spot_img
Friday, November 20, 2026
Home Blog Page 69

ഓണത്തിന് സംസ്ഥാനത്തിന്റെ നികുതിവരുമാനം കുതിച്ചു

0

തിരുവനന്തപുരം: ഓണത്തിന് കേരളത്തിന്റെ നികുതി വരുമാനം കുതിച്ചുയർന്നു. കഴിഞ്ഞ ഓഗസ്റ്റ് മാസത്തെ ജിഎസ്‌ടി വരുമാനം 3,000 കോടി കവിഞ്ഞു. ബോണസും ഉത്സവബത്തയും കുടിശികകളും ഉൾപ്പടെ എല്ലാ വിഭാഗത്തിനും സർക്കാർ പണം നൽകിയത് ജിഎസ്‌ടി വരുമാനം ഉയരാൻ ഇടയാക്കിയെ ന്നാണു നിഗമനം. പെട്രോൾ, ഡീസൽ, മദ്യം എന്നിവയുടെ വിൽപന നികുതിയും സെസും കുടി അധികമായി ഖജനാവിൽ എത്തുമ്പോൾ സംസ്ഥാനത്തിന്റെ മൊത്തം വരുമാനം ഇനിയും ഉയരും.മുൻ വർഷത്തെ അപേക്ഷിച്ച് ഇക്കഴിഞ്ഞ ഓഗസ്റ്റിൽ 361 കോടി രൂപയുടെ ജിഎസ്ടി വരുമാന ഇനത്തിൽ മാത്രം വർധനയു ണ്ടായി. 2025 ഓഗസ്റ്റിൽ 2,717 കോടി രൂപയായിരുന്നു ജിഎ സ്ടി ഇനത്തിൽ ലഭിച്ചതെങ്കിൽ 2026 ഓഗസ്റ്റിലെ ജിഎസ്ട‌ി വരുമാനം 3,078 കോടി രൂപയായി ഉയർന്നു.13 ശതമാനത്തിന്റെ വർധന. കേരളത്തിന് അകത്തു പിരിച്ചഓണം സെയിൽജിഎസ്ട‌ി സംസ്ഥാന വിഹിതം ഇനത്തിൽ (പ്രി-സെറ്റിൽമെന്റ് എസ്‌ജിഎസ്‌ടി) 12 ശതമാനത്തിൻ്റെ വർധന രേഖപ്പെടുത്തി. ഇതേ ഇനത്തിൽ ഇനത്തി 2025 ഓഗസ്റ്റിൽ 1,221 കോടി രൂപ ലഭിച്ചെങ്കി ൽ ഇത്തവണ ഓഗസ്റ്റിൽ ഇത് 1,369 കോടിയായി ഉയർന്നു. ഐ ജിഎസ്‌ടി ഉൾപ്പടെയുള്ള പോസ്റ്റ് സെറ്റിൽമെൻ്റ് എസ്‌ജിഎസ്‌ടി ഇനത്തിൽ 2,803 കോടിരുപയുടെ കഴിഞ്ഞ വർഷം ഓഗസ്റ്റിലെ വരുമാനം ഇത്തവണ ഓഗസ്റ്റിൽ 3,268 കോടിയായി ഉയർന്നു. 17 ശതമാനം വർധന.

ഏപ്രിൽ മുതൽ ഓഗസ്റ്റ് വരെയുള്ള ജിഎസ്‌ടി മൊത്തം വരുമാനത്തിൽ 21 ശതമാനത്തിന്റെവർധനയാണ് രേഖപ്പെടുത്തിയത്. ദേശീയ ശരാശരിയേക്കാൾ അഞ്ചു ശതമാനം വർധന. കഴിഞ്ഞ വർഷം ഏപ്രിൽ മുതൽ ഓഗസ്റ്റ് വരെയുള്ള ഐജിഎസ്ട‌ി ഉൾപ്പടെയുള്ള ചരക്കു സേവന നികുതി ഇനത്തിൽ 13,319 കോടി രൂപ പിരിച്ചെടുത്തെങ്കിൽ 2026ലെ ഇതേ അഞ്ചു മാസക്കാലയളവിൽ 15,132 കോടിയായി ഉയർന്നു.ഓണത്തിനു മുന്നോടിയായി എല്ലാ മേഖലയിലും നൽകേണ്ട പണം നേരത്തേതന്നെ സർക്കാർ വിതരണം ചെയ്തിരുന്നു. കഴിഞ്ഞ ഏതാനും വർഷങ്ങളെ അപേക്ഷിച്ച് ഇക്കുറി ഓണ വിപണിയും ജനനിബിഡമായിരു ന്നു.ഓണവിപണിയിലെ കച്ചവടത്തിന്റെ പ്രതിഫലനം വരും മാസങ്ങളിലെ ജിഎസ്‌ടി വരുമാന ത്തിലും കൂടുതൽ ഉണർവു നൽകുമെന്നാണ് ധനവകുപ്പു പ്രതീക്ഷ യുപിഐ വഴിയുള്ള ഇടപാടുകൾ ഉയർന്നതോടെ നികുതി വലയത്തിനു പുറത്തുള്ള ഇടപാടുകളും നികുതിക്ക് ഉള്ളി ലായതും വരുമാന വർധനയ്ക്കുള്ള മറ്റൊരു കാരണമായി ഇതുസംബന്ധിച്ച റിപ്പോർട്ടിൽ ചൂണ്ടിക്കാട്ടുന്നു.

