വടകരയില്‍ സ്വകാര്യ ബസ് മറിഞ്ഞു; പതിനഞ്ചോളം പേര്‍ക്ക് പരുക്ക്

വടകരയില്‍ സ്വകാര്യ ബസ് മറിഞ്ഞു. അപകടത്തില്‍ പതിനഞ്ചോളം പേര്‍ക്ക് പരുക്കേറ്റിട്ടുണ്ട്. മടപ്പള്ളിയിലാണ് സംഭവം.കോഴിക്കോട് നിന്ന് തലശ്ശേരിക്ക് പോവുകയായിരുന്ന സ്വകാര്യ ബസ്സാണ് മടപ്പള്ളിക്ക് സമീപം ദേശീയ പാതയുടെ വശത്തെ താഴ്ചയിലേക്ക് മറിഞ്ഞത്. പതിനൊന്ന് മണിയോടെയായിരുന്നു സംഭവം.ബസ്സില്‍ മുപ്പതോളം പേര്‍ ഉണ്ടായിരുന്നു. നാട്ടുകാരും ഫയര്‍ഫോഴ്‌സും പൊലീസും ചേര്‍ന്നാണ് പരുക്കേറ്റവരെ പുറത്തെടുത്തത്. ഇവരെ വടകരയിലെ സ്വകാര്യ ആശുപത്രികളിലേക്ക് മാറ്റി.