ഇപ്പോൾ സോഷ്യൽ മീഡിയയിൽ വൈറൽ ആയ ഒരു വീഡിയോയിലെ താരമാണ് ലീലാമ്മ ജോൺ എന്ന അമ്മ. എറണാകുളം പള്ളിക്കര സ്വദേശിയായ ആണ് ലീലാമ്മ ജോൺ.പട്ടാമ്പിയിൽ ഒരു കല്ല്യാണത്തിന് പോയപ്പോഴാണ് വേദിയെ ഇളക്കിമറിച്ച ഈ ഡാൻസ് കളിച്ചത്.1984ൽ പുറത്തിറങ്ങിയ കാണാമറയത്ത് എന്ന സിനിമയിലെ ഒരു മധുരക്കിനാവിൻ ലഹരിയിലെങ്ങോ… എന്നു തുടങ്ങുന്ന പാട്ടിന് ചുവടുവെച്ചുകൊണ്ട് ലീലാമ്മ ജോൺ ഏവരുടെയും ശ്രദ്ധ ആകർഷിച്ചത്.
പ്രായത്തെ മറന്നുകൊണ്ട് ചടുലമായ ചുവടുകൾ വെച്ച് കല്യാണ വീടിനെ ഇളക്കിമറിച്ച ഡാൻസ് അവിടെയുണ്ടായിരുന്നവരിൽ ഒരാൾ മൊബൈലിൽ പകർത്തി. ഈ വീഡിയോ ആണ് ഇപ്പോൾ വൈറൽ ആയിരിക്കുന്നത്.കാണാമറയത്ത് എന്ന സിനിമയിൽ കെ ജെ യേശുദാസ് പാടിയതാണ് ഈ ഗാനം.ബിച്ചു തിരുമലയുടെ വരികൾക്ക് ശ്യാം ആണ് സംഗീതം നൽകിയിരിക്കുന്നത്.റഹ് മാനും ശോഭനയും ചേർന്ന് കളിക്കുന്ന ഒരു ഡാൻസ് ആണ് ഇതിൽ ദൃശ്യാവിഷ്കാരം നടത്തിയിരിക്കുന്നത്.
