spot_img
Friday, November 20, 2026
Home Blog Page 52

കുട്ടികളുടെ അശ്ലീല വീഡിയോ വിതരണം: കോഴിക്കോട് സിറ്റിയിൽ 8 കേസുകൾ; പി-ഹണ്ട് ഓപ്പറേഷനിൽ ഉപകരണങ്ങൾ കസ്റ്റഡിയിലെടുത്തു.

0

കോഴിക്കോട്: മൊബൈൽ ഫോണുകളും ലാപ്ടോപ്പുകളും ഉപയോഗിച്ച് കുട്ടികളുടെ അശ്ലീല വീഡിയോകളും മോർഫ് ചെയ്ത ചിത്രങ്ങളും ഡൗൺലോഡ് ചെയ്ത് കാണുകയും വിൽപ്പന നടത്തുകയും ചെയ്ത സംഭവത്തിൽ കോഴിക്കോട് സിറ്റിയിൽ സൈബർ പോലീസ് ശക്തമായ നടപടി സ്വീകരിച്ചു. സൈബർ പോലീസിന്റെ സംസ്ഥാനതല പരിശോധനയായ ‘ഓപ്പറേഷൻ പി – ഹണ്ട്’ (Operation P-Hunt) വഴിയാണ് എട്ട് കേസുകൾ രജിസ്റ്റർ ചെയ്ത് അന്വേഷണം ആരംഭിച്ചത്.പന്തീരാങ്കാവ് പോലീസ് സ്റ്റേഷനിൽ മൂന്ന് കേസുകളും, ബേപ്പൂർ, കസബ, ചേവായൂർ, കുന്നമംഗലം, എലത്തൂർ പോലീസ് സ്റ്റേഷനുകളിൽ ഓരോ കേസുകളുമാണ് രജിസ്റ്റർ ചെയ്തിട്ടുള്ളത്.സിറ്റി പോലീസ് കമ്മിഷണർ ഷൗക്കത്തലി എ.പി. ഐ.പി.എസ്.ന്റെ നേതൃത്വത്തിൽ കഴിഞ്ഞ ദിവസങ്ങളിൽ നടന്ന സൈബർ ക്രൈം പരിശോധനയിലാണ് പ്രതികളെ കുടുക്കിയത്. മൊബൈൽ ടവർ ലൊക്കേഷൻ കേന്ദ്രീകരിച്ച് നടത്തിയ അന്വേഷണത്തിലൂടെ കുറ്റകൃത്യത്തിന് ഉപയോഗിച്ച ഡിജിറ്റൽ ഉപകരണങ്ങൾ കണ്ടെത്തുകയും പോലീസ് സ്ഥലത്തെത്തി മൊബൈൽ ഫോണുകൾ കസ്റ്റഡിയിലെടുക്കുകയും ചെയ്തു. പിടിച്ചെടുത്ത ഫോണുകൾ കൂടുതൽ ഡിജിറ്റൽ തെളിവുകൾ ശേഖരിക്കുന്നതിനായി ജില്ലാ ഫോറൻസിക് സയൻസ് ലാബിലേക്ക് പരിശോധനയ്ക്കായി അയക്കും.ഡെപ്യൂട്ടി പോലീസ് കമ്മീഷണർ പദം സിംഗ് ഐ.പി.എസ്, സൈബർ ക്രൈം പോലീസ് സ്റ്റേഷൻ അസിസ്റ്റന്റ് കമ്മീഷണർ മനോഹരൻ ടി., പോലീസ് ഇൻസ്പെക്ടർമാരായ സുനിൽ വി., സായൂജ് കുമാർ എ., അഭിലാഷ് കെ.പി., ശ്രീജിത്ത് ടി.എസ്., ജിതേഷ് പി., എസ്.ഐ.മാരായ നിതിൻ എ., അർജുൻ അജിത്ത്, വിനോദ് ടി.കെ. എന്നിവരുടെ നേതൃത്വത്തിലാണ് ഓപ്പറേഷൻ പൂർത്തിയാക്കിയത്.

കൊയ്യോട് ഉമര്‍ മുസ്‌ലിയാര്‍ സമസ്ത ജനറല്‍ സെക്രട്ടറി, എം.ടി അബ്ദുല്ല മുസ്‌ലിയാര്‍ ട്രഷറര്‍

