തിരുവനന്തപുരം: കേരളത്തിലെ 8 ജില്ലകളിൽ അടുത്ത 3 മണിക്കൂറിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. പത്തനംതിട്ട, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, വയനാട്, കാസറഗോഡ് എന്നീ ജില്ലകളിലെ ഒറ്റപ്പെട്ടയിടങ്ങളിലാണ് മഴ മുന്നറിയിപ്പുള്ളത്. മോശം കാലാവസ്ഥയ്ക്ക് സാധ്യതയുള്ളതിനാൽ ഇടിമിന്നൽ സമയത്ത് സുരക്ഷിതമായ കെട്ടിടങ്ങളിലേക്ക് മാറാനും മരച്ചുവട്ടിൽ നിൽക്കുന്നത് ഒഴിവാക്കാനും പൊതുജനങ്ങൾ ജാഗ്രത പാലിക്കണമെന്ന് അധികൃതർ നിർദേശിച്ചു.
സദയം മെഡിക്കൽ എയ്ഡ് സെൻ്ററും സൗജന്യ വസ്ത്ര വിതരണ കേന്ദ്രവുംവരിട്ട്യാക്കിൽ തുടങ്ങുന്നു
കുന്ദമംഗലം : സദയം ചാരിറ്റബിൾ ട്രസ്റ്റിൻ്റെ സൗജന്യ വസ്ത്ര വിതരണ കേന്ദ്രവും മെഡിക്കൽ എയ്ഡ് സെൻ്ററും വരിട്ട്യാക്കിൽ എൻ.പി അയൂബ് ബിൽഡിംഗിൽ തുടങ്ങുന്നു. സ്നേഹമീ കുപ്പായം പദ്ധതി പ്രകാരം ഒന്നോ രണ്ടോ തവണ ഉപയോഗിച്ച വസ്ത്രങ്ങളാണ് നൽകുക. ജീവാമൃതം പദ്ധതി പ്രകാരം ഓക്സിജൻ കോൺസൻട്രേറ്റർ,വീൽചെയർ, വാക്കർ, കുട്ടികൾക്കുള്ള വീൽ ചെയർ, കസേര തുടങ്ങിയ ഉപകരണങ്ങൾ ആവശ്യക്കാർക്ക് ഇവിടെ രജിസ്റ്റർ ചെയ്യാം. എല്ലാ ബുധനാഴ്ചയും വൈകിട്ടായിരിക്കും കേന്ദ്രം പ്രവർത്തിക്കുക. വസ്ത്രങ്ങളും മെഡിക്കൽ ഉപകരണങ്ങളും ഈ കേന്ദ്രത്തിൽ സ്വീകരിക്കുകയും ചെയ്യും. വിവരങ്ങൾക്ക് : 7907876102, 97479 64450.
കെ.എസ്.ആർ.ടി.സി ദീര്ഘദൂര സര്വിസ് മാത്രം ആറുവരിപ്പാതയിലൂടെ; മറ്റു ബസുകൾക്ക് സര്വിസ് റോഡുകള്
തിരുവനന്തപുരം: സംസ്ഥാനത്ത് നിര്മാണം പൂര്ത്തിയായിവരുന്ന ആറുവരി ദേശീയപാതയിലൂടെ സഞ്ചരിക്കാൻ കെ.എസ്.ആർ.ടി.സിയുടെ ദീര്ഘദൂര സര്വിസുകൾക്ക് മാത്രം മോട്ടോര് വാഹന വകുപ്പ് അനുമതി നൽകി. സ്വകാര്യ ബസുകളും കെ.എസ്.ആർ.ടി.സിയുടെ മറ്റു ബസുകളും സര്വിസ് റോഡുകള് വഴിമാത്രമേ സര്വിസ് നടത്താവൂ. സുഗമമായ ഗതാഗതവും സുരക്ഷയും മുന്നിര്ത്തിയാണ് പുതിയ യാത്രാനിയന്ത്രണവുമായി മോട്ടോര് വാഹന വകുപ്പ് ഉത്തരവിറക്കിയത്.യാത്രക്കാരുടെ സൗകര്യാർഥമാണ് ദീര്ഘദൂര സര്വിസുകള്ക്ക് പുതിയ ഉത്തരവില് ഇളവ് അനുവദിച്ചത്. കെ.എസ്.ആർ.ടി.സിയുടെ സൂപ്പര്ഫാസ്റ്റ്, എക്സ്പ്രസ്, മിന്നല്, ഡീലക്സ് തുടങ്ങിയ ദീര്ഘദൂര സര്വിസുകള്ക്ക് തടസ്സമില്ലാതെ ആറുവരിപ്പാത ഉപയോഗിക്കാം. ഹൈവേകളിലെ വേഗത നിലനിര്ത്തുന്നതിനും ലോക്കല് ഗതാഗതം സര്വിസ് റോഡുകളിലേക്ക് തിരിച്ചുവിടുന്നതിനുമാണ് ഈ ക്രമീകരണം.സാധാരണ റൂട്ട് ബസുകള് ആറുവരിപ്പാതയിലൂടെ സര്വിസ് നടത്തിയാല് കര്ശന നടപടി സ്വീകരിക്കുമെന്ന് ട്രാന്സ്പോര്ട്ട് കമീഷണര് നാഗരാജു ചകിലം മുന്നറിയിപ്പ് നല്കി. ഇത്തരം നിയമലംഘനങ്ങള് കണ്ടെത്തിയാല് ബസിന്റെ പെര്മിറ്റ് റദ്ദാക്കാനും, ഉത്തരവാദികളായ ഡ്രൈവറുടെയും കണ്ടക്ടറുടെയും ലൈസന്സ് സസ്പെന്ഡ് ചെയ്യാനുമാണ് മോട്ടോര് വാഹന വകുപ്പിന്റെ തീരുമാനം.