spot_img
Friday, November 20, 2026
Home Blog Page 167

യുഡിഎഫ് സർക്കാരിന്റെ ആദ്യ ബജറ്റ് പൊതുചർച്ചയ്ക്ക് ഇന്ന് നിയമസഭയിൽ തുടക്കമാകും.

തിരുവനന്തപുരം: യുഡിഎഫ് സർക്കാരിന്റെ ആദ്യ ബജറ്റിന്മേലുള്ള പൊതുചർച്ചയ്ക്ക് ഇന്ന് സംസ്ഥാന നിയമസഭയിൽ തുടക്കമാകും. ബജറ്റിലെ വിവിധ നിർദ്ദേശങ്ങളെച്ചൊല്ലി ഭരണ-പ്രതിപക്ഷങ്ങൾ തമ്മിൽ കനത്ത വാദപ്രതിവാദങ്ങൾക്ക് സഭ വേദിയാകുമെന്നാണ് സൂചന. ധനമന്ത്രി അവതരിപ്പിച്ച ബജറ്റിലെ പ്രഖ്യാപനങ്ങളെ രാഷ്ട്രീയമായും ജനകീയമായും നേരിടാൻ പ്രതിപക്ഷം തന്ത്രങ്ങൾ മെനഞ്ഞുകഴിഞ്ഞു.

വീര്യം കുറഞ്ഞ മദ്യത്തിന്റെ നികുതി കുറച്ച് വിൽപന നടത്താനുള്ള ബജറ്റ് നിർദ്ദേശവും, ധാതു സംസ്കരണ മേഖലയിൽ സ്വകാര്യ പങ്കാളിത്തം അനുവദിക്കാനുള്ള തീരുമാനവുമായിരിക്കും പ്രതിപക്ഷം സഭയിൽ പ്രധാന ആയുധമാക്കുക.ഈ രണ്ട് വിഷയങ്ങളിലും സർക്കാരിനെ കടുത്ത പ്രതിരോധത്തിലാക്കാനാണ് പ്രതിപക്ഷത്തിന്റെ നീക്കം.

പരിസ്ഥിതി നാശത്തിനും ലഹരിവ്യാപനത്തിനും ഈ തീരുമാനങ്ങൾ കാരണമാകുമെന്ന് ചൂണ്ടിക്കാട്ടി സഭയ്ക്കകത്തും പുറത്തും ശക്തമായ പ്രതിഷേധം ഉയർത്താനാണ് അവർ ലക്ഷ്യമിടുന്നത്.അതേസമയം, ഈ ബജറ്റ് നിർദ്ദേശങ്ങളിൽ ഭരണകക്ഷിയായ കോൺഗ്രസിനുള്ളിൽ തന്നെ ഭിന്നതയും പ്രതിഷേധവും കനക്കുകയാണെന്നാണ് റിപ്പോർട്ടുകൾ. പാരമ്പര്യ നിലപാടുകളിൽ നിന്നുള്ള വ്യതിയാനം പാർട്ടിയുടെ പ്രതിച്ഛായയെ ബാധിക്കുമെന്ന ആശങ്ക ഒരുവിഭാഗം നേതാക്കൾക്കുണ്ട്.പാർട്ടിയിലും മുന്നണിയിലും വിവാദങ്ങൾ പുകയുന്ന പശ്ചാത്തലത്തിൽ, എക്സൈസ് മന്ത്രി ഇന്ന് മുഖ്യമന്ത്രിയെ കണ്ട് നിലവിലെ സാഹചര്യങ്ങളും തുടർനടപടികളും ചർച്ച ചെയ്തേക്കുമെന്നാണ് വിവരം.

ഇന്നും മഴ തന്നെ; എട്ട് ജില്ലകളിൽ യെല്ലോ അലേർട്ട്.

0

സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. ഇന്ന് എട്ട് ജില്ലകളിൽ കേന്ദ്ര കാലാവസ്ഥാ വകുപ്പ് ശക്തമായ മഴയ്ക്കുള്ള യെല്ലോ മുന്നറിയിപ്പ് നൽകിയിട്ടുണ്ട്. കാസർഗോഡ്, കണ്ണൂർ, കോഴിക്കോട്, വയനാട്, മലപ്പുറം, എറണാകുളം, തൃശൂർ, ആലപ്പുഴ എന്നീ ജില്ലകളിലാണ് യെല്ലോ അലേർട്ട് പ്രഖ്യാപിച്ചത്.മറ്റ് ജില്ലകളിൽ ഇന്ന് മഴ മുന്നറിപ്പ് നൽകിയിട്ടില്ല. അതേസമയം ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്കും മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകിയിട്ടുണ്ട്.

കേരള ലക്ഷദീപ് തീരങ്ങളിൽ ഇന്ന് മത്സ്യ ബന്ധനത്തിനും വിലക്കുണ്ട്.നാളെ രണ്ട് ജില്ലകളിലാണ് നിലവിൽ യെല്ലോ അലേർട്ട് പ്രഖ്യാപിച്ചിട്ടുള്ളത്. കാസർ​ഗോഡും കണ്ണൂരുമാണ് നാളെ യെല്ലോ മുന്നറിയിപ്പ് പ്രഖ്യാപിച്ചത്. ജൂൺ 25ന് പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലും യെല്ലോ അലേർട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലകളിൽ പ്രവചിക്കപ്പെട്ടിരിക്കുന്നത്. അതായത്, 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിച്ചേക്കും.