‘സിനിമയ്ക്ക് വ്യവസായ പദവി നൽകാൻ സർക്കാർ നടപടി തുടങ്ങി: ചലചിത്ര അക്കാദമി അധ്യക്ഷനെ ഉടൻ നിയമിക്കും’; മന്ത്രി പി സി വിഷ്ണുനാഥ്‌

0

കോഴിക്കോട്: സിനിമയ്ക്ക് വ്യവസായ പദവി നൽകാൻ സർക്കാർ നടപടി തുടങ്ങിയെന്ന് സാംസ്‌കാരിക മന്ത്രി പി സി വിഷ്ണുനാഥ്‌. ഇന്ത്യയിൽ ആദ്യമായി സിനിമക്കു വ്യവസായ സ്റ്റാറ്റസ് നൽകുക കേരളം ആയിരിക്കും. സിനിമയ്ക്ക് വ്യവസായ പദവി നൽകാനുള്ള പഠനം സർക്കാർ തുടങ്ങി കഴിഞ്ഞുവെന്ന് മന്ത്രി വ്യക്തമാക്കി. ചലചിത്ര അക്കാദമി അധ്യക്ഷനെ ഉടൻ നിയമിക്കും. സമയം ഇല്ലാത്ത പ്രമുഖരെ ചലച്ചിത്ര അക്കാദമി അധ്യക്ഷനാക്കില്ലെന്നും ഉദ്യോഗസ്ഥഭരണം അക്കാദമികളിൽ അനുവദിക്കില്ലെന്നും മന്ത്രി പി സി വിഷ്ണുനാഥ് ട്വന്റിഫോറിനോട് പറഞ്ഞു.സർക്കാർ ബജറ്റിലെ വ്യവസായ വികസന വിഹിതം സിനിമക്കും ഉപയോഗിക്കാൻ കഴിയും. തിയറ്ററിനെ പ്രോത്സാഹിപ്പിക്കുന്നതിനൊപ്പം അത് സംരംഭമായി തുടങ്ങുന്നവർക്ക് എല്ലാ പിന്തുണയും നൽകുകയെന്നതും വളരെ പ്രധാനപ്പെട്ട ഒന്നാണെന്ന് മന്ത്രി കൂട്ടിച്ചേർത്തു. അക്കാദമി അധ്യക്ഷ നിയമനം പെട്ടെന്ന് നടക്കുമെന്നും ഇപ്പോൾ തന്നെ അക്കാദമി ഭരണ സമിതി വൈകിയെന്നും മന്ത്രി പറഞ്ഞു. നല്ല ആളുകളുടെ എണ്ണം കൂടിയതുകൊണ്ടുള്ള കാലതാമസമാണെന്നും മന്ത്രി പറഞ്ഞു. വകുപ്പ് ചെയ്യാൻ ഉള്ളത് എല്ലാം ചെയ്തു കഴിഞ്ഞു. ഇനി വൈകാതെ ഉത്തരവ് ഇറങ്ങുമെന്ന് മന്ത്രി വ്യക്തമാക്കി.അക്കാദമി നിയമനങ്ങളിൽ മാനദണ്ഡം പ്രവർത്തനം തന്നെ ആയിരിക്കും. സ്ഥാപനം നടത്തി കൊണ്ടുപോകാൻ സമയം ഉള്ള പരിചയ സമ്പന്നരെയാണ് നിയമിക്കുക. ഉദ്യോഗസ്ഥഭരണം അക്കാദമികളിൽ പാടില്ലെന്ന് മന്ത്രി മുന്നറിയിപ്പ് നൽകി. ചലച്ചിത്ര അക്കാദമിയുടെ പ്രവർത്തനം വിപുലീകരിക്കും. ഫിലിം ഫെസ്റ്റിവെലും അവാർഡ് നൽകലും മാത്രമല്ല അക്കാദമിയുടെ ചുമതലയെന്നും നല്ല സിനിമാ സാക്ഷരത ഉണ്ടാക്കാൻ അക്കാദമിക്ക് കഴിയണമെന്നും മന്ത്രി പറഞ്ഞു.

സംസ്ഥാനത്ത് ചൂട് കൂടുന്നു; നാളെ വരെ 4˚C വരെ താപനില ഉയരാന്‍ സാധ്യതയെന്ന് മുന്നറിയിപ്പ്

0

തിരുവനന്തപുരം: സംസ്ഥാനത്ത് ചൂട് കനക്കുന്നു. അന്തരീക്ഷ താപനിലയില്‍ മൂന്ന് മുതല്‍ നാല് ഡിഗ്രി സെല്‍ഷ്യസിന്റെ വരെ വര്‍ധനവ് അനുഭവപ്പെടുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. നാളെ വരെ കനത്ത ചൂട് അനുഭവപ്പെടുമെന്നാണ് മുന്നറിയിപ്പ്.തെക്ക്-പടിഞ്ഞാറന്‍ മണ്‍സൂണ്‍ ദുര്‍ബലമായതാണ് ചൂട് കൂടാന്‍ കാരണം. എന്നാല്‍ ഇപ്പോഴത്തേത് ഉഷ്ണതരംഗ സാഹചര്യമായി വിലയിരുത്തിയിട്ടില്ല. ഉയര്‍ന്ന ചൂട് സൂര്യാഘാതം, സൂര്യാതപം, നിര്‍ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്‌നങ്ങള്‍ക്ക് കാരണമാകുമെന്നതിനാല്‍ പൊതുജനങ്ങള്‍ക്കായി കേന്ദ്ര കാലാവസ്ഥാ വകുപ്പ് ചില നിര്‍ദേശങ്ങള്‍ പുറപ്പെടുവിച്ചിട്ടുണ്ട്

സ്വകാര്യ ബസ്സില്‍ നിന്ന് തെറിച്ചുവീണ് യാത്രക്കാരിക്ക് ഗുരുതര പരിക്ക്.

