spot_img
Friday, November 20, 2026
Home Blog Page 63

സിപിഐഎമ്മിൻ്റെ മുതിർന്ന നേതാവ് ബേബി ജോൺ അന്തരിച്ചു.

0

തൃശൂർ: സിപിഐഎമ്മിൻ്റെ മുതിർന്ന നേതാവ് ബേബി ജോൺ അന്തരിച്ചു. ദീർഘനാളായി അസുഖബാധിതനായി ചികിത്സയിലായിരുന്നു. സിപിഐഎം മുൻ സംസ്ഥാന സെക്രട്ടറിയേറ്റ് അംഗമായിരുന്നു.സിപിഐഎം തൃശൂ‍ർ ജില്ലാ സെക്രട്ടറി, സിഐടിയു തൃശൂർ ജില്ലാ സെക്രട്ടറി എന്നീ ചുമതലകളിൽ പ്രവർത്തിച്ചിട്ടുണ്ട്. 2011ലെ നിയമസഭാ തെരഞ്ഞെടുപ്പിൽ മണലൂർ മണ്ഡലത്തിൽ നിന്ന് നിയമസഭയലിലേക്ക് ജനവിധി തേടിയിരുന്നു. 1960കളുടെ അവസാനത്തിൽ ഇടതുപക്ഷ പ്രസ്ഥാനങ്ങളുമായി അടുത്ത് പ്രവർത്തിച്ച് തുടങ്ങിയ ബേബി ജോൺ 1971ലാണ് സിപിഐഎമ്മിൻ്റെ അം​ഗമാകുന്നത്. സിപിഐഎമ്മിൻ്റെ പാലുവായ് ബ്രാഞ്ച് സെക്രട്ടറി, തൈക്കാട്, ചാവക്കാട് ലോക്കൽ കമ്മിറ്റികളുടെ സെക്രട്ടറി എന്നീ നിലകളിൽ പ്രവർത്തിച്ചാണ് തൃശൂർ ജില്ലയിലെ സിപിഐഎം നേതൃത്വത്തിലേയ്ക്ക് ബേബി ജോൺ ഉയരുന്നത്. 1984മുതൽ 97വരെ ചാവക്കാട് ഏരിയ സെക്രട്ടറിയായിയ ബേബി ജോൺ 1986ൽ ജില്ലാ കമ്മിറ്റിയംഗമായി തെരഞ്ഞെടുക്കപ്പെട്ടു. 1997മുതൽ ജില്ലാ സെക്രട്ടറിയറ്റംഗവുമായി. 2006ലാണ് സിപിഐഎമ്മിൻ്റെ തൃശൂർ ജില്ലാ സെക്രട്ടറിയാകുന്നത്.വിദ്യാർത്ഥി കാലത്ത് കെഎസ്എഫിൻ്റെ ചാവക്കാട് താലൂക്ക് പ്രസിഡൻ്റായിട്ടായിരുന്നു സംഘടനാ പ്രവർത്തനത്തിൻ്റെ തുടക്കം. സിഐടിയു നേതാവായിരുന്ന ബേബി ജോൺ നിരവധി അനുബന്ധ തൊഴിലാളി യൂണികളുടെ സംസ്ഥാന നേതാവായും പ്രവർത്തിച്ചിട്ടുണ്ട്. കേരള ബീഡി ആൻഡ് സിഗാർ വർക്കേഴ്സ് ഫെഡറേഷൻ സംസ്ഥാന വൈസ് പ്രസിഡന്റ്, മത്സ്യത്തൊഴിലാളി യൂണിയന്റെ ജില്ലാ സെക്രട്ടറി, സംസ്ഥാന ഫെഡറേഷൻ ഭാരവാഹി, ചാവക്കാട് മേഖലാ ചെത്തുതൊഴിലാളി യൂണിയൻ പ്രസിഡന്റ്, യൂണിയന്റെ സ്റ്റേറ്റ് ഫെഡറേഷൻ വൈസ് പ്രസിഡന്റ്, തൃശൂർ ജില്ലാ ഹെഡ് ലോഡ് ആൻഡ് ജനറൽ വർക്കേഴ്സ് യൂണിയൻ പ്രസിഡന്റ്, സംസ്ഥാന ഫെഡറേഷന്റെ വൈസ് പ്രസിഡന്റ് തുടങ്ങിയ നിലകളിലും പ്രവർത്തിച്ച നേതാവാണ് ബേബി ജോൺ.അടിയന്തരാവസ്ഥ കാലത്ത് ജയിൽവാസവും അനുഭവിച്ചിട്ടുണ്ട്. അടിയന്തരാവസ്ഥ പ്രഖ്യാപിച്ചതിന് പിന്നാലെ വന്ന 1975ലെ സ്വാതന്ത്ര്യദിനത്തിൽ കരിങ്കൊടി കെട്ടാൻ ശ്രമിച്ചതിൻ്റെ പേരിൽ ക്രൂരമായ പൊലീസ് മർദ്ദനത്തിന് ഇരയായ ബേബി ജോൺ രണ്ടരമാസമാണ് ജയിൽവാസം അനുഭവിച്ചത്. അടിയന്തരാവസ്ഥക്കാലത്ത് ഡിഫൻസ് ആൻഡ് ഇന്റേണൽ സെക്യൂരിറ്റി ഓഫ് ഇന്ത്യ റൂൾസ് പ്രകാരം രണ്ടുതവണയാണ് ബേബി ജോൺ അറസ്റ്റിലായത്.‌‌ 1971ൽ അധ്യാപക വൃത്തിയിൽ പ്രവേശിച്ച ബോബി ജോണിനെ പൊലീസ് നടപടികളെത്തുടർന്ന് ഒന്നരകൊല്ലം സർവീസിൽനിന്ന് സസ്പെൻഡ് ചെയ്തിരുന്നു.കെഎസ്ടിഎ നേതാവായിരുന്ന ബേബി ജോൺ 1991ൽ സർവീസിൽനിന്നും സ്വയം വിരമിച്ച് മുഴുവൻ സമയ രാഷ്ട്രീയ പ്രവർത്തകനായി. ചാവക്കാട് നഗരസഭ നിലവിൽ വന്നപ്പോൾ കൗൺസിലറും ആദ്യ സ്റ്റാൻഡിങ് കമ്മിറ്റി ചെയർമാനുമായി പ്രവർത്തിച്ചു. 88ൽ വീണ്ടും കൗൺസിലറായി തെരഞ്ഞെടുക്കപ്പെട്ടു. ചാവക്കാട് സർവീസ് സഹകരണ ബാങ്ക് പ്രസിഡന്റായും കള്ളുവ്യവസായ ക്ഷേമനിധി ബോർഡ് അംഗമായും പ്രവർത്തിച്ചിട്ടുണ്ട്. മണലൂർ തൈക്കാട് ചക്രമാക്കിൽ അന്തോണിയുടെയും മേരിയുടെയും മകനായി 1952ലായിരുന്നു ജനനം. ഷീലയാണ് ഭാര്യ മാനവൻ, ഹിമവാൻ, അംഗന എന്നിവരാണ് മക്കൾ.