0

കോഴിക്കോട്: സമസ്ത കേരള ജംഇയ്യത്തുല്‍ ഉലമയുടെ പുതിയ ജനറല്‍ സെക്രട്ടറിയായി കൊയ്യോട് ഉമര്‍ മുസ്‌ലിയാരെ തിരഞ്ഞെടുത്തു. പൊഫ.കെ ആലിക്കുട്ടി മുസ്‌ലിയാരുടെ നിര്യാണത്തെ തുടര്‍ന്നുണ്ടായ ഒഴിവിലേക്കാണ് കൊയ്യോട് ഉമര്‍ മുസ്‌ലിയാരെ തിരഞ്ഞെടുത്തത്. കേരളവാർത്താ വിശകലനംനിലവില്‍ ട്രഷററായിരുന്ന കൊയ്യോട് ഉമര്‍ മുസ്‌ലിയാരുടെ ഒഴിവിലേക്ക് എം.ടി അബ്ദുല്ല മുസ്‌ലിയാരെ ട്രഷററായി തിരഞ്ഞെടുത്തു. ഇന്ന് കോഴിക്കോട് ചേര്‍ന്ന മുശാവറ യോഗത്തിലാണ് തീരുമാനം. വൈസ് പ്രസിഡന്റുമാരായി എ.വി അബ്ദുറഹ്‌മാന്‍ മുസ്‌ലിയാര്‍, വി. മൂസക്കോയ മുസ്‌ലിയാര്‍ എന്നിവരേയും ജോയിന്റ് സെക്രട്ടറിയായി ഹൈദര്‍ ഫൈസി പനങ്ങാങ്ങര എന്നിവരേയും തിരഞ്ഞെടുത്തു

താമരശേരിയില്‍ വിദ്യാര്‍ഥിക്ക് സ്‌കൂള്‍ ഗ്രൗണ്ടില്‍ നിന്ന് പാമ്പുകടിയേറ്റു

0

കോഴിക്കോട്: താമരശേരിയില്‍ വിദ്യാര്‍ഥിക്ക് സ്‌കൂളില്‍ നിന്നും പാമ്പുകടിയേറ്റു. ചാലക്കര ഗവ. യു പി സ്‌കൂളിലെ അഞ്ചാം ക്ലാസ് വിദ്യാര്‍ഥി അഹിയാന്‍ മുഹമ്മദിനാണ് പാമ്പുകടിയേറ്റത്. കുട്ടിയെ കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. ഗ്രൗണ്ടില്‍ വച്ചാണ് കുട്ടിക്ക് പാമ്പുകടിയേറ്റതെന്നാണ് വിവരം. തുടര്‍ന്ന് അധ്യാപകര്‍ കുട്ടിയെ താമരശേരി താലൂക്ക് ആശുപത്രിയിലേക്ക് മാറ്റി. ഇവിടെ പ്രാഥമിക ചികിത്സ നല്‍കിയതിന് ശേഷം മെഡിക്കല്‍ കോളജ് ആശുപത്രിയിലേക്ക് മാറ്റുകയായിരുന്നു.

സെപ്റ്റംബർ 27 ഞായറാഴ്ച ബാങ്കുകൾ പ്രവർത്തിക്കും; പണിമുടക്ക് മുന്നിൽ കണ്ട് കേന്ദ്ര സർക്കാറിന്റെ നിർണായക നീക്കം

ന്യൂഡൽഹി : യുണൈറ്റഡ് ഫോറം ഓഫ് ബാങ്ക് യൂനിയൻസിന്റെ (UFBU) മൂന്ന് ദിവസത്തെ രാജ്യവ്യാപക പണിമുടക്കിന് (Bank Strike) മുന്നോടിയായി, പൊതുജനങ്ങൾക്ക് അവശ്യ സേവനങ്ങൾ ലഭ്യമാക്കാൻ സെപ്റ്റംബർ 27 ഞായറാഴ്ച ബാങ്കുകൾ പ്രവർത്തിക്കുമെന്ന് കേന്ദ്ര സർക്കാർ അറിയിച്ചു. സെപ്റ്റംബർ 28 മുതൽ 30 വരെ മൂന്ന് ദിവസത്തെ രാജ്യവ്യാപക ബാങ്ക് പണിമുടക്കിനാണ് യുണൈറ്റഡ് ഫോറം ഓഫ് ബാങ്ക് യൂനിയൻസ് ആഹ്വാനം ചെയ്തിട്ടുള്ളത്. സെപ്റ്റംബർ 26 ശനിയാഴ്ചയും 27 ഞായറാഴ്ചയും വാരാന്ത്യ അവധികളായതിനാൽ തുടർച്ചയായ അഞ്ച് ദിവസങ്ങളിൽ ബാങ്കിങ് സേവനങ്ങൾ തടസ്സപ്പെടാൻ സാധ്യതയുണ്ട്. ഈ സാഹചര്യത്തിലാണ് പൊതുജനങ്ങളുടെ ബാങ്കിങ് ആവശ്യങ്ങൾ പൂർണ്ണമായും തടസ്സപ്പെടാതിരിക്കാൻ മുൻകൂട്ടി മുൻകരുതൽ നടപടികളുമായി സർക്കാർ രംഗത്തെത്തിയത്.സെപ്റ്റംബർ 28 മുതൽ 30 വരെ നടക്കുന്ന പണിമുടക്ക് വാരാന്ത്യ അവധികളോട് ചേർന്ന് വരുന്നതിനാൽ ബാങ്കിങ് ആവശ്യങ്ങൾക്ക് തടസ്സം വരാതിരിക്കാൻ മുൻകരുതൽ നടപടികൾ സ്വീകരിച്ചതായി ധനകാര്യ മന്ത്രാലയം വ്യക്തമാക്കി. ഇതിന്റെ ഭാഗമായി സെപ്റ്റംബർ 27 ഞായറാഴ്ച എല്ലാ പൊതുമേഖലാ ബാങ്കുകളും (Public Sector Banks) റീജ്യനൽ റൂറൽ ബാങ്കുകളും (Regional Rural Banks) സാധാരണ പോലെ പ്രവർത്തിക്കും.