0

കൊയിലാണ്ടി: കൊയിലാണ്ടിയിൽ സ്വകാര്യ ബസ്സില്‍ നിന്ന് പുറത്തേക്ക് തെറിച്ചുവീണ് യാത്രക്കാരിക്ക് ഗുരുതരപരിക്ക്. പൊയില്‍ക്കാവ് സ്വദേശിനി ലീലയ്ക്കാണ് അപകടത്തില്‍ പരിക്കേറ്റത്. ഇവരുടെ കാലിനാണ് പരിക്കേറ്റിരിക്കുന്നത്. കോഴിക്കോട്- കൊയിലാണ്ടി റൂട്ടിലോടുന്ന ബസ്സിൽ ഞായറാഴ്ച വൈകീട്ട് നാല് മണിയോടെയാണ് സംഭവം.പൊയില്‍ക്കാവ് ബസ് സ്റ്റോപ്പില്‍ എത്തിയപ്പോള്‍ ഇറങ്ങാനായി ഓട്ടോമാറ്റിക് ഡോര്‍ തുറന്ന് ബസ് നിര്‍ത്തുന്നതിനിടയില്‍ ലീല പുറത്തേക്ക് തെറിച്ചു വീഴുകയായിരുന്നു. നാട്ടുകാരും ബസ് ജീവനക്കാരും ചേര്‍ന്ന് ഉടന്‍തന്നെ ലീലയെ കൊയിലാണ്ടി താലൂക്ക് ആശുപത്രിയില്‍ എത്തിച്ചിരുന്നു. എന്നാല്‍ കാലിലെ പരിക്ക് ഗുരുതരമായതിനാൽ വിദഗ്ദ്ധ ചികിത്സയ്ക്കായി കോഴിക്കോട് മെഡിക്കല്‍ കോളേജിലേക്ക് മാറ്റി.

മരണാനന്തര അവയവദാതാക്കൾക്ക് സംസ്ഥാന സർക്കാരിന്റെ ആദരം: ‘സ്മൃതി വന്ദനം 2026’ സെപ്റ്റംബർ 9-ന്.

0

തിരുവനന്തപുരം : സംസ്ഥാനത്തെ മരണാനന്തര അവയവദാതാക്കളെ അനുസ്മരിക്കുന്നതിനും അവരുടെ കുടുംബാംഗങ്ങളെ ആദരിക്കുന്നതിനുമായി കേരള സ്റ്റേറ്റ് ഓർഗൻ ആൻഡ് ടിഷ്യു ട്രാൻസ്പ്ലാന്റ്‌ ഓർഗനൈസേഷന്റെ (കെ-സോട്ടോ) നേതൃത്വത്തിൽ സംഘടിപ്പിക്കുന്ന സംസ്ഥാനതല പരിപാടി ‘സ്മൃതി വന്ദനം 2026’ സെപ്റ്റംബർ 9-ന് നടക്കും. തിരുവനന്തപുരം ശ്രീചിത്ര തിരുനാൾ ഇൻസ്റ്റിറ്റ്യൂട്ടിലെ അച്യുത മേനോൻ സെന്റർ ഓഡിറ്റോറിയത്തിൽ വൈകീട്ട് മൂന്നിന് നടക്കുന്ന ചടങ്ങ് ആരോഗ്യ-ദേവസ്വം വകുപ്പ് മന്ത്രി കെ. മുരളീധരൻ ഉദ്ഘാടനം ചെയ്യും. ഡോ. ശശി തരൂർ എം.പി മുഖ്യാതിഥിയാകുന്ന ചടങ്ങിൽ ആരോഗ്യ കുടുംബക്ഷേമ വകുപ്പ് പ്രിൻസിപ്പൽ സെക്രട്ടറി ഡോ. ഷർമിള മേരി ജോസഫ് അധ്യക്ഷത വഹിക്കും.2025 ഓഗസ്റ്റ് മുതൽ 2026 ഓഗസ്റ്റ് വരെയുള്ള കാലയളവിൽ അവയവദാനം ചെയ്ത 39 പേരുടെ കുടുംബാംഗങ്ങളെ ചടങ്ങിൽ മന്ത്രി ആദരിക്കും. മരണാനന്തര അവയവദാന രംഗത്തെ മികച്ച പ്രവർത്തനങ്ങൾക്കുള്ള പുരസ്‌കാര വിതരണവും മസ്തിഷ്‌കമരണ നിർണയം മുതൽ ശസ്ത്രക്രിയ വരെയുള്ള വിവിധ ഘട്ടങ്ങളിൽ സേവനം കാഴ്ചവെച്ചവർക്കുള്ള ആദരിക്കലും ചടങ്ങിൽ നടക്കും. ഇതോടൊപ്പം കെ-സോട്ടോയുടെ വാർഷിക റിപ്പോർട്ട് പ്രകാശനവും പുതിയ ടോൾഫ്രീ നമ്പറിന്റെ ലോഞ്ചിംഗും നിർവഹിക്കും. അവയവദാന സമ്മതപത്രം രജിസ്റ്റർ ചെയ്യാൻ താല്പര്യമുള്ളവർക്കായി വേദിക്ക് സമീപം പ്രത്യേക രജിസ്‌ട്രേഷൻ കൗണ്ടറുകളും സജ്ജീകരിക്കും. ജില്ലാ കളക്ടർ അനുകുമാരി, മെഡിക്കൽ വിദ്യാഭ്യാസ ഡയറക്ടർ ഡോ. കെ.വി. വിശ്വനാഥൻ ഉൾപ്പെടെയുള്ള പ്രമുഖർ ചടങ്ങിൽ സംബന്ധിക്കും.

