spot_img
Friday, November 20, 2026
Home Blog Page 70

മലപ്പുറത്ത് യുവാവിനെ പുഴയിൽ കാണാതായതായി സംശയം; ബൈക്ക് കണ്ടെത്തി; തിരച്ചിൽ തുടരുന്നു

0

മലപ്പുറം: കൂട്ടിലങ്ങാടി പെരിങ്ങോട്ടുപുലം പമ്പ് ഹൗസിന് സമീപം യുവാവിനെ പുഴയിൽ കാണാതായതായി സംശയം. കണ്ണൂർ മാളൂർ സ്വദേശി സുധീഷിനെയാണ് (സതീഷ്) കാണാതായത്.ഇന്നലെ രാത്രി മുതൽ ഇദ്ദേഹത്തെ കാണാനില്ലായിരുന്നു. തുടർന്ന് കുടുംബാംഗങ്ങളും നാട്ടുകാരും നടത്തിയ തിരച്ചിലിനിടയിലാണ് പമ്പ് ഹൗസിനു സമീപം യുവാവിൻ്റെ ബൈക്ക് ഉപേക്ഷിച്ച നിലയിൽ കണ്ടെത്തിയത്.ബൈക്ക് ലഭിച്ചതിനെ തുടർന്ന് പുഴയിൽ വീണിട്ടുണ്ടാകാമെന്ന സംശയത്തിൽ ഫയർഫോഴ്സും നാട്ടുകാരും സംയുക്തമായി പുഴയിൽ തിരച്ചിൽ ഊർജിതമാക്കിയിട്ടുണ്ട്.

സംസ്ഥാനത്ത് സ്വകാര്യ ബസുകൾ അനിശ്ചിതകാല സമരത്തിലേക്ക്; മിനിമം നിരക്ക് 15 രൂപയാക്കണമെന്ന് ആവശ്യം.

0

സംസ്ഥാനത്ത് സ്വകാര്യ ബസ് ഉടമകൾ സമരത്തിലേക്ക്. പ്രിയദർശിനി പദ്ധതി മൂലം സ്വകാര്യ ബസ് മേഖലക്കുണ്ടാകുന്ന നഷ്ടം പഠിക്കാൻ നിയോഗിച്ച വിദഗ്ധ സമിതി റിപ്പോർട്ടിലെ ശുപാർശകൾ അപര്യാപ്തമെന്ന് സ്വകാര്യ ബസ് ഉടമകൾ അറിയിച്ചു. മറ്റന്നാൾ സമര പ്രഖ്യാപനം ഉണ്ടാകും. മിനിമം യാത്രാ നിരക്ക് 15 രൂപയാക്കണമെന്നാണ് സ്വകാര്യ ബസ് ഉടമകൾ പ്രധാനമായി ആവശ്യപ്പെടുന്നത്.കെഎസ്ആർടിസി പ്രിയദർശിനി പദ്ധതി നടപ്പാക്കിയത് മൂലം സ്വകാര്യ മേഖലയ്ക്കുണ്ടായ നഷ്ടം നികത്താൻ റൂട്ടും സമയവും പുതുക്കണമെന്നത് ഉൾപ്പെടെയുള്ള ശുപാർശകളാണ് വിദഗ്ധ സമിതി റിപ്പോർട്ടിലുള്ളത്. ഒരേ റൂട്ടിൽ സ്വകാര്യ ബസുകളും കെഎസ്ആർടിസിയും സർവീസ് നടത്തുന്നിടത്താണ് സ്വകാര്യ ബസ് ഉടമകൾക്ക് സാമ്പത്തിക നഷ്ടം ഉണ്ടാക്കുന്നതെന്നാണ് വിദഗ്ധ സമിതിയുടെ കണ്ടെത്തൽ. കെഎസ്ആർടിസി ഷെഡ്യൂളുകൾ പുനക്രമീകരിക്കുക, സ്വകാര്യ ബസുകൾ പാട്ടത്തിന് എടുക്കുക തുടങ്ങിയ ശുപാർശകളാണ് റിപ്പോർട്ടിലുള്ളത്. എന്നാൽ, പ്രതീക്ഷയ്ക്ക് വക നൽകുന്ന ഒന്നും റിപ്പോർട്ടിൽ ഇല്ലെന്നാണ് സ്വകാര്യ ബസ് ഉടമകളുടെ പ്രതികരണം

