും കേപ്പ് വെർദെയും രണ്ടും മൂന്നും സ്ഥാനങ്ങളിലാണ്. അവസാന ഗ്രൂപ്പ് മത്സരങ്ങളില്‍ സ്പെയിൻ ഉറുഗ്വെയെയും കേപ്പ് വെർദെ സൗദി അറേബ്യയെയും നേരിടും. നോക്കൗട്ട് റൗണ്ടിലേക്ക് കടക്കാൻ വരാനിരിക്കുന്ന മത്സരങ്ങള്‍ ഇരു ടീമുകള്‍ക്കും നിർണായകമാണ്.

ആറ് വയസുകാരനെ ആക്രമിച്ച് തെരുവുനായ; വീടിന്റെ ഒന്നാം നിലയിൽ നിന്ന് താഴേയ്ക്ക് ചാടി രക്ഷിച്ച് സഹോദരൻ.

0

ചങ്ങരംകുളം : ആലംകോട് ആറ് വയസുകാരന് നേരെ പാഞ്ഞടുത്ത് തെരുവുനായ. വീടിന് മുന്നില്‍ നില്‍ക്കുമ്പോഴായിരുന്നു കുട്ടിക്ക് നേരെ നായ പാഞ്ഞടുത്തത്. കഴിഞ്ഞ ദിവസമായിരുന്നു സംഭവം നടന്നത്. സംഭവം ശ്രദ്ധയില്‍പ്പെട്ട ഉടന്‍ കുട്ടിയുടെ സഹോദരന്‍ വീടിന്റെ ഒന്നാം നിലയില്‍ നിന്ന് താഴേയ്ക്ക് ചാടി കുട്ടിയെ രക്ഷിച്ചു. സംഭവത്തിന്റെ സിസിടിവി ദൃശ്യം പുറത്തു വന്നു.ആറ് വയസുകാരനെ നായ ആക്രമിക്കുന്നത് വീഡിയോയിലുണ്ട്. നായയുടെ ആക്രമണത്തില്‍ കുട്ടി നിലത്ത് വീണുപോകുന്നുണ്ട്. ഇതിനിടെയാണ് സഹോദരന്‍ വീടിന്റെ മുകളിലത്തെ നിലയില്‍ നിന്ന് താഴേയ്ക്ക് ചാടുന്നത്.

ഈ സമയം ആറ് വയസുകാരന്‍ വീടിന് അകത്തേയ്ക്ക് കയറുകയും അമ്മ ഓടിവരികയും ചെയ്തു.ഓടിക്കാനുള്ള ശ്രമത്തിനിടെ നായ സഹോദരനെയും കടിക്കുന്നുണ്ട്. വടി ഉപയോഗിച്ചാണ് സഹോദരന്‍ നായയെ പ്രതിരോധിച്ചത്. സഹോദരൻ്റെ അടിയിൽ നായയുടെ ബോധം നഷ്ടപ്പെട്ടു. സഹോദരന്‍ മറ്റൊരു വടിയുമായി എത്തുന്ന സമയത്ത് നായയ്ക്ക് ബോധം വരികയും വഴിയാത്രക്കാരനെ ആക്രമിക്കുകയും ചെയ്തു. നായയെ പിന്നീട് തല്ലിക്കൊന്നു. സംഭവത്തിന്റെ ദൃശ്യങ്ങളും പുറത്തുവന്നിട്ടുണ്ട്. പ്രദേശത്ത് തെരുവുനായ്ക്കളുടെ ശല്യം രൂക്ഷമാണെന്ന് നാട്ടുകാര്‍ പറഞ്ഞു.

സ്ത്രീകൾക്ക് ഓർഡിനറിയിലെ സൗജന്യയാത്ര പദ്ധതി പ്രിയദർശിനിക്കെതിരായ ഹർജി തള്ളി ഹൈക്കോടതി.

0

കൊച്ചി: സർക്കാരിന്റെ പ്രിയദർശിനി ബസ് സൗജന്യ യാത്രാ പദ്ധതിക്കെതിരെ നൽകിയ പൊതുതാൽപര്യ ഹർജി ഹൈക്കോടതി തള്ളി. ഭരണഘടനാവിരുദ്ധത ചൂണ്ടിക്കാട്ടാൻ ഹർജിക്കാരനായില്ലെന്ന് ഹൈക്കോടതി വ്യക്തമാക്കി. സ്ത്രീകൾക്ക് സൗജന്യ യാത്ര അനുവദിക്കുന്നതിലൂടെ ലിംഗാടിസ്ഥാനത്തിലുള്ള വേർതിരിവാണ് സർക്കാർ നടത്തുന്നതെന്ന് ഹർജിയിൽ ആരോപിച്ചിരുന്നു. ഭരണഘടന ഉറപ്പുനൽകുന്ന തുല്യതക്കുള്ള അവകാശമായ 14, 15 അനുച്ഛേദങ്ങളുടെ ലംഘനം ഉണ്ടെന്നു ഹർജിക്കാരൻ ആരോപിച്ചിരുന്നു. എന്നാൽ ആരോപണം തെളിയിക്കാനായില്ലെന്ന് വ്യക്തമാക്കിയാണ് കോടതി ഹർജി തള്ളിയത്.