കേരളത്തിൽ അടുത്ത 3 മണിക്കൂറിൽ വിവിധ ജില്ലകളിൽ മഴയ്ക്ക് സാധ്യത: കാലാവസ്ഥാ മുന്നറിയിപ്പ്

0

സംസ്ഥാനത്ത് അടുത്ത മൂന്ന് മണിക്കൂറിൽ വിവിധ ജില്ലകളിൽ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ​ഇടുക്കി, പാലക്കാട്, മലപ്പുറം, കോഴിക്കോട് എന്നീ ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ട്.​കൂടാതെ തിരുവനന്തപുരം, കൊല്ലം, പത്തനംതിട്ട, ആലപ്പുഴ എന്നീ ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്കും സാധ്യതയുണ്ടെന്ന് മുന്നറിയിപ്പിൽ പറയുന്നു. മോശം കാലാവസ്ഥയ്ക്കും ഇടിമിന്നലിനും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് അധികൃതർ നിർദേശിച്ചു.

അടച്ചുപൂട്ടി മെഡിക്കൽ കോളജിലെ സ്പോർട്സ് മെഡിസിൻ ഇൻസ്റ്റിറ്റ്യൂട്ട്

0

കോഴിക്കോട്: ഗവ. മെഡിക്കൽ കോളജിലെ സ്പോർട്സ് മെഡിസിൻ ഇൻസ്റ്റിറ്റ്യൂട്ട് പൂർണമായും അടച്ചുപൂട്ടി. കോടികൾ ചെലവഴിച്ച് ആരംഭിച്ച സംസ്ഥാനത്തെ മെഡിക്കൽ കോളജുകൾക്ക് കീഴിലുള്ള ഏക സ്പോർട്സ് മെഡിസിൻ ഇൻസ്റ്റിറ്റ്യൂട്ടായിരുന്നു ഇത്. അധികൃതരുടെ അവഗണന മൂലം ഒരു വർഷത്തോളമായി ഏറെക്കുറെ പ്രവർത്തനം നിലിച്ച നിലയിലായിരുന്നു.കെട്ടിടവും പരിസരവും കാടുകയറി തെരുവുനായ്ക്കളുടെയും മറ്റും വിഹാര കേന്ദ്രമാണിപ്പോൾ ഇവിടം. മാസങ്ങളായി അടച്ചിട്ടതിനാൽ കേന്ദ്രത്തിലെ ചികിത്സ ഉപകരണങ്ങളടക്കം നശിക്കുകയാണ്.കായികതാരങ്ങൾക്ക് മികച്ച ചികിത്സയും പരിചരണവും ഉറപ്പാക്കുകയെന്ന ലക്ഷ്യത്തോടെ 2010ൽ ഫിസിക്കൽ മെഡിസിൻ ആൻഡ് റീഹാബിലിറ്റേഷൻ വിഭാഗത്തിന് കീഴിലാണ് കേന്ദ്രം പ്രവർത്തനം ആരംഭിച്ചത്. ഒ.പി, ഫിസിയോതെറാപ്പി യൂനിറ്റ്, ജിം, ഓപറേഷൻ തിയേറ്റർ, പ്ലാസ്റ്റർ ചെയ്യുന്നതിനുള്ള സംവിധാനം എന്നിവ ഇവിടെ ഒരുക്കിയിരുന്നു.എന്നാൽ, ആവശ്യത്തിന് ജീവനക്കാരെ മാത്രം നിയോഗിച്ചില്ല. 15 വർഷമായിട്ടും ഡോക്ടർമാരുടെ തസ്തികയും സൃഷ്ടിച്ചില്ല. നേരത്തെ ആരോഗ്യവകുപ്പിൽനിന്നുള്ള ഒരു ഡോക്ടർ ഡെപ്യൂട്ടേഷനിൽ ഇവിടെ ഉണ്ടായിരുന്നു. എന്നാൽ പിന്നീട് തിരിച്ചുവിളിച്ചു. തുടർന്ന് ഫിസിക്കൽ മെഡിസിൻ വിഭാഗത്തിലെ ഡോക്ടർമാരുടെ സേവനം ഉപയോഗിച്ച് ഒ.പി മാത്രം പ്രവർത്തിച്ചിരുന്നു.എന്നാൽ, ഒരു വർഷമായി അതും നിലച്ചു. ഇൻസ്റ്റിറ്റ്യൂട്ടിന്‍റെ കാര്യങ്ങൾ പരിശോധിക്കാൻ ഡയറക്ടറെ നിയോഗിക്കുമെന്നും സ്ഥാപനം തുറക്കാൻ നടപടി സ്വീകരിക്കുമെന്നും ആരോഗ്യമന്ത്രി കെ. മുരളീധരൻ വ്യക്തമാക്കിയിട്ടുണ്ട്. സാധാരണക്കാരായ കുട്ടികളടക്കമുള്ള കായികതാരങ്ങളുടെ ആശ്രയമായിരുന്ന സ്ഥാപനത്തിന്‍റെ പ്രവർത്തനം പുനരാരംഭിക്കുന്നത് വൈകരുതെന്നാണ് ആവശ്യം.

അനധികൃത റേഷൻ അരി കടത്ത്; പരിശോധന ശക്തമാക്കി സിവിൽ സപ്ലൈസ് വകുപ്പ്, അരി ചാക്കുകള്‍ വീട്ടില്‍ സൂക്ഷിച്ച നിലയില്‍

