മസിനഗുഡിയിലെ മായാർ, സിംഗാര, വിഭൂതിമല റോഡുകളിൽ വിനോദസഞ്ചാരികളുടെ വാഹനങ്ങൾക്ക് ഹൈക്കോടതിയുടെ കർശന നിയന്ത്രണം. തിങ്കളാഴ്ച മുതൽ വിനോദസഞ്ചാരികളുടെ വാഹനങ്ങൾക്ക് പ്രവേശനമുണ്ടായിരിക്കില്ല.ഇതുസംബന്ധിച്ച് ഞായറാഴ്ച വനംവകുപ്പ് ഉത്തരവ് പുറത്തിറക്കി.അംഗീകൃത ജീപ്പ് സഫാരി വാഹനങ്ങൾക്കും പ്രദേശവാസികളുടെ വാഹനങ്ങൾക്കും മാത്രമേ അനുമതിയുണ്ടാകൂ.
കോഴിക്കോട് മെഡിക്കൽ കോളേജിൽ നിന്നും കടന്നുകളഞ്ഞ മോഷണ കേസിലെ പ്രതി പിടിയിൽ.
കോഴിക്കോട് :പോലീസിന്റെ കണ്ണ് വെട്ടിച്ച് കോഴിക്കോട് മെഡിക്കൽ കോളേജിൽ നിന്നുംകടന്നുകളഞ്ഞ മോഷണ കേസിലെ പ്രതി പിടിയിലായി.മൂവാറ്റുപുഴ പേഴക്കാപ്പിള്ളി ചാറ്റുപറമ്പ് കാണ പറമ്പിൽ വീരാൻ കുഞ്ഞാണ് പിടിയിലായത്.ഇന്നലെ ഉച്ചക്ക് രണ്ടരയോടെയാണ് ഇയാൾ കോഴിക്കോട് മെഡിക്കൽ കോളേജ് കാഷ്വാലിറ്റിയിലെഓർത്തോ വാർഡിൽ നിന്നുംരക്ഷപ്പെട്ടത്.
വിവരമറിഞ്ഞ ഉടൻ തന്നെഇയാളെ മെഡിക്കൽ കോളേജിലേക്ക് കൊണ്ടുവന്ന മഞ്ചേരി പോലീസ് കോഴിക്കോട് മെഡിക്കൽ കോളേജ് പോലീസിനെ വിവരമറിയിച്ചു തുടർന്ന് മെഡിക്കൽ കോളേജ് പോലീസും മഞ്ചേരി പോലീസും നടത്തിയ അന്വേഷണത്തിലാണ് രാത്രി ഒരു മണിയോടെ പിടിയിലാവുന്നത്.പാലക്കാട്, എറണാകുളം ജില്ലകളിലെ വിവിധ പോലീസ് സ്റ്റേഷനുകളിൽ നിരവധി മോഷണക്കേസുകളിലെ പ്രതിയാണ് വീരാൻകുഞ്ഞ്.കഴിഞ്ഞദിവസം മഞ്ചേരി പോലീസ് ബീരാൻ കുഞ്ഞിനെ പിടികൂടിയത്.എന്നാൽ പോലീസിനെ കണ്ടതോടെ ഒരു കെട്ടിടത്തിനു മുകളിൽ നിന്നും താഴേക്ക് ചാടുകയായിരുന്നു. ഇതോടെ വലതു കൈക്ക് പൊട്ടൽ സംഭവിച്ചു.ഇതിൻ്റെ ചികിത്സക്ക് വേണ്ടിയാണ് കോഴിക്കോട് മെഡിക്കൽ കോളേജ് ആശുപത്രിയിൽ എത്തിച്ചത്.എന്നാൽ അതിനിടയിലാണ് പ്രതി ആശുപത്രിയിൽ നിന്നും കടന്നു കളഞ്ഞത്.
എംബാപ്പെക്ക് ഗോൾഡൻ ബൂട്ട്, ഉനായ് സിമോണ് ഗോൾഡൻ ഗ്ലൗ.