കഴിഞ്ഞ ദിവസം, ആറുവരി ദേശീയപാതയിൽ സ്റ്റേജ് ക്യാരേജ് ബസുകൾ വിലക്കി മോട്ടോർ വാഹന വകുപ്പ് ഉത്തരവിറക്കിയിരുന്നു. ഇതുവഴി സർവിസ് നടത്തുന്ന ഇത്തരം ബസുകൾ പ്രായമായവരും കുട്ടികളും ഉൾപ്പടെയുള്ള യാത്രക്കാരെ ഹൈവേയിൽ ഇറക്കിവിടുന്ന സംഭവങ്ങൾ ശ്രദ്ധയിൽപെട്ടതിനെ തുടർന്നാണ് നടപടി.ഇത്തരത്തിൽ ഇറക്കിവിടുമ്പോൾ ഹൈവേയിൽനിന്ന് പുറത്തിറങ്ങാൻ കിലോമീറ്ററുകൾ നടക്കേണ്ടിവരുന്നെന്ന് കാട്ടി നിരവധി പേർ പരാതി നൽകിയിരുന്നു.
സർവിസ് റോഡ് ഒഴിവാക്കി ആറുവരിപ്പാതയിലൂടെ മാത്രം സഞ്ചരിക്കുന്ന സ്റ്റേജ് കാരേജ് ബസുകളുടെ ദൃശ്യങ്ങൾ കഴിഞ്ഞ ഏതാനും ദിവസങ്ങളായി സമൂഹ മാധ്യമങ്ങളിൽ വ്യാപകമായി പ്രചരിക്കുകയും ചെയ്തു. ഹൈവേയിൽ നിർത്തുന്ന ബസുകൾ പെട്ടെന്ന് റിവേഴ്സ് എടുക്കുന്നത് അപകടത്തിനും കാരണമാകുന്നുണ്ട്.ഇക്കാര്യങ്ങൾ മുൻനിർത്തി നിയമങ്ങളിൽ വ്യക്തത വരുത്തുകയാണ് മോട്ടോർ വാഹന വകുപ്പ് ചെയ്തത്. ആറുവരിപ്പാതയിൽ ഒരിടത്തും വാഹനം നിർത്തിയിടാനുള്ള അനുമതിയില്ലെന്നും ഒരുസ്ഥലത്തും ബസ് സ്റ്റോപ്പുകൾ അനുവദിച്ചിട്ടില്ലെന്നും അധികൃതർ വ്യക്തമാക്കി.
പന്തീരാങ്കാവ് എംഡിഎംഎ കേസ്: അന്വേഷണം നോയിഡയിലെ ആഡംബര ഫ്ലാറ്റിലേക്ക്, കൂടുതൽ പേർ പിടിയിൽ
പന്തീരാങ്കാവ്: കേരളത്തിലേക്ക് എം.ഡി.എം.എ വിതരണം ചെയ്യുന്ന ശൃംഖലയിലെ പ്രധാനികളായ യുവതിയെയും യുവാവിനെയും പന്തീരാങ്കാവ് പൊലീസിന്റെ പിടികൂടി. നിലമ്പൂർ ചോക്കാട് ചപ്പാത്തിൽ അജ്മൽ (32), തിരുവനന്തപുരം മലയിൻകീഴ് കൃഷ്ണ സദനത്തിൽ സൂര്യ (23) എന്നിവരെയാണ് നോയിഡയിലെ ആഡംബര ഫ്ലാറ്റിൽ വെച്ച് പിടികൂടിയത്. മേയ് ഒമ്പതിന് ദേശീയപാത പന്തീരാങ്കാവിൽ വെച്ച് എം.ഡി.എം.എയുമായി അറസ്റ്റ് ചെയ്ത മൂന്നു പ്രതികളെ ചോദ്യം ചെയ്തതിൽ നിന്നാണ് വിതരണക്കാരായ അജ്മൽ, സൂര്യ എന്നിവരിലേക്ക് പൊലീസ് എത്തിയത്.കഴിഞ്ഞ മേയ് ഒമ്പതിന് പള്ളിക്കൽ ബസാർ ചാലിൽ കടവത്ത് മുഹമ്മദ് അർഷലാൽ (25), ചേലേമ്പ്ര മേലെത്തൊടി ആദിൽഷ (20), ഐക്കരപ്പടി കുറിയേടം അമ്പായത്തിങ്ങൽ മുഹമ്മദ് ഫർഹാൻ (22) എന്നിവരെയാണ് അറസ്റ്റ് ചെയ്തിരുന്നു. കോഴിക്കോട് സിറ്റി നാർകോട്ടിക് അസിസ്റ്റന്റ് കമീഷണറും ഡാൻസാഫും ഫറോക്ക് അസിസ്റ്റന്റ് കമീഷണർ സ്കോഡും ചേർന്ന് പന്തീരാങ്കാവ് ഇൻസ്പെക്ടറുടെ നേതൃത്വത്തിൽ പ്രത്യേക അന്വേഷണ സംഘം രൂപവത്കരിച്ചിരുന്നു. അന്ന് പിടിയിലായ വരെ പിന്തുടർന്നുള്ള അന്വേഷണത്തിലാണ് ഡൽഹി കേന്ദ്രീകരിച്ച് പ്രവർത്തിക്കുന്ന ഇരുവരിലേക്കും അന്വേഷണം എത്തിയത്.