ഓപ്പറേഷൻ തൂഫാൻ’: ആരുടെയും ശുപാർശകൾ സ്വീകരിക്കരുതെന്ന് പോലീസിന് കർശന നിർദ്ദേശം.

ഓപ്പറേഷൻ തൂഫാനുമായി ബന്ധപ്പെട്ട് ആരുടെയും ശുപാർശകൾ സ്വീകരിക്കരുതെന്ന് പോലീസ് ഉദ്യോഗസ്ഥർക്ക് കർശന നിർദ്ദേശം നൽകിയതായി ആഭ്യന്തരമന്ത്രി രമേശ് ചെന്നിത്തല.ജോലിയിൽ വെള്ളം ചേർക്കുന്ന ഉദ്യോഗസ്ഥർക്കെതിരെ നടപടി ഉണ്ടാകും.ആംബുലൻസിന്റെയും ഭക്ഷണ വിതരണത്തിന്റെയും മറവിൽ മയക്കുമരുന്ന് വിൽപ്പന നടത്തുന്നവർക്കെതിരെ കർശന നടപടി ഉണ്ടാകുമെന്നും രമേശ് ചെന്നിത്തല ആലപ്പുഴയിൽ പറഞ്ഞു.ഓപ്പറേഷൻ തൂഫാൻ വൻവിജയമാണെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു.പലയിടത്തും ജനങ്ങൾ തന്നെ റെയ്ഡിന് ഇറങ്ങുന്നുണ്ട്.15 കോടി രൂപ വില വരുന്ന മയക്കുമരുന്ന് സാധനങ്ങൾ ഇതുവരെ പിടിച്ചെടുത്തു.മൂവായിരത്തോളം പേരെ അറസ്റ്റ് ചെയ്തു.ആംബുലൻസ് സർവീസിന്റെയും ഓൺലൈൻ ഭക്ഷണ വിതരണത്തിന്റെയും മറവിൽ മയക്കുമരുന്ന് വിൽപ്പന നടത്തുന്നത് ശ്രദ്ധയിൽപ്പെട്ടിട്ടുണ്ട്.ഇത്തരക്കാർക്കെതിരെ കർശന നടപടി ഉണ്ടാകും.എൻ ഡി പി എസ് നിയമം ശക്തിപ്പെടുത്തുന്ന വിഷയം പാർലമെന്റിൽ ഉന്നയിക്കാൻ എം പിമാരോട് സർക്കാർ ആവശ്യപ്പെടുമെന്നും രമേശ് ചെന്നിത്തല പറഞ്ഞു.ആലപ്പുഴ മെഡിക്കൽ കോളേജിനെ ദുർബലപ്പെടുത്തുന്ന ഒരു നീക്കത്തോടും താല്പര്യമില്ല.ആലപ്പുഴക്കാർക്ക് ഒന്നിൽ കൂടുതൽ മെഡിക്കൽ കോളേജുകൾ വേണ്ട എന്ന് പറയുന്നതിന്റെ അർത്ഥം മനസ്സിലാകുന്നില്ല.ഹരിപ്പാട് പ്രഖ്യാപിച്ച മെഡിക്കൽ കോളേജ് പൂർണമായും സർക്കാർ ഉടമസ്ഥതയിൽ ആയിരിക്കുമെന്നും രമേശ് ചെന്നിത്തല പറഞ്ഞു.

BJP തിരുവമ്പാടി മണ്ഡലം അന്താരാഷ്ട്ര യോഗ ദിനം ആചരിച്ചു.

0

ഈങ്ങാപ്പുഴ: ജൂൺ -21 അന്താരാഷ്ട്ര യോഗ ദിനത്തോട് അനുബന്ധിച്ച് ബി.ജെ.പി തിരുവമ്പാടി മണ്ഡലം കമ്മറ്റി ഈങ്ങാപ്പുഴയിൽ വെച്ച് യോഗ പരിശീലനം സംഘടിപ്പിച്ചു. “Yoga for healthy ageing” – ആരോഗ്യകരമായ വാർദ്ധക്യത്തിന് യോഗ – എന്ന ഈ വർഷത്തെ സന്ദേശം ഏറ്റവും അർത്ഥവത്തും കാലികപ്രസക്തവുമാണ്.