ന്യൂയോർക്ക്: 2026 ഫിഫ ലോകകപ്പിലെ ഗോൾ വേട്ടക്കാരനുള്ള ഗോൾഡൻ ബൂട്ട് ഫ്രാൻസിന്റെ സൂപ്പർ സ്ട്രൈക്കർ കിലിയൻ എംബാപ്പെക്ക്. തുടർച്ചയായ രണ്ടാം തവണയാണ് താരം പുരസ്കാരം നേടുന്നത്.ഇതോടെ ഗോൾഡൻ ബൂട്ട് രണ്ട് തവണ നേടുന്ന ആദ്യ കളിക്കാരനായി. എട്ട് മത്സരങ്ങളിൽനിന്ന് 10 ഗോളുകളാണ് താരം നേടിയത്. എട്ടു ഗോളുകളുമായി മെസ്സി രണ്ടാമതാണ്. 2022 ഖത്തർ ലോകകപ്പിൽ എട്ട് ഗോളുകളുമായാണ് എംബാപ്പെ ടോപ് സ്കോററായത്. ഗെർഡ് മുള്ളർക്കുശേഷം ഒരു ലോകകപ്പിൽ ഗോൾ നേട്ടം രണ്ടക്ക സംഖ്യ തികക്കുന്ന ആദ്യ പുരുഷ താരം കൂടിയാണ് ഈ 27കാരൻ.
1970ൽ വെസ്റ്റ് ജർമ്മനിക്ക് വേണ്ടിയാണ് മുള്ളറുടെ ഗോൾവേട്ട.ഒരു ടൂർണമെന്റിൽ കൂടുതൽ വ്യക്തിഗത ഗോളുകൾ നേടിയവരിൽ ഇനി 1958ൽ ഫ്രാൻസിനായി 13 ഗോളുകൾ അടിച്ച ജസ്റ്റ് ഫോണ്ടെയ്നും 1954ൽ ഹംഗറിയുടെ സാൻഡോർ കോക്സിസും (11 ഗോൾ) മാത്രമാണ് എംബാപ്പെക്ക് മുന്നിലുള്ളത്.പുരുഷ ലോകകപ്പ് ചരിത്രത്തിൽ ആകെ 22 ഗോളുകളോടെ എക്കാലത്തെയും മികച്ച ടോപ് സ്കോററും എംബാപ്പെയാണ് -മെസ്സിയേക്കാൾ ഒരു ഗോൾ മുന്നിൽ. ഇംഗ്ലണ്ടിന്റെ ജൂഡ് ബെല്ലിങ്ഹാമും നോർവേയുടെ എർലിങ് ഹാലാൻഡും ഏഴ് ഗോളുകൾ വീതം നേടി, ഫ്രഞ്ച് ഫോർവേഡ് ഉസ്മാൻ ഡെംബലെയും ഇംഗ്ലീഷ് നായകൻ ഹാരി കെയ്നും ആറ് ഗോളുകളും.സ്പെയിനിന്റെ ഗോൾവല കാത്ത ഉനായ് സിമോൺ മികച്ച ഗോൾ കീപ്പർക്കുള്ള ഗോൾഡൻ ഗ്ലൗ നേടി. എട്ട് മത്സരങ്ങളിൽനിന്ന് ഒരു ഗോൾ മാത്രമാണ് താരം വഴങ്ങിയത്. അത്ലറ്റിക് ക്ലബിന്റെ ഗോൾകീപ്പറായ അദ്ദേഹം ടൂർണമെന്റിൽ ഏഴ് മത്സരങ്ങളിൽ ക്ലീൻ ഷീറ്റ് നിലനിർത്തി. ക്വാർട്ടർ ഫൈനലിൽ ബെൽജിയത്തിന്റെ ചാൾസ് ഡി കെറ്റെലെയർ മാത്രമാണ് സിമോണെ മറികടന്ന് ഗോൾ നേടിയത്.ആഴ്സനലിനൊപ്പം പ്രീമിയർ ലീഗ് കിരീടം നേടിയ ഡേവിഡ് റായയെ മറികടന്നാണ്, 29കാരനായ സിമോണിനെ പരിശീലകൻ ലൂയിസ് ഡി ലാ ഫ്യൂന്റെ സ്പെയിനിന്റെ ഒന്നാം നമ്പർ ഗോൾകീപ്പറായി തെരഞ്ഞെടുത്തത്
മഴയുണ്ടേ, കുടയെടുത്തേക്ക്; ഇന്ന് അലേർട്ടുകൾ ഈ ജില്ലകളിൽ.