ദേശീയപാതയിലെ അപകടങ്ങൾ: റോഡ് സുരക്ഷ പൂർണമായി ഉറപ്പാക്കുമെന്ന് മന്ത്രി പി.കെ. ബഷീർ

0

തിരുവനന്തപുരം:ദേശീയപാതയിൽ ആവർത്തിച്ചുണ്ടാകുന്ന അപകടങ്ങളും നാലുവരി പാതാ നിർമാണത്തിന്റെ അന്തിമഘട്ടവും കണക്കിലെടുത്ത് റോഡ് സുരക്ഷ ഉറപ്പാക്കുമെന്ന് പൊതുമരാമത്ത് മന്ത്രി പി.കെ. ബഷീർ അറിയിച്ചു.അമിതവേഗത, മോശം വെളിച്ചം, അശാസ്ത്രീയ ട്രാഫിക് ക്രമീകരണങ്ങൾ, സുരക്ഷാ സംവിധാനങ്ങളുടെ അഭാവം എന്നിവയ്ക്ക് ശാശ്വത പരിഹാരം കാണണമെന്നും പാത തുറന്നുകൊടുക്കുമ്പോൾ സമ്പൂർണ റോഡ് സുരക്ഷ ഉറപ്പാക്കണമെന്നും ദേശീയപാത അതോറിറ്റിക്ക് (NHAI) നിർദേശം നൽകിയതായി മന്ത്രി പറഞ്ഞു.ദേശീയപാതയിൽ പാർക്ക് ചെയ്ത വാഹനങ്ങളിൽ ഇടിച്ചാണ് അടുത്തകാലത്ത് ഏറ്റവും കൂടുതൽ അപകടങ്ങൾ ഉണ്ടായത്. ഇത്തരം അശാസ്ത്രീയ പാർക്കിംഗ് അനുവദിക്കില്ലെന്നും ഇക്കാര്യത്തിൽ പോലീസിന് നിർദേശം നൽകിക്കഴിഞ്ഞതായും മന്ത്രി അറിയിച്ചു.തൃശൂർ കൈപ്പമംഗലത്ത് ഉണ്ടായ അപകടവും തിരുവനന്തപുരം ബൈപാസിൽ അടുത്തിടെ ഉണ്ടായ അപകടങ്ങളും സർക്കാർ വളരെ ഗൗരവത്തിലാണ് കാണുന്നത്. ഈ വിഷയം ദേശീയപാത അതോറിറ്റിയുടെയും കേന്ദ്ര റോഡ് ഗതാഗത-ഹൈവേ മന്ത്രി നിതിൻ ഗഡ്കരിയുടെയും ശ്രദ്ധയിൽപ്പെടുത്തുമെന്നും ആവശ്യമായ എല്ലാ നടപടികളും അടിയന്തരമായി കൈക്കൊള്ളുമെന്നും മന്ത്രി ഉറപ്പുനൽകി.സംസ്ഥാനത്ത് ദേശീയപാതാ നിർമാണം അന്തിമഘട്ടത്തിലാണ്. പ്രധാന ഫ്‌ലൈഓവറുകളും പാലങ്ങളും ഉൾപ്പെടെ ഭൂരിഭാഗം നിർമാണവും പൂർത്തിയായി. പാത പൂർത്തിയാകുമ്പോൾ അമിതവേഗത തടയാനുള്ള ക്യാമറകൾ, സ്പീഡ് ഡിറ്റക്ടറുകൾ, മതിയായ വെളിച്ചം, ശാസ്ത്രീയ ട്രാഫിക് ക്രമീകരണങ്ങൾ, സർവീസ് റോഡുകളുടെ ശരിയായ ക്രമീകരണം എന്നിവ ഉൾപ്പെടെ പൂർണ റോഡ് സുരക്ഷാ നടപടികൾ ഒരുമിച്ച് നടപ്പാക്കണം. പാത തുറക്കുന്നതിന് മുമ്പ് ഇവ ഉറപ്പാക്കുമെന്ന് മന്ത്രി വ്യക്തമാക്കി.പ്രദേശവാസികളുടെയും യാത്രക്കാരുടെയും സുരക്ഷയ്ക്കാണ് ആദ്യ പരിഗണന. നിർമാണം പൂർത്തിയാകുന്നതോടൊപ്പം സുരക്ഷാ സംവിധാനങ്ങളും ഒരുമിച്ച് പ്രവർത്തനക്ഷമമാക്കുമെന്നും അദ്ദേഹം അറിയിച്ചു.നിർമാണ പ്രവർത്തനങ്ങൾ നടക്കുന്ന സ്ഥലങ്ങളിൽ പൊതുജനങ്ങളുടെ സുരക്ഷ ഉറപ്പാക്കേണ്ടത് ബന്ധപ്പെട്ട ഉദ്യോഗസ്ഥരുടെയും കരാറുകാരുടെയും ഉത്തരവാദിത്തമാണെന്ന് മന്ത്രി ഓർമിപ്പിച്ചു. ആവശ്യമായ ബാരിക്കേഡുകൾ, മുന്നറിയിപ്പ് ബോർഡുകൾ, രാത്രികാലങ്ങളിൽ വ്യക്തമായി കാണാവുന്ന സുരക്ഷാ സംവിധാനങ്ങൾ എന്നിവ നിർബന്ധമായും ഒരുക്കണം. അധികൃതർക്കൊപ്പം വാഹനമോടിക്കുന്നവരും ഡ്രൈവിങ്ങിൽ അതീവ ശ്രദ്ധ പുലർത്തണമെന്നും മന്ത്രി പറഞ്ഞു.

സംസ്ഥാന സ്‌കൂള്‍ കായികമേള ഒക്ടോബര്‍ 25 മുതല്‍ 31 വരെ കോഴിക്കോട്: മന്ത്രി എന്‍ ഷംസുദ്ദീന്‍ : പ്രധാന വേദി എന്‍.ഐ.ടി.