മഴ മാറി, വെയിലായി, ചൂട് അനുദിനം ഉയരുന്നു; നിലവിലെ താപനില സാധാരണയിലും നാല് ഡിഗ്രി വരെ കൂടുതല്‍

0

കാലവര്‍ഷം ദുര്‍ബലമായതോടെ സംസ്ഥാനത്ത് താപനില വര്‍ദ്ധിക്കുന്നു. സാധാരണയിലും നാല് ഡിഗ്രി സെല്‍ഷ്യസ് വരെ അധികമാണ് നിലവിലെ താപനില. കൊല്ലം ജില്ലയിലെ പുനലൂരാണ് കഴിഞ്ഞദിവസം ഉയര്‍ന്ന ചൂട് രേഖപ്പെടുത്തിയത്. അതിനിടെ ഭാഗികമായി ഉണ്ടാകുന്ന പവര്‍കട്ടും പൊതുജനങ്ങളെ വലയ്ക്കുകയാണ്. കെഎസ്ഇബി നടപടിയില്‍ പ്രതിഷേധവും ശക്തമാണ്സംസ്ഥാനത്ത് രേഖപ്പെടുത്തുന്നത് പതിവിലും ഉയര്‍ന്ന താപനില. ഒറ്റപ്പെട്ട മഴ പ്രവചനങ്ങളുണ്ടെങ്കിലും അളവില്‍ ഗണ്യമായ കുറവ് വന്നു. കൊല്ലം ജില്ലയിലെ പുനലൂര്‍ കഴിഞ്ഞദിവസം രേഖപ്പെടുത്തിയത് 36.2 ഡിഗ്രി സെല്‍ഷ്യസാണ്. കോട്ടയം പാലക്കാട് നെടുമ്പാശ്ശേരി എന്നിവിടങ്ങളിലും താപനിലയുടെ അളവില്‍ വര്‍ധനയുണ്ട്. അന്തരീക്ഷ താപനില ഉയര്‍ന്നു നില്‍ക്കുന്നതും മൂലം സംസ്ഥാനത്ത് വൈദ്യുതി പ്രതിസന്ധിയും രൂക്ഷമാണ് .വൈദ്യുതി ഉപഭോഗത്തില്‍ ഗണ്യമായ വര്‍ദ്ധനയെന്ന് കെഎസ്ഇബി പറയുന്നു.ആവശ്യകത വര്‍ദ്ധിച്ചതിനാല്‍ പവര്‍ എക്‌സ്‌ചേഞ്ച് വഴിയുള്ള വൈദ്യുതി ലഭ്യതയില്‍ കാര്യമായ കുറവുണ്ട് . പീക് സമയങ്ങളില്‍ ഇലക്ട്രോണിക് ഉപകരണങ്ങളുടെ ഉപയോഗം കുറക്കണമെന്നാണ് കെഎസ്ഇബി മുന്നറിയിപ്പ്. വരും ദിവസങ്ങളിലും ആറു മണിക്കും പന്ത്രണ്ടു മണിക്കും ഇടയില്‍ ഭാഗികമായി നിശ്ചിത സമയം കറണ്ട് പോകാനുള്ള സാധ്യതയുണ്ട്. കടുത്ത ചൂടില്‍ കറന്റ് പോയതോടെ വൈറ്റില കെഎസ്ഇബി ഓഫീസില്‍ നാട്ടുകാര്‍ അര്‍ദ്ധരാത്രിയില്‍ പ്രതിഷേധിച്ചു. വൈദ്യുതി വിച്ഛേദിച്ചതിനെ തുടടര്‍ന്ന് ഓക്‌സിജന്‍ സപ്പോര്‍ട്ട് വേണ്ട രോഗികള്‍ ഉള്‍പ്പെടെയാണ് വലഞ്ഞത്. കെഎസ്ഇബി അസിസ്റ്റന്റ് എന്‍ജിനീയര്‍ എത്തിയതിനുശേഷമാണ് നാട്ടുകാര്‍ സമവായത്തിലേക്ക് എത്തിയത്. അതേസമയം വരുന്ന മൂന്നുദിവസവും ഇതേ രീതിയില്‍ അന്തരീക്ഷ താപനില കൂടുമെന്നാണ് കണക്കുകൂട്ടല്‍.