സിബിഎസ്ഇ പ്ലസ് ടു പുനർ മൂല്യനിർണയ ഫലം പ്രഖ്യാപിച്ചു.

0

ന്യൂഡൽഹി : സിബിഎസ്ഇ പ്ലസ് ടു പുനർ മൂല്യനിർണയ ഫലം പ്രഖ്യാപിച്ചു. ഉത്തരക്കടലാസുകളുടെ വേരിഫിക്കേഷൻ, റീ-വാല്യുവേഷൻ എന്നിവയ്ക്ക് അപേക്ഷിച്ചവരുടെ ഫലമാണ് പ്രസിദ്ധീകരിച്ചത്. ലഭിച്ച അപേക്ഷകളിൽ 87 ശതമാനത്തിന്റെ ഫലമാണ് പ്രഖ്യാപിച്ചത്. ബാക്കിയുള്ള അപേക്ഷകളുടെ ഫലം ഉടൻ പ്രഖ്യാപിക്കുമെന്നും മുഴുവൻ നടപടിക്രമങ്ങളും ഉടൻ പൂർത്തിയാക്കുമെന്നും സിബിഎസ്ഇ അറിയിച്ചു. ‌സിബിഎസ്ഇയുടെ ഔദ്യോഗിക വെബ്സൈറ്റ് മുഖേന വിദ്യാർഥികൾക്ക് ഫലം പരിശോധിക്കാം. results. digilocker. gov. in എന്ന വെബ്സൈറ്റിലൂടെയും അപേക്ഷ സ്റ്റാറ്റസ് ലഭ്യമാകുമെന്ന് സിബിഎസ്ഇ അറിയിച്ചു.

വരവറിയിച്ച് യമാൽ, വലനിറച്ച് സ്‌പെയിൻ; എതിരില്ലാത്ത നാലുഗോളിന് സൗദിയെ കീഴടക്കി.

0

അറ്റ്‌ലാന്റ: തുടക്കം മുതൽ ആക്രമണം, കേപ് വെർദെയ്‌ക്കെതിരേ കണ്ട സ്‌പെയിനായിരുന്നില്ല സൗദിക്കെതിരേ… ലാമിൻ യമാലും ഒയർസബാലും ചേർന്ന് സൗദിയെ തകർത്തെറിഞ്ഞു. എതിരില്ലാത്ത നാലുഗോളിനാണ് സ്‌പെയിൻ സൗദി അറേബ്യയെ കീഴടക്കിയത്. മൈക്കേൽ ഒയർസബാൽ ഇരട്ടഗോളുകൾ നേടി. യമാൽ കരിയറിലെ ആദ്യ ലോകകപ്പ് ഗോളും നേടി. ഈ ലോകകപ്പിലെ സ്‌പെയിനിന്റെ ആദ്യ ജയമാണിത്.ആദ്യപതിനൊന്നിൽ സ്പാനിഷ് കൗമാരതാരം ലാമിൻ യമാലെത്തിയതോടെ സ്‌പെയിനിന്റെ ആക്രമണങ്ങൾക്ക് വേഗത കൂടി.

മത്സരം ആരംഭിച്ചതുമുതൽ സ്‌പെയിൻ, സൗദി പ്രതിരോധനിരയ്ക്ക് വെല്ലുവിളി സൃഷ്ടിച്ചുകൊണ്ടേയിരുന്നു. പത്താം മിനിറ്റിൽ തന്നെ ആദ്യ ഗോളും പിറന്നു. കൗമാരതാരം ലാമിൻ യമാൽ തന്നെ ലോകകപ്പിലെ ടീമിന്റെ ആദ്യ ഗോൾ നേടി. മികച്ച കൗണ്ടർ അറ്റാക്കിനൊടുക്കം ഇടതുവിങ്ങിൽ നിന്ന് മൈക്കൽ ഒയർസബാലിന്റെ ക്രോസ്സിൽ നിന്നാണ് ഗോൾ പിറന്നത്. ക്രോസ്സ് സൗദി താരങ്ങളെ മറികടന്ന് യമാലിന്റെ കാലിലെത്തി. താരം അനായാസം വലയിലെത്തിച്ചു. യമാലിന്റെ ആദ്യ ലോകകപ്പ് ഗോൾ കൂടിയായിരുന്നു ഇത്.ഗോളിന് പിന്നാലെ സ്‌പെയിൻ മുന്നേറ്റനിര സൗദി ബോക്‌സിലേക്ക് ഇരച്ചെത്തി.

