കൊല്ലം: സോളാര് കേസിലെ പ്രതിയായിരുന്ന ബിജു രാധാകൃഷ്ണന്റെ മകന് യദു പരമേശ്വരനെ (19) വീട്ടില് മരിച്ച നിലയില് കണ്ടെത്തി. തിങ്കളാഴ്ച രാത്രി 8.30ഓടെയാണ് സംഭവം. കരുനാഗപ്പള്ളി അമൃത സര്വകലാശാലയിലെ രണ്ടാം വര്ഷ ബിസിഎ വിദ്യാര്ഥിയാണ് യദു. മുത്തച്ഛനും മുത്തശ്ശിമാര്ക്കൊപ്പമാണ് തറവാട്ടില് താമസിച്ചിരുന്നത്.
പോസ്റ്റ്മോര്ട്ടത്തിന് ശേഷം ചൊവ്വാഴ്ച വൈകീട്ട് മൃതദേഹം ബന്ധുക്കള്ക്ക് വിട്ടുകൊടുത്തു. ശവസംസ്കാരം ഇന്ന് ഉച്ചയ്ക്ക് രണ്ടിന് മുളങ്കാടകം ശ്മശാനത്തില്. വെസ്റ്റ് പോലീസ് അസ്വാഭാവിക മരണത്തിന് കേസെടുത്തു. ഹരി പരമേശ്വരനാണ് സഹോദരന്.2006ല് യദുവിന്റെ അമ്മ രശ്മിയെയും വീട്ടിലെ കുളിമുറിയിൽ മരിച്ചനിലയില് കണ്ടെത്തുകയായിരുന്നു. രശ്മിയുടെ അസ്വഭാവിക മരണത്തിൽ ബിജു രാധാകൃഷ്ണനെ ജീവപര്യന്തം തടവിന് ശിക്ഷിച്ചിരുന്നു. പിന്നീട് ഹെെക്കോടതിയും സുപ്രീംകോടതിയും വെറുതെ വിടുകയായിരുന്നു.