ബവ്റിജസ് ഔട്‌ലെറ്റിലെ പണം മോഷണം; പ്രതിയെ ഡൽഹിയിൽ നിന്നു പിടികൂടിയത് സാഹസികമായി

0

രാമനാട്ടുകര : തോട്ടുങ്ങൽ ബവ്റിജസ് കോർപറേഷൻ ഔട്‌ലെറ്റ് കവർച്ച കേസിലെ പ്രതിയെ പൊലീസ് സംഘം ഡൽഹിയിൽ നിന്നു പിടികൂടിയത് സാഹസിക നീക്കത്തിൽ. ഡൽഹി ഇന്ദിരാഗാന്ധി വിമാനത്താവളത്തിനു സമീപം മഹിപാൽപുരിൽ ഒളിവിൽ കഴിയുകയായിരുന്ന പ്രതിയെ അർധരാത്രിയാണ് പൊലീസ് സംഘം കസ്റ്റഡിയിലെടുത്തത്. കഴിഞ്ഞ ദിവസം പിടിയിലായ വാഴയൂർ കാരാട് പുല്ലാലയിൽ ഷിജിലിനെ(ജിംബ്രൂട്ടാൻ–26)ഫറോക്കിൽ എത്തിച്ച് കോടതിയിൽ ഹാജരാക്കി.കഴിഞ്ഞ 15നു രാത്രിയാണ് ബവ്റിജസ് ഔട്‌ലെറ്റിൽ ഷട്ടറിന്റെ പൂട്ട് തകർത്ത് മേശയുടെ ലോക്കറിൽ സൂക്ഷിച്ച 2.65 ലക്ഷം രൂപ മോഷ്ടിച്ചത്. മഴക്കോട്ട് ധരിച്ചും കുട ചൂടിയും എത്തിയ ശേഷം സിസിടിവി ക്യാമറകൾ ദിശമാറ്റി പലയിടങ്ങളിലേക്കു തിരിച്ചു വച്ചായിരുന്നു മോഷണം. ഇതിനാൽ പ്രതിയെ കണ്ടെത്തൽ പൊലീസിനു മുൻപിൽ വലിയ കടമ്പയായി. കമ്മിഷണർ എ.പി.ഷൗക്കത്തലിയുടെ നിർദേശപ്രകാരം ഫറോക്ക് അസി.കമ്മിഷണർ എ.പ്രേംജിത്തിന്റെ കീഴിൽ പ്രത്യേക സംഘത്തെ നിയോഗിച്ചായിരുന്നു അന്വേഷണം.രാമനാട്ടുകരയിലെയും പരിസരപ്രദേശങ്ങളിലെയും സിസിടിവി ദൃശ്യങ്ങൾ പരിശോധിച്ച ക്രൈം സ്ക്വാഡ് പ്രതി ഷിജിൽ ആണെന്നു തിരിച്ചറിഞ്ഞു. തന്റെ നീക്കങ്ങൾ പൊലീസ് നിരീക്ഷിക്കുന്നുണ്ടെന്നു മനസ്സിലാക്കിയ പ്രതി മൊബൈൽ ഫോൺ ഉപയോഗിക്കാതെ ട്രെയിൻ മാർഗം പാലക്കാട്ടേക്കും പിന്നീട് ഡൽഹിയിലേക്കും കടന്നു. ഒരിക്കലും കേരള പൊലീസ് എത്തിപ്പെടില്ലെന്ന വിശ്വാസത്തിലായിരുന്നു ഡൽഹിയിൽ ഒളിവിൽ കഴിഞ്ഞത്.