ബാങ്ക് ഉപഭോക്താക്കളുടെ ക്ഷേമത്തിനും സൗകര്യത്തിനുമാണ് സർക്കാർ പ്രഥമ പരിഗണന നൽകുന്നതെന്ന് വകുപ്പ് ആവർത്തിച്ചു. നിർദ്ദിഷ്ട പണിമുടക്കിൽ നിന്ന് പിന്മാറാൻ സർക്കാറും ബാങ്ക് മാനേജ്‌മെന്റുകളും യൂനിയനുകളോട് അഭ്യർത്ഥിച്ചിട്ടുണ്ട്. കൂടാതെ അവശ്യ ബാങ്കിങ് സേവനങ്ങൾ മുടക്കമില്ലാതെ തുടരുന്നുണ്ടെന്ന് ഉറപ്പാക്കാൻ ആവശ്യമായ നടപടികൾ സ്വീകരിച്ചിട്ടുണ്ടെന്നും കൂട്ടിച്ചേർത്തു.സെപ്റ്റംബർ 27 ന് ബാങ്ക് ശാഖകൾ, ഓഫീസുകൾ, എ ടി എം ലിങ്ക്ഡ് ബ്രാഞ്ചുകൾ, കറൻസി ചെസ്റ്റുകൾ എന്നിവ പ്രവർത്തിപ്പിക്കുന്നതിന് റിസർവ് ബാങ്ക് ഓഫ് ഇന്ത്യയും (RBI) അനുമതി നൽകിയിട്ടുണ്ട്. പൊതുജനങ്ങളുടെ ബാങ്കിങ് ആവശ്യങ്ങൾക്ക് തടസ്സം നേരിടാതിരിക്കാൻ സെപ്റ്റംബർ 27 ന് ബാങ്ക് ശാഖകളും ഓഫീസുകളും പൂർണ്ണമായി പ്രവർത്തിപ്പിക്കാൻ അനുമതി നൽകുന്നതായി ആർ ബി ഐ വ്യക്തമാക്കി. ബാങ്കുകൾ ഇതുമായി ബന്ധപ്പെട്ട നിയമപരമായ ആവശ്യകതകൾ പാലിക്കുന്നുണ്ടെന്ന് ഉറപ്പാക്കണമെന്നും ആർ ബി ഐ നിർദ്ദേശിച്ചിട്ടുണ്ട്.

ജീവനക്കാരുടെ പൊലീസ് വെരിഫിക്കേഷൻ ഇനി തുണ പോർട്ടൽ വഴി; ചെയ്യേണ്ടത് ഇത്രമാത്രം

0

വിവിധ സർക്കാർ വകുപ്പുകൾ, പൊതുമേഖലാ സ്ഥാപനങ്ങൾ, ബാങ്കുകൾ, സ്വകാര്യ കമ്പനികൾ തുടങ്ങിയ സ്ഥാപനങ്ങളിൽ ജീവനക്കാരെ നിയമിക്കുന്നതിൻറെ ഭാഗമായി നടത്തുന്ന പൊലീസ് വെരിഫിക്കേഷൻ നടപടികൾ കേരള പൊലീസ് ഓൺലൈൻ വഴിയാക്കി. ഇനി മുതൽ ജീവനക്കാരുടെ പൊലീസ് വെരിഫിക്കേഷനുള്ള അപേക്ഷകൾ കേരള പൊലീസിൻറെ ഔദ്യോഗിക സിറ്റിസൺ സർവീസ് പോർട്ടലായ തുണ (https://thuna.keralapolice.gov.in) വഴി സമർപ്പിക്കാം.

ഈ സേവനം പ്രയോജനപ്പെടുത്തുന്നതിന് ബന്ധപ്പെട്ട സ്ഥാപനങ്ങൾ ആദ്യം തുണ പോർട്ടലിൽ ഓർഗനൈസേഷൻ അക്കൗണ്ട് ആരംഭിക്കണം. ഇതിനായി ഓൺലൈനായി അപേക്ഷ സമർപ്പിക്കാം. അപേക്ഷ സ്ഥാപനത്തിൻറെ പരിധിയിലുള്ള പോലീസ് സ്റ്റേഷനിൽ പരിശോധിച്ച് അംഗീകാരം നൽകുന്നതോടെ സ്ഥാപനത്തിന് ജീവനക്കാരുടെ പൊലീസ് വെരിഫിക്കേഷനുള്ള അപേക്ഷകൾ ഓൺലൈനായി സമർപ്പിച്ചുതുടങ്ങാം.