0

തിരുവന്തപുരം: കേരള–തമിഴ്നാട് അതിർത്തി കേന്ദ്രീകരിച്ചുള്ള അനധികൃത റേഷൻ അരി കടത്തുമായി ബന്ധപ്പെട്ട് പരിശോധന ശക്തമാക്കി സിവിൽ സപ്ലൈസ് വകുപ്പ്. തിരുവന്തപുരം പാറശാല കാരാളിയിൽ നടത്തിയ മിന്നൽ പരിശോധനയില്‍ റേഷന്‍ അരി ചാക്കുകള്‍ വീട്ടില്‍ സൂക്ഷിച്ച നിലയില്‍ കണ്ടെത്തി. വീട്ടിലെ അടുക്കളയിലും ബാത്ത് റൂമിലുമാണ് റേഷന്‍ അരി സുരേഖ അരിയുടെ ചാക്കില്‍ സൂക്ഷിച്ച നിലയില്‍ കണ്ടെത്തിയത്. 199 ചാക്ക് റേഷന്‍ അരിയും 4 ചാക്ക് ഗോതമ്പും ഇവിടെ നിന്നും അധികൃതര്‍ കണ്ടെത്തിയിട്ടുണ്ട്. വീട് ആരുടേതാണെന്നോ ലോഡ് ആരുടെതാണെന്നോ ഇതുവരെ വ്യക്തമായിട്ടില്ല.വന്‍ മാഫിയാ സംഘം ഇതിനുപിന്നില്‍ പ്രവര്‍ത്തിക്കുന്നുണ്ടെന്നാണ് കണ്ടെത്തല്‍. ഒരാഴ്ചക്കിടെ 62 ടൺ അരിയും നാല് ടൺ ഗോതമ്പും പിടിച്ചെടുത്തു. എട്ട് ഗോഡൗണുകളിൽ നടത്തിയ പരിശോധനയിലാണ് ഇത്രയധികം റേഷൻ സാധങ്ങൾ പിടിച്ചെടുത്തത്.

നെയ്യാറ്റിന്‍കര താലൂക്ക് സപ്ലൈ ഓഫീസര്‍ പ്രവീണ്‍കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. ഇതുവരെ നടന്ന പരിശോധനകളെല്ലാം തന്നെ ഗോഡൗണുകൾ കേന്ദ്രീകരിച്ചായിരുന്നു. കേരള- തമിഴ്‌നാട് അതിര്‍ത്തി പ്രദേശങ്ങള്‍ കേന്ദ്രീകരിച്ച് റേഷന്‍ അരി അനധികൃതമായി സംഭരിച്ച് പോളിഷ് ചെയ്ത് ബ്രാന്‍ഡഡ് ആക്കി വില്‍ക്കുന്ന വിവരം തെളിവുകള്‍ സഹിതം റിപ്പോര്‍ട്ടര്‍ പുറത്തുവിട്ടിരുന്നു. ഇതിന് പിന്നാലെയാണ് സംസ്ഥാനത്ത് സിവില്‍ സപ്ലൈസ് മിന്നല്‍ പരിശോധന ആരംഭിച്ചത്. പനച്ചമൂട്, പാറശ്ശാല, ഇഞ്ചിവിള, അഞ്ചാലിക്കോണം അടക്കമുള്ള പ്രദേശങ്ങളില്‍ നടത്തിയ പരിശോധനയില്‍ ഒരാഴ്ചക്കിടെ 62 ടണ്‍ അരിയും നാല് ടണ്‍ ഗോതമ്പും പിടിച്ചെടുത്തു. എട്ട് ഗോഡൗണുകളിലാണ് പരിശോധന നടന്നത്.കഴിഞ്ഞ രണ്ട് മാസത്തിനിടയില്‍ ഏകദേശം 75000കിലോ റേഷന്‍ അരി പിടിച്ചെടുത്തിട്ടുണ്ടെന്നും തമിഴ്‌നാടുമായി എല്ലാ രണ്ട് മാസം കൂടുമ്പോഴും മീറ്റിങ് നടത്തുന്നുണ്ടെന്നും എന്നാല്‍ അവരുടെ പൂവാര്‍ അടക്കമുള്ള ചെക്ക് പോസ്റ്റില്‍ കൃത്യമായ നിരീക്ഷണം നടക്കുന്നില്ലെന്നും സപ്ലൈ ഓഫീസര്‍ പ്രവീണ്‍കുമാര്‍ റിപ്പോര്‍ട്ടറിനോട് പറഞ്ഞു. അതേസമയം റേഷന്‍ കരിഞ്ചന്തക്കാരെ പൂട്ടാന്‍ കേസെടുത്ത് അന്വേഷണം ആരംഭിക്കുമെന്നും ചെക്ക് പോസ്റ്റുകളില്‍ പരിശോധന കര്‍ശനമാക്കുമെന്നും മന്ത്രി അനൂപ് ജേക്കബ് അറിയിച്ചു.അനധികൃത റേഷൻ അരി കടത്ത്; പരിശോധന ശക്തമാക്കി സിവിൽ സപ്ലൈസ് വകുപ്പ്, അരി ചാക്കുകള്‍ വീട്ടില്‍ സൂക്ഷിച്ച നിലയില്‍

ഇനി സ്റ്റോപ്പില്‍ തന്നെ നിര്‍ത്തണം; ആറുവരി പാതയില്‍ സ്റ്റേജ് കാര്യേജ് ബസുകള്‍ വിലക്കി മോട്ടോര്‍ വാഹന വകുപ്പ്

തിരുവനന്തപുരം: ആറുവരിപ്പാതയില്‍ സ്റ്റേജ് കാര്യേജ് ബസുകള്‍ വിലക്കി മോട്ടോര്‍ വാഹന വകുപ്പ്. സര്‍വീസ് റോഡ് ഉപയോഗിച്ചില്ലെങ്കില്‍ നടപടിയെന്നാണ് എംവിഡി നിര്‍ദേശം. ആറുവരിപ്പാതയിലൂടെ സര്‍വീസ് നടത്തി യാത്രക്കാരെ ഹൈവേയില്‍ ഇറക്കിവിടുന്നതായി പരക്കെ പരാതി ഉയര്‍ന്ന പശ്ചാത്തലത്തിലാണ് നടപടി കടുപ്പിക്കാന്‍ എംവിഡി ഒരുങ്ങുന്നത്.സ്ത്രീകളും കുട്ടികളും വയോധികരും പാതയില്‍ നിന്ന് പുറത്തിറങ്ങാന്‍ കിലോമീറ്ററുകള്‍ നടക്കേണ്ടി വരുന്നു എന്ന് വ്യാപകമായി പരാതി ഉയര്‍ന്നിരുന്നു. ആറുവരിപ്പാതയില്‍ ഒരിടത്തും വാഹനം നിര്‍ത്തിയിടാനോ ആളെ ഇറക്കാനോ അനുമതിയില്ലെന്നാണ് എംവിഡി മുന്നറിയിപ്പ് നല്‍കിയിരിക്കുന്നത്. പുതിയ ദേശീയപാതയില്‍ ഒരിടത്തും ബസ് സ്റ്റോപ്പുകള്‍ അനുവദിച്ചിട്ടില്ല. സര്‍വീസ് റോഡുകള്‍ ഒഴിവാക്കിയാല്‍ ബസുകള്‍ക്കെതിരെ ശക്തമായ നിയമ നടപടി ഉണ്ടാകുമെന്നാണ് എംവിഡി അറിയിച്ചിരിക്കുന്നത്.അതിനിടെ ദേശീയപാത ആറുവരിപ്പാതയില്‍ തെറ്റായ ദിശയില്‍ പിറകോട്ട് എടുത്ത് കെഎസ്ആര്‍ടിസി ബസ് ഇന്നും അപകട യാത്ര നടത്തിയ ദൃശ്യങ്ങള്‍ പുറത്ത് വന്നിരുന്നു. മലപ്പുറം കോട്ടക്കല്‍ സ്വാഗതമാട് വെച്ചാണ് സംഭവമുണ്ടായത്. കഴിഞ്ഞദിവസം സ്വകാര്യ ടൂറിസ്റ്റ് ബസ് പിറകോട്ട് എടുത്ത അതേ സ്ഥലത്ത് വച്ചാണ് സംഭവം. പിറകോട്ട് എടുത്ത ബസ് തെറ്റായ ദിശയിലൂടെ സര്‍വീസ് റോഡിലേക്ക് കയറുകയായിരുന്നു. ഏതാണ്ട് 150 മീറ്ററോളമാണ് കെഎസ്ആര്‍ടിസി ബസ് പിറകിലേക്കെടുത്തത്. പിറകില്‍ നിന്ന് വാഹനങ്ങള്‍ വന്നുകൊണ്ടിരിക്കെ തന്നെയായിരുന്നു അപകടയാത്ര. ദേശീയ പാതയില്‍ പലതവണയായി അപകടങ്ങള്‍ തുടര്‍ക്കഥയാകുന്ന പശ്ചാത്തലത്തില്‍ പോലും ഇത്തരം അനാസ്ഥകള്‍ക്കെതിരെ നടപടി ഉണ്ടാകുന്നില്ലെന്ന വിമര്‍ശനവും ശക്തമായിരുന്നു.