സംസ്ഥാനത്ത് ഇന്ന് ശക്തമായ മഴ മുന്നറിയിപ്പ്. ഇന്ന് 3 ജില്ലകളിൽ യല്ലോ അലേർട്ട് പ്രഖ്യാപിച്ചിട്ടുണ്ട്. കാസർഗോഡ്, കണ്ണൂർ, കോഴിക്കോട് എന്നീ ജില്ലകളിലാണ് കേന്ദ്ര കാലാവസ്ഥ നിരീക്ഷണ കേന്ദ്രം യെല്ലോ അലേർട്ട് പ്രഖ്യാപിച്ചത്. മറ്റു ജില്ലകളിൽ മഴ മുന്നറിയിപ്പില്ല. കൂടാതെ ഒറ്റപ്പെട്ട ഇടങ്ങളിൽ ശക്തമായ മഴയ്ക്കും മണിക്കൂറിൽ 40 മുതൽ 60 കിലോമീറ്റർ വരെ വേഗതയിൽ വീശുന്ന കാറ്റിനും സാധ്യതയുണ്ട്. നാളെ ഒരു ജില്ലകളിലും മഴ മുന്നറിയിപ്പ് ഇല്ല.അതേസമയം കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് ഇന്ന് പകൽ 08.30 മുതൽ 21/07/2026 രാത്രി 08.30 വരെ 1.0 മുതൽ 1.5 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
കള്ളക്കടൽ പ്രതിഭാസത്തിന്റെ ഭാഗമായി കന്യാകുമാരി തീരങ്ങളിൽ നാളെ (20/07/2026) പകൽ 5.30 മുതൽ വൈകുന്നേരം 05.30 വരെ 1.4 മുതൽ 1.6 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു. കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കുക.
ഓപ്പറേഷൻ തൂഫാൻ ; ഇന്നും പരിശോധന; 80 പേര് അറസ്റ്റില്
ഓപ്പറേഷൻ തൂഫാന്റെ ഭാഗമായി സംസ്ഥാന വ്യാപകമായി നടത്തിയ ഇന്നും പരിശോധന നടത്തി. 80 പേർ അറസ്റ്റിലായി. 75 കേസുകള് രജിസ്റ്റർ ചെയ്തു. രജിസ്റ്റർ ചെയ്ത കേസുകളില് സ്മാള് ക്വാണ്ടിറ്റി കൈവശം വച്ചതിന് 27 കേസുകളും മീഡിയം ക്വാണ്ടിറ്റി കൈവശം വച്ചതിന് നാല് കേസുകളും 27 എൻ.ഡി.പി.എസ് ആക്ട് പ്രകാരം 44 കേസുകളും കോട്പ പ്രകാരം 28 കേസുകളും രജിസ്റ്റർ ചെയ്തിട്ടുണ്ട്.ഇവരില് നിന്ന് 2.393 ഗ്രാം എം.ഡി.എം.എയും 0.463 കി.ഗ്രാം കഞ്ചാവും ഒരു കഞ്ചാവ് ചെടിയും പിടിച്ചെടുത്തു. ഓപ്പറേഷൻ തൂഫാന്റെ ഭാഗമായി ഇതുവരെ 7285 കേസുകളാണ് രജിസ്റ്റർ ചെയ്തത്. ആകെ 7825 അറസ്റ്റുകള് നടന്നു.ഇതുവരെ പിടിച്ചെടുത്ത എം.ഡി.എം.എ- 5787.842 ഗ്രാം, കഞ്ചാവ് – 615.621 കി.ഗ്രാം, ഹാഷിഷ് ഒായില് – 3909.039 ഗ്രാം.ഓപ്പറേഷൻ തൂഫാന്റെ ഭാഗമായി ഇന്നലെ മാത്രം സംസ്ഥാനത്തുടനീളം കേരള പോലീസ് 99 ബോധവത്ക്കരണ ക്ലാസുകള് നടത്തി.
