കടലൂരിൽ മത്സ്യബന്ധനത്തിന് പോയ തോണി മറിഞ്ഞ് അപകടം; മൂന്ന് പേർക്ക് പരിക്ക്

കൊയിലാണ്ടി: മത്സ്യബന്ധനത്തിന് പോയ തോണി മറിഞ്ഞ് അപകടം. മൂന്നു പേർക്ക് പരിക്കേറ്റു. പട്ടാങ്കണ്ടി അബൂബക്കർ, ഹുസൈൻ, സുബൈർ എന്നിവർക്കാണ് പരിക്കേറ്റത്. ഇന്ന് പുലർച്ചെ 4.30 കൂടിയാണ് അപകടം സംഭവിച്ചത്.കടലൂർ വളയിൽ ബീച്ചിൽ നിന്നാണ് മൂന്നം​ഗ സംഘം മത്സ്യബന്ധനത്തിന് പോയത്. ശക്തമായ തിരമാലയിൽപ്പെട്ട് തോണി മറിയുകയായിരുന്നു.പരിക്കേറ്റവരെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. പരിക്കുകൾ ഗുരുതരമായതിനെ തുടർന്ന് രണ്ടുപേരെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.