പുതുപ്പാടിയിൽ മാരകലഹരി മരുന്നുമായി യുവതി പിടിയിൽ

താമരശ്ശേരി:മാരകലഹരി മരുന്നുമായി യുവതി പിടിയിൽ. താമരശ്ശേരി തച്ചംപൊയിൽ ഇരട്ടകുളങ്ങര പുഷ്പ എന്ന റജീനയെയാണ് ഇന്ന് വൈകിട്ട് കൈതപൊയിൽ ആനോറമ്മൽ എന്ന സ്ഥലത്തുള്ള വാടക വീട്ടിൽ നിന്നും പോലീസ് പിടികൂടിയത്.കോഴിക്കോട് റൂറൽ എസ്.പി. നിധിൻ രാജ്.പി. ഐ പി.എസിൻ്റെ കീഴിലുള്ള സംഘം പിടി കൂടിയത് മൂന്ന് മാസത്തോളമായി വീട് വാടകക്ക് എടുത്ത് ഇവർ ഭർത്താവും കൂട്ടാളികളും ഒത്ത് മയക്കു മരുന്ന് വില്പന നടത്തുകയായിരുന്നു.60-ഗ്രാം ന്യൂജൻലഹരി മരുന്ന് 250.ഗ്രാം കഞ്ചാവുമായാണ് പിടികൂടിയത്. ബാംഗ്ലൂരിൽ നിന്നും ഒഡിഷയിൽ കൂട്ടാളികൾ എത്തിക്കുന്ന ലഹരിവസ്തുക്കൾ ഇവരാണ് പാക്ക് ചെയ്തു ഉപയോക്താക്കൾക്ക് എത്തിക്കുന്നത്.റൂമിൽ കട്ടിലിനടിയിൽ ഒളിപ്പിച്ച നിലയിലായിരുന്നു മയക്കുമരുന്ന്. പിടികൂടിയ മയക്കുമരുന്നിന് 2 ലക്ഷം രൂപ വിലവരും .കഴിഞ്ഞ വർഷം സെപ്റ്റംബറിൽ താമരശ്ശേരി കൂരിമുണ്ടയിൽ നാട്ടുകാരെ ആക്രമിക്കുകയും പോലീസ് ജീപ്പ് തകർക്കുകയും ചെയ്തത് ഇവരുൾപ്പെട്ട ലഹരിമാഫിയ സംഘമായിരുന്നു.ഇതുൾപ്പെടെ നിരവധി കേസുകളിൽ ഈ സ്ത്രീ പ്രതിയായി ജയിലിൽ കിടന്നതാണ്