മലപ്പുറം:ഇന്ന് പുറത്തു വന്ന 16 നിപ പരിശോധനാ ഫലങ്ങളും നെഗറ്റീവതായി ആരോഗ്യമന്ത്രി വീണ ജോർജ്.. ഇവരെല്ലാം ലോ റിസ്ക് വിഭാഗത്തിലുള്ളവരാണ്. ഇതുവരെ ആകെ 58 സാമ്പിളുകളാണ് നെഗറ്റീവായത്. ഇന്ന് പുതുതായി 12 പേരെയാണ് സെക്കന്ററി സമ്പര്ക്ക പട്ടികയില് ഉള്പ്പെടുത്തിയത്. ഇതോടെ ആകെ സമ്പര്ക്ക പട്ടികയിലുള്ളവരുടെ എണ്ണം 472 ആയി. 220 പേരാണ് ഹൈറിസ്ക് വിഭാഗത്തിലുള്ളതന്ന് മന്ത്രി പറഞ്ഞു.
ഇന്ന് പാണ്ടിക്കാട്, ആനക്കയം പഞ്ചായത്തുകളിലായി 8376 വീടുകളില് പനി സര്വേ നടത്തി. ആകെ 26,431 വീടുകളിലാണ് ഇതുവരെ സര്വേ നടത്തിയത്. നാളെയോടെ എല്ലാ വീട്ടുകളിലും സര്വേ പൂര്ത്തിയാക്കാനാവും. 224 പേര്ക്ക് ഇന്ന് മാനസിക പിന്തുണയ്ക്കായി കൗണ്സലിങ് നല്കിയിട്ടുണ്ട്.
