ജൂൺ 23 ന് ദില്ലിയിൽ രാഷ്ട്രപതി ഭവനിൽ നടന്ന ചടങ്ങിൽവച്ചാണ് മലയാളത്തിന്റെ മഹാനടൻ മമ്മൂട്ടിക്കുൾപ്പെടെ നിരവധി പ്രമുഖർക്ക് രാഷ്ട്രപതി പത്മ പുരസ്കാരങ്ങൾ സമ്മാനിച്ചത്. അക്കൂട്ടത്തിൽ തമിഴ് നടൻ ആർ മാധവനെയും പത്മശ്രീ പുരസ്കാരം നൽകി ആദരിച്ചിരുന്നു. ആരാധകർ ഇതുവരെ കണ്ടതിൽ നിന്നും വ്യത്യസ്തമായ ലുക്കിലാണ് മാധവൻ പുരസ്കാര ചടങ്ങിനെത്തിയത്. ഇതിനുപിന്നാലെ മാധവൻ ശരീരഭാരം കുറച്ചതിനെക്കുറിച്ച് സിനിമാലോകത്ത് വലിയ ചർച്ചകൾ ഉടലെടുത്തിരിക്കുകയാണ്.
നോക്കിനിൽക്കേ സിനിമാതാരങ്ങളുടെ ശരീരഭാരം കുറയ്ക്കുന്നതും കൂട്ടുന്നതും പുതിയ കാര്യമല്ല. എന്നാൽ ശരീരഭാരം കുറച്ചതിൽ അൽപം വ്യത്യാസമുണ്ടെന്നാണ് താരം തന്നെ പറയുന്നത്. ഒരു സിനിമയ്ക്കായി ശരീരഭാരം വർദ്ധിപ്പിച്ച താൻ വെറും 21 ദിവസം കൊണ്ടാണ് പഴയരീതിയിൽ ആയതെന്നും നടൻ പറയുന്നു. ഒരു മാധ്യമത്തോടാണ് മാധവൻ തന്നെയാണ് ഇക്കാര്യങ്ങൾ പങ്കുവച്ചത്.
ലഘുഭക്ഷണം കഴിക്കുന്നത് പൂർണമായി ഒഴിവാക്കിയും ഇടയ്ക്കിടയ്ക്ക് ഭക്ഷണം കഴിക്കാതെയുമാണ് മാധവൻ ശരീരഭാരം കുറച്ചത്. ഒരുപാട് ചവച്ച് അരച്ചതിനുശേഷമാണ് ഭക്ഷണം വിഴുങ്ങുന്നത്. മാധവൻ പറയുന്നതനുസരിച്ച് ഭക്ഷണം കഴിക്കുന്നത് പതുക്കെ ദഹനം മെച്ചപ്പെടുത്തുകയും ശരീരത്തിന് പൂർണ്ണതയുടെ സൂചനകൾ തിരിച്ചറിയാൻ സഹായിക്കുകയും അമിതമായി ഭക്ഷണം കഴിക്കാനുള്ള പ്രവണത കുറയ്ക്കുകയും ചെയ്യുന്നു. വൈകുന്നേരം 6:45 ന് മുൻപ് തന്നെ മാധവൻ ഒരു ദിവസം ഭക്ഷണം കഴിച്ച് അവസാനിപ്പിക്കും. ഇത് ഉറങ്ങുന്നതിനുമുമ്പ് മികച്ച ദഹനം ലഭിക്കാൻ സഹായിക്കുമെന്നാണ് താരം പറയുന്നത്.
മണിക്കൂറുകളോളം ജിമ്മിൽ ചെലവഴിക്കുന്നതിനുപകരം, മാധവൻ ദീർഘനേരം നടക്കാൻ ശ്രമിച്ചു. അത് ശരീരഭാരം കുറയ്ക്കാൻ സഹായിച്ചെന്നും മൊത്തത്തിലുള്ള ആരോഗ്യത്തെ പിന്തുണയ്ക്കുകയും ചെയ്യുന്നുവെന്നാണ് മാധവൻ പറയുന്നത്.