റെയില്‍വേ സ്റ്റേഷനുകളിലെ ഭക്ഷണസാധനങ്ങളുടെ വിലയില്‍ മാറ്റം

0

കൊച്ചി: റെയില്‍വേ സ്റ്റേഷനുകളിലെ കേറ്ററിങ് യൂണിറ്റുകളില്‍ ഭക്ഷണസാധനങ്ങളുടെ വില കൂട്ടി. 60 ആഹാര ഇനങ്ങള്‍ക്കാണ് വിലകൂട്ടിയത്. 38 പാന്‍ ഇന്ത്യന്‍ വിഭവങ്ങള്‍ക്കും 22 പ്രാദേശിക വിഭവങ്ങള്‍ക്കുമാണ് വിലകൂട്ടിയത്. കൂടാതെ പുതിയ വിഭവങ്ങളും മെനുവില്‍ ഉള്‍പ്പെടുത്തിയിട്ടുണ്ട്. ചായയുടെയും കാപ്പിയുടെയും വിലയില്‍ വ്യത്യാസമൊന്നും വരുത്തിയിട്ടില്ല.രണ്ട് ഇഡിലിക്കും ചട്ട്ണിക്കും മുമ്പ് 20 രൂപ നല്‍കിയാല്‍ മതിയായിരുന്നു എന്നാല്‍ ഇനിമുതല്‍ 25 രൂപ നല്‍കണം. വെജിറ്റബിള്‍ സാന്‍ഡ്വിച്ച് 30 രൂപയില്‍ നിന്നും 35 രൂപയായി. രണ്ട് വെജിറ്റബിള്‍ കട്ട്ലെറ്റ് കഴിക്കാന്‍ 50 രൂപ നല്‍കണം. നിലവില്‍ 40 രൂപയായിരുന്നു. റവദോശയ്ക്കും റവ ഇഡ്ഡലിക്കും അഞ്ച് രൂപ കൂടി.

യഥാക്രമം 30, 25 രൂപയായി.ചോറിനും മീന്‍കറിക്കും 110 രൂപ നല്‍കണം. 95 രൂപയായിരുന്നു. രണ്ട് പൊറോട്ടയും കറിയും അല്ലെങ്കില്‍ നാല് ചപ്പാത്തിക്കും കറിയ്ക്കും 10 രൂപ വര്‍ധിച്ച് 55 രൂപയായി. ഒരു ചപ്പാത്തിക്ക് അഞ്ച് രൂപയും ഒരു പൊറോട്ടക്ക് 10 രൂപയും തുടരും. മെധുവട, മസാലവട, സമൂസ (രണ്ടെണ്ണം) 25 രൂപയില്‍നിന്ന് 30 രൂപയായി. ഇടിയപ്പത്തിന് (രണ്ടെണ്ണം) 20 രൂപയും കടലക്കറിക്ക് 45 രൂപയുമായി. മറ്റു ഇനങ്ങളായ ചിക്കന്‍ ഫ്രൈഡ് റൈസിന് (200 ഗ്രാം) 105 രൂപയും മുട്ട ഫ്രൈഡ് റൈസിന് (200 ഗ്രാം) 80 രൂപയും വെജ് ഫ്രൈഡ് റൈസിന് (200 ഗ്രാം) 65 രൂപയും ചില്ലി ചിക്കന് (100 ഗ്രാം) 125 രൂപയും ഈടാക്കും.Also Read:KERALAഅടിമാലിയിലെ ഇരട്ടക്കുട്ടികളുടെ മരണം; മരണകാരണം കീടനാശിനി ഉള്ളില്‍ ചെന്നതെന്ന് പോസ്റ്റ്‌മോര്‍ട്ടം റിപ്പോർട്ട്സുഖിയന് നേരത്തെ 30 രൂപയായിരുന്നു. പുതിയ വില 10 രൂപ വര്‍ധിപ്പിച്ച് 40 രൂപയായി. ഫ്രൈ പത്തിരി / നെയ്യപ്പം എന്നിവക്ക് 25 രൂപയായി. മുമ്പ് 20 രൂപയായിരുന്നു. ഉണ്ണിയപ്പം / കപ്പ ഫ്രൈ വിത്ത് പപ്പടം / ബൂളി: 20 രൂപ, പഴംപൊരി, അരിപ്പത്തിരി, ഇലയട: വില മാറ്റമില്ലാതെ യഥാക്രമം 20 രൂപ, 15 രൂപ, 25 രൂപ നിരക്കുകളില്‍ തുടരും. ഫിഷ് കറി മീല്‍സ്: 95 രൂപയില്‍ നിന്ന് 110 രൂപയായി ഉയര്‍ന്നു. ഓമ്ലെറ്റ്: 35 രൂപയില്‍ നിന്ന് 45 രൂപയായി. പുഴുങ്ങിയ മുട്ട (1 എണ്ണം): 15 രൂപയില്‍ നിന്ന് 20 രൂപയായി. ലെമണ്‍ റൈസ് / തൈര് സാദം: 35 രൂപ. ചപ്പാത്തി (5 രൂപ), പൊറോട്ട (10 രൂപ): വിലയില്‍ മാറ്റമില്ല. വെള്ളിയാഴ്ച മുതല്‍ പുതിയ വില പ്രാബല്യത്തില്‍ വന്നു.