ഒയർസബാലും അലക്‌സ് ബെയ്‌നയും നിരന്തരം ആക്രമണങ്ങൾ നടത്തി. 21-ാം മിനിറ്റിൽ ഒയർബസാൽ രണ്ടാം ഗോൾ നേടി. കോർണറിന് പിന്നാലെ സൗദി ബോക്‌സിനുള്ളിലെ കൂട്ടപ്പൊരിച്ചിലിനൊടുക്കം താരം വലകുലുക്കി. മിനിറ്റുകൾക്കകം താരം മത്സരത്തിലെ രണ്ടാം ഗോളും നേടി. പെനാൽറ്റി ബോക്‌സിനുള്ളിൽ നിന്ന് സ്‌പെയിൻ നടത്തിയ മികച്ച നീക്കമാണ് ഗോളിലേക്ക് വഴിവെച്ചത്. ബോക്‌സിനുള്ളിൽ നിന്ന് ലപോർട്ടയുടെ ഹെഡർ ഒരു ഇടംകാലൻ ഷോട്ടിലൂടെ ഒയർസബാൽ വലയിലാക്കി. 24 മിനിറ്റിൽ തന്നെ സ്‌പെയിൻ മൂന്ന് ഗോളിന് മുന്നിലായി.പിന്നീട് സ്‌പെയിൻ മുന്നേറ്റങ്ങളെ പ്രതിരോധിച്ച സൗദി ആദ്യപകുതിയിൽ കൂടുതൽ ഗോൾ വഴങ്ങിയില്ല. ആദ്യപകുതി 3-0 ന് സ്‌പെയിൻ മുന്നിട്ടുനിന്നു. രണ്ടാം പകുതിയിൽ യമാലിനെയും ഒയർസബാലിനെയും സ്‌പെയിൻ കോച്ച് പിൻവലിച്ചു. പകരം യെറെമി പിനോയും ഫെറാൻ ടോറസുമാണ് കളത്തിലിറങ്ങിയത്. 49-ാം മിനിറ്റിൽ സ്‌പെയിൻ ലീഡ് നാലാക്കി ഉയർത്തി. സൗദി താരം ഹസ്സന്റെ സെൽഫ് ഗോളാണ് ലീഡുയർത്തിയത്.

മാർക് കുകുറെയ്യയുടെ ഷോട്ട് സൗദി ഗോൾകീപ്പർ തട്ടിയകറ്റിയെങ്കിലും പന്ത് ഹസന്റെ മേൽ തട്ടി വലയിൽ പതിച്ചു.നാലാം ഗോളും വീണതോടെ സൗദി തീർത്തും പ്രതിരോധത്തിലായി. പിന്നീട് മത്സരത്തിലേക്ക് തിരിച്ചുവരാൻ സൗദിക്കായില്ല. സ്‌പെയിനാകട്ടെ നിക്കോ വില്ല്യംസിനെയും മെറിനോയേയും കളത്തിലിറത്തി മുന്നേറ്റങ്ങൾ തുടർന്നു. മത്സരത്തിന്റെ അവസാനം സ്‌പെയിൻ വലകുലുക്കിയെങ്കിലും ഓഫ്‌സൈഡായതോടെ ഗോൾ നിഷേധിച്ചു. അതോടെ 4-0 ന് ജയിച്ച് സ്‌പെയിൻ ഈ ലോകകപ്പിലെ ആദ്യ ജയവുമായി മടങ്ങി.

ആവി പിടിക്കുന്നതിനിടെ തിളച്ച വെള്ളം ശരീരത്തിൽ വീണു; 14 വയസ്സുകാരന് ദാരുണാന്ത്യം.

0

തൃശൂർ : ആവി പിടിക്കുന്നതിനിടെ തിളച്ച വെള്ളം ശരീരത്തിൽ വീണ് പതിനാല് വയസ്സുകാരന് ദാരുണാന്ത്യം. നെല്ലാനി സ്വദേശി എയ്ഞ്ചലോ ആണ് മരിച്ചത്. കളപ്പുരയ്ക്കൽ മെജോയുടെ മകനാണ്.എയ്ഞ്ചലോയ്ക്ക് പനിയും ജലദോഷവും ഉണ്ടായിരുന്നു. അതിനാൽ പാത്രത്തിൽ തിളച്ച വെള്ളം നിറച്ച് പുതപ്പ് മൂടി ആവി പിടിക്കുകയായിരുന്നു. ഇതിനിടെയാണ് പാത്രം വീണ് പൊള്ളലേറ്റത്. സംഭവം നടക്കുമ്പോൾ അച്ഛനും മുത്തശ്ശിയും വീടിന് സമീപത്തായിരുന്നു.

ഉപഭോക്താക്കളെ പറ്റിക്കരുത്! കിൻഡര്‍ ജോയ്ക്കും സഫോള ഓയിലിനും പ്ലക്ക് ജ്യൂസിനും എഫ്.എസ്.എസ്.എ.ഐ നോട്ടീസ്.