0

കോഴിക്കോട്: 68-ാമത് സംസ്ഥാന സ്‌കൂള്‍ കായികമേളയ്ക്ക് (സ്‌കൂള്‍ ഒളിംപിക്‌സ്) ഇത്തവണ കോഴിക്കോട് വേദിയാകും. ഒക്ടോബര്‍ 25 മുതല്‍ 31 വരെ ഏഴ് ദിവസങ്ങളിലായാണ് മേള സംഘടിപ്പിക്കുന്നതെന്ന് പൊതുവിദ്യാഭ്യാസ വകുപ്പ് മന്ത്രി അഡ്വ. എന്‍ ഷംസുദ്ദീന്‍ പറഞ്ഞു. കായികമേളയുടെ സംഘാടക സമിതി രൂപീകരണ യോഗം കോഴിക്കോട് പ്രോവിഡന്‍സ് ഹയര്‍ സെക്കന്‍ഡറി സ്‌കൂളില്‍ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. നാഷണല്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജി (എന്‍.ഐ.ടി.) സിന്‍തെറ്റിക് ഗ്രൗണ്ടാണ് മേളയുടെ പ്രധാന വേദി. സംസ്ഥാന കലാകായിക മേളകള്‍ വിജയകരമായ നടത്തിയ പാരമ്പര്യമുള്ള ജില്ലയാണ് കോഴിക്കോട്. 15 വര്‍ഷത്തിനുശേഷം ജില്ലയിലേക്ക് തിരിച്ചെത്തിയ മേളയില്‍ മാറ്റുരയ്ക്കാനായി എത്തുന്ന കൗമാര കായിക താരങ്ങള്‍ക്ക് എല്ലാവിധ സൗകര്യങ്ങളും പ്രോത്സാഹനങ്ങളും കോഴിക്കോട്ടുകാര്‍ നല്‍കുമെന്നാണ് പ്രതീക്ഷയെന്നും മന്ത്രി പറഞ്ഞു. കുട്ടികളില്‍ വര്‍ധിച്ചുവരുന്ന മയക്കുമരുന്ന് ഉപയോഗവും ലഹരി താല്പര്യങ്ങളും തടയാന്‍ കായിക പങ്കാളിത്തം അത്യന്താപേക്ഷിതമാണ്. കുട്ടികളിലെ കായികാഭിരുചി പ്രോത്സാഹിപ്പിക്കുക എന്നതാണ് സര്‍ക്കാര്‍ നയം. കായിക മേഖലയിലൂടെ കുട്ടികളുടെ ശാരീരിക ക്ഷമത ഉറപ്പാക്കാനും നല്ലൊരു സംസ്‌കാരം വളര്‍ത്തിയെടുക്കാനും സാധിക്കുമെന്നും മന്ത്രി പറഞ്ഞു. അത്‌ലറ്റിക്‌സിനു പുറമെ അക്വാട്ടിക്‌സ്, കരാട്ടേ, വുഷു, യോഗ, ഷട്ടില്‍ ബാഡ്മിന്റണ്‍, ബാസ്‌കറ്റ്‌ബോള്‍, നെറ്റ്‌ബോള്‍, ത്രോബോള്‍, സോഫ്റ്റ്‌ബോള്‍, ബേസ്‌ബോള്‍, ടഗ് ഓഫ് വാര്‍ തുടങ്ങി 41 ഇനങ്ങളിലാണ് മത്സരങ്ങള്‍ നടക്കുന്നത്. ഫുട്‌ബോള്‍, ക്രിക്കറ്റ് മത്സരങ്ങള്‍ പ്രത്യേക ഷെഡ്യൂളില്‍ പിന്നീട് നടക്കുമെന്നും മന്ത്രി അറിയിച്ചു. സംസ്ഥാനത്തെ ജില്ലകളില്‍ നിന്നുള്ള കായിക പ്രതിഭകള്‍ക്കൊപ്പം ഗള്‍ഫ് നാടുകളിലെ മലയാള സ്‌കൂളുകളില്‍ നിന്നുള്ള കുട്ടികളും മേളയില്‍ മാറ്റുരയ്ക്കും. സംസ്ഥാനത്തെ പൊതുവിദ്യാലയങ്ങളില്‍ പഠിക്കുന്ന സവിശേഷ പരിമിതരായ കുട്ടികളുടെ കായികപരമായ അഭിരുചി വളര്‍ത്തിയെടുക്കുന്നതിന് വേണ്ടി ആവിഷ്‌കരിച്ച ഇന്‍ക്ലൂസീവ് സ്‌പോര്‍ട്സ് കേരള സ്‌കൂള്‍ കായികമേളയുടെ ഭാഗമായി സംഘടിപ്പിക്കും. പതിനായിരത്തോളം കായിക പ്രതിഭകള്‍ അണ്ടര്‍ 14, 17, 19 (ആണ്‍കുട്ടികള്‍ പെണ്‍കുട്ടികള്‍) വിഭാഗങ്ങളില്‍ വിവിധ കായിക ഇനങ്ങളിലായി മത്സരിക്കും. കേരളം ഗവര്‍ണര്‍ രാജേന്ദ്ര വിശ്വനാഥ് അര്‍ലേക്കര്‍, മുഖ്യമന്ത്രി വി ഡി സതീശന്‍, പൊതുവിദ്യാഭ്യാസ വകുപ്പ് മന്ത്രി അഡ്വ എന്‍ ഷംസുദ്ദീന്‍, പ്രതിപക്ഷ നേതാവ് പിണറായി വിജയന്‍ എന്നിവര്‍ മുഖ്യരക്ഷാധികാരികളായുള്ള സംഘാടക സമിതിയാണ് രൂപീകരിച്ചത്. ജില്ലയിലെ എംപിമാര്‍, എംഎല്‍എമാര്‍, കോര്‍പറേഷന്‍ മേയര്‍, ജില്ല പഞ്ചായത്ത് പ്രസിഡന്റ്, പൊതുവിദ്യാഭ്യാസ വകുപ്പ് സെക്രട്ടറി, കായികയുവജന വകുപ്പ് ഡയറക്ടര്‍, ജില്ല കളക്ടര്‍, ജില്ല പോലീസ് മേധാവി കോഴിക്കോട് റൂറല്‍, സിറ്റി പോലീസ് കമ്മിഷ്ണര്‍, കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് എന്നിവര്‍ രക്ഷാധികാരികളാകും. എംഎ റസാഖ് മാസ്റ്റര്‍ എംഎല്‍എ ചെയര്‍പേഴ്‌സണും ചാത്തമംഗലം ഗ്രാമപഞ്ചായത്ത് പ്രസിഡന്റ് എംകെ നദീറ വൈസ് ചെയര്‍പേഴ്‌സണും വിദ്യാഭ്യാസ വകുപ്പ് ഡയറക്ടര്‍ സ്‌നേഹില്‍ കുമാര്‍ സിംഗ് എക്‌സ് ഒഫിഷ്യോ പ്രസിഡന്റുമായ സമിതിയ്ക്കാണ് രൂപം നല്‍കിയത്. ഇതിനു പുറമെ മേളയുടെ സുഖമമായ നടത്തിപ്പിനായി 17 സബ് കമ്മിറ്റികള്‍ക്കും രൂപം നല്‍കി. ജനപ്രതിനിധികള്‍ ചെയര്‍പേഴ്‌സണ്‍മാരും അധ്യാപകര്‍ കണ്‍വീനര്‍മാരുമായാണ് സബ് കമ്മിറ്റികള്‍ പ്രവര്‍ത്തിക്കുക. ചടങ്ങില്‍ അഡ്വ. കെ ജയന്ത് എംഎല്‍എ അധ്യക്ഷനായി. എംകെ രാഘവന്‍ എംപി മുഖ്യാതിഥിയായി. കോര്‍പറേഷന്‍ മേയര്‍ ഒ സദാശിവന്‍, എംഎല്‍എമാരായ പാറയ്ക്കല്‍ അബ്ദുള്ള, എം എ റസാഖ് മാസ്റ്റര്‍, കെ എം അഭിജിത്, ഫാത്തിമ തഹ്‌ലിയ, വി ടി സൂരജ്, വിദ്യ ബാലകൃഷ്ണന്‍, പി കെ ഫിറോസ്, ജില്ല പഞ്ചായത്ത് പ്രസിഡന്റ് മില്ലി മോഹന്‍, വൈസ് പ്രസിഡന്റ് കെ കെ നവാസ്, ജില്ല കളക്ടര്‍ എം എസ് മാധവിക്കുട്ടി, കോഴിക്കോട് സിറ്റി പോലീസ് കമ്മീഷണര്‍ എ.പി. ഷൗക്കത്ത് അലി, പൊതുവിദ്യാഭ്യാസ വകുപ്പ് ഡയറക്ടര്‍ സ്‌നേഹില്‍ കുമാര്‍ സിംഗ്, കായിക യുവജന കാര്യാലയം ഡയറക്ടര്‍ ഡോ. എം.സി റജില്‍., പൊതുവിദ്യാഭ്യാസ അഡീഷണല്‍ ഡയറക്ടര്‍ (ജനറല്‍) ആര്‍.എസ്. ഷിബു, എസ്.എസ്.കെ. സ്റ്റേറ്റ് പ്രോജക്ട് ഡയറക്ടര്‍ ഡോ. മോഹനകുമാര്‍, സീമാറ്റ്-കേരളം ഡയറക്ടര്‍ ആര്‍. അരുണ്‍ കുമാര്‍, എസ്.സി.ഇ.ആര്‍.ടി. ഡയറക്ടര്‍ ഡോ. കെ.കെ. മഷൂദ്, എസ്.ഐ.ഇ.ടി. ഡയറക്ടര്‍ സിബി മുഹമ്മദ്, ഹയര്‍ സെക്കന്ററി അക്കാദമിക് ജോയിന്റ് ഡയറക്ടര്‍ അഷ്‌റഫ് കൊയിലോത്താന്‍ കണ്ടിയില്‍, ജോയിന്റ് ഡയറക്ടര്‍ സ്‌പോര്‍ട്‌സ് ഒളിമ്പ്യന്‍ പി.ആര്‍. ശ്രീജേഷ്, ഡെപ്യൂട്ടി ഡയറക്ടര്‍ വി.എച്ച്.എസ്.ഇ. കെ.വി. മനോജ്, കോഴിക്കോട് റീജയണല്‍ ഡെപ്യൂട്ടി ഡയറക്ടര്‍ എസ്. സുധ, കാലിക്കറ്റ് യൂണിവേഴ്‌സിറ്റി ഡിപ്പാര്‍ട്ട്‌മെന്റ് ഓഫ് ഫിസിക്കല്‍ എഡ്യൂക്കേഷന്‍ ഡയറക്ടര്‍ ഡോ. വി.പി. സക്കീര്‍ ഹുസൈന്‍, പൊതുവിദ്യാഭ്യാസ വകുപ്പ് സ്‌പോര്‍ട്‌സ് ഓര്‍ഗനൈസര്‍ അജിത് വര്‍ഗീസ്, അസിസ്റ്റന്റ് സ്‌പോര്‍ട്സ് ഓര്‍ഗനൈസര്‍മാരായ പി.യു. ചിത്ര, പി. കുഞ്ഞുമുഹമ്മദ്, കെ.വി. വിസ്മയ കോഴിക്കോട് വിദ്യാഭ്യാസ ഉപഡയറക്ടര്‍ അമൃത തുടങ്ങിയവര്‍ പങ്കെടുത്തു.