പുതിയ 108 ആംബുലന്‍സുകള്‍ ഉടന്‍ നിരത്തിലേക്ക് പഴയ 108 ആംബുലന്‍സുകള്‍ പിന്‍വലിക്കും.

0

തിരുവനന്തപുരം: സംസ്ഥാനത്ത് പുതുതായെത്തിയ 108 ആംബുലന്‍സുകളുടെ പ്രീ-ഡെലിവറി പരിശോധന അന്തിമഘട്ടത്തില്‍. രജിസ്‌ട്രേഷന്‍ നടപടികള്‍ പൂര്‍ത്തിയാകുന്നതോടെ പുതിയ ആംബുലന്‍സുകള്‍ ഉടന്‍ നിരത്തിലിറങ്ങും. പുതിയ വാഹനങ്ങള്‍ സര്‍വീസില്‍ എത്തുന്നതോടെ പഴയ 108 ആംബുലന്‍സുകള്‍ നിരത്തുകളില്‍ നിന്ന് ഘട്ടംഘട്ടമായി പിന്‍വലിക്കും. പുതിയ ടെന്‍ഡര്‍ പ്രകാരം 335 ആംബുലന്‍സുകളാണ് 108 ആംബുലന്‍സ് പദ്ധതിയുടെ ഭാഗമായി സംസ്ഥാന ത്തുടനീളം വിന്യസിക്കുക. ഹൈദരാബാദ്, ബെംഗളൂരു എന്നിവിടങ്ങളില്‍ നിന്ന് ഘട്ടം ഘട്ടമായാണ് ആം ബുലന്‍സുകള്‍ തിരുവനന്തപുരത്തേക്ക് എത്തിച്ചത്. നിലവിലെ 108 ആംബുലന്‍സുകള്‍ ആറുവര്‍ഷം മുന്‍പാണ് പദ്ധതിയുടെ ഭാഗമായത്.നിലവില്‍ ഐരാണിമുട്ടം ഹോമിയോ ഫാര്‍മസി ഗ്രൗണ്ടിലും പുലയനാര്‍കോട്ട ആശുപത്രി പരിസരത്തുമാണ് വാഹനങ്ങള്‍ പാര്‍ക്ക് ചെയ്തിരിക്കുന്നത്. ഇവയില്‍ ജീവന്‍രക്ഷാ ഉപകരണങ്ങള്‍ ഘടിപ്പിക്കുന്നതും സ്റ്റിക്കറുകള്‍ പതിപ്പിക്കുന്നതുമായ നടപടികള്‍ പുരോഗമിക്കുകയാണ്. വാഹനങ്ങളുടെ രണ്ടാംഘട്ട പ്രീ-ഡെലിവറി പരിശോധനകളും വാഹന നിര്‍മാതാക്കളുടെ ഭാഗത്തുനിന്ന് നടന്നുവരികയാണ്. പ്രീ-ഡെലിവറി പരിശോധനയും അത്യാവശ്യ ജീവന്‍രക്ഷ ഉപകരണങ്ങളുടെ ക്രമീകരണവും പൂര്‍ത്തിയാകുന്ന മുറക്ക് മോട്ടോര്‍ വാഹന വകുപ്പിന്റെ രജിസ്‌ട്രേഷന്‍ പൂര്‍ത്തിയാക്കി വാഹനങ്ങള്‍ സര്‍വീസിലിറക്കും.കേരള മെഡിക്കല്‍ സര്‍വീസസ് കോര്‍പറേഷന്‍ ലിമിറ്റഡിന്റെ മേല്‍നോട്ടത്തില്‍ ഹൈദരാബാദ് ആസ്ഥാനമായ ഇഎംആര്‍ഐ ഗ്രീന്‍ഹെല്‍ത്ത് സര്‍വീസസ് വിന്യസിക്കുന്ന 335 ആംബുലന്‍സുകളില്‍ 315 ബേസിക് ലൈഫ് സപ്പോര്‍ട്ട്, വെന്റിലേറ്റര്‍ സൗകര്യമുള്ള 14 അഡ്വാന്‍സ്ഡ് ലൈഫ് സപ്പോര്‍ട്ട്, നവജാത ശിശുക്കള്‍ക്ക് വേണ്ടിയുള്ള ആറ് നിയോനറ്റല്‍ ആംബുലന്‍സുകള്‍ എന്നിവ ഉള്‍പ്പെടുന്നു. ഇത്തരം സംവിധാനങ്ങളുള്ള ആംബുലന്‍സുകള്‍ ആദ്യമായാണ് കേരളത്തില്‍ 108 ആംബുലന്‍സ് പദ്ധതിയുടെ ഭാഗമായി നിരത്തിലിറക്കുന്നത്.

മാഞ്ഞു, ആ കുരുന്നുചിരികൾ; ഇരട്ടക്കുട്ടികളുടെ ഉള്ളിൽച്ചെന്നത് മാരക കീടനാശിനി: ടിന്നിന്റെ തകിട് ദ്രവിച്ച് പുറത്തേക്ക് ഒഴുകി.