0

ന്യൂഡല്‍ഹി: പ്രമുഖ ബ്രാൻഡുകളുടെ ആരോഗ്യ അവകാശവാദങ്ങളും പാക്കറ്റുകളിലെ പരസ്യവാചകങ്ങളും തെറ്റിദ്ധരിപ്പിക്കുന്നതാണെന്ന് കണ്ടെത്തിയതിനെത്തുടർന്ന് ഫുഡ് സേഫ്റ്റി ആൻഡ് സ്റ്റാൻഡേർഡ്സ് അതോറിറ്റി ഓഫ് ഇന്ത്യ (FSSAI) കർശന നടപടിയിലേക്ക്.കിൻഡർ ജോയ്, സഫോള ഓയില്‍, പ്ലക്ക് മാംഗോ ജ്യൂസ് ഉള്‍പ്പെടെ രാജ്യത്ത് മുൻപന്തിയിലുള്ള നിരവധി പ്രമുഖ ഉല്‍പ്പന്നങ്ങള്‍ക്കാണ് അതോറിറ്റി കാരണംകാണിക്കല്‍ നോട്ടീസ് അയച്ചിരിക്കുന്നത്.

ഉപഭോക്താക്കളെ തെറ്റിദ്ധരിപ്പിക്കുന്ന ബ്രാൻഡ് പേരുകളും പാക്കേജിങ് വിവരങ്ങളും നല്‍കി കബളിപ്പിക്കുന്നത് തടയുന്നതിന്റെ ഭാഗമായാണ് കേന്ദ്ര ഭക്ഷ്യസുരക്ഷാ വകുപ്പിന്റെ ഈ നിർണായക നീക്കം.എഫ്.എസ്.എസ്.എ.ഐ പൂട്ടCore ഇട്ട പ്രധാന അവകാശവാദങ്ങള്‍:കിൻഡർ ജോയ് (ഫെറേറോ ഇന്ത്യ): മിഠായിയുടെ കവറിന് പുറത്ത് ‘മില്‍ക്ക് സോളിഡുകളാല്‍ സമ്പന്നം’ (Rich in Milk Solids) എന്ന് രേഖപ്പെടുത്തിയിരിക്കുന്നത് തെറ്റിദ്ധരിപ്പിക്കുന്നതാണെന്ന് അതോറിറ്റി ചൂണ്ടിക്കാട്ടി. ഉല്‍പ്പന്നത്തില്‍ അവകാശപ്പെടുന്ന അത്രയും മില്‍ക്ക് സോളിഡുകള്‍ അടങ്ങിയിട്ടില്ല.

സഫോള ടോട്ടല്‍ ഹാർട്ട് പ്രോ (മാരികോ ലിമിറ്റഡ്): പാക്കറ്റിലെ ‘ഹാർട്ട് പ്രോ’ (Heart Pro) എന്ന പേരും ഹൃദയത്തിന്റെ ചിത്രവും ഇത് ഹൃദയാരോഗ്യത്തിന് ഉത്തമമാണെന്ന തെറ്റായ ധാരണ ഉപഭോക്താക്കളില്‍ ഉണ്ടാക്കുന്നു. കൂടാതെ ‘ഗുഡ് ഫാറ്റ് ബാലൻസ്’ എന്ന വാദത്തിന് ശാസ്ത്രീയ തെളിവ് ഹാജരാക്കാനും അതോറിറ്റി ആവശ്യപ്പെട്ടിട്ടുണ്ട്.അസ്-ഇറ്റ്-ഈസ് ആറ്റം പ്രോട്ടീൻ (മെഡിസെൻ ലാബ്സ്): ഇവരുടെ വേ പ്രോട്ടീൻ പാക്കറ്റിലെ ‘ശുദ്ധവും ആരോഗ്യകരവും’, ‘100% ആധികാരികം’ എന്നീ വാചകങ്ങള്‍ നിലവിലെ ഭക്ഷ്യസുരക്ഷാ നിയമങ്ങള്‍ക്ക് വിരുദ്ധമാണ്.

‘ഈസി ഡൈജസ്റ്റ്’, ‘റാപ്പിഡ് റിക്കവറി’ എന്നീ അവകാശവാദങ്ങള്‍ക്ക് യാതൊരു ശാസ്ത്രീയ അടിത്തറയുമില്ല.പ്ലക്ക് മാംഗോ ജ്യൂസ്: ജ്യൂസ് പാക്കറ്റിലെ ‘നോ ആഡഡ് ഷുഗർ’ (പഞ്ചസാര ചേർത്തിട്ടില്ല) എന്ന വാദം തികച്ചും തെറ്റിദ്ധരിപ്പിക്കുന്നതാണെന്ന് എഫ്.എസ്.എസ്.എ.ഐ വ്യക്തമാക്കുന്നു.ഇവ കൂടാതെ ‘നേച്വറല്‍ പനീർ’, ഗൗർ ഹെല്‍ത്തി ഫുഡിന്റെ ‘സില്‍ക്കൻ ടോഫു’, മാസ്റ്റർ ചോ ഫുഡ്‌സിന്റെ ‘റാമെൻ നൂഡില്‍സ്’ എന്നിവയ്ക്കും നോട്ടീസ് ലഭിച്ചിട്ടുണ്ട്. പനീർ ഒരു സംയുക്ത ഭക്ഷണമായിരിക്കെ ‘നേച്വറല്‍’ എന്ന് വിശേഷിപ്പിച്ചത് നിയമവിരുദ്ധമാണെന്ന് അതോറിറ്റി കണ്ടെത്തി.