നിർബന്ധമായും പ്രതിയെ പിടികൂടണമെന്ന നിശ്ചയദാർഢ്യത്തോടെ ആധുനിക സാങ്കേതിക വിദ്യയുടെ സഹായത്തിൽ ഫറോക്ക് പൊലീസും എസിപി ക്രൈം സ്ക്വാഡും അന്വേഷണം നടത്തുന്നതിനിടെ ഷിജിൽ ഒളിവിൽ കഴിയുന്ന സ്ഥലത്തെ കുറിച്ചു വിവരം കിട്ടിയതാണ് പിടികൂടുന്നതിൽ നിർണായകമായത്. ഒട്ടേറെ മോഷണ–ലഹരി കേസുകളിൽ പ്രതിയായ ഇയാൾ പൊലീസിനെ തെറ്റിദ്ധരിപ്പിക്കാൻ തോട്ടുങ്ങലിലെ അതിഥിത്തൊഴിലാളികളുടെ താമസ സ്ഥലത്തെത്തി അവരുടെ വസ്ത്രവും ചെരിപ്പും മോഷ്ടിച്ചു വേഷം മാറിയാണ് ബവ്റിജസിൽ എത്തിയതെന്നു പൊലീസ് കണ്ടെത്തി.തുടർന്നുള്ള അന്വേഷണമാണ് പ്രതിയിലേക്ക് എത്താനായത്. കൃത്യമായ വിവരം ലഭിച്ച അന്വേഷണ സംഘം ഡൽഹിയിലെത്തിയ ഡൽഹി പൊലീസിന്റെ സഹായത്തോടെ മഹിപാൽപുർ ടൗൺ പരിസരത്തുനിന്നാണ് കസ്റ്റഡിയിലെടുത്തത്. ഫറോക്ക് എസ്ഐ പി.രൂപേഷ് അറസ്റ്റ് ചെയ്ത പ്രതിയെ കോടതി റിമാൻഡ് ചെയ്തു. ഫറോക്ക് എസ്ഐമാരായ എം.കെ.മിഥുൻ, പി.സി.സുജിത്ത്, എഎസ്ഐ ബിനോയ് രവി, സീനിയർ സിപിഒ എം.പ്രജിത്ത്, എസിപി ക്രൈം സ്ക്വാഡ് എഎസ്ഐ പി.അരുൺ കുമാർ, സീനിയർ സിപിഒമാരായ ഐ.ടി.വിനോദ്, അനുജ് വളയനാട്, സനീഷ് പന്തീരാങ്കാവ്, സിപിഒമാരായ സുബീഷ് വേങ്ങേരി, കെ.അഖിൽ ബാബു എന്നിവർ അന്വേഷണസംഘത്തിലുണ്ടായിരുന്നു.നഗരത്തിൽ ഏതാനും ആഴ്ചകൾക്കിടെ ഒട്ടേറെത്തവണ യാത്രക്കാർക്കും നാട്ടുകാർക്കും സ്വകാര്യ ബസ് ജീവനക്കാരുടെ മർദനമേറ്റിട്ടും പൊലീസ് അയഞ്ഞ സമീപനം സ്വീകരിക്കുന്നുവെന്ന പരാതി ശക്തമാണ്.