0

അടിമാലി : ഇരട്ടകളായ പിഞ്ചുസഹോദരങ്ങളുടെ കളിചിരികൾ ഒരുനിമിഷം കൊണ്ട് തീരാനോവായി മാറി. ഇഹാനും റിഹാനും മൂന്നുവയസ്സുള്ള മൂത്ത സഹോദരൻ അഹിലിനൊപ്പം കളിച്ചുചിരിച്ചു പിന്നിട്ട സായാഹ്നമാണ് ദുരന്തത്തിൽ കലാശിച്ചത്.നിനച്ചിരിക്കാത്ത സമയത്താണ് പിഞ്ചോമനകൾ നിലത്തുവീണുകിടന്ന കീടനാശിനി അറിയാതെ നാവിൽതൊട്ടത്. കീടനാശിനി ഉള്ളിൽച്ചെന്നതിന്റെ ലക്ഷണങ്ങൾ ഇഹാന്റെ ശരീരത്തിൽ പ്രകടമായി. അസ്വസ്ഥത വർധിച്ചുവന്നതോടെ വീടിനുള്ളിൽ അഫ്സലും ഭാര്യ സാന്ദ്രയും വീടിനുള്ളിൽ നടത്തിയ പരിശോധനയിലാണ് അടുക്കളയുടെ ബർത്തിൽനിന്ന് തറയിലേക്കു വീണുകിടക്കുന്ന കീടനാശിനി ശ്രദ്ധയിൽപെട്ടത്. ഉടൻതന്നെ ആശുപത്രിയിലെത്തിച്ചെങ്കിലും ഇരുവരും മരണത്തിനു കീഴടങ്ങുകയായിരുന്നു.വെള്ളിയാഴ്ച രാത്രി വിഷം ഉള്ളിൽച്ചെന്ന് ഇരട്ടക്കുട്ടികൾ മരിച്ചെന്ന വിവരം പുറത്തുവന്നതോടെ ജില്ലാ പൊലീസ് മേധാവി ഡോ. എ.നസീമിന്റെ നിർദേശത്തെത്തുടർന്ന് അടിമാലി സിഐ സിദ്ദിഖ് അബൂബക്കർ, എസ്ഐമാരായ അജീഷ് കെ, ജോൺ, അബ്ബാസ് എന്നിവരുടെ നേതൃത്വത്തിൽ രാത്രി തന്നെ പൊലീസ് സംഘം വീട്ടിലെത്തി പരിശോധന നടത്തിയിരുന്നു.ഇന്നലെ രാവിലെ ഇടുക്കി ഡിവൈഎസ്‌പി മോഹൻദാസിന്റെ നേതൃത്വത്തിൽ പൊലീസ് സംഘം വീണ്ടും പരിശോധന നടത്തി. കുട്ടികളുടെ മരണത്തിൽ ദുരൂഹതയില്ലെന്നാണ് പ്രാഥമിക അന്വേഷണത്തിൽനിന്നു വ്യക്തമാകുന്നതെന്ന് പൊലീസ് ഉദ്യോഗസ്ഥർ പറഞ്ഞു. ഇടുക്കിയിൽനിന്ന് ഫൊറൻസിക് വിദഗ്ധരും സ്ഥലത്തെത്തി പരിശോധനകൾ നടത്തിയിട്ടുണ്ട്.മാരക കീടനാശിനിയായ സെൽക്രോൺ ആണ് ഇരട്ടക്കുട്ടികളുടെ ജീവൻ അപഹരിച്ചത്. 2 മാസം മുൻപാണ് ഇവർ വീട് വാടകയ്ക്കെടുത്തു താമസം തുടങ്ങിയത്. അതിനു മുൻപ് വീട്ടിൽ താമസിച്ചവരാകാം സെൽക്രോൺ വാങ്ങി സൂക്ഷിച്ചതെന്നാണ് നിഗമനം. കാലപ്പഴക്കത്താൽ ടിന്നിന്റെ തകിട് ദ്രവിച്ച് കീടനാശിനി പുറത്തേക്ക് ഒഴുകിയിരുന്നു.

വൈദ്യുതി പ്രതിസന്ധിയില്‍ നട്ടംതിരിഞ്ഞ് പൊതുജനം; ബദല്‍ മാര്‍ഗം കണ്ടെത്താനുള്ള ശ്രമത്തില്‍ KSEB.

0

തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി തുടരുന്നു. വൈദ്യുതി ആവശ്യവും ഉയര്‍ന്നതോടെ രൂക്ഷമായിരിക്കുകയാണ് സാഹചര്യം. രണ്ടര ലക്ഷം മെഗാവാട്ടിലും കൂടുതലായിരുന്നു കഴിഞ്ഞ ദിവസം പീക്ക് അവര്‍ ഉപഭോഗം. സര്‍വകാല റെക്കോര്‍ഡാണിത്. പ്രതിസന്ധി രൂക്ഷമായി തുടരുന്ന സാഹചര്യത്തില്‍ ബദല്‍ മാര്‍ഗം കണ്ടെത്താനുള്ള ശ്രമത്തിലാണ് കെഎസ്ഇബി. പവര്‍ എക്‌സ്‌ചേഞ്ചില്‍ നിന്ന് വൈദ്യുതി ലഭിക്കുമെന്നാണ് പ്രതീക്ഷ. ഈ മാസം 30 വരെ നിയന്ത്രണം തുടരാനാണ് സാധ്യത.വൈദ്യുതി ആവശ്യം ഇനിയും ഉയരാന്‍ സാധ്യതയുണ്ട്. ദേശീയതലത്തില്‍ 12,000 മെഗാവാട്ടിന്റെ വൈദ്യുതി കുറവ് തുടരുകയാണ്. മഴ മുന്നറിയിപ്പുള്ളതിനാല്‍ ഉപഭോഗം കുറയുമെന്ന പ്രതീക്ഷയിലാണ് കെഎസ്ഇബി. എസി, ഇലക്ട്രിക് വാഹന ഉപയോഗം പരമാവധി കുറയ്ക്കണമെന്നും അഭ്യര്‍ത്ഥനയുണ്ട്. ‘ഗ്രിഡ് ഇന്ത്യ’യുടെ റിപ്പോര്‍ട്ട് പ്രകാരം രാജ്യത്ത് ഏറ്റവും കൂടുതല്‍ വൈദ്യുതി പ്രതിസന്ധി നേരിടുന്ന സംസ്ഥാനം തമിഴ്‌നാടാണ്. രണ്ടാം സ്ഥാനത്ത് കേരളവും മൂന്നാം സ്ഥാനത്ത് രാജസ്ഥാനുമാണ്.അതേസമയം സംസ്ഥാനത്ത് ഇന്നും ശക്തമായ ചൂടിന് സാധ്യതയുണ്ടെന്നാണ് മുന്നറിയിപ്പ്. വിവിധയിടങ്ങളില്‍ താപനില സാധാരണയേക്കാള്‍ 3 മുതല്‍ 4 ഡിഗ്രി സെല്‍ഷ്യസ് വരെ ഉയര്‍ന്നേക്കുമെന്നാണ് മുന്നറിയിപ്പ്. പകല്‍ 11 മുതല്‍ 3 മണി വരെ നേരിട്ട് വെയിലേല്‍ക്കുന്നത് ഒഴിവാക്കണമെന്ന് ദുരന്തനിവാരണ അതോറിറ്റി അറിയിച്ചു.സംസ്ഥാനത്ത് നാളെ മുതല്‍ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നും അറിയിപ്പുണ്ട്. പത്തനംതിട്ട, ഇടുക്കി, പാലക്കാട് ജില്ലകളില്‍ നാളെ യെല്ലോ അലര്‍ട്ട് പ്രഖ്യാപിച്ചിട്ടുണ്ട്. ചൊവ്വ, ബുധന്‍ ദിവസങ്ങളും ഒറ്റപ്പെട്ടയിടങ്ങളില്‍ ശക്തമായ മഴയ്ക്ക് സാധ്യതയുണ്ടെന്നും പ്രവചനമുണ്ട്. ചൊവ്വാഴ്ച മലപ്പുറം, കോഴിക്കോട്, വയനാട് ജില്ലകളിലും ബുധനാഴ്ച ഇടുക്കി, കോഴിക്കോട്, വയനാട്, കണ്ണൂര്‍ ജില്ലകളിലും യെല്ലോ അലേര്‍ട്ട് നല്‍കിയിട്ടുണ്ട്.

ബ്രിക്‌സ് ഉച്ചകോടി; സംയുക്ത പ്രസ്താവനക്ക് അംഗീകാരം

0

ന്യൂഡല്‍ഹി: ബ്രിക്‌സ് ഉച്ചകോടിയില്‍ സംയുക്ത പ്രസ്താവന പുറപ്പെടുവിക്കുന്നതില്‍ സമവായത്തിലെത്തി അംഗരാജ്യങ്ങള്‍. പശ്ചിമേഷ്യയിലെ സംഘര്‍ഷം നിലനില്‍ക്കെ ശനിയാഴ്ച പുലര്‍ച്ചെ നാല് മണിവരെ നീണ്ടുനിന്ന ചര്‍ച്ചകള്‍ക്ക് പിന്നാലെയാണ് അംഗരാജ്യങ്ങള്‍ അനുരഞ്ജനത്തിലെത്തിയത്. ഇത് ഇന്ത്യയുടെ നയതന്ത്രമുന്നേറ്റമായി വിശേഷിപ്പിക്കപ്പെടുന്നു. ഇതോടെ ബ്രിക്‌സ് ആദ്യ സെഷന് സമാപനമായി. അവസാന സെഷന്‍ നാളെ അവസാനിക്കും. അടുത്ത ബ്രിക്‌സ് ഉച്ചകോടി ചൈനയില്‍ നടത്താനും ധാരണയായി.പശ്ചിമേഷ്യയിലെ സംഘര്‍ഷവുമായി ബന്ധപ്പെട്ട് യുഎഇയും ഇറാനും തമ്മിലുണ്ടായിരുന്ന കടുത്ത അഭിപ്രായവ്യത്യാസങ്ങളാണ് ചര്‍ച്ചകളെ വലിയ തോതില്‍ പ്രതിസന്ധിയിലാക്കിയത്. ഒരു മേശയ്ക്ക് ചുറ്റും ഈ രാജ്യങ്ങളിലെ നേതാക്കളെ ഒന്നിച്ചിരുത്താനായെന്നത് ആഗോള തലത്തില്‍ മോദി ഡിപ്ലോമസി എന്ന് തന്നെ വിലയിരുത്തപ്പെടും.

നേരത്തെ ഇന്ത്യയുടെ അധ്യക്ഷതയില്‍ നടന്ന ബ്രിക്‌സ് രാജ്യങ്ങളിലെ വിദേശകാര്യ മന്ത്രിമാരുടെ യോഗം എല്ലാവര്‍ക്കും അംഗീകരിക്കാവുന്ന ഒരു സംയുക്ത പ്രസ്താവനയില്ലാതെ അവസാനിച്ചിരുന്നു.ആറുമാസമായി തുടരുന്ന യുദ്ധത്തില്‍ അമേരിക്കയും ഇറാനും വീണ്ടും ആക്രമണം ആരംഭിച്ചെങ്കിലും, ഇറാന്റെ പിന്തുണയുള്ള യെമനിലെ ഹൂതി വിമതര്‍ ചെങ്കടല്‍ മേഖലയിലെ തങ്ങളുടെ നിയന്ത്രണം കൂടുതല്‍ ശക്തമാക്കിയിട്ടുണ്ട്. ഇരു രാജ്യങ്ങള്‍ക്കുമിടയിലെ കടുത്ത അഭിപ്രായവ്യത്യാസങ്ങള്‍ പരിഹരിച്ച് സമവായത്തിലെത്തിക്കുന്നതിനായി ഇന്ത്യ ദീര്‍ഘമായ ചര്‍ച്ചകള്‍ക്ക് നേതൃത്വം നല്‍കിയതായി ഔദ്യോഗിക വൃത്തങ്ങള്‍ അറിയിച്ചു. ബ്രിക്‌സ് ഉച്ചകോടി ഒരു സംയുക്ത പ്രസ്താവനയോടെ അവസാനിക്കുന്നതിന് മറ്റ് അംഗരാജ്യങ്ങളും വലിയ താത്പര്യം പ്രകടിപ്പിച്ചിരുന്നു. എല്ലാ അംഗരാജ്യങ്ങളുടേയും പിന്തുണയോടെയാണ് ഇന്ത്യ ഇരു പക്ഷങ്ങള്‍ക്കുമിടയില്‍ സമവായം രൂപപ്പെടുത്തുന്നതിനുള്ള ശ്രമങ്ങള്‍ മുന്നോട്ടുകൊണ്ടുപോയത്.

ഒരു രാജ്യത്തെയും പേരെടുത്ത് പരാമര്‍ശിക്കാത്ത തരത്തിലുള്ള സംയുക്ത പ്രസ്താവനയാണ് തയ്യാറാക്കിയതെന്നാണ് പുറത്തുവരുന്ന വിവരം. ഏതെങ്കിലും രാജ്യം നടത്തുന്ന ഏകപക്ഷീയമായ യുദ്ധത്തെ സംയുക്ത പ്രസ്താവനയിൽ അപലപിക്കുമെന്നും ബ്രിക്‌സ് നേതാക്കള്‍ വ്യക്തമാക്കി. നിലവിലെ ഭൗമരാഷ്ട്രീയ സാഹചര്യത്തില്‍ ഈ സംയുക്ത പ്രസ്താവനയ്ക്ക് വലിയ സ്വാധീനം ചെലുത്താന്‍ സാധ്യതയില്ലെങ്കിലും, ബ്രിക്‌സ് രാജ്യങ്ങള്‍ ഐക്യം പ്രകടിപ്പിക്കുന്നത് പ്രധാനമാണെന്ന് വിദഗ്ധര്‍ പറയുന്നു.ഉച്ചകോടിയില്‍ പങ്കെടുക്കുന്ന നേതാക്കളില്‍ റഷ്യന്‍ പ്രസിഡന്റ് വ്‌ളാദിമിര്‍ പുടിന്‍, ചൈനീസ് പ്രസിഡന്റ് ഷി ജിന്‍പിങ്, ഇറാന്‍ പ്രസിഡന്റ് മസൂദ് പെസെഷ്‌കിയാന്‍, ദക്ഷിണാഫ്രിക്കന്‍ പ്രസിഡന്റ് സിറില്‍ റമഫോസ, അബുദാബി കിരീടാവകാശി ഷെയ്ഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍ തുടങ്ങിയവര്‍ ഉള്‍പ്പെടുന്നു. അമേരിക്ക, റഷ്യ, ഇസ്രയേല്‍, ഇറാന്‍, ഗള്‍ഫ് അറബ് രാജ്യങ്ങള്‍ എന്നിവരുമായി ശക്തമായ ബന്ധം പുലര്‍ത്തുന്ന ഇന്ത്യ സങ്കീര്‍ണമായ നയതന്ത്ര രീതികളാണ് കൈകാര്യം ചെയ്യുന്നത്.

