ഇന്ധന വിലവർധനവിന് താത്ക്കാലിക ശമനം. രാജ്യത്ത് പെട്രോള്, ഡീസല് നിരക്കുകളില് ഇന്ന് വര്ധനവില്ല. തുടർച്ചയായ ദിവസങ്ങളിൽ വിലവർധിച്ചതിന് ശേഷം ഇന്ധനവില ഇന്ന് മാറ്റമില്ലാതെ തുടരുകയാണ്. സംസ്ഥാനത്ത് പെട്രോളിന് ലിറ്ററിന് 87 പൈസയും ഡീസലിന് 84 പൈസയുമാണ് ഇന്നലെ വര്ധിച്ചത്.
കഴിഞ്ഞ 12 ദിവസത്തിനിടെ പെട്രോളിന് ലീറ്ററിന് 10.89 രൂപയാണു കൂട്ടിയത്. ഡീസലിന് 10.25 രൂപയും വര്ധിച്ചു. തിരുവനന്തപുരത്ത് പെട്രോളിന് 117.19 രൂപ, ഡീസലിന് 103.97. കൊച്ചിയില് പെട്രോളിന് 115.20 രൂപ, ഡീസലിന് 102.11, കോഴിക്കോട് പെട്രോളിന് 115.36 രൂപ, ഡീസലിന് 102.26 രൂപ.
2021 നവംബര് നാലിന് ഉത്തര്പ്രദേശ് ഉള്പ്പടെയുള്ള അഞ്ച് സംസ്ഥാനങ്ങളിലെ തിരഞ്ഞെടുപ്പ് പ്രചാരണം ആരംഭിച്ചതോടെ പെട്രോള്, ഡീസല് വില സ്ഥിരത കൈവരിച്ചിരുന്നു. 137 ദിവസത്തെ റെക്കോഡ് മരവിപ്പിക്കല് മാര്ച്ച് 22-ന് അവസാനിച്ചു. അതിനുശേഷം പെട്രോള്, ഡീസല് വിലകള് നിരന്തരം വര്ദ്ധിക്കുകയാണ്.
കഴിഞ്ഞ വെള്ളിയാഴ്ച ജെറ്റ് ഇന്ധന വില 2 ശതമാനം വര്ധിപ്പിച്ചു. ഈ വര്ഷം തുടര്ച്ചയായ ഏഴാമത്തെ വര്ദ്ധനവാണ് രേഖപ്പെടുത്തിയത്. ആഗോള ഊര്ജ്ജ വിലയിലെ കുതിച്ചുചാട്ടത്തെ പ്രതിഫലിപ്പിക്കുന്ന എക്കാലത്തെയും ഉയര്ന്ന നിരക്കിലേക്ക് എത്തിയിരിക്കുകയാണ് ജെറ്റ് ഇന്ധനവില.
