കോഴിക്കോട്: ഗവ. ആർട്സ് ആൻഡ് സയൻസ് കോളേജ് കേരളത്തിലെ ആദ്യ സൗജന്യ വൈഫൈ ക്യാമ്പസാകും. എളമരം കരീം എം.പിയുടെ ആസ്തി വികസന ഫണ്ടില് നിന്ന് 19 ലക്ഷം രൂപ വിനിയോഗിച്ച് ബി.സ്.എൻ. എല്ലിന്റെ സഹകരണത്തോടെയാണ് പദ്ധതി. 20 ന് വൈകിട്ട് മൂന്നിന് എളമരം കരീം എം.പി ഉദ്ഘാടനം ചെയ്യും. മേയർ ബീന ഫിലിപ്പ് അദ്ധ്യക്ഷയാകും.
വിദ്യാർത്ഥികള്ക്ക് ഇന്റർനെറ്റ് സൗജന്യമായി ഉപയോഗിക്കാം. തുടക്കത്തില് വിദ്യാർത്ഥിയ്ക്ക് ഒരു ദിവസം 300 എം.ബി ഡാറ്റ പ്രയോജനപ്പെടുത്താം. വിദ്യാർത്ഥികള്ക്ക് സൗജന്യ വൗച്ചറുകള് നല്കിയാണ് ഇന്റർനെറ്റ് സേവനം ലഭ്യമാക്കുക. ഗവേഷണ വിദ്യാർത്ഥികള്ക്കും അതിഥികള്ക്കും പ്രത്യേക വൗച്ചറുകള് നല്കും.
