കൊച്ചി കടവന്ത്രയില് ഭിന്നശേഷിക്കാരനായ യുവാവിനെ ഹോട്ടല് മുറിയിലേക്ക് വിളിച്ചുവരുത്തി ഹണി ട്രാപ്പ് സംഘം ക്രൂരമായി മര്ദിച്ചു. യുവതി ഉള്പ്പെടെ നാലംഗ സംഘമാണ് അമല് ദേവ് എന്ന യുവാവിനെ മര്ദിച്ച് നഗ്ന ദൃശ്യങ്ങള് പകര്ത്തിയത്. വാരിയെല്ല് ഒടിഞ്ഞ അമല്ദേവ് ചികിത്സയിലാണ്. രണ്ട് പ്രതികളെ പൊലീസ് പിടികൂടി
നിലവില് ഗുരുതര പരുക്കുകളോടെ ചികിത്സയില് കഴിയുകയാണ് അമല് ദേവ്. അമല്ദേവിന്റെ നഗ്ന ദൃശ്യങ്ങള് പ്രതികള് പകര്ത്തി. ഒന്നാം പ്രതി സഫ്നയാണ് അമലിനെ ഹോട്ടല് മുറിയിലേക്ക് വിളിച്ചു വരുത്തിയത്. ലൈംഗിക ബന്ധത്തിന് നിര്ബന്ധിച്ചെങ്കിലും യുവാവ് വഴങ്ങാതെ വന്നതോടെ ഹണി ട്രാപ്പ് പ്ലാന് പൊളിഞ്ഞതിലുള്ള വൈരാഗ്യത്തില് പ്രതികള് യുവാവിനെ മര്ദിക്കുകയായിരുന്നു. കേസില് രണ്ട് പ്രതികളെ കടവന്ത്ര പോലീസ് ഇന്നലെ രാത്രി പിടികൂടി. അമല് ദേവിന് സംസാര ശേഷിയില്ല.
