പുതുപ്പാടിയിൽ വാതിൽപ്പടി സേവനം; പഞ്ചായത്തുതല ഉദ്ഘാടനം നടത്തി

പുതുപ്പാടി : നാട്ടിലുണ്ടാകുന്ന ദുരന്തങ്ങളിലും പ്രതിസന്ധി ഘട്ടങ്ങളിലും പ്രയാസമനുഭവിക്കുന്നവർക്ക് വൊളന്റിയർമാർ മുഖേന സഹായം ലഭ്യമാക്കുന്ന വാതിൽപ്പടിസേവന പ്രവൃത്തിയുടെ ഗ്രാമപ്പഞ്ചായത്തുതല ഉദ്ഘാടനം പുതുപ്പാടിയിൽ നടന്നു.രോഗവും വാർധക്യവും കാരണം അവശത അനുഭവിക്കുന്നവർക്ക് സഹായമെത്തിക്കുന്നതിനായി അഞ്ചംഗ സന്നദ്ധ വൊളന്റിയർമാരെ എല്ലാവാർഡുകളിലും തിരഞ്ഞെടുക്കുകയും പദ്ധതിയ്ക്ക് അർഹരായ ഗുണഭോക്താക്കളെ കണ്ടെത്തുകയും ചെയ്തു. പദ്ധതി ഉദ്ഘാടനം കൊട്ടാരക്കോത്ത് വാർഡിലെ ഒരു ഗുണഭോക്താവിന്റെ വാർധക്യകാല പെൻഷൻ അപേക്ഷ സ്വീകരിച്ച് രസീത് നൽകി ഗ്രാമപ്പഞ്ചായത്ത് പ്രസിഡന്റ് ബീനാ തങ്കച്ചൻ നിർവഹിച്ചു.ക്ഷേമകാര്യ സ്ഥിരംസമിതി ചെയർമാൻ എം.കെ. ജാസിൽ അധ്യക്ഷനായി.ഗ്രാമപ്പഞ്ചായത്ത് വൈസ് പ്രസിഡന്റ് ഷംസീർ പോത്താറ്റിൽ, വികസനകാര്യ സ്ഥിരംസമിതി ചെയർപേഴ്‌സൺ ആയിഷ ബീവി, ഗ്രാമപ്പഞ്ചായത്ത് അംഗങ്ങളായ ഷിജു ഐസക്ക്, ഷംസു കുനിയിൽ, ഷിൻജോ തൈക്കൻ, ബിജു തോമസ്, റംലാ അസീസ്, കെ. രാധ, മോളി ആന്റോ, അമൽ രാജ്, പഞ്ചായത്ത് ടെക്‌നിക്കൽ അസിസ്റ്റന്റ് ഷമീർ തുടങ്ങിയവർ പങ്കെടുത്തു.