ആൾമാറാട്ടം നടത്തി ആർഭാടജീവിതം, രാത്രിയിൽ പിക്കാസുമായി വീടുകളിലേക്ക് ; കുപ്രസിദ്ധ കുറ്റവാളി പിടിയിൽ
കോഴിക്കോട്: വീട്ടുകാർ ഉറങ്ങിക്കിടക്കുന്നതിനിടെ അതിവിദഗ്ധമായി വാതിൽ പൊളിച്ച് വീടുകളിൽ കവർച്ച നടത്തുന്ന മോഷ്ടാവ് പിടിയിൽ. മലപ്പുറം കാളികാവ് അരിമണൽ സ്വദേശി ചെമ്മല ബഷീർ (49) ആണ് പിടിയിലായത്.സിറ്റി ക്രൈം സ്ക്വാഡും ടൗൺ എ.സി.പി ടി.കെ. അഷ്റഫിന്റെ നേതൃത്വത്തിൽ കസബ പോലീസും നടത്തിയ അന്വേഷണത്തിലാണ് പ്രതിയെ കോഴിക്കോട് റെയിൽവേ സ്റ്റേഷൻ പരിസരത്ത് വെച്ച് കസ്റ്റഡിയിൽ എടുത്തത്.
വിവരമറിഞ്ഞ് അയൽവാസികൾ വീടുകളിൽനിന്ന് പുറത്തിറങ്ങി തിരച്ചിൽ നടത്തിയെങ്കിലും കണ്ടെത്താനായില്ല. പിന്നീട് പിക്കാസ് തിരികെ കൊണ്ടുവെക്കാനെത്തിയ പ്രതി വീട്ടുകാരെ കണ്ടതോടെ പിക്കാസ് മുറ്റത്തിട്ട് വീണ്ടും രക്ഷപ്പെട്ടു.തുടർന്ന് പൊലീസെത്തി നാട്ടുകാരുടെ സഹായത്തോടെ തിരച്ചിൽ നടത്തിയെങ്കിലും പ്രതിയെ കണ്ടെത്താനായില്ല. സി.സി.ടി.വി ദൃശ്യങ്ങളും മറ്റ് ശാസ്ത്രീയ തെളിവുകളും കേന്ദ്രീകരിച്ച് നടത്തിയ അന്വേഷണത്തിലാണ് മോഷണത്തിന് പിന്നിൽ കുപ്രസിദ്ധ മോഷ്ടാവായ ചെമ്മല ബഷീറാണെന്ന് മനസ്സിലാക്കാൻ കഴിഞ്ഞത്.മോഷണത്തിന് ശേഷം കോയമ്പത്തൂർ, മംഗലാപുരം, പാലക്കാട് തുടങ്ങിയ സ്ഥലങ്ങളിൽ മാറിമാറി താമസിച്ച് മോഷ്ടിച്ച പണം ഉപയോഗിച്ച് ആർഭാടജീവിതം നയിച്ചുവരികയായിരുന്നു പ്രതി. അടുത്ത മോഷണത്തിനായി കോഴിക്കോട് എത്തിയതായി രഹസ്യവിവരം ലഭിച്ചതിനെ തുടർന്നാണ് ക്രൈം സ്ക്വാഡ് വല വിരിച്ചത്.പുതിയറയിലെ മറ്റൊരു വീട്ടിൽനിന്ന് പൈപ്പുകളും മറ്റ് വീട്ടുപകരണങ്ങളും മോഷ്ടിച്ചതും പ്രതി സമ്മതിച്ചതായി പൊലീസ് അറിയിച്ചു. മോഷ്ടിച്ച സ്വർണം വീണ്ടെടുക്കുന്നതിനുള്ള നടപടികൾ ആരംഭിച്ചിട്ടുണ്ട്. പ്രതിക്കെതിരെ സംസ്ഥാനത്തെ വിവിധ സ്റ്റേഷനുകളിലായി നൂറോളം മോഷണക്കേസുകൾ നിലവിലുണ്ടെന്ന് പൊലീസ് അറിയിച്ചു.കസബ ഇൻസ്പെക്ടർ സായൂജ് ആണ് അന്വേഷണത്തിന് മേൽനോട്ടം വഹിച്ചത്.എസ്.ഐമാരായ ഷൈജു, രണ്തീർ, എ.എസ്.ഐ സജേഷ് എസ്.സി.പി.ഒ രാജേഷ്, സന്ദീപ്, റെനീഷ്, ജിതിൻ, ലൈലാബി, ക്രൈം സ്ക്വാഡ് അംഗങ്ങളായ എസ്.ഐ അബ്ദുഹ്മാൻ, അനീഷ് മൂസൻവീട്, ഹാദിൽ ,ഷാഫി പറമ്പത്ത്, ഷഹീർ പെരുമണ്ണ, ജിനേഷ് ചൂലൂർ, എന്നിവരായിരുന്നു അന്വേഷണസംഘത്തിൽ ഉണ്ടായിരുന്നത്
പാര്ട്ടി കരുത്തുറ്റ ഇടതു രാഷ്ട്രീയം തിരിച്ചുപിടിക്കണം; പൊതു ചര്ച്ച ഇന്നും തുടരും