തുണ പോർട്ടൽ വഴി സ്ഥാപനങ്ങൾ സമർപ്പിക്കുന്ന വെരിഫിക്കേഷൻ അപേക്ഷകൾ തുടർനടപടികൾക്കായി ബന്ധപ്പെട്ട ജില്ലാ പൊലീസ് മേധാവിയുടെ (SP/CP) ഓഫീസിൽ ലഭ്യമാകും. ഇപ്രകാരം അപേക്ഷ സമർപ്പിക്കൽ മുതൽ പൊലീസ് വെരിഫിക്കേഷൻ നടപടികൾ പൂർത്തിയാകുന്നതുവരെയുള്ള പ്രക്രിയ കൂടുതൽ ലളിതവും കാര്യക്ഷമവും സുതാര്യവുമാക്കുകയാണ് ലക്ഷ്യമെന്ന് കേരള പൊലീസ് അറിയിച്ചു.

കേരള പൊലീസിന്റെ ഫെയ്സ്ബുക്ക് കുറിപ്പ്

ജീവനക്കാരുടെ പോലീസ് വെരിഫിക്കേഷന്‍ ഇനി തുണ പോര്‍ട്ടൽ വഴി ചെയ്യാം

വിവിധ സര്‍ക്കാര്‍ വകുപ്പുകള്‍, പൊതുമേഖലാ സ്ഥാപനങ്ങള്‍, ബാങ്കുകള്‍, സ്വകാര്യ കമ്പനികള്‍ തുടങ്ങിയ സ്ഥാപനങ്ങളില്‍ ജീവനക്കാരെ നിയമിക്കുന്നതിന്‍റെ ഭാഗമായി നടത്തുന്ന പോലീസ് വെരിഫിക്കേഷന്‍ നടപടികള്‍ കേരള പോലീസ് ഓണ്‍ലൈൻ വഴിയാക്കി. ഇനി മുതല്‍ ജീവനക്കാരുടെ പോലീസ് വെരിഫിക്കേഷനുള്ള അപേക്ഷകള്‍ കേരള പോലീസിന്‍റെ ഔദ്യോഗിക സിറ്റിസണ്‍ സര്‍വീസ് പോര്‍ട്ടലായ തുണ (https://thuna.keralapolice.gov.in) വഴി സമര്‍പ്പിക്കാം.

ഈ സേവനം പ്രയോജനപ്പെടുത്തുന്നതിന് ബന്ധപ്പെട്ട സ്ഥാപനങ്ങള്‍ ആദ്യം തുണ പോര്‍ട്ടലില്‍ ഓര്‍ഗനൈസേഷന്‍ അക്കൗണ്ട് ആരംഭിക്കണം. ഇതിനായി ഓണ്‍ലൈനായി അപേക്ഷ സമര്‍പ്പിക്കാം. അപേക്ഷ സ്ഥാപനത്തിന്‍റെ പരിധിയിലുള്ള പോലീസ് സ്റ്റേഷനില്‍ പരിശോധിച്ച് അംഗീകാരം നല്‍കുന്നതോടെ സ്ഥാപനത്തിന് ജീവനക്കാരുടെ പോലീസ് വെരിഫിക്കേഷനുള്ള അപേക്ഷകള്‍ ഓണ്‍ലൈനായി സമര്‍പ്പിച്ചുതുടങ്ങാം.

തുണ പോര്‍ട്ടല്‍ വഴി സ്ഥാപനങ്ങള്‍ സമര്‍പ്പിക്കുന്ന വെരിഫിക്കേഷന്‍ അപേക്ഷകള്‍ തുടര്‍നടപടികള്‍ക്കായി ബന്ധപ്പെട്ട ജില്ലാ പോലീസ് മേധാവിയുടെ (SP/CP) ഓഫീസില്‍ ലഭ്യമാകും. ഇപ്രകാരം അപേക്ഷ സമര്‍പ്പിക്കല്‍ മുതല്‍ പോലീസ് വെരിഫിക്കേഷന്‍ നടപടികള്‍ പൂർത്തിയാകുന്നതുവരെയുള്ള പ്രക്രിയ കൂടുതല്‍ ലളിതവും കാര്യക്ഷമവും സുതാര്യവുമാക്കുകയാണ് ലക്ഷ്യം.

തുണവഴിയുള്ള ഈ സേവനത്തിന് 05.11.2024-ലെ G.O.(P) No.77/2024/HOME സര്‍ക്കാര്‍ ഉത്തരവ് പ്രകാരം നിശ്ചയിച്ചിട്ടുള്ള ഫീസ് നിരക്കുകള്‍ ബാധകമായിരിക്കും.

സര്‍ക്കാര്‍ വകുപ്പുകള്‍, പൊതുമേഖലാ സ്ഥാപനങ്ങള്‍, ബാങ്കുകള്‍, മറ്റു സ്വകാര്യ സ്ഥാപനങ്ങൾക്ക് അവരവരുടെ ജീവനക്കാരുടെ പോലീസ് വെരിഫിക്കേഷനായി ഓണ്‍ലൈന്‍ സംവിധാനം പ്രയോജനപ്പെടുത്തണമെന്ന് കേരള പോലീസ് അറിയിച്ചു.