ഇങ്ങരിത്…; വീണ്ടും വന്നു, ഇന്‍സ്റ്റ കത്തിച്ചു, പോയി…, വൈറലായി മമ്മൂട്ടിയുടെ പുതിയ ട്രെന്‍ഡി ലുക്ക്

0

ചിലരങ്ങനെയാണ്. കൂടുതല്‍ ഡയലോഗ് വേണ്ട, കോണ്‍ടെക്‌സ്റ്റ് വേണ്ട, ബഹളങ്ങളൊന്നുമേ വേണ്ട. വരും ഇന്‍സ്റ്റ കത്തിക്കും. തിരിച്ചുപോകും. ട്രെന്‍ഡിലെത്തി അങ്ങനെ ഇന്‍സ്റ്റ കത്തിച്ച് പോകുന്നവരില്‍ മുന്നില്‍ മലയാളത്തിന്റെ സ്വന്തം മമ്മൂക്ക തന്നെയാണ്. പതിവു തെറ്റിച്ചില്ല. ഇത്തവണയും സ്റ്റൈലന്‍ ലുക്കില്‍ ഇക്കയെത്തി. ബാക്കിയെല്ലാവരും സൈഡായിനിര്‍മാതാവ് ആന്റോ ജോസഫ് തന്റെ ഇന്‍സ്റ്റ അക്കൗണ്ടിലൂടെ പങ്കുവച്ച മമ്മൂട്ടിയുടെ ഏറ്റവും പുതിയ ചിത്രങ്ങളാണ് ആരാധകര്‍ ഏറ്റെടുത്തിരിക്കുന്നത്. വാട്ട് നെക്സ്റ്റ് എന്ന ക്യാപ്ഷനോടെയാണ് ആന്റോ ജോസഫ് ചിത്രം പങ്കുവച്ചിരിക്കുന്നത്. ഓറഞ്ച് നിറത്തിലുള്ള ഷര്‍ട്ടും അതേ നിറത്തിലുള്ള ഷൂസും വൈറ്റ് പാന്റ്‌സുമണിഞ്ഞ് കിടിലന്‍ ലുക്കിലുള്ള ചിത്രങ്ങളാണ് പുറത്തുവന്നിരിക്കുന്നത്. പതിവുപോലെ ഏജ് ഇന്‍ റിവേഴ്‌സ് ഗിയര്‍ കമന്റുകളാണ് ഫോട്ടോയ്ക്ക് താഴെ വരുന്നത്.തിങ്കളാഴ്ച മമ്മൂട്ടിയുടെ 75-ാം പിറന്നാളാണ്. രണ്ട് ചിത്രങ്ങളുടെ അപ്‌ഡേറ്റുകള്‍ പിറന്നാള്‍ ദിനത്തില്‍ ആരാധകര്‍ പ്രതീക്ഷിക്കുന്നുണ്ട്. ഇതിലൊന്ന് രാജ് കുമാര്‍ പെരിയസ്വാമി സംവിധാനം ചെയ്യുന്ന ഓം എന്ന തമിഴ്ചിത്രവും മറ്റൊന്ന് നിതീഷ് സഹദേവ് ഒരുക്കുന്ന ആക്ഷന്‍ ചിത്രവുമാണ്.

വയനാട് തുരങ്കപാത അടിയന്തരമായി യാഥാർത്ഥ്യമാക്കണം; എക്യൂമെനിക്കൽ ഫോറം സർക്കാരിനോട് ആവശ്യപ്പെട്ടു.

0

സുൽത്താൻ ബത്തേരി: വയനാട്ടുകാരുടെ ദീർഘകാലത്തെ യാത്രാക്ലേശങ്ങൾക്ക് ശാശ്വത പരിഹാരം കാണുന്നതിനായി ആവിഷ്കരിച്ച തുരങ്കപാത പ്രകൃതിദുരന്തങ്ങളെ അതിജീവിക്കുന്ന തരത്തിലുള്ള ആധുനിക എഞ്ചിനീയറിങ് സംവിധാനങ്ങളോടെ എത്രയും വേഗം യാഥാർത്ഥ്യമാക്കണമെന്ന് എക്യൂമെനിക്കൽ ഫോറം വയനാട് സർക്കാരിനോട് ആവശ്യപ്പെട്ടു.കാർഷിക പ്രാധാന്യമുള്ളതും മികച്ച ടൂറിസം കേന്ദ്രവുമായ വയനാട്ടിൽ നിലവിൽ യാത്രാസൗകര്യങ്ങൾ വളരെ പരിമിതമാണ്. പുറംലോകവുമായി ബന്ധപ്പെടാൻ കുറ്റ്യാടി, പാൽച്ചുരം, പേര്യ, നാടുകാണി, താമരശ്ശേരി, ദിമ്പം ഉൾപ്പെടെയുള്ള ദുർഘടം പിടിച്ച ചുരങ്ങളെയാണ്ജില്ലയിലുള്ളവർ പ്രധാനമായും ആശ്രയിക്കുന്നത്.