ജനറല്‍ ആശുപത്രികളില്‍ 24 മണിക്കൂര്‍ ഡോക്ടര്‍ സേവനം ഉറപ്പാക്കും- മന്ത്രി കെ മുരളീധരന്‍ സ്‌കൂള്‍ ഓഫ് ഫാമിലി ഹെല്‍ത്ത് സ്റ്റഡീസ് കെട്ടിടം മന്ത്രി നാടിന് സമര്‍പിച്ചു

0

ഓരോ ജില്ലയിലെയും ജനറല്‍ ആശുപത്രിയില്‍ 24 മണിക്കൂര്‍ ഡോക്ടര്‍മാരുടെ സേവനം ലഭ്യമാക്കുന്നതിനും ആവശ്യമായ ഡോക്ടര്‍മാരെയും ജീവനക്കാരെയും ഉറപ്പാക്കുന്നതിനുമുള്ള നടപടികള്‍ സ്വീകരിച്ചുവരികയാണെന്ന് ആരോഗ്യ-ദേവസ്വം വകുപ്പ് മന്ത്രി കെ. മുരളീധരന്‍. കേരള ആരോഗ്യശാസ്ത്ര സര്‍വകലാശാലയുടെ (കെ.യു.എച്ച്.എസ്) സ്‌കൂള്‍ ഓഫ് ഫാമിലി ഹെല്‍ത്ത് സ്റ്റഡീസിന്റെ (എസ്.എഫ്.എച്ച്.എസ്) പുതിയ കെട്ടിടം ഉദ്ഘാടനം ചെയ്യുകയായിരുന്നു കേരള ആരോഗ്യശാസ്ത്ര സര്‍വകലാശാല പ്രോ ചാന്‍സലര്‍ കൂടിയായ മന്ത്രി.

