കോഴിക്കോട് :മിഷൻ സ്കഷം അങ്കണവാടി ആൻഡ് പോഷൺ 2.0 പദ്ധതിയുടെ ഭാഗമായുള്ള പ്രവർത്തനങ്ങൾ സുഗമമാക്കുന്നതിനായി സംസ്ഥാനത്തെ അങ്കണവാടി ജീവനക്കാർക്കും ഐസിഡിഎസ് സൂപ്പർവൈസർമാർക്കുമായി പുതിയ സ്മാർട്ട് ഫോണുകൾ വാങ്ങാൻ വനിതാ ശിശുവികസന വകുപ്പ് തീരുമാനിച്ചു. 2017-ൽ നൽകിയ പഴയ മൊബൈൽ ഫോണുകൾ തകരാറിലായതോടെ പോഷൺ ട്രാക്കർ ആപ്പിലെ ഡാറ്റ എൻട്രി, വളർച്ചാ നിരീക്ഷണം, ഡിജിറ്റൽ രേഖകൾ സൂക്ഷിക്കൽ തുടങ്ങിയ പ്രവർത്തനങ്ങൾ അവതാളത്തിലായിരുന്നു. പല ജീവനക്കാരും സ്വന്തം ഫോണിൽ സർക്കാർ നൽകിയ പ്രത്യേക സിം ഉപയോഗിച്ചാണ് നിലവിൽ ജോലി ചെയ്യുന്നത്. ആകെ 35,291 ഫോണുകളാണ് വാങ്ങുന്നത്. അങ്കണവാടി വർക്കർമാർക്ക് 33,120 ഐസിഡിഎസ് ലേഡി സൂപ്പർവൈസർമാർക്ക് 1,327 ബ്ലോക്ക് കോ-ഓർഡിനേറ്റർമാർക്ക് 152 അധികശേഖരമായിനികുതി ഉൾപ്പെടെ ഒരു ഫോണിന് 11,800 രൂപ വീതം ആകെ 41.64 കോടി രൂപയാണ് ചെലവഴിക്കുന്നത് (മുമ്പ് 7,500 രൂപയുടെ ഫോണുകളാണ് നൽകിയിരുന്നത്). കേന്ദ്ര-സംസ്ഥാന സർക്കാരുകൾ 60:40 എന്ന അനുപാതത്തിലാണ് ഈ തുക വഹിക്കുന്നത്.