ഗുണ്ടൽപേട്ട് വഴി ചുരമില്ലാത്ത പാതയുണ്ടെങ്കിലും രാത്രികാല യാത്രാ നിരോധനം മൂലം രാത്രി 9 മണിക്ക് ശേഷം ഇതുവഴി സഞ്ചരിക്കാനാകില്ല. കനത്ത മഴ പെയ്യുമ്പോൾ ചുരങ്ങൾ മിക്കപ്പോഴും മണ്ണിടിച്ചിൽ ഭീഷണിയിലാണ്. താമരശ്ശേരി ചുരത്തിലുണ്ടാകുന്ന അതിരൂക്ഷമായ ബ്ലോക്ക് കാരണം വിദേശത്തു പോകുന്നവർക്ക് വിമാനങ്ങൾ നഷ്ടപ്പെടുകയും, അടിയന്തര ചികിത്സ ആവശ്യമുള്ള രോഗികളെ ആശുപത്രിയിലെത്തിക്കാൻ സാധിക്കാതെ വരികയും ചെയ്യുന്നത് പതിവാണ്.മരണം, വിവാഹം, ചികിത്സാ സഹായം തുടങ്ങി അടിയന്തര ഘട്ടങ്ങളിൽ ജില്ലയ്ക്ക് പുറത്തേക്ക്സുഗമമായി സഞ്ചരിക്കാൻ തുരങ്കപാത നിർമ്മാണം പൂർത്തിയാകേണ്ടത് അത്യാവശ്യമാണ്.അതുകൊണ്ട് തന്നെ അത്യാധുനിക സാങ്കേതികവിദ്യ പ്രയോജനപ്പെടുത്തി തുരങ്കപാതയുടെ പണി എത്രയും വേഗം പൂർത്തിയാക്കണമെന്ന് യോഗം ആവശ്യപ്പെട്ടു. എക്യൂമെനിക്കൽ ഫോറം പ്രസിഡന്റ് ഫാദർ മത്തായി അതിരംപുഴ, സെക്രട്ടറി ഫാദർ അനീഷ് പൂമല, ഫാദർ തോമസ് മണക്കുന്നേൽ, ഫാദർ സാം പ്രകാശ്, ബില്ലി ഗ്രഹാം, ഫാദർ വിപിൻ, ഫാദർ അനീഷ് ജോർജ്, ഫാദർ സെബാസ്റ്റ്യൻ കീപുള്ളി, ഫാദർ അഖിൽ തോമസ്, വി.പി. തോമസ്, പ്രൊഫസർ തര്യത്, വിൻസന്റ് വട്ടപ്പറമ്പിൽ, ജോജി മൂലങ്കാവ് തുടങ്ങിയവർ ചടങ്ങിൽ സംസാരിച്ചു.

വിദ്യാർത്ഥികളുടെ പാഠപുസ്തകമാണ് അധ്യാപകൻ : എം.എൻ .കാരശ്ശേരി.