ലെജൻഡ്സ് ഫുട്ബോൾ: കൊച്ചിയിൽ ​ഗതാ​ഗത നിയന്ത്രണം, പ്രത്യേക സർവീസുമായി മെട്രോ; ക്രമീകരണങ്ങൾ

0

കൊച്ചി: ബ്രസീൽ ലെജൻഡ്സ് – ഇന്ത്യ ഓൾ സ്റ്റാർസ് ഫുട്ബോൾ മത്സരത്തോടനുബന്ധിച്ച് കാണികൾക്കായി കൊച്ചി മെട്രോ ഇന്ന് പ്രത്യേക സർവീസുകൾ നടത്തും. കലൂർ ജവഹർലാൽ നെഹ്റു സ്‌റ്റേഡിയത്തിൽ രാത്രി 7.30 മുതലാണ് മത്സരം. ​മത്സരശേഷം തിരികെ പോകുന്ന ആരാധകരുടെ തിരക്ക് കണക്കിലെടുത്ത് രാത്രി 9നും 10നും ഇടയിൽ 4 അധിക മെട്രോ ട്രെയിൻ സർവീസുകൾ നടത്തും.

കൂടാതെ ഒരു ട്രെയിൻ അധികമായി സ്റ്റാൻഡ്‌ബൈ ഉണ്ടാകും. കലൂർ ജെഎൽഎൻ സ്‌റ്റേഡിയം മെട്രോ സ്റ്റേഷനിൽ രാത്രി 8 മുതൽ 11:30 വരെ 8 അധിക ടിക്കറ്റ് കൗണ്ടറുകളും പ്രവർത്തിക്കും. തിരിച്ചു പോകുമ്പോഴുള്ള തിരക്ക് ഒഴിവാക്കാൻ, വരുമ്പോൾ തന്നെ റിട്ടേൺ ക്യുആർ ടിക്കറ്റുകൾ എടുക്കാൻ മെട്രോ അധികൃതർ അഭ്യർഥിച്ചു. ഈ ടിക്കറ്റ് ഉപയോഗിച്ച് നേരിട്ട് എഎഫ്സി ഗേറ്റുകൾ വഴി പ്രവേശിക്കാം.

കൊച്ചിയില്‍ ഗതാഗത നിയന്ത്രണം

ഫുട്‌ബോള്‍ മത്സരം കണക്കിലെടുത്ത് കൊച്ചിയില്‍ ഗതാഗത നിയന്ത്രണം ഏര്‍പ്പെടുത്തിയിട്ടുണ്ട്. ഉച്ചകഴിഞ്ഞ് മൂന്നിന് ശേഷം ചേരാനെല്ലൂര്‍, ഇടപ്പള്ളി, ആലുവ, കാക്കനാട്, പാലാരിവട്ടം ഭാഗത്തു നിന്നും എറണാകുളത്തേക്ക് പോകേണ്ട വാഹനങ്ങള്‍ വൈറ്റില ജങ്ഷന്‍, എസ്എ റോഡ് വഴി പോകണം.

ഉച്ചകഴിഞ്ഞ് മൂന്നുമണിയ്ക്ക് ശേഷം ഇടപ്പള്ളി. ചേരാനെല്ലൂര്‍, ആലുവ, കാക്കനാട് ഭാഗങ്ങളിലേക്ക് പോകേണ്ട വാഹനങ്ങള്‍ കലൂര്‍ ജങ്ഷനില്‍ നിന്നും ഇടത്തേക്ക് തിരിഞ്ഞ് പൊറ്റക്കുഴി- മാമംഗലം റോഡ്, ബിടിഎസ് റോഡ്, എളമക്കര റോഡ് വഴി ഇടപ്പള്ളിയിലെത്തണം.

പാര്‍ക്കിങ് ഇങ്ങനെ

പശ്ചിമകൊച്ചി, വൈപ്പിന്‍ തുടങ്ങിയ ഭാഗങ്ങളില്‍ നിന്നും മത്സരം കാണാന്‍ വരുന്നവരുടെ വാഹനങ്ങള്‍ ചാത്യാത്ത് റോഡില്‍ പാര്‍ക്ക് ചെയ്ത് സ്റ്റേഡിയത്തില്‍ എത്തണം.

പറവൂര്‍, തൃശൂര്‍, മലപ്പുറം ഭാഗങ്ങളില്‍ നിന്നും വരുന്നവര്‍ ആലുവ, കണ്ടെയ്‌നര്‍ ഭാഗത്ത് പാര്‍ക്ക് ചെയ്യണം

പെരുമ്പാവൂര്‍, ഇടുക്കി, കോട്ടയം ഭാഗങ്ങളില്‍ നിന്നും വരുന്നവര്‍ തൃപ്പൂണിത്തുറ, കാക്കനാട് ഭാഗങ്ങളില്‍ പാര്‍ക്ക് ചെയ്യണം

ആലപ്പുഴ ഭാഗങ്ങളില്‍ നിന്നും വരുന്നവരുടെ വാഹനങ്ങള്‍ കുണ്ടന്നൂര്‍, വൈറ്റില ഭാഗത്ത് പാര്‍ക്ക് ചെയ്യണം.