കേരളത്തിലെ വിദ്യാര്‍ഥികള്‍ക്ക് ഉന്നത വിദ്യാഭ്യാസത്തിനായി സംസ്ഥാനത്തിന് പുറത്ത് പോകേണ്ട സാഹചര്യം ഒഴിവാക്കുകയാണ് സര്‍ക്കാര്‍ ലക്ഷ്യമെന്ന് മന്ത്രി പറഞ്ഞു. വിദ്യാഭ്യാസം ഓരോരുത്തരുടെയും അവകാശമാണ്. അതിനാവശ്യമായ അവസരങ്ങളും സൗകര്യങ്ങളും ഒരുക്കിക്കൊടുക്കേണ്ടത് സര്‍ക്കാരിന്റെ ഉത്തരവാദിത്വമാണ്. ഈ ലക്ഷ്യം മുന്‍നിര്‍ത്തി ആരോഗ്യ വിദ്യാഭ്യാസ രംഗത്തെ സൗകര്യങ്ങള്‍ സംസ്ഥാനത്ത് കൂടുതല്‍ വിപുലീകരിക്കുന്നതിനുള്ള പ്രവര്‍ത്തനങ്ങള്‍ ആരംഭിച്ചിട്ടുണ്ടെന്നും അദ്ദേഹം പറഞ്ഞു.

സര്‍ക്കാര്‍ ആരംഭിച്ച പുതിയ മെഡിക്കല്‍ കോളജുകളുടെ പ്രവര്‍ത്തനങ്ങള്‍ ഉദ്ദേശിച്ച രീതിയില്‍ മുന്നോട്ടുകൊണ്ടുപോകുന്നതിനുള്ള നടപടികളാണ് സ്വീകരിച്ചുവരുന്നത്. തിരുവനന്തപുരം ജില്ലയിലെ രണ്ടാമത്തെ മെഡിക്കല്‍ കോളജിന്റെ പ്രവര്‍ത്തനം ആരംഭിക്കുന്നതിനുള്ള നടപടികള്‍ ആരംഭിച്ചിട്ടുണ്ട്. സര്‍ക്കാര്‍ ആശുപത്രികളിലെ ഡോക്ടര്‍മാരുടെ ഒഴിവുകള്‍ നികത്തുന്നതിനും തീരുമാനിച്ചിട്ടുണ്ടെന്നും മന്ത്രി പറഞ്ഞു. കോഴിക്കോട് ഗവണ്‍മെന്റ് മെഡിക്കല്‍ കോളജ് ക്യാമ്പസില്‍ നടന്ന ചടങ്ങില്‍ അഡ്വ. കെ. ജയന്ത് എം.എല്‍.എ അധ്യക്ഷത വഹിച്ചു. കേരള ആരോഗ്യശാസ്ത്ര സര്‍വകലാശാല വൈസ് ചാന്‍സലര്‍ പ്രൊഫ. ഡോ. മോഹനന്‍ കുന്നുമ്മല്‍ ആമുഖപ്രഭാഷണം നടത്തി. കോര്‍പറേഷന്‍ കൗണിസിലര്‍ സി കവിത, പ്രോ വൈസ് ചാന്‍സലര്‍ പ്രൊഫ. ഡോ. സി. പി. വിജയന്‍, മെഡിക്കല്‍ കോളജ് പ്രിന്‍സിപ്പല്‍ ഡോ. കെ ജി സജീത് കുമാര്‍, സ്‌കൂള്‍ ഓഫ് ഫാമിലി ഹെല്‍ത്ത് സ്റ്റഡീസിലെ പ്രൊഫസര്‍ ഡോ. ഗീത ഗോവിന്ദരാജ്, പൊതുമരാമത്ത് വകുപ്പിലെ എക്‌സിക്യൂട്ടീവ് എന്‍ജിനീയര്‍ എന്‍ ശ്രീജയന്‍ തുടങ്ങിയവര്‍ സംസാരിച്ചു.

സമൂഹത്തിന്റെ അടിസ്ഥാന ഘടകമായ കുടുംബങ്ങളുടെ ആരോഗ്യം ഉറപ്പുവരുത്തുന്നതിലൂടെ സമൂഹത്തിന്റെ സമഗ്ര ആരോഗ്യനില മെച്ചപ്പെടുത്തുക എന്ന ലക്ഷ്യത്തോടെ പ്രവര്‍ത്തിക്കുന്ന കെ.യു.എച്ച്.എസിന്റെ നാലാമത്തെ സ്‌കൂളാണ് സ്‌കൂള്‍ ഓഫ് ഫാമിലി ഹെല്‍ത്ത് സ്റ്റഡീസ്. കുട്ടികള്‍, പ്രത്യുത്പാദന പ്രായത്തിലുള്ള സ്ത്രീകള്‍, വയോജനങ്ങള്‍ തുടങ്ങിയ ആരോഗ്യപരമായി ദുര്‍ബല വിഭാഗങ്ങളുടെ ആരോഗ്യ സംരക്ഷണത്തിനാവശ്യമായ അക്കാദമിക, ഗവേഷണ, പരിശീലന പിന്തുണകള്‍ ഒരുക്കുന്നതില്‍ സ്‌കൂള്‍ ശ്രദ്ധ കേന്ദ്രീകരിക്കും. കോഴിക്കോട് ഗവണ്‍മെന്റ് മെഡിക്കല്‍ കോളജ് ക്യാമ്പസില്‍ സര്‍ക്കാര്‍ അനുവദിച്ച 50 സെന്റ് സ്ഥലത്താണ് പുതിയ കെട്ടിടം നിര്‍മിച്ചിരിക്കുന്നത്. സെല്ലാര്‍, ഗ്രൗണ്ട്, ഒന്നാം നില, രണ്ടാം നില എന്നിവ ഉള്‍പ്പെടുന്ന കെട്ടിടത്തിന് 2,250 ചതുരശ്ര മീറ്റര്‍ പ്ലിന്ത് ഏരിയയുണ്ട്. കേരള സര്‍ക്കാര്‍ അനുവദിച്ച ഭരണാനുമതിയുടെ അടിസ്ഥാനത്തില്‍ കേരള പൊതുമരാമത്ത് വകുപ്പ് മുഖേനയാണ് നിര്‍മാണം പൂര്‍ത്തീകരിച്ചത്.