0

കുന്ദമംഗലം : അധ്യാപനം ഒരു തൊഴിലിൻ്റെ പേരല്ല ,അത് ഒരു സ്വഭാവസവിശേഷതയാണ്. കുട്ടികൾ കേട്ട് പഠിക്കുന്നില്ല, കണ്ടാണ് പഠിക്കുന്നതെന്ന് അധ്യാപകർക്ക് ബോധ്യമുണ്ടാവണം. അറിവിൻ്റെ യും സ്വഭാവ മഹിമയുടെയും വിളനിലമാവണം അധ്യാപകർ. അധ്യാപകർ സ്നേഹവും കാരുണ്യവും വിദ്യാർത്ഥികളിലെത്തിക്കാൻ ശ്രമിക്കണമെന്നും എം.എൻ.കാരശ്ശേരി. സർവോദയം ബുക്ക് ട്രസ്റ്റ് ബാലുശ്ശേരി ഏർപ്പെടുത്തിയ അധ്യാപക സത്കീർത്തി പുരസ്കാരം എരവന്നൂർ എ.എം.എൽ.പി.സ്കൂളിലെ ജമാലുദ്ദീൻ പോലൂരിന് നൽകി സംസാരിക്കുകയായിരുന്നു അദ്ദേഹം.അധ്യാപനത്തോടൊപ്പം ചരിത്ര സംരക്ഷണവും പുരാവസ്‌തു ശേഖരണവും പ്രദർശനനവുമൊരുക്കുന്നതിനാണ് പുരസ്‌കാരം നൽകിയത്. ട്രസ്റ്റ് ചെയർമാൻ കെ.പി.മനോജ് കുമാർ അധ്യക്ഷത വഹിച്ച യോഗത്തിൽ കുരുവട്ടൂർ വികസന സ്റ്റാൻഡിങ് കമ്മിററി ചെയർമാൻ വത്സൻ കുന്നത്ത്, വാർഡ് മെമ്പർ റഷീദ് പോലൂർ , നാസർ തെക്കെ വളപ്പിൽ, സി.പി.അബ്ദുൾഖാദർ,മാനേജർ കുഞ്ഞിമാഹിൻ.ടി ,വി.മനോജ് കുമാർ,ധനേഷ് ഉളളിയേരി,മണി ചാലിൽ, ബാലകൃഷ്ണൻ കോറോത്ത്, ഐ.സി.ആർ.പ്രസാദ്, മായിൻമാസ്റ്റർ,ജമാലുദ്ദീൻ പോലൂർ എന്നിവർ സംസാരിച്ചു.

ദേശീയപാതയിൽ ലോറിയും കാറും കൂട്ടിയിടിച്ചു; രണ്ട് പേർ മരിച്ചു

മലപ്പുറം: ദേശീയപാത ആറുവരിപ്പാതയിൽ വാഹനാപകടത്തിൽ രണ്ട് യുവാക്കൾ മരിച്ചു. ഇടിമുഴിക്കലിന് സമീപം ലോറിയും കാറും കൂട്ടിയിടിച്ചാണ് അപകടമുണ്ടായത്.മലപ്പുറം കൂമണ്ണ സ്വദേശികളായ ജംഷീർ, ഹാരിസ് എന്നിവരാണ് മരിച്ചത്. അപകടത്തിൽ മൂന്ന് പേർക്ക് പരിക്കേറ്റു. ഇതിൽ രണ്ടുപേരുടെ നില ഗുരുതരമാണെന്നാണ് വിവരം.പരിക്കേറ്റവരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

കുന്നംകുളത്ത് നിയന്ത്രണം വിട്ട കാർ ബൈക്കിലിടിച്ചു; ദമ്പതികളും മൂന്ന് വയസ്സുകാരനായ മകനും മരിച്ചു