നടി സാവിത്രി ശ്രീധരൻ അന്തരിച്ചു.

0

നടി സാവിത്രി ശ്രീധരൻ അന്തരിച്ചു. വാർധക്യസഹജമായ അസുഖങ്ങളെ തുടർന്നാണ് അന്ത്യം. കോഴിക്കോട് മാങ്കാവിലെ വീട്ടിൽ ദീർഘകാലമായി കിടപ്പിലായിരുന്നു. ‘സുഡാനി ഫ്രം നൈജീരിയ’ എന്ന സിനിമയിൽ ജമീല എന്ന കഥാപാത്രത്തെ അവതരിപ്പിച്ചാണ് നടി സാവിത്രി ശ്രീധരൻ മലയാളികളുടെ മനം കവർന്നത്. ചിത്രത്തിലെ അഭിനയത്തിന് മികച്ച സ്വഭാവനടിക്കുള്ള സംസ്ഥാന പുരസ്കാരവും ദേശീയ ചലച്ചിത്ര പുരസ്കാരത്തിൽ പ്രത്യേക ജൂറി പരാമർശവും നേടിയിരുന്നു.നാടകപ്രവർത്തനത്തിലൂടെയാണ് സാവിത്രിയുടെ കലാജീവിതം ആരംഭിക്കുന്നത്. അഞ്ചു പതിറ്റാണ്ടോളം പ്രഫഷണൽ നാടകരംഗത്ത് സജീവമായിരുന്നു. മികച്ച നാടക നടിക്കുള്ള സംസ്ഥാന സർക്കാരിന്റെ പുരസ്കാരവും നേടിയിട്ടുണ്ട്.

കോഴിക്കോട് വെസ്റ്റ് മാങ്കാവിൽ ശ്രീധരീയം വീട്ടിൽ സാവിത്രിയുടെ ഭർത്താവ് ശ്രീധരൻ മുൻപെ മരിച്ചിരുന്നു. കോഴിക്കോട്ടെ നാലു പ്രശസ്ത പ്രഫഷനൽ നാടകട്രൂപ്പിലെ തിരക്കുള്ള നടിയായിരുന്നു സാവിത്രി. പ്രഫഷനൽ നാടക ട്രൂപ്പുകളുടെ സുവർണ്ണകാലം കഴിഞ്ഞതോടെ സങ്കടത്തോടെ വേദിയോടു വിടപറയേണ്ടി വന്നു.1961ൽ ആണ് സാവിത്രി നാടകത്തിൽ അഭിനയിക്കുന്നത്. അന്ന് മാങ്കാവും തിരുവണ്ണൂരും മീഞ്ചന്തയിലുമുള്ള ഒട്ടേറെ അമേച്വർ നാടക ട്രൂപ്പുകളിൽ അഭിനയിച്ചു. വളയനാട് കലാസമിതിയുടെ കറുത്ത വെളിച്ചമായിരുന്നു ആദ്യ നാടകം.ആഹ്വാൻ സെബാസ്റ്റ്യന്റെ വഴിയമ്പലത്തിലൂടെയാണ് നാടകത്തിൽ സജീവമാകുന്നത്. കെ.ടി. മുഹമ്മദ്, എം.ടി. വാസുദേവൻനായർ, തിക്കോടിയൻ, ടി. ദാമോദരൻ എന്നിവർ ചേർന്നെഴുതിയ നാടകമായിരുന്നു ഇത്. 1984ൽ ആണ് ആദ്യമായി പ്രഫഷനൽ നാടകത്തിൽ അഭിനയിക്കുന്നത്. കെ.ടി. മുഹമ്മദിന്റെ കലിംഗ തിയറ്ററിന്റെ ഇതു ഭൂമിയാണ് ആയിരുന്നു ആദ്യ നാടകം. പിന്നീട് കാഫർ, സൃഷ്ടി, ദീപസ്തംഭം മഹാശ്ചര്യം, അച്ഛനും ബാപ്പയും, സാക്ഷാത്ക്കാരം, കുചേലവൃത്തം, സമന്വയം എന്നിങ്ങനെ അക്കാലത്ത് കലിംഗ അവതരിപ്പിച്ച എല്ലാ നാടകത്തിലും മികച്ച വേഷം ചെയ്തു. അണിയറ എന്ന നാടകത്തിലെ വേഷത്തിന് സംഗീത നാടക അക്കാദമിയുടെ മികച്ച നടിക്കുള്ള പുരസ്കാരം ലഭിച്ചു.