ഗുണനിലവാര പ്രശ്നമല്ല, ലേബലിലെ കള്ളത്തരം!നിലവില്‍ ഈ ഉല്‍പ്പന്നങ്ങളുടെ ഗുണനിലവാരത്തിലോ സുരക്ഷയിലോ പാകപ്പിഴകള്‍ കണ്ടെത്തിയിട്ടില്ല. എന്നാല്‍, കവറിനു പുറത്തെ പരസ്യവാചകങ്ങളിലൂടെയും ലേബലുകളിലൂടെയും ഉപഭോക്താക്കളെ ആകർഷിക്കാൻ നടത്തുന്ന വ്യാജ അവകാശവാദങ്ങള്‍ക്കെതിരെയാണ് നടപടി. നോട്ടീസ് ലഭിച്ച കമ്പനികള്‍ നിശ്ചിത സമയത്തിനകം തങ്ങളുടെ വാദങ്ങള്‍ക്ക് കൃത്യമായ വിശദീകരണവും ശാസ്ത്രീയ രേഖകളും സമർപ്പിക്കേണ്ടതുണ്ട്. തൃപ്തികരമായ മറുപടി ലഭിക്കാത്ത പക്ഷം ബ്രാൻഡുകള്‍ക്കെതിരെ കൂടുതല്‍ കടുത്ത നടപടികളുണ്ടാകും.

ചക്ക തലയിൽ വീണ്‌ ബൈക്കിൽ സഞ്ചരിച്ച വിദ്യാർഥിക്ക് പരിക്ക്.

0

കോട്ടയം: ചക്ക തലയിൽ വീണ് ബൈക്ക് യാത്രികനായ വിദ്യാർഥിക്ക് പരിക്ക്. പരുത്തുംപാറ പാറക്കുളം സ്വദേശിയായ ഷിഹാബിന്റെ മകൻ ഷാഹിദി (9) നാണ് പരിക്കേറ്റത്. പാക്കിൽനിന്ന് പന്നിമറ്റത്തിന് പോകുന്ന റോഡിൽ ശനിയാഴ്ചയായിരുന്നു അപകടം. അച്ഛൻ ഷിഹാബിന് ഒപ്പം ബൈക്കിൽ സഞ്ചരിച്ച ഷാഹിദിന്റെ തലയിലേക്ക് നാൽപ്പതടിയോളം ഉയരത്തിൽ നിന്ന് ചക്ക വീഴുകയായിരുന്നു.

ഹെൽമെറ്റുണ്ടായിരുന്നതിനാൽ വലിയ അപകടം ഒഴിവായി. അപകടത്തെത്തുടർന്ന് മെഡിക്കൽ കോളേജ് ആശുപത്രിയിൽ പ്രവേശിപ്പിച്ച കുട്ടിയെ പിന്നീട് കുട്ടികളുടെ ആശുപത്രിയിലേക്ക് മാറ്റി.അപകടാവസ്ഥയിലായ പ്ലാവ് വെട്ടിമാറ്റണമെന്ന ആവശ്യത്തിന് വർഷങ്ങളുടെ പഴക്കമുണ്ട്. ഇക്കാര്യം ആവശ്യപ്പെട്ട് കൗൺസിലർ ബിജുകുമാർ നഗരസഭയിൽ ഉൾപ്പെടെ നേരത്തെ പരാതി നൽകിയിരുന്നു. വാർഡിന്റെ വിവിധ ഭാഗങ്ങളിലായി ഇത്തരത്തിൽ നാല് പ്ലാവുകൾ അപകട ഭീഷണി ഉയർത്തുന്നുണ്ട്. അപകടാവസ്ഥയിലായ പ്ലാവുകൾ വെട്ടിമാറ്റാൻ സംവിധാനം ഒരുക്കാത്തത് പ്രതിഷേധം ഉയർത്തി.

ആകാശയാത്രയിലും ഇന്റർനെറ്റ് ഉപയോഗിക്കാം; എല്ലാ വിമാനങ്ങളിലും വൈ-ഫൈ സേവനത്തിന് നിർദേശം.

0

ന്യൂഡൽഹി: എല്ലാ ആഭ്യന്തര വിമാനക്കമ്പനികളും തങ്ങളുടെ യാത്രക്കാർക്ക് വൈ-ഫൈ സേവനം നൽകുന്നത് പരിഗണിക്കണമെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) നിർദേശിച്ചു. എയർലൈനുകളുടെ ഡെപ്യൂട്ടി മാനേജർമാർക്ക് അയച്ച കത്തിലാണ് ഡിജിസിഎ ഇക്കാര്യം ആവശ്യപ്പെട്ടത്. വിമാനയാത്രയിൽ സ്‌മാർട്ട്‌ഫോണുകൾ ഫ്ലൈറ്റ് മോഡിലായിരിക്കുന്ന സമയം യാത്രക്കാർക്ക് വൈ-ഫൈ വഴി ഇന്റർനെറ്റ് സേവനങ്ങൾ ഉപയോഗിക്കാൻ എയർക്രാഫ്റ്റ് റൂൾസ് 1937ലെ റൂൾ 29 ബി അനുവദിക്കുന്നതായി കത്തിൽ കൂട്ടിച്ചേർത്തിട്ടുണ്ട്. ഇന്ത്യൻ വ്യോമയാന മേഖലയെ ആഗോളതലത്തിലേക്ക് മാറ്റാനുള്ള കേന്ദ്രസർക്കാർ നീക്കത്തിന്റെ ഭാഗമാണിത്. എന്നാൽ, ഈ ആവശ്യം അംഗീകരിക്കാൻ കഴിയില്ലെന്നാണ് വിവിധ എയർലൈൻ എക്‌സിക്യൂട്ടീവുകൾ പ്രതികരിക്കുന്നത്.