0

തൃശൂർ: കുന്നംകുളത്ത് നിയന്ത്രണം വിട്ട കാർ ബൈക്കിലിടിച്ചുണ്ടായ അപകടത്തിൽ ഒരു കുടുംബത്തിലെ മൂന്ന് പേർ മരിച്ചു. ചാവക്കാട് എടക്കഴിയൂർ സ്വദേശികളായ മുനീർ (35), ഭാര്യ സഫ്ന (25), ഇവരുടെ മൂന്ന് വയസ്സുകാരനായ മകൻ യമിൽ ഐബക്ക് എന്നിവരാണ് മരിച്ചത്.ഗുരുവായൂർ–കുന്നംകുളം റോഡിൽ രാത്രി 12 മണിയോടെയാണ് അപകടമുണ്ടായത്. വിവാഹ ചടങ്ങിൽ പങ്കെടുത്ത് വീട്ടിലേക്ക് മടങ്ങുന്നതിനിടെ റോഡരികിൽ ബൈക്ക് നിർത്തി സംസാരിക്കുകയായിരുന്ന കുടുംബത്തെ അതേ ദിശയിൽ നിന്ന് നിയന്ത്രണം വിട്ടെത്തിയ കാർ ഇടിക്കുകയായിരുന്നു എന്നാണ് പ്രാഥമിക വിവരം.ഇടിയുടെ ആഘാതത്തിൽ ബൈക്കിലുണ്ടായിരുന്നവർ റോഡിലേക്ക് തെറിച്ചുവീണു. ബൈക്ക് സമീപത്തെ കെഎസ്ഇബി ട്രാൻസ്ഫോമറിലും ഇടിച്ചു. ഇതോടെ വൈദ്യുതി കമ്പികൾ പൊട്ടിവീണത് രക്ഷാപ്രവർത്തനത്തെയും ബാധിച്ചു. പരിക്കേറ്റവരെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.അപകടത്തിൽ കാറിനും ബൈക്കിനും സാരമായ കേടുപാടുകൾ സംഭവിച്ചു. കാറിലുണ്ടായിരുന്നവർ സംഭവസ്ഥലത്തുനിന്ന് കടന്നുകളഞ്ഞതായാണ് റിപ്പോർട്ട്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.ഡ്രൈവർ മദ്യലഹരിയിലായിരുന്നെന്ന് കണ്ടെത്തൽ. അപകടസമയത്ത് കാറിൽ നാലുപേരാണ് ഉണ്ടായിരുന്നത്. സംഭവവുമായി ബന്ധപ്പെട്ട് പ്രതികൾക്കെതിരെ പോലീസ് ജാമ്യമില്ലാ വകുപ്പുകൾ ചുമത്തി കേസെടുത്തു. സംഘത്തിലുണ്ടായിരുന്ന ഒരാളെ പോലീസ് കസ്റ്റഡിയിലെടുത്തിട്ടുണ്ട്. മറ്റൊരാൾ പരിക്കുകളോടെ ആശുപത്രിയിൽ ചികിത്സയിലാണെന്നാണ് വിവരം. മറ്റ് പ്രതികൾക്കായി പോലീസ് അന്വേഷണം ഊർജിതമാക്കിയിട്ടുണ്ട്.

ഗായകൻ നിസാർ വയനാട് നിര്യാതനായി.

0

വയനാട്: പ്രശസ്ത ഗായകൻ നിസാർ വയനാട് (48) ദുബായിൽ ഹൃദയാഘാതം മൂലം നിര്യാതനായി. ഗൾഫ് നാടുകളിലെ മ്യൂസിക് സ്റ്റേജ് ഷോകളിൽ സജീവ സാന്നിധ്യമായിരുന്ന അദ്ദേഹം ഒട്ടനവധി ഗാനമേളകളിലൂടെയും തനത് ആലാപന ശൈലിയിലൂടെയും സംഗീതാസ്വാദകരുടെ പ്രിയങ്കരനായി മാറിയ കലാകാരനാണ്.​നാടൻ പാട്ടുകളിലും മാപ്പിളപ്പാട്ടുകളിലും തന്റേതായ വ്യക്തിമുദ്ര പതിപ്പിച്ച അദ്ദേഹം നിരവധി ഹിറ്റ് ആൽബങ്ങളിലൂടെയും ശ്രദ്ധേയനാണ്. വയനാട് ‘സങ്കീർത്തനം’ ഓർക്കസ്ട്രയിലെ പ്രധാന ഗായകരിൽ ഒരാളായിരുന്നു.​ദുബായിലെ നടപടിക്രമങ്ങൾ പൂർത്തിയാക്കി മൃതദേഹം നാട്ടിലെത്തിക്കുന്നതിനുള്ള ശ്രമങ്ങൾ പുരോഗമിക്കുകയാണ്.