കോഴിക്കോട്: സ്വകാര്യ ബസുടമകളുടെ സംയുക്ത സമിതി സംസ്ഥാന വ്യാപകമായി നടത്തിയ പണിമുടക്കിൽ യാത്രക്കാർ വലഞ്ഞു. കോഴിക്കോട് ജില്ലയിലെ 1260 സ്വകാര്യ ബസുകളും വയനാട് ജില്ലയിലെ 320 ബസുകളും ഓടിയില്ല.
സ്വകാര്യ ബസുകൾ പണിമുടക്കിയ ദിവസം പക്ഷേ, അധിക സർവീസ് നടത്താൻ കഴിയാത്ത അവസ്ഥയിലായിരുന്നു കെഎസ്ആർടിസി. സ്വകാര്യ ബസുകൾ പണിമുടക്കുന്ന ദിവസങ്ങളിൽ അധിക സർവീസ് നടത്തി വരുമാനം വർധിപ്പിക്കാറുണ്ടായിരുന്ന കെഎസ്ആർടിസിക്ക് ഇന്നലെ അധിക സർവീസിനു ബസുകളോ ജീവനക്കാരോ ഇല്ലായിരുന്നു.
