_ദുരിതം, വൈകിയത് മൂന്നര മണിക്കൂര്‍; ഷാര്‍ജ-കോഴിക്കോട് എയര്‍ ഇന്ത്യ എക്‌സ്പ്രസ് വിമാനം പുറപ്പെട്ടു

കോഴിക്കോട്: യാത്രക്കാരെ ദുരിതത്തിലാക്കി ഷാര്‍ജ-കോഴിക്കോട് എയര്‍ ഇന്ത്യ എക്‌സ്പ്രസ്. ഇന്നലെ രാത്രി 11.30ന് പുറപ്പെടേണ്ട വിമാനം ഇന്ന് പുലര്‍ച്ചയോടെയാണ് പുറപ്പെട്ടത്. എയര്‍ ഇന്ത്യ എക്‌സ്പ്രസ് IX 352 വിമാനമാണ് യാത്രക്കാരെ വലച്ചത്.കൊച്ചി-അബുദാബി എയര്‍ ഇന്ത്യ വിമാനത്തിന് ടിക്കറ്റെടുത്തവരും പ്രതിസന്ധിയിലായി. യാത്രക്കാരുടെ ലിസ്റ്റുമായി ബന്ധപ്പെട്ട സാങ്കേതിക പിഴവ് മൂലം യാത്ര തടസ്സപ്പെട്ടു.വിമാനത്താവളത്തില്‍ കുടുങ്ങിയവര്‍ക്ക് യാത്ര ചെയ്യാനാവില്ലെന്ന് അധികൃതര്‍ അറിയിക്കുകയായിരുന്നു. ഇന്നലെ രാത്രി 9.30ന് പോകേണ്ട വിമാനത്തിലെ യാത്രക്കാരെ 12.30നുള്ള വിമാനത്തില്‍ കൊണ്ടുപോകാമെന്നാണ് അറിയിച്ചിരുന്നത്. ടിക്കറ്റ് ബുക്ക് ചെയ്തിട്ടും ലിസ്റ്റില്‍ പേരില്ലെന്നാണ് അധികൃതര്‍ പറയുന്നത്. ഇതോടെ 100ലധികം യാത്രക്കാരാണ് പ്രതിസന്ധിയിലായത്.