മുക്കം:മുക്കം മുത്തേരിയിൽ ഇന്നലെ വൈകിട്ട് ഹോട്ടലിൽ വെച്ച് ഭാര്യയെ വെട്ടി പരിക്കേൽപ്പിച്ച് കാണാതായ ഭർത്താവിനെ മരിച്ച നിലയിൽ കണ്ടെത്തി.
മുക്കം നഗരസഭയിലെ പൂളപ്പൊയിൽ സ്വദേശി പൈറ്റൂളി ചാലിൽ മുസ്തഫയെയാണ് മുത്തേരി പ്രക്കചാലിൽ വയലോരത്ത് ജീവനൊടുക്കിയ നിലയിൽ കണ്ടെത്തിയത്.
മുസ്തഫയുടെ മുത്തേരിയിലെ അനുഗ്രഹ ഹോട്ടലിൽ വെച്ചായിരുന്നു ഭാര്യ ജമീലയെ വെട്ടി പരിക്കേൽപ്പിച്ചത്.
ഗുരുതര പരിക്കേറ്റ ജമീല തീവ്ര പരിചരണ വിഭാഗത്തിൽ ചികിത്സയിലാണ്. തിരുവമ്പാടി സ്വദേശിനിയാണ് പരിക്കേറ്റ ജമീല.
മരിച്ച മുസ്തഫ തിരുവമ്പാടിയിൽ ഏറെക്കാലം ചർച്ച് റോഡിൽ പ്രവർത്തിച്ചിരുന്ന സെൻട്രൽ കൂൾബാറും ഹൈസ്കൂൾ റോഡിൽ പ്രവർത്തിച്ചിരുന്ന ഹിൽപാലസ് ഹോട്ടലും നടത്തിയിരുന്നു.
മുക്കം പോലീസ് സ്ഥലത്തെത്തി ഇൻക്വസ്റ്റ് നടപടികൾക്ക് ശേഷം മൃതദേഹം കോഴിക്കോട് മെഡിക്കൽ കോളേജിലേക്ക് മാറ്റും.