യോഗ ജീവിതത്തിൻ്റെ ഭാഗമായാൽ ജീവിത ശൈലി രോഗങ്ങൾ വളരെയേറെ കുറക്കാൻ വരെ സഹായകരമാണെന്ന് പരിപാടി ഉദ്ഘാടനം ചെയ്തു കൊണ്ട് ബി.ജെ.പി കോഴിക്കോട് ജില്ല സിക്രട്ടറി ശ്രീ. രാജേന്ദ്രൻ കുളങ്ങര പറഞ്ഞു. ഈങ്ങാപ്പുഴയിൽ വെച്ച് സംഘടിപ്പിച്ച പരിപാടിയിൽ അദ്ധ്യക്ഷൻ – ബി.ജെ.പി മണ്ഡലം പ്രസിഡണ്ട് ടി.എ.സെബാസ്റ്റ്യൻ മാസ്റ്റർ, സ്വാഗതം – മണ്ഡലം ജന. സിക്രട്ടറി ടി.പി.അനന്തനാരായണൻ, ആശംസ – ന്യൂനപക്ഷ മോർച്ച ജില്ല പ്രസിഡണ്ട് ജോണികുമ്പുളുങ്ങൽ, നന്ദി – മനോജ് പെരുമ്പള്ളി പറഞ്ഞു. യോഗ പരിശീലനത്തിന് നേതൃത്വം നൽകിയത് ശ്രീമതി. മഞ്ജുഷ.എം.ബി ആയിരുന്നു.

എറണാകുളം വൈപ്പിനില്‍ കപ്പലിന് തീപിടിച്ചു..

0

കൊച്ചി: എറണാകുളം വൈപ്പിനില്‍ കപ്പലിന് തീപിടിച്ചു. കൊച്ചി വൈപ്പിനിലെ സ്വകാര്യ ഷിപ്പ് യാര്‍ഡില്‍ അറ്റകുറ്റപ്പണിക്ക് എത്തിച്ച വിദേശ കപ്പലിനാണ് തീപിടിച്ചത്. തീ അണയ്ക്കാന്‍ ഫയര്‍ഫോഴ്‌സ് ശ്രമം തുടരുന്നു.വൈപ്പിന്‍ കാളമുക്കിലെ സ്വകാര്യ ഷിപ്പ് യാര്‍ഡിലാണ് സംഭവം. പുലര്‍ച്ചെ കപ്പലിന്റെ മുകള്‍ഭാഗത്തു നിന്നും തീ ഉയരുന്നത് മത്സ്യത്തൊഴിലാളികളുടെ ശ്രദ്ധയില്‍പ്പെട്ടത്. ഉടന്‍ തന്നെ വിവരം അധികൃതരെ അറിയിച്ചു.കപ്പലിന്റെ മുകള്‍ ഭാഗത്ത് തീ വ്യാപിച്ചതായാണ് റിപ്പോര്‍ട്ട്. എന്താണ് തീപിടിത്തത്തിന് കാരണമെന്ന് വ്യക്തമല്ല. സമീപത്ത് അറ്റകുറ്റപ്പണിക്കെത്തിച്ച നിരവധി ബോട്ടുകളും കപ്പലുകളും ഉള്ളതിനാല്‍ തീ അണയ്ക്കാനുള്ള തീവ്രശ്രമത്തിലാണ് ഫയര്‍ ഫോഴ്‌സ്.

മരത്തിൽ നിന്ന് വീണ് ചികിത്സയിലായിരുന്ന യുവാവ് മരണപെട്ടു.

0

താമരശ്ശേരി: മരത്തിൽ നിന്ന് വീണ് കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്നകോരങ്ങാട് വട്ടക്കൊരുവിൽ യു.കെ അബ്ദുള്ളക്കുട്ടിയുടെ മകൻ യു.കെ നജാദ്( 39) നിര്യാതനായി. മാതാവ്: കദീജഭാര്യ : ഫരീദ ഫർസാനമക്കൾ:: പൈസ നെഹ്റിൻസഹോദരങ്ങൾ. മുഹമ്മദ് നദീർ. ( പോപ്പുലർ ഡ്രൈവിംഗ് സ്കൂൾ താമരശ്ശേരി) നബീല,നബീൽ.