ഇത് പ്രയാസമുള്ളതും ചെലവേറിയതുമായ പ്രക്രിയ ആണെന്നാണ് ചില എയർലൈൻ വൃത്തങ്ങൾ പറയുന്നത്. പഴയ വിമാനങ്ങളിൽ സേവനം സ്ഥാപിക്കണമെങ്കിൽ അവ താൽക്കാലികമായി പിൻവലിക്കേണ്ടി വരുമെന്നും അതിനാൽ പുതുതായി നിർമ്മിക്കുന്ന വിമാനങ്ങളിൽ സേവനം നൽകുന്ന കാര്യം പരിഗണിക്കാമെന്നുമാണ് ചിലർ പറയുന്നത്.വിഷയത്തിൽ മറുപടി നൽകാൻ എയർ ഇന്ത്യ എക്‌സ്പ്രസ് കൂടുതൽ സമയം ആവശ്യപ്പെട്ടപ്പോൾ ഇൻഡിഗോ റിപ്പോർട്ടിനോട് പ്രതികരിക്കാൻ തയ്യാറായില്ല.2020 ഓഗസ്റ്റ് മുതൽ എല്ലാ യാത്രക്കാർക്കും ‘സ്പൈസ് സ്‌ക്രീൻ’ വൈ-ഫൈ സേവനങ്ങൾ നൽകുന്നുണ്ടെന്ന് സ്‌പൈസ് ജെറ്റ് വൃത്തങ്ങൾ പറഞ്ഞു.വിമാനം 10,000 അടിക്ക് മുകളിൽ പറക്കുമ്പോൾ മാത്രമാണ് വൈ-ഫൈ സേവനം ഉപയോഗിക്കാൻ അനുമതി നൽകിയിരിക്കുന്നത്.

യാത്രക്കാർ തങ്ങളുടെ മൊബൈൽ ഫോണുകൾ, ലാപ്‌ടോപുകൾ തുടങ്ങിയവ ഫ്ലൈറ്റ് മോഡിലാക്കി മാത്രമെ ഉപയോഗിക്കാൻ പാടുള്ളു. വിമാനത്തിന്റെ സുരക്ഷാ ക്രമീകരണങ്ങൾ കണക്കിലെടുത്ത് എപ്പോൾ വേണമെങ്കിലും വൈ-ഫൈ സേവനം നിർത്തിവയ്‌ക്കാൻ പൈലറ്റിന് പൂർണ അധികാരമുണ്ടാകും.നിലവിൽ എയർ ഇന്ത്യയുടെ 28 വിമാനങ്ങളിൽ വൈ-ഫൈ സേവനം ലഭ്യമാക്കിയിട്ടുണ്ട്. 65 വൈഡ് ബോഡി വിമാനങ്ങളിൽക്കൂടി സേവനം വർദ്ധിപ്പിക്കാനാണ് എയർ ഇന്ത്യ ലക്ഷ്യമിടുന്നത്. ഡിസിജിഎയുടെ പുതിയ നിർദേശമനുസരിച്ച് എല്ലാ വിമാനങ്ങളിലും വൈ-ഫൈ സേവനം നൽകാൻ എയർലൈനുകൾ ബാദ്ധ്യസ്ഥരാണ്.

കല്ലറയിലെ പായയില്‍ പൊതിഞ്ഞ മൃതദേഹം: ബന്ധുക്കളെ കണ്ടെത്തി; ദുരൂഹത നീക്കാൻ ഡിഎൻഎ പരിശോധന.

0

ഉണ്ണിമിശിഹാ പള്ളി സെമിത്തേരിയിലെ പൊതുകല്ലറയില്‍ പായയില്‍ പൊതിഞ്ഞ നിലയില്‍ മൃതദേഹം കണ്ടെത്തിയ സംഭവത്തില്‍ ദുരൂഹത നീക്കാൻ ഡിഎൻഎ പരിശോധന ഉള്‍പ്പെടെയുള്ള ശാസ്ത്രീയ അന്വേഷണം വേണമെന്ന് പള്ളി അധികൃതർ.സംഭവവുമായി ബന്ധപ്പെട്ട് കല്ലറയിലുണ്ടായിരുന്ന മൃതദേഹങ്ങളുടെ ബന്ധുക്കളെ പോലീസ് തിരിച്ചറിഞ്ഞിട്ടുണ്ട്.2006-ല്‍ അടക്കം ചെയ്ത മറിയം മൊയ്യപ്പള്ളിയിലിന്റെയും,