പുതിയ സീസൺ, പുതിയ മത്സരാർത്ഥികൾ; ബിഗ് ബോസ് മലയാളം സീസൺ 8 ആരംഭിച്ചു

0

ഇന്ത്യന്‍ ടെലിവിഷന്‍ ചരിത്രത്തിലെ ഏറ്റവും വലിയ റിയാലിറ്റി ഷോ ആയ ബിഗ് ബോസ് മലയാളം പുത്തൻ സീസണിന് തുടക്കമായി. എട്ടാം സീസൺ ആണ് ഇത്തവണത്തേത്. ഇനി മത്സരത്തിന്റെയും സൗഹൃദത്തിന്റെയും ഈഗോയുടെയും 100 ദിനങ്ങൾക്കാണ് മലയാള ടെലിവിഷൻ രംഗം സാക്ഷ്യം വഹിക്കാൻ പോകുന്നത്. വിവിധ മേഖലകളിൽ നിന്നുള്ള 21 മത്സരാർഥികളാണ് പുതിയ സീസണിൽ മാറ്റുരയ്ക്കുന്നത്. പുതിയ സീസണിലും മോഹൻലാൽ തന്നെയാണ് ഷോ ഹോസ്റ്റ്. കഴിഞ്ഞ സീസണിലെ പിആർ വിവാദങ്ങളും മറ്റും വലിയ ചർച്ചയായത് കൊണ്ട് തന്നെ ഇത്തവണ മത്സരാർത്ഥികൾ എന്തൊക്കെ തന്ത്രങ്ങളുമായാണ് ബിഗ് ബോസ് വീട്ടിലേക്ക് എത്തുന്നത് എന്നതും കൗതുകകരമാണ്.

ബിഗ് ബോസ് മലയാളത്തിന്റെ ചരിത്രത്തിൽ ആദ്യമായി കോമണെഴ്സിനെ തിരഞ്ഞെടുക്കാൻ അഗ്നിപരീക്ഷ എന്ന പ്രത്യേക പ്രീ ഷോ ഇത്തവണയുണ്ടായിരുന്നുവെന്നതും പുതിയ സീസണിന്റെ പ്രത്യേകതയായിരുന്നു. വിവിധ മേഖലകളിൽ നിന്നുള്ള 40 സാധാരണക്കാരായിരുന്നു അഗ്നിപരീക്ഷയിൽ മാറ്റുരച്ചത്. അതിൽ അവസാന റൗണ്ടിലെത്തിയത് 12 പേരായിരുന്നു. പ്രേക്ഷകരുടെ വോട്ടിന്റെയും ടാസ്കുകളിലെ മികവിന്റെയും അടിസ്ഥാനത്തിലായിരിക്കും ഈ പന്ത്രണ്ടുപേരിൽ നിന്നും തെരഞ്ഞെടുക്കപ്പെടുന്നവർ ഹൗസിലെത്തുക.

രഞ്ജിനി ഹരിദാസ്, റിയാസ് സലിം, അഖിൽ മാരാർ എന്നിവരായിരുന്നു അഗ്നിപരീക്ഷയിൽ ജഡ്ജസായി എത്തിയത്. മൂന്നുപേരും കഴിഞ്ഞ ബിഗ് ബോസ് സീസണുകളിലെ മികച്ച മത്സരാർത്ഥികളായിരുന്നു. ഷോയിലെത്തിയ നാല്പതുപേരെ വിലയിരുത്തി അതിൽ നിന്നും പന്ത്രണ്ടുപേരെ തെരഞ്ഞെടുത്തത് ജഡ്ജസ് തന്നെയാണ്. സാധാരണക്കാരായി എത്ര പേരാണ് എത്തുക എന്നതും ആരൊക്കെയാണ് എത്തുക എന്നതും പ്രഖ്യാപിക്കാൻ വേണ്ടി ആകാംക്ഷയോടെ കാത്തിരിക്കുകയാണ് പ്രേക്ഷകർ.

സൗത്ത് വെസ്റ്റ് ഡൽഹിയിൽ കെട്ടിടം തകർന്നുവീണു; ആളുകൾ കുടുങ്ങിക്കിടക്കുന്നു

0

ഡൽഹി: സൗത്ത് വെസ്റ്റ് ഡൽഹിയിൽ കെട്ടിടം തകർന്നുവീണു. ആളുകൾ കുടുങ്ങിക്കിടക്കുന്നതായി വിവരം. രക്ഷാപ്രവർത്തനം തുടരുന്നു. സത്യ നികേതന് സമീപം ഉച്ചയ്ക്ക് 1:30 ഓടെയാണ് കെട്ടിടം തകർന്നത്. 12 ഫയർ ഫോഴ്സ് യൂണിറ്റ് സംഭവസ്ഥലത്ത് എത്തി. കെട്ടിടത്തിൽ താമസിച്ചിരുന്നത് വിദ്യാർഥികൾ എന്നാണ് സൂചന.8 പേർ കുടുങ്ങിക്കിടക്കുന്നതായി സംശയം. നിരവധി പേരെ രക്ഷപ്പെടുത്തി. കെട്ടിടം തകർന്നുവീഴാൻ കാരണം കനത്ത മഴയെന്നാണ് സൂചന.വിദ്യാർഥികൾ താമസിച്ചിരുന്ന പിജി കെട്ടിടമാണ് തകർന്നു വീണത്. 4 പേരെ രക്ഷപ്പെടുത്തിയതായി ദൃസാക്ഷികൾ പറഞ്ഞു. കെട്ടിടത്തിൽ അറ്റകുറ്റപ്പണികൾ നടന്നിരുന്നുവെന്നും നാലു നില കെട്ടിടമാണ് തകർത്തു വീണതെന്നും ദൃക്‌സാക്ഷികൾ പറഞ്ഞു.