കോഴിക്കോട്: സിപിഐഎം വിപുലീകൃത സംസ്ഥാന കമ്മിറ്റിയിലെ പൊതു ചര്ച്ചയില് നേതൃത്വത്തിനെതിരെ രൂക്ഷ വിമര്ശനം എന്ന് വിവരം. വെള്ളാപ്പള്ളിയോട് സ്വീകരിച്ച സമീപനത്തില് നേതൃത്വത്തിനെതിരെ പ്രതിനിധികള് കടന്നാക്രമണം നടത്തി എന്നാണ് റിപ്പോര്ട്ട്. വെള്ളാപ്പള്ളിയെ ചുമന്നത് പാര്ട്ടിക്ക് നാണക്കേടായി. സംസ്ഥാന നേതൃത്വത്തിന് ഗുരുതരമായ വീഴ്ചകള് പറ്റി എന്നാണ് കുറ്റപ്പെടുത്തല്. വിപുലീകൃത സംസ്ഥാന സമിതിയില് നിര്ദ്ദേശങ്ങള് അവഗണിച്ചും കടന്നാക്രമണം ഉണ്ടായി. നേരത്തെ തന്നെ ജില്ലാ സെക്രട്ടറിയേറ്റ് വിളിച്ച് ചേര്ത്ത് വ്യക്തികള്ക്കെതിരെ ചര്ച്ച ചുരുക്കരുതെന്ന് നിര്ദേശം നല്കിയിരുന്നു.എംഎല്എയെ എന്തിന് സെക്രട്ടറിയാക്കി എന്നായിരുന്നു തിരുവനന്തപുരത്ത് വി ജോയിയെ ജില്ലാ സെക്രട്ടറിയാക്കി നിലനിര്ത്തിയതിനതിരായി പ്രതിനിധികള് ഉയര്ത്തിയ ചോദ്യം. വി ജോയിയുടെ പ്രവര്ത്തനത്തില് പ്രതിനിധികള്ക്ക് അതൃപ്തി ഇല്ലെങ്കിലും എംഎല്എ ആയിരിക്കുന്നൊരാളെ സെക്രട്ടറി ആയി തുടരാന് അനുവദിച്ച സംസ്ഥാന നേതൃത്വത്തിന്റെ തീരുമാനത്തിനെതിരെയാണ് കടുത്ത വിമര്ശനം ഉയര്ന്നത്. തൃശ്ശൂര് ജില്ലാ സെക്രട്ടറിയേറ്റ് ആണ് വിമര്ശനമുയര്ത്തിയത്. എന്തു മാനദണ്ഡത്തിലാണ് വി ജോയിയെ സെക്രട്ടറിയാക്കിയതെന്നും തിരുവനന്തപുരത്ത് പാര്ട്ടിയെ നയിക്കാന് വേറെ ആരും ഇല്ലേ എന്നും ചോദ്യമുണ്ടായി. മറ്റെവിടെയും ജനപ്രതിനിധിയായി ഇരിക്കുന്ന ആരും ജില്ലാ സെക്രട്ടറി പദവിയില് തുടരുന്നില്ല. അവിടെ മാത്രം എന്താണ് ഇളവെന്നും പ്രതിനിധികള് ചോദിച്ചു.തളിപ്പറമ്പിലേയും പയ്യന്നൂരിലേയും തോല്വി പാര്ട്ടി ഒരേ നിലയില് തന്നെ കാണുമ്പോഴും വിപുലീകൃത സംസ്ഥാന കമ്മിറ്റി ചര്ച്ച ചെയ്യുന്ന രേഖയില് തളിപ്പറമ്പിലെ തോല്വി ഇല്ല എന്നതും വിമര്ശനത്തിന് ഇടയാക്കിയിട്ടുണ്ട്. പയ്യന്നൂരിലെ തോല്വി മാത്രമാണ് ഉള്പ്പെടുത്തിയിട്ടുള്ളത്. പയ്യന്നൂരിലെയും തളിപ്പറമ്പിലെയും തോല്വിയില് നേതൃത്വത്തിന് വീഴ്ച പറ്റിയെന്നാണ് പാര്ട്ടി കണ്ടെത്തിയിരുന്നത്. സംസ്ഥാന കമ്മിറ്റിയും കേന്ദ്രകമ്മിറ്റിയും തയ്യാറാക്കിയ റിപ്പോര്ട്ടില് അക്കാര്യം ഉള്പ്പെടുത്തിയിരുന്നു. സംസ്ഥാന സെക്രട്ടറി എം വി ഗോവിന്ദന്റെ ഭാര്യ പി കെ ശ്യാമളയായിരുന്നു തളിപ്പറമ്പിലെ സ്ഥാനാര്ത്ഥി. പാര്ട്ടിയുടേത് എന്ത് നേതൃത്വം ആണെന്നും വിശാല സംസ്ഥാന സമിതിയില് ചോദ്യം ഉയര്ന്നിട്ടുണ്ട്. സിപിഐഎം ബിജെപി ഡീല് ആരോപണം പ്രതിരോധിക്കാനായില്ലെന്നും സാമുദായിക സംഘടനകളോടുള്ള സമീപനത്തിലും വ്യക്തതയുണ്ടായില്ലെന്നും വിമര്ശനമുയര്ന്നു.