2015-ല്‍ അടക്കം ചെയ്ത ജയിംസ് കൂമ്പുക്കലിന്റെയും ബന്ധുക്കളെയാണ് പള്ളി അധികൃതരുടെ സഹായത്തോടെ പോലീസ് സ്ഥലത്തെത്തിച്ചത്. ഇരു കുടുംബാംഗങ്ങളും എത്തി കല്ലറ തിരിച്ചറിഞ്ഞിട്ടുണ്ട്. എന്നാല്‍, ഒരു മൃതദേഹം പ്ലാസ്റ്റിക് പായയില്‍ പൊതിഞ്ഞ നിലയില്‍ കണ്ടെത്തിയതിലെ അസ്വാഭാവികത മാറാൻ വിപുലമായ അന്വേഷണം വേണമെന്ന് ആവശ്യപ്പെട്ട് പള്ളി കമ്മിറ്റി പോലീസില്‍ പരാതി നല്‍കി.

പരാതിയുടെ അടിസ്ഥാനത്തില്‍ എഫ്‌ഐആർ രജിസ്റ്റർ ചെയ്ത് തുടർനടപടികള്‍ സ്വീകരിക്കുമെന്ന് കരിക്കോട്ടക്കരി പ്രിൻസിപ്പല്‍ എസ്.ഐ എം.ജെ. ബെന്നി അറിയിച്ചു. ഇതിന്റെ ഭാഗമായി കല്ലറ തുറന്ന് വിശദമായ പരിശോധന നടത്തും. നിലവില്‍ കേസില്‍ ദുരൂഹതകളൊന്നുമില്ലെന്ന നിഗമനത്തിലാണ് പോലീസെങ്കിലും സംശയത്തിന്റെ നേരിയ സാഹചര്യം പോലും ഒഴിവാക്കാനാണ് ശാസ്ത്രീയ അന്വേഷണം ആവശ്യപ്പെടുന്നതെന്ന് ഇടവക വികാരി ഫാ. ജില്‍ബെറ്റ് കൊന്നയില്‍ വ്യക്തമാക്കി.

ഈ മാസം 13-ന് ഇടവകയില്‍ മരിച്ച മറ്റൊരാളെ സംസ്കരിക്കാനായി പൊതുകല്ലറ തുറന്നപ്പോഴാണ് സംഭവം പുറത്തറിയുന്നത്. കല്ലറയ്ക്കുള്ളില്‍ ഒരു മൃതദേഹം പെട്ടിയില്‍ അടക്കം ചെയ്ത നിലയിലും, രണ്ടാമത്തേത് പ്ലാസ്റ്റിക് പായയില്‍ പൊതിഞ്ഞ നിലയിലുമായിരുന്നു. ക്രിസ്തീയ ആചാരപ്രകാരം മൃതദേഹങ്ങള്‍ പായയില്‍ പൊതിഞ്ഞ് സംസ്കരിക്കുന്ന പതിവില്ലാത്തതാണ് ആശങ്കയ്ക്ക് കാരണമായത്.

അമ്മ’ ഭരണ സമിതി രാജി വച്ചു; പ്രസിഡന്റ് ശ്വേത മേനോൻ ഉൾപ്പെടെ സ്ഥാനമൊഴിഞ്ഞത് 17 അംഗങ്ങള്‍.

0

കൊച്ചി : താര സംഘടനയായ ‘അമ്മ’യുടെ ഭരണ സമിതി രാജി വച്ചു. സംഘടനയിലെ തർക്കങ്ങൾക്കു പിന്നാലെയാണ് സംഘടന പ്രസിഡന്റായ ശ്വേത മേനോൻ ഉൾപ്പെടെ പതിനേഴംഗ ഭരണസമിതി രാജി വച്ചത്. ഭരണപരമായ തർക്കങ്ങളുടെയും വരവു–ചിലവു കണക്കുകളിലെ പിഴവുകളുടെയും സംഘടനയിലുണ്ടായ തർക്കങ്ങളുടെയും പിന്നാലെയാണ് രാജി. ഞായറാഴ്ച േചർന്ന ജനറൽ ബോഡി യോഗത്തിനുശേഷമാണ് രാജിപ്രഖ്യാപിച്ചത്.17 അംഗങ്ങളാണ് എക്സിക്യൂട്ടീവ് കമ്മിറ്റിയിലുള്ളത്. നിലവിലെ സാഹചര്യത്തിൽ സംഘടനയുടെ ഭരണം ഒരു താത്കാലിക സമിതിക്ക് നൽകാനാണ് സാധ്യത. നേതൃത്വത്തിനകത്തുണ്ടായ ആരോപണ പ്രത്യാരോപണങ്ങളാണ് ഭരണസമിതിയുടെ കൂട്ടരാജിയിലേക്ക് നയിച്ചത്.’അമ്മ’യുടെ വാർഷിക ജനറൽ ബോഡി യോഗത്തിൽ വൻ പൊട്ടിത്തെറിയും നാടകീയ രംഗങ്ങളും അരങ്ങേറിയിരുന്നു.