വിത്സൻ സാമുവലിന്റെ സംഗമം തിയറ്ററിലായിരുന്നു പിന്നീട് അഭിനയിച്ചത്. ഇനിയും ഉണരാത്തവർ, ക്ഷണിക്കുന്നു കുടുംബസമേതം, അരവിന്ദൻ സാക്ഷിയാണ് എന്നീ നാടകങ്ങളിൽ അഭിനയിച്ചു. അതിനു ശേഷം ഇബ്രാഹിം വെങ്ങരയുടെ ചിരന്തന തിയറ്റേഴ്സിലെ പ്രധാന നടിയായി. മാളികവീട്, പകിട പന്ത്രണ്ട്, ഉപഹാരം, ഒടിയൻ, രാജസഭ എന്നീ നാടകങ്ങൾ ചെയ്തു. ഇതിൽ രാജസഭയിലെ ഐഷക്കുട്ടിയുടെ വേഷത്തിനാണ് 1993ൽ മികച്ച നടിക്കുള്ള സംസ്ഥാന പുരസ്കാരം ലഭിച്ചത്.വിക്രമൻ നായരുടെ സ്റ്റേജ് ഇന്ത്യയുടെ ജപമാല, അഗ്രഹാരം, ആൾമാറാട്ടം, അക്കരപ്പച്ച എന്നീ നാടകങ്ങളിലും നല്ല വേഷം ചെയ്തു. ഈ സമയമാകുമ്പോഴേക്കും കേരളത്തിലെ പ്രഫഷനൽ നാടകട്രൂപ്പുകളെല്ലാം പിടിച്ചുനിൽക്കാൻ പ്രയാസപ്പെടുന്ന സ്ഥിതിയിലായിരുന്നു. അങ്ങനെ പതുക്കെ രംഗപടത്തിനു പിന്നിലേക്കു ജീവിതം മാറി. എന്നാൽ ‘സുഡാനി ഫ്രം നൈജീരിയ’ എന്ന ചിത്രം സാവിത്രിയിലെ അഭിനേത്രിക്ക് പുതുജീവിതം സമ്മാനിച്ചു. ആരോഗ്യപരമായ ബുദ്ധിമുട്ടുകൾ നേരിടുന്നതു വരെ അഭിനയരംഗത്ത് സജീവമായിരുന്നു താരം.

പോലീസുകാര്‍ക്ക് ആഴ്ചയില്‍ ഒരു ദിവസം അവധി നിര്‍ബന്ധം; നിർദേശവുമായി എ ഡി ജി പി പി വിജയൻ

0

തിരുവനന്തപുരം : പോലീസ് ഉദ്യോഗസ്ഥരുടെ മാനസിക സമ്മർദം കുറയ്ക്കുന്നതിനും ക്ഷേമം ഉറപ്പാക്കുന്നതിനുമായി പുതിയ നിർദേശവുമായി ക്രമസമാധാന ചുമതലയുള്ള എ ഡി ജി പി പി വിജയൻ. എസ്.എച്ച്. ഒമാർ ഉൾപ്പെടെയുള്ള എല്ലാ പോലീസ് ഉദ്യോഗസ്ഥർക്കും ആഴ്ചയിൽ ഒരു ദിവസം നിർബന്ധിത അവധി നൽകണമെന്ന് ജില്ലാ പോലീസ് മേധാവികൾക്ക് നിർദേശം നൽകി. അടിയന്തര സേവനങ്ങളുടെ സ്വഭാവം പരിഗണിച്ചുകൊണ്ട് ഉദ്യോഗസ്ഥർക്ക് കൃത്യമായി അവധി ലഭിക്കുന്നുണ്ടെന്ന് ജില്ലാ പോലീസ് മേധാവികൾ ഉറപ്പാക്കണം. ഓരോ ഉദ്യോഗസ്ഥന്റെയും പ്രതിവാര അവധി മുൻകൂട്ടി ഡ്യൂട്ടി രജിസ്റ്ററിൽ രേഖപ്പെടുത്തണമെന്നും നിർദേശത്തിൽ വ്യക്തമാക്കിയിട്ടുണ്ട്.കുടുംബത്തോടൊപ്പം സമയം ചെലവഴിക്കാനും വ്യക്തിപരമായ ആവശ്യങ്ങൾ നിറവേറ്റാനും ഉദ്യോഗസ്ഥർക്ക് മതിയായ സമയം ലഭ്യമാക്കുകയാണ് ലക്ഷ്യം. കുടുംബവുമായി ബന്ധപ്പെട്ട പ്രധാനപ്പെട്ട ചടങ്ങുകളിലും മറ്റ് അവസരങ്ങളിലും ഉദ്യോഗസ്ഥർക്ക് അവധി അനുവദിക്കണമെന്നും നിർദേശമുണ്ട്.അത്യാവശ്യവും അടിയന്തരവുമായ സാഹചര്യങ്ങളൊഴികെ ഉദ്യോഗസ്ഥർക്ക് അർഹമായ പ്രതിവാര അവധി നിഷേധിക്കരുതെന്നും എ ഡി ജി പി നിർദേശിച്ചു. പുതിയ നിർദേശം പോലീസ് സേനാംഗങ്ങൾ പ്രതീക്ഷയോടെയാണ് കാണുന്നത്.

