തെരുവ് നായ്ക്കൾ കൃഷി നശിപ്പിച്ചു

കോടഞ്ചേരി:കോടഞ്ചേരി തിരുമലയിൽ ഷാജിയുടെ കപ്പ കൃഷിയാണ് തെരുവ് നായ്ക്കൾ കൂട്ടത്തോടെ എത്തി നശിപ്പിച്ചത്. അൻപതിലധികം ചുവട് കപ്പ പൂർണമായും നശിപ്പിച്ചു.നട്ട് മുളച്ചു പൊന്തിയ കപ്പകളാണ് നശിപ്പിച്ചിരിക്കുന്നത്.കൂട്ടത്തോടെ ഇറങ്ങുന്ന നായ്ക്കൾ ജനങ്ങൾക്ക് ഇപ്പോൾ ഭീഷണിയായിരിക്കുകയാണ്.കോടഞ്ചേരി ഉദയനഗർ ഭാഗത്ത് കൂട്ടത്തോടെ എത്തുന്ന നായ്ക്കളെ പേടിച്ച് പലർക്കും സ്വന്തം കൃഷിയിടത്തിലേക്ക് ഇറങ്ങാൻ പോലും ഭയമാണ്.ഈ ഭാഗത്ത് മാസങ്ങളായി തെരുവ് നായ്ക്കളുടെ ശല്യം രൂക്ഷമാണ്. സ്കൂളിലേക്ക് നടന്ന് പോകുന്ന കുട്ടികൾക്കും ഇത് ഭീഷണിയാണ്.