തിരുവനന്തപുരം: ഹയർ സെക്കൻഡറി സേ പരീക്ഷകൾ ജൂൺ 23 മുതൽ 27 വരെ നടത്തും. പരീക്ഷാ ഫീസ് പിഴ കൂടാതെ ഈ മാസം 27 വരേയും 600 രൂപ സൂപ്പർ ഫൈനോടു കൂടി ഈ മാസം 29 വരേയും അടയ്ക്കാം. കേരളത്തിലെ തെരഞ്ഞെടുത്ത ഹയർ സെക്കൻഡറി സ്കൂളുകൾക്കു പുറമേ ലക്ഷദ്വീപിലെ സ്ക്കൂളുകളും, ഗൾഫിലെ ഒരു സ്കൂളും പരീക്ഷാ കേന്ദ്രങ്ങളായിരിക്കും.
2025 മാർച്ചിൽ രണ്ടാം വർഷ പരീക്ഷയ്ക്ക് രജിസ്റ്റർ ചെയ്ത് ഉന്നതപഠനത്തിന് യോഗ്യത നേടാൻ സാധിക്കാത്ത വിദ്യാർത്ഥികൾക്ക് ഈ പരീക്ഷയ്ക്ക്
അപേക്ഷിക്കാം. മാർച്ചിലെ പരീക്ഷയിൽ ഡി പ്ലസ് ഗ്രേഡോ അതിനു മുകളിലോ നേടാനാവാത്ത വിദ്യാർഥികൾ യോഗ്യത നേടാത്ത എല്ലാ വിഷയങ്ങൾക്കും രജിസ്റ്റർ ചെയ്യേണ്ടതാണ്.
ആദ്യമായി രണ്ടാം വർഷ ഹയർ സെക്കൻഡറി പരീക്ഷ എഴുതിയ വിദ്യാർഥിക്ക് എന്തെങ്കി ലും ഒരു ഗ്രേഡ് മെച്ചപ്പെടുത്താൻ ഇംപ്രൂവ്മെൻ്റ് പരീക്ഷയ്ക്ക് അപേക്ഷിക്കാം. പ്രൈവറ്റ് കമ്പാർട്ട്മെന്റ്റൽ വിദ്യാർഥികൾ ഇംപ്രൂവ്മെൻ്റ് പരീക്ഷയ്ക്ക് പങ്കെടുക്കാൻ യോഗ്യരല്ല. സേപ രീക്ഷാ വിജ്ഞാപനം dhse kerala.gov.in എന്ന വെബ്സൈറ്റിൽ പ്രസിദ്ധീകരിച്ചു.