ജനറൽ സെക്രട്ടറി കുക്കു പരമേശ്വരൻ അവതരിപ്പിച്ച വാർഷിക റിപ്പോർട്ടിലെ വരവ് ചെലവ് കണക്കുകളെച്ചൊല്ലി പ്രമുഖ താരങ്ങൾ തമ്മിൽ യോഗത്തിൽ നേർക്കുനേർ തർക്കിച്ചു. കണക്കുകളിൽ വ്യക്തതയില്ലെന്ന് ആരോപിച്ച് സിദ്ധിഖ്, ബാബുരാജ്, ഇടവേള ബാബു എന്നിവരടങ്ങുന്ന മുതിർന്ന ഭാരവാഹികളുടെ പാനൽ റിപ്പോർട്ട് പാസാക്കുന്നതിനെ ശക്തമായി എതിർത്തതോടെ യോഗം കലുഷിതമായി.കണക്കുകളിൽ ഗുരുതരമായ പിഴവുകളുള്ള റിപ്പോർട്ട് ഒരു കാരണവശാലും അംഗീകരിക്കാൻ കഴിയില്ലെന്ന് പ്രമുഖ നടനും സംവിധായകനുമായ രഞ്ജി പണിക്കരും നിലപാടെടുത്തു. ഇതോടെ വാർഷിക റിപ്പോർട്ട് പാസാക്കാനാകാതെ ഭരണസമിതി പ്രതിസന്ധിയിലായി.

തർക്കം മുറുകിയതോടെ, വിഷയത്തിൽ വിശദമായ പഠനം നടത്താൻ 45 ദിവസത്തെ സമയം വേണമെന്ന് പ്രസിഡന്റ് ശ്വേത മേനോൻ യോഗത്തിൽ ആവശ്യപ്പെട്ടിരുന്നു. എന്നാൽ റിപ്പോർട്ട് പാസാക്കാതെ എങ്ങനെയാണ് നിലവിലെ ഭരണസമിതിക്ക് മുന്നോട്ട് പോകാൻ സാധിക്കുകയെന്ന ചോദ്യവുമായി ഒരു വിഭാഗം അംഗങ്ങൾ ഉറച്ചുനിന്നതോടെയാണ് ഭരണസമിതിയുടെ രാജിയിലേക്ക് കാര്യങ്ങൾ നീങ്ങിയത്.

ഭരണസമിതിയും അംഗങ്ങളും തമ്മിലുള്ള വാദപ്രതിവാദങ്ങൾ അതിരുകടന്നതോടെ, യോഗത്തിൽ നാടകീയമായ മറ്റൊരു രംഗത്തിന് കൂടി കൊച്ചി വേദിയായി. സംഘടനയിലെ തർക്കങ്ങൾ പരിഹരിക്കാൻ മുൻ പ്രസിഡന്റായ മോഹൻലാൽ കൃത്യമായ നിലപാട് വ്യക്തമാക്കണമെന്നും വിഷയത്തിൽ ഇടപെടണമെന്നും കെ.ബി. ഗണേഷ് കുമാർ ആവശ്യപ്പെട്ടു. ഗണേഷ് കുമാറിന്റെ ആവശ്യപ്രകാരം മൈക്കിന് മുന്നിലെത്തിയ മോഹൻലാൽ അതീവ വൈകാരികമായാണ് ജനറൽ ബോഡിയിൽ സംസാരിച്ചത്. “അംഗങ്ങൾക്കിടയിൽ വ്യക്തിപരമായ ഭിന്നതകൾ എന്തുതന്നെ ഉണ്ടായാലും, ഈ സംഘടനയെ ഒരു തരത്തിലും തകർക്കാൻ ആർക്കും സാധിക്കില്ല.” മോഹൻലാൽ പറഞ്ഞു.

സംഘടനയുടെ ഐക്യം തകർക്കരുതെന്ന് അദ്ദേഹം ഓർമ്മിപ്പിച്ചെങ്കിലും, കണക്കുകളിലെ സുതാര്യത ചോദ്യം ചെയ്ത് ഒരു വിഭാഗം താരങ്ങൾ രംഗത്തുവന്നത് ‘അമ്മ’യ്ക്കുള്ളിലെ ഭിന്നത പൂർണ്ണമായും മറനീക്കി പുറത്തുകൊണ്ടുവന്നിരിക്കുകയാണ്. ഇന്ന് രാവിലെ മോഹൻലാലാണ് ജനറൽ ബോഡി യോഗത്തിന്റെ ഉദ്ഘാടനം നിർവ്വഹിച്ചത്. ഭരണസമിതിയുടെ രാജിയാവശ്യപ്പെട്ട് ഒരു വിഭാഗം താരങ്ങൾ കത്ത് നൽകിയതിന് പിന്നാലെ, ജനറൽ ബോഡിയിലും കണക്കുകളെ ചൊല്ലി പ്രമുഖർ തിരിഞ്ഞതോടെ വരും ദിവസങ്ങളിൽ സംഘടനയ്ക്കുള്ളിൽ വലിയ രീതിയിലുള്ള അഴിച്ചുപണികൾക്ക് സാധ്യതയുണ്ടെന്നാണ് സിനിമാ ലോകത്ത് നിന്നുള്ള സൂചനകൾ.