രാജ്യത്ത് വേനല്ച്ചൂട് കുതിച്ചുയരുന്ന സാഹചര്യത്തില്, നിര്ദ്ദേശങ്ങളുമായി കേന്ദ്രസര്ക്കാര്. ചൂടില് നിന്നും രക്ഷ നേടാന് ചെയ്യേണ്ടതും ചെയ്യരുതാത്തതുമായ കാര്യങ്ങളുടെ ഒരു ചെറിയ ലിസ്റ്റ് എക്സ് പ്ലാറ്റ്ഫോമില് പ്രസ് ഇന്ഫര്മേഷന് ബ്യൂറോ പോസ്റ്റ് ചെയ്തു.
ഉച്ചയ്ക്ക് ഏറ്റവും ചൂടു കൂടുന്ന സമയങ്ങളില് പാചകം ഒഴിവാക്കണമെന്നും സര്ക്കാര് നിര്ദ്ദേശം നല്കി. കൂടാതെ, കുക്കിങ് ചെയ്യുന്ന ഭാഗത്തെ ജനാലകള്, വാതിലുകള് എന്നിവ തുറന്നിടുകയും വേണം. ഉയര്ന്ന അളവില് പ്രോട്ടീന് അടങ്ങിയ ഭക്ഷണങ്ങളും ഈ സമയത്ത് ഒഴിവാക്കണം എന്ന് നിര്ദ്ദേശത്തില് പറയുന്നു. ഇവയുടെ ദഹനസമയത്ത് ശരീരത്തിന്റെ താപനില കൂടും.
ചൂടുകാലത്ത് സമീകൃതവും വൈവിധ്യപൂർണവുമായ ഭക്ഷണത്തിന് മുൻഗണന നൽകേണ്ടത് പ്രധാനമാണ്. ശരീരത്തിലെ ജലാംശം നിലനിർത്തുക, വെള്ളവും ഇലക്ട്രോലൈറ്റുകളും അടങ്ങിയ പഴങ്ങളും പച്ചക്കറികളും ധാരാളമായി കഴിക്കുക, എളുപ്പത്തിൽ ദഹിക്കുന്ന ഭക്ഷണം തിരഞ്ഞെടുക്കുന്നത് ചൂടുകാലത്ത് മൊത്തത്തിലുള്ള ആരോഗ്യം നിലനിര്ത്താന് സഹായിക്കും.
കൊടുംചൂടും ഉഷ്ണതരംഗവും മൂലം വലയുമ്പോള് മിക്ക ആളുകളും ശീതളപാനീയങ്ങള്ക്ക് പിന്നാലെ പോകുന്നത് സാധാരണമാണ്. സോഡകൾ, എനർജി ഡ്രിങ്കുകൾ, ചിലതരം ഐസ്ഡ് ടീകൾ എന്നിവ പോലുള്ള പാനീയങ്ങളിൽ ഉയർന്ന അളവിൽ പഞ്ചസാരയും കഫീനും അടങ്ങിയിട്ടുണ്ട്. ഈ പാനീയങ്ങള് ഒട്ടേറെ ആരോഗ്യപ്രശ്നങ്ങള്ക്ക് വഴിവയ്ക്കും. കാലറി വളരെ കൂടുതലായതിനാല്, അമിതമായി കഴിക്കുമ്പോൾ ഇവ ശരീരഭാരം വർദ്ധിപ്പിക്കുന്നതിനും പൊണ്ണത്തടിക്കും കാരണമാകും.
ഈ പാനീയങ്ങളിലെ കാർബണ് ദഹനപ്രശ്നങ്ങളായ വയറുവേദന, ഗ്യാസ്, ആസിഡ് റിഫ്ലക്സ് എന്നിവ വർദ്ധിപ്പിക്കും. കൂടാതെ, കഫീൻ അടങ്ങിയ പാനീയങ്ങൾ ഉറക്കത്തെ തടസ്സപ്പെടുത്തുകയും ഉറക്കമില്ലായ്മയ്ക്ക് കാരണമാകുകയും ചെയ്യും.
ഹെർബൽ ടീ തയാറാക്കാം
കറിവേപ്പില, തുളസി, ലെമൺ ഗ്രാസ് തുടങ്ങിയ ഔഷധഗുണമുള്ള ഇലകൾ ഏതും ചേർത്ത് ഈ ചായ തയാറാക്കാം.