ഇന്ന് 7 ജില്ലകളില്‍ യെല്ലോ അലേര്‍ട്ട്, ശക്തമായ കാറ്റിനും സാധ്യത, മത്സ്യബന്ധനത്തിന് വിലക്ക്

0

തിരുവനന്തപുരം: സംസ്ഥാനത്ത് ഒറ്റപ്പെട്ട ശക്തമായ മഴ തുടരും. ഇന്ന് ഏഴ് ജില്ലകള്‍ക്ക് യെല്ലോ അലേര്‍ട്ട് നല്‍കിയിട്ടുണ്ട്. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, കണ്ണൂര്‍, കാസര്‍കോട് ജില്ലകളിലാണ് മുന്നറിയിപ്പുള്ളത്. ശക്തമായ മഴ സാധ്യതയാണ് പ്രവചിക്കപ്പെടുന്നത്.നാളെ അഞ്ച് ജില്ലകള്‍ക്കും കേന്ദ്രകാലാവസ്ഥാ വകുപ്പ് മുന്നറിയിപ്പ് നല്‍കിയിട്ടുണ്ട്. മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് നാളെ യെല്ലോ അലേര്‍ട്ടുള്ളത്. വെള്ളിയാഴ്ച വരെ സംസ്ഥാനത്ത് ഇടിമിന്നലോട് കൂടിയ മഴയ്ക്കാണ് സാധ്യത. ഇന്നും നാളെയും കേരള- കര്‍ണാടക- ലക്ഷദ്വീപ് തീരങ്ങളില്‍ മണിക്കൂറില്‍ 35 മുതല്‍ 45 കിലോമീറ്റര്‍ വരെയും ചില അവസരങ്ങളില്‍ മണിക്കൂറില്‍ 55 കിലോമീറ്റര്‍ വരെയും വേഗതയില്‍ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും അറിയിപ്പുണ്ട്. ഈ ദിവസങ്ങളില്‍ കേരള-കര്‍ണാടക- ലക്ഷദ്വീപ് തീരങ്ങളില്‍ മത്സ്യബന്ധനത്തിന് പോകാന്‍ പാടില്ലെന്ന് കേന്ദ്ര കാലാവസ്ഥാ വകുപ്പ് അറിയിച്ചു.

വീണ്ടും കാട്ടാന ആക്രമണം; ഇടുക്കി പൂപ്പാറയില്‍ 47കാരന് ദാരുണാന്ത്യം

0

പൂപ്പാറ: സംസ്ഥാനത്ത് കാട്ടാന ആക്രമണത്തില്‍ വീണ്ടും മരണം. ഇടുക്കി പൂപ്പാറ പന്തടിക്കളം സ്വദേശി വിജയന്‍ പി വി(47) ആണ് മരിച്ചത്. ഇന്ന് പുലര്‍ച്ചയാണ് സംഭവം. ചക്കകൊമ്പന്‍ എന്ന് വിളിപ്പേരുള്ള കാട്ടാനയാണ് ആക്രമിച്ചത് എന്ന് നാട്ടുകാര്‍ പറഞ്ഞു.നാല് മാസത്തിനിടെ മേഖലയില്‍ കാട്ടാന ആക്രമണത്തില്‍ മരിക്കുന്ന നാലാമത്തെ ആളാണ് വിജയന്‍. പണി സ്ഥലത്തെ ഷെഡില്‍ നിന്ന് രാവിലെ വീട്ടിലേക്ക് പോകുന്ന വഴിയിലാണ് കാട്ടാനയുടെ ആക്രമണമുണ്ടായത്. സംഭവസ്ഥലത്തുവെച്ച് തന്നെ മരണം സംഭവിക്കുകയായിരുന്നു.ദിവസങ്ങള്‍ക്ക് മുമ്പാണ് ഇടുക്കി ശാന്തന്‍പാറയില്‍ കാട്ടാനയുടെ ആക്രമണത്തില്‍ അതിഥി തൊഴിലാളിക്ക് ജീവന്‍ നഷ്ടമായത്. റോഡിലൂടെ നടന്ന് പോവുകയായിരുന്ന യുവാവിനെയാണ് കാട്ടാന ആക്രമിച്ചത്. ജോലിക്ക് ശേഷം താമസ സ്ഥലത്തേക്ക് പോകവെ കാട്ടാന ആക്രമിക്കുകയായിരുന്നു.പാലക്കാട് അട്ടപ്പാടിയില്‍ കാട്ടാനക്കലിയില്‍ വിനോദ സഞ്ചാരിക്കാണ് ജീവന്‍ നഷ്ടമായത്. അട്ടപ്പാടി പരിപ്പന്തറയില്‍ ഭവാനിപ്പുഴയുടെ തീരത്ത് വെച്ചായിരുന്നു സംഭവം. നായാടിക്കുന്ന് സ്വദേശി 52കാരിയായ ബൂഷറയാണ് മരിച്ചത്. ഭവാനിപുഴയുടെ തീരത്ത് ബന്ധുക്കളുടെ ഒപ്പം നില്‍ക്കുമ്പോഴായിരുന്നു ആനയുടെ ആക്രമണത്തില്‍ പരിക്കേറ്റത്. താവളത്തെ സ്വകാര്യ ആശുപത്രിയിലെ ഐസിയുവില്‍ ചികിത്സയിലിരിക്കെ ഇന്നലെ വൈകീട്ട് 4 മണിയോടെയായിരുന്നു മരണം സംഭവിച്ചത്.