പരിവാഹൻ തട്ടിപ്പ്: വീണ്ടും പുതിയ രീതിയിൽ

വാഹന ഉടമകളെയും ഡ്രൈവർമാരെയും ലക്ഷ്യമിട്ട് പരിവാഹൻ ഫ്രോഡ് തട്ടിപ്പ് വീണ്ടും പുതിയ രീതിയിൽ. വാഹനത്തിന് പിഴ ഈടാക്കിയിട്ടുണ്ട് എന്ന് എസ്എംഎസ് ലൂടെ അയക്കുന്നതാണ് ആദ്യപടി. എസ്എംഎസിൽ ഉള്ള ലിങ്കിൽ ക്ലിക്ക് ചെയ്യുമ്പോൾ ക്രെഡിറ്റ് കാർഡിലൂടെ മാത്രം പണം അടയ്ക്കുന്നതിനുള്ള സൈറ്റിൽ പ്രവേശിക്കുന്നു. തുടർന്ന് കാർഡ് നമ്പർ CVV തുടങ്ങിയവ എന്റർ ചെയ്തു കഴിഞ്ഞാൽ കാർഡിലെ ബാലൻസ് ക്രെഡിറ്റ് തുക മുഴുവൻ നഷ്ടപ്പെടുന്നു ഇതാണ് തട്ടിപ്പിന്റെ രീതി. പൊതുജനങ്ങൾ യാതൊരു കാരണവശാലും ഇത്തരം സന്ദേശങ്ങളിലൂടെ പണം അടയ്ക്കാൻ ശ്രമിക്കുകയോ തങ്ങളുടെ കാർഡ് ഡീറ്റെയിൽസ് കൈമാറുകയോ ചെയ്യരുത്. ഇത്തരം ഓൺലൈൻ സാമ്പത്തിക കുറ്റകൃത്യങ്ങൾ ശ്രദ്ധയിൽപ്പെട്ടാൽ ഉടൻതന്നെ 1930 എന്ന സൗജന്യ നമ്പറിൽ ബന്ധപ്പെട്ടോ https://cybercrime.gov.in എന്ന വെബ്സൈറ്റ് മുഖേനയോ സൈബർ പോലീസിനെ വിവരം അറിയിക്കാവുന്നതാണ്. #keralapolice #statepolicemediacentre