FIFA World Cup 2026:Messi’s Argentina or Spain?
The FIFA World Cup, which has captured the hearts and time of millions of people around the world for more than a month, is coming to an end. In the final match to be held at the New York Stadium, the defending champions Argentina will face the European Cup winners Spain.
Argentina, which has one of the best attacking lines in the tournament, is waiting for a defensive fortress of Spain, which has conceded only one goal in the tournament. As Argentina enters the final under the shadow of the legendary Messi, the Spanish team will show the best examples of teamwork. If the strength of the Spanish team is the players who come from the ranks of the club Barcelona, the one standing in front of them is Messi, the best player of all time of Barcelona.
There is no doubt that Messi is Argentina’s trump card. Spain will have a hard time stopping him if he is in form, with eight goals and four assists in the tournament so far. But it is not just Messi, but other forwards like Alvarez, Lautaro Martinez and Enzo are also in great form. On the other hand, Spain’s strength is holding midfielder Rodri. Dani Almo and Oyarzabal are also in great form. It remains to be seen whether Messi and his team will lift the cup for the second time in a row or for the first time in Spain’s history.
To get the final match on your phone, click on the link below once.
👉 WATCH LIVE: CLICK HERE
👉 DOWNLOAD (Android): CLICK HERE
👉 DOWNLOAD (iPhone): CLICK HERE
കാലിക്കറ്റ് സർവകലാശാല തിങ്കളാഴ്ച നടത്താനിരുന്ന എല്ലാ പരീക്ഷകളും മാറ്റിവെച്ചു.
മലപ്പുറം: കാലിക്കറ്റ് സർവകലാശാലജൂലൈ 20ന് നടത്താനിരുന്ന എല്ലാ പരീക്ഷകളും മാറ്റിവെച്ചതായി പരീക്ഷാ കൺട്രോളർ അറിയിച്ചു. പുതുക്കിയ തീയതി പിന്നീടറിയിക്കും. ലോകകപ്പ് ഫുട്ബോൾ ഫൈനൽ കാണുന്നതിനായി സംസ്ഥാനത്തെ വിദ്യാഭ്യാസ സ്ഥാപനങ്ങൾക്ക് തിങ്കളാഴ്ച അവധി പ്രഖ്യാപിച്ചിരുന്നു. സംസ്ഥാനത്തെ പ്രൊഫഷണൽ കോളേജടക്കം മുഴുവൻ വിദ്യാഭ്യാസ സ്ഥാപനങ്ങൾക്കുമാണ് അവധി നൽകിയിരിക്കുന്നത്.ലോകകപ്പ് ചരിത്രത്തിലെ ഏറ്റവും ആവേശകരമായ ഫൈനലിനാണ് ഞായറാഴ്ച രാത്രി കളമൊരുങ്ങുന്നത്.രാത്രി 12.30ന് ന്യൂയോർക്കിലെ ന്യൂജേഴ്സി സ്റ്റേഡിയത്തിൽ നിലവിലെ ജേതാക്കളായ അർജന്റീനയും സ്പെയ്നും ഏറ്റുമുട്ടും.
ലോകകപ്പ് വിജയാഘോഷം: റോഡിലെ അഭ്യാസപ്രകടനങ്ങൾ വേണ്ട; കർശന താക്കീതുമായി കോഴിക്കോട് സിറ്റി പോലീസ്.
കോഴിക്കോട് : 2026 ഫിഫ ഫുട്ബോൾ