പറ്റിയ പിഴവുകള് കൃത്യമായി പറഞ്ഞില്ലെന്നായിരുന്നു തിരുത്തല് രേഖയ്ക്കെതിരെ അംഗങ്ങള് ഉയര്ത്തിയ കടുത്ത വിമര്ശനം. കേന്ദ്ര കമ്മിറ്റി റിപ്പോര്ട്ടിലെ കണ്ടെത്തലിന്റെ ഗൗരവം പോലും തെറ്റ് തിരുത്തല് രേഖയ്ക്ക് ഇല്ലെന്ന് പ്രതിനിധികള് കുറ്റപ്പെടുത്തി. പറ്റിയ പിഴവുകള് എണ്ണിയെണ്ണി കേന്ദ്ര കമ്മിറ്റി പറഞ്ഞിരുന്നു. എന്നാല് കേന്ദ്ര കമ്മിറ്റി നിര്ദേശിച്ചതുപോലെയുള്ള സ്വയം വിമര്ശനം രേഖയില് ഉള്പ്പെടുത്തിയിട്ടില്ല. സംസ്ഥാന നേതൃത്വം തയ്യാറാക്കിയ റിപ്പോര്ട്ട് ദുര്ബലം എന്നാണ് അംഗങ്ങള് ഉയര്ത്തിയ രൂക്ഷ വിമര്ശനം.അതേസമയം സംസ്ഥാന കമ്മിറ്റി അംഗങ്ങള് നവംബറിന് മുമ്പ് പാര്ട്ടിക്ക് മുമ്പില് സ്വത്ത് വെളിപ്പെടുത്തണം എന്ന തീരുമാനവും വിപുലീകൃത സംസ്ഥാന കമ്മിറ്റിയില് ഉണ്ടായിട്ടുണ്ട്. പിന്നാലെ ജില്ലാ കമ്മിറ്റി അംഗങ്ങള്ക്കും ഏരിയ കമ്മിറ്റി അംഗങ്ങള്ക്കും ഇത് ബാധകമാകും. അംഗത്വം പുതുക്കുമ്പോള് സ്വത്തില് പാര്ട്ടി പരിശോധന നടത്തും. നേതാക്കള് വായ്പ എടുക്കുമ്പോഴും മുന്കൂട്ടി പാര്ട്ടി അറിയിക്കണം എന്നാണ് നിര്ദേശം. പാര്ട്ടിയിലെ സാമ്പത്തിക തട്ടിപ്പുകള് തടയാനാണ് ഇത്തരം ഒരു തിരുത്തല് എന്നാണ് നേതൃത്വം അറിയിച്ചിരിക്കുന്നത്.അതേസമയം വിപുലീകൃത സംസ്ഥാന കമ്മിറ്റിയുടെ അവസാന ദിനം പാര്ട്ടിയുടെ കരുത്ത് തെളിയിക്കാനാണ് സിപിഐഎം ലക്ഷ്യമിടുന്നത്. നാളെ ഒന്നര ലക്ഷം പേര് പങ്കെടുക്കുന്ന മഹാറാലി സംഘടിപ്പിക്കുമെന്നാണ് പാര്ട്ടി അറിയിച്ചത്. സിപിഐഎം ജനറല് സെക്രട്ടറി എംഎ ബേബി ആകും മാഹാ സമ്മേളനം ഉദ്ഘാടനം ചെയ്യുന്നത്. പ്രതിപക്ഷ നേതാവ് പിണറായി വിജയന് പ്രസംഗിക്കും എന്നും വിവരമുണ്ട്. സംസ്ഥാനത്ത് പാര്ട്ടിയുടെ അടിത്തറ ഇളകിയിട്ടില്ലെന്ന് തെളിയിക്കുകയാണ് സിപിഐഎം ലക്ഷ്യമിടുന്നത്. ഇതിന് മുന്നോടിയായി വിപുലമായ ഒരുക്കങ്ങളാണ് കോഴിക്കോട് ബീച്ചിലും റാലി കടന്നു വരുന്ന പ്രദേശങ്ങളിലും നടത്തിയിരിക്കുന്നത്. സംസ്ഥാന – ജില്ലാ നേതാക്കള് പങ്കെടുത്ത് ജില്ലയില് വിപുലമായ കുടുംബയോഗങ്ങള് നേരത്തെ തന്നെ നടത്തിയിരുന്നു. റാലിയുമായി ബന്ധപ്പെട്ട് കോഴിക്കോട് നഗരത്തില് ഗതാഗത നിയന്ത്രണവും ഏര്പ്പെടുത്തിയിട്ടുണ്ട്.
നിയമവിരുദ്ധം; മുഖ്യമന്ത്രിയുടെ കെ.എസ്.ഇ.ബി AI ഡാൻസ് വീഡിയോ നീക്കം ചെയ്ത് മെറ്റ
മുഖ്യമന്ത്രി വിഡി സതീശന്റെ വൈറലായ കെഎസ്ഇബി ഡാന്സ് വിഡിയോ നീക്കി മെറ്റ. ഇന്സ്റ്റഗ്രാമില് പങ്കുവച്ച വിഡിയോ ഇനി ഇന്ത്യയില് കാണാനാകില്ല. വിഡിയോ പങ്കുവച്ച് AI കവല എന്ന ഇന്സ്റ്റഗ്രാം അക്കൗണ്ടാണ് വിഡിയോ നിയന്ത്രിച്ച വിവരം ഇന്സ്റ്റഗ്രാം സ്റ്റോറിയിലൂടെ പുറത്തുവിട്ടത്. കുറച്ചുസമയത്തിനകം തന്നെ 1.78 കോടി പേരാണ് ഈ അക്കൗണ്ടിലൂടെ മാത്രം വിഡിയോ കണ്ടത്. റീച്ച് യു എന്ന ഡിജിറ്റൽ മാർക്കറ്റിംഗ് കമ്പനിയാണ് വീഡിയോ നിർമ്മിച്ചത് . ഇന്ത്യയിലെ നിലവിലെ നിയമങ്ങൾക്ക് വിരുദ്ധമായാണ് വീഡിയോ എന്നത് ചൂണ്ടിക്കാണിച്ചാണ് നടപടി. വിദേശരാജ്യങ്ങളിൽ നിന്ന് വീഡിയോ കാണാൻ കഴിയും.വിഡിയോ വലിയ രീതിയില് പ്രചരിക്കുകയും മുഖ്യമന്ത്രി വി.ഡി. സതീശൻ തന്നെ വിഡിയോയെ പറ്റി സംസാരിക്കുകയും ചെയ്തിരുന്നു. നന്നായി ഡാൻസ് ചെയ്യുന്ന മോഹൻലാലിനേക്കാളും തമിഴ്നാട് മുഖ്യമന്ത്രിയും എന്റെ സുഹൃത്തുമായ വിജയ്യേക്കാളുമെല്ലാം മികച്ച രീതിയിൽ താൻ ഡാൻസ് കളിക്കുന്നു എന്നും വിഡിയോ കണ്ട് ഞെട്ടിപ്പോയി എന്നുമാണ് മുഖ്യമന്ത്രി പറഞ്ഞത്. എന്നാൽ വിഡിയോ എന്തുകൊണ്ട് നീക്കി എന്നതിനെ പറ്റി മെറ്റ ഇതുവരെ വിശദീകരണം നല്കിയിട്ടില്ല.മുഖ്യമന്ത്രിയുടെ AI ഡാൻസ് വീഡിയോ കേരളത്തിലെ മിക്കവരും ഏറ്റെടുത്തിരുന്നുവെന്ന് വീഡിയോ നിർമിച്ച അഭിജിത്ത് പറഞ്ഞു. ആർക്കും ഇതുവരെ വീഡിയോയെ പറ്റി നെഗറ്റിവ് അഭിപ്രായം ഇല്ലെന്നും മുഖ്യമന്ത്രി അടക്കം നല്ല അഭിപ്രായം പറഞ്ഞുവെന്നും അഭിജിത്ത് ട്വന്റിഫോറിനോട് പറഞ്ഞു.
ആലുവയിൽ യുവാവിനെ കല്ലുകൊണ്ട് എറിഞ്ഞ് വീഴ്ത്തി മർദിച്ച് സ്വർണവും പണവും കവർന്നു
ആലുവ: ആലുവയിൽ യുവാവിനെ ക്രൂരമായി മർദിച്ച് സ്വർണവും പണവും കവർന്നു. രണ്ടംഗ സംഘമാണ് പെരുമ്പാവൂർ സ്വദേശിയായ യുവാവിനെ മർദിച്ച് ആയിരം രൂപയും മൂന്ന് പവൻ സ്വർണവും കവർന്നത്. പൊലീസ് ഉടൻ പിടികൂടും.കോഴിക്കോട് പോകുന്നതിനായി പെരുമ്പാവൂരിൽ നിന്ന് ഇയാൾ ആലുവ റെയിൽവേ സ്റ്റേഷനിൽ പുലർച്ചെ എത്തിയപ്പോഴായിരുന്നു സംഭവം. ആദ്യം സംഘം കല്ല് ഉപയോഗിച്ച് എറിഞ്ഞു വീഴ്ത്തുകയും പിന്നീട് ക്രൂരമായി മര്ദിക്കുകയുമായിരുന്നു. ജോഫിന്റെ കൈയിൽ ഉണ്ടായിരുന്ന പണവും സ്വർണമാലയുമാണ് സംഘം കവർന്നെടുത്തത്. പ്രതികൾ സ്ഥിരമായി ഇതേ പരിസരത്ത് പ്രശ്നങ്ങൾ ഉണ്ടാകുന്നവരാണെന്ന് പൊലീസ് പറയുന്നു.
സര്ക്കാര് ഇടപെടല്; 30 രൂപയ്ക്ക് വരെ വൈദ്യുതി വാങ്ങും, അടിയന്തര സാഹചര്യം പരിഗണിച്ച് തീരുമാനം
തിരുവനന്തപുരം: സംസ്ഥാനത്തെ വൈദ്യുതി പ്രതിസന്ധി പരിഹാരത്തില് ഇടപെടലുമായി സംസ്ഥാന സര്ക്കാര്. ഉയര്ന്ന വിലയ്ക്ക് വൈദ്യുതി വാങ്ങാനാണ് തീരുമാനം. വൈദ്യുതി വാങ്ങുന്നതിനായി നാഷണല് തെര്മല് പവര് കോര്പ്പറേഷനെ സമീപിക്കും. പീക്ക് സമയത്ത് കൂടുതല് വൈദ്യുതി എത്തിക്കുകയാണ് ലക്ഷ്യം.യൂണിറ്റിന് 30 രൂപ വരെ നല്കി വൈദ്യുതി വാങ്ങാന് കെഎസ്ഇബിക്ക് സര്ക്കാര് അനുമതി നല്കിയിട്ടുണ്ട്. ഇന്ന് മുതല് ഇങ്ങനെ വൈദ്യുതി എത്തിക്കാനാണ് ശ്രമം. നിലവില് 10 രൂപ അടിസ്ഥാനത്തില് വരെ വൈദ്യുതി വാങ്ങാനാണ് അനുമതിയുള്ളത്. എന്ടിപിസിയുടെ രത്നഗിരി പവര്പ്ലാന്റില് നിന്ന് 300 മെഗാ വാട്ട് വൈദ്യുതി വാങ്ങാനാണ് നീക്കം നടക്കുന്നത്. ഒഡീഷയിലെ ന്യൂക്ലിയര് പവര് കോര്പറേഷനില് നിന്നും വൈദ്യുതി വാങ്ങും. മുഖ്യമന്ത്രി വി ഡി സതീശന്, വൈദ്യുതി വകുപ്പ് മന്ത്രി സണ്ണി ജോസഫ്, ചീഫ് സെക്രട്ടറി, ഫിനാന്സ് അഡീഷണല് സെക്രട്ടറി, ടാക്സ് സെക്രട്ടറി, വൈദ്യുതി വകുപ്പ് സെക്രട്ടറി, മുഖ്യമന്ത്രിയുടെ സ്പെഷ്യല് സെക്രട്ടറി എന്നിവര് ചേര്ന്ന യോഗത്തിലാണ് തീരുമാനം.ഇതിനിടെ സംസ്ഥാനത്തെ വൈദ്യുതി പ്രതിസന്ധി പരിഹരിക്കാന് ഉത്തരേന്ത്യന് സംസ്ഥാനങ്ങളുടെ സഹായം തേടുകയാണ് കെഎസ്ഇബി. വൈദ്യുതി ലഭ്യത ഉറപ്പാക്കുന്നതിനായി ബോര്ഡ് ഡയറക്ടര്മാര് ഇന്ന് ഉത്തരേന്ത്യയിലേയ്ക്ക് തിരിക്കും. ഉത്തരേന്ത്യന് സംസ്ഥാനങ്ങളില് നിന്നുകൂടി വൈദ്യുതി ലഭിച്ചാല് പ്രതിസന്ധിക്ക് പരിഹാരം കാണാന് കഴിയുമെന്നാണ് കണക്ക് കൂട്ടല്. മഹാരാഷ്ട്ര, ഉത്തര്പ്രദേശ്, പഞ്ചാബ്, ബിഹാര് തുടങ്ങിയ സംസ്ഥാനങ്ങളിലെ ഉദ്യോഗസ്ഥരുമായി നേരിട്ട് ചര്ച്ച നടത്താനാണ് തീരുമാനം. ഇന്നലെ ചേര്ന്ന ഉന്നതതല യോഗത്തിലായിരുന്നു ഉത്തരേന്ത്യന് സംസ്ഥാനങ്ങളുമായി നേരിട്ട് ചര്ച്ച നടത്താന് തീരുമാനിച്ചത്.അതേസമയം പന്ത്രണ്ട് ദിവസത്തിന് ശേഷം ഇന്നലെ രാത്രികാല വൈദ്യുതി നിയന്ത്രണം ഒഴിവാക്കാന് കഴിഞ്ഞ ആശ്വാസത്തിലാണ് കെഎസ്ഇബി. ഞായറാഴ്ചയില് ഉപഭോഗം കുറഞ്ഞതും റിയല് ടൈം മാര്ക്കറ്റില് മതിയായ വൈദ്യുതി ലഭിച്ചതുമാണ് പ്രതിസന്ധി ഒഴിയാന് കാരണം.അതേസമയം പന്ത്രണ്ട് ദിവസത്തിന് ശേഷം ഇന്നലെ രാത്രികാല വൈദ്യുതി നിയന്ത്രണം ഒഴിവാക്കാന് കഴിഞ്ഞ ആശ്വാസത്തിലാണ് കെഎസ്ഇബി. ഞായറാഴ്ചയില് ഉപഭോഗം കുറഞ്ഞതും റിയല് ടൈം മാര്ക്കറ്റില് മതിയായ വൈദ്യുതി ലഭിച്ചതുമാണ് പ്രതിസന്ധി ഒഴിയാന് കാരണം.
NH 66: സർവീസ് റോഡുകൾ ഒഴിവാക്കുന്ന ബസുകൾക്കെതിരെ മോട്ടോർ വാഹന വകുപ്പ്
ആറുവരി ദേശീയപാത 66-ന്റെ നിർമാണം പൂർത്തിയായി ഗതാഗതത്തിനായി തുറന്നുകൊടുത്ത വിവിധ റീച്ചുകളിൽ സ്റ്റേജ് കാര്യേജ് ബസുകളുടെ നിയമലംഘനം വർധിക്കുന്ന പശ്ചാത്തലത്തിൽ കർശന നടപടിയുമായി മോട്ടോർ വാഹന വകുപ്പും പൊലീസും. നിർദിഷ്ട സർവീസ് റോഡുകൾ ഒഴിവാക്കി ഹൈവേയിലൂടെ മാത്രം സർവീസ് നടത്തുകയും യാത്രക്കാരെ ഹൈവേയിൽ ഇറക്കിവിടുകയും ചെയ്യുന്ന ബസുകൾക്കെതിരെയാണ് അധികൃതർ നടപടി ശക്തമാക്കുന്നത്.സർവീസ് റോഡുകളിലെ സ്റ്റോപ്പുകൾ ഒഴിവാക്കി ആളുകളെ പ്രധാന പാതയിൽ ഇറക്കിവിടുന്നത് വലിയ പ്രതിഷേധത്തിന് ഇടയാക്കിയിട്ടുണ്ട്. ഇതിനാൽ സ്ത്രീകളും കുട്ടികളും വയോധികരും അടക്കമുള്ള യാത്രക്കാർ കിലോമീറ്ററുകളോളം നടന്ന് പുറത്തെത്തേണ്ട ദുരവസ്ഥയിലാണ്. ഇത് കടുത്ത യാത്രാബുദ്ധിമുട്ടിനൊപ്പം വലിയ സുരക്ഷാഭീഷണിയും സൃഷ്ടിക്കുന്നുണ്ട്.പ്രധാന നിർദേശങ്ങളും മുന്നറിയിപ്പും:ഹൈവേയിൽ സ്റ്റോപ്പുകളില്ല: ആറുവരിപ്പാതയിൽ യാതൊരു കാരണവശാലും വാഹനങ്ങൾ നിർത്തിയിടാനോ ആളുകളെ കയറ്റാനോ ഇറക്കാനോ അനുമതിയില്ല.സർവീസ് റോഡ് നിർബന്ധം: സർവീസ് റോഡുകളിൽ സ്റ്റോപ്പുകൾ അനുവദിക്കപ്പെട്ടിട്ടുള്ള സ്റ്റേജ് കാര്യേജ് ബസുകൾ നിർബന്ധമായും സർവീസ് റോഡിലൂടെ തന്നെ യാത്ര തുടരണം. ഈ സ്റ്റോപ്പുകൾ ഒഴിവാക്കാൻ പാടില്ല.കർശന നിയമനടപടി: സർവീസ് റോഡുകൾ ഒഴിവാക്കി ആറുവരിപ്പാതയിലൂടെ മാത്രം സർവീസ് നടത്തുന്ന ബസുകൾക്കെതിരെ മോട്ടോർ വാഹന വകുപ്പും പൊലീസും ശക്തമായ നിയമനടപടികൾ സ്വീകരിക്കും.ബസുകൾ സർവീസ് റോഡിലൂടെത്തന്നെ യാത്ര നടത്തുന്നുണ്ടെന്ന് ഉറപ്പാക്കാനും പൊതുജനങ്ങളുടെ ബുദ്ധിമുട്ടുകൾ പരിഹരിക്കാനും ബന്ധപ്പെട്ട ഉദ്യോഗസ്ഥർക്ക് കർശന നിർദേശം നൽകിയിട്ടുണ്ട്