യുദ്ധം ആരംഭിച്ചതിന് ശേഷം ഇറാനില്‍ നിന്നുള്ള മിസൈല്‍ ആക്രമണങ്ങള്‍ നേരിട്ടതിനെ തുടര്‍ന്ന് ഓഗസ്റ്റില്‍ യുഎഇ ഇറാനുമായുള്ള എല്ലാ വ്യാപാര-സാമ്പത്തിക ഇടപാടുകളും നിര്‍ത്തിവച്ചിരുന്നു.അന്താരാഷ്ട്ര നിയമങ്ങളിലും സ്ഥാപനങ്ങളിലും കൂടുതല്‍ സ്വാധീനം ചെലുത്തുന്നതിനും ലോകബാങ്ക്, ഐഎംഎഫ്, ഡബ്ല്യുടിഒ തുടങ്ങിയ സ്ഥാപനങ്ങളില്‍ പരിഷ്‌കരണം ആവശ്യപ്പെടുന്നതിനുമാണ് ബ്രിക്‌സിന്റെ ശ്രമം. ഈ സ്ഥാപനങ്ങള്‍ പാശ്ചാത്യ ശക്തികളുടെ സ്വാധീനത്തിലാണെന്ന് ചില അംഗരാജ്യങ്ങള്‍ അഭിപ്രായപ്പെട്ടു. മാറുന്ന ലോകക്രമത്തില്‍ മാറ്റങ്ങള്‍ അനിവാര്യമെന്ന് ബ്രിക്‌സ് ഉച്ചകോടിയില്‍ പ്രധാനമന്ത്രി നരേന്ദ്രമോദി മോദി പറഞ്ഞു. ഇന്ത്യയുടെ അധ്യക്ഷ പദവി ജനപക്ഷത്തുള്ളതും മാനവികതയില്‍ ഊന്നിയതുമാണ്. ബ്രിക്‌സ് ഉള്‍പ്പെടുന്ന ഗ്ലോബല്‍ സൗത്തിന്റെ പ്രാധാന്യവും പ്രധാനമന്ത്രി ആവര്‍ത്തിച്ചു. ബ്രിക്‌സ് ഏതെങ്കിലും പക്ഷത്തിന് എതിരായ കൂട്ടായ്മയല്ലെന്നും ആഗോള ഭരണനിര്‍വ്വഹണത്തില്‍ ഗ്ലോബല്‍ സൗത്ത് രാജ്യങ്ങള്‍ നിയമങ്ങള്‍ രൂപീകരിക്കുന്നവരായി മാറേണ്ടതുണ്ടെന്നും പ്രധാനമന്ത്രി നരേന്ദ്ര മോദി പറഞ്ഞു.അതേസമയം, ചൈനീസ് പ്രസിഡന്റ് ഷി ജിന്‍പിങ് പശ്ചിമേഷ്യന്‍ യുദ്ധത്തെ ശക്തമായി അപലപിച്ചു.

പശ്ചിമേഷ്യന്‍ യുദ്ധം മേഖലയിലുടനീളമുള്ള ജനങ്ങള്‍ക്ക് ഗുരുതരമായ നഷ്ടങ്ങള്‍ വരുത്തിയെന്നും അന്താരാഷ്ട്ര സമൂഹത്തിന്റെ പൊതു താത്പര്യങ്ങൾ നിറവേറ്റുന്നില്ല എന്നും ബ്രിക്‌സ് ഉച്ചകോടിയില്‍ ഷി പറഞ്ഞു. ഇന്ന് വൈകിട്ട് ചൈനീസ് പ്രസിഡന്റുമായി പ്രധാനമന്ത്രി നരേന്ദ്രമോദി കൂടിക്കാഴ്ച നടത്തും.അംഗങ്ങള്‍ തമ്മിലുള്ള വ്യാപാര സഹകരണം വര്‍ധിപ്പിക്കാനും വ്യാപാര തടസ്സങ്ങള്‍ കുറയ്ക്കാനും ബിസിനസ് അവസരങ്ങള്‍ വികസിപ്പിക്കാനും രാജ്യങ്ങള്‍ തമ്മില്‍ ധാരണയായിട്ടുണ്ട്. അമേരിക്കയും പാശ്ചാത്യ സഖ്യകക്ഷികളും ആധിപത്യം പുലര്‍ത്തുന്ന ആഗോള മേഖലയെ വെല്ലുവിളിക്കുകയെന്ന ലക്ഷ്യത്തോടെ 2009ലാണ് ബ്രിക്‌സ് രൂപീകരിച്ചത്. ഒന്നിച്ചുകൂടുമ്പോള്‍, ബ്രിക്‌സ് അംഗരാജ്യങ്ങള്‍ ലോക ജനസംഖ്യയുടെ 40 ശതമാനത്തിലധികവും ആഗോള സമ്പദ്‌വ്യവസ്ഥയുടെ ഏകദേശം നാലിലൊന്നും പ്രതിനിധീകരിക്കുന്നു.ബ്രിക്‌സിന്റെ നേതൃത്വത്തില്‍ ഡോളറിന്റെ ആധിപത്യത്തെ വെല്ലുവിളിക്കുന്നതിനെക്കുറിച്ച് വര്‍ഷങ്ങളായി ഊഹാപോഹങ്ങള്‍ ഉയരുന്നുണ്ട്. എന്നാല്‍ ബ്രിക്‌സ് രാജ്യങ്ങള്‍ തമ്മിലുള്ള സാമ്പത്തിക ഇടപാടുകള്‍ക്കായി പൊതു പേയ്‌മെന്റ് സംവിധാനം വരുമോ എന്നതിലും ഇതുവരെ ഔദ്യോഗിക പ്രഖ്യാപനങ്ങള്‍ നടത്തിയിട്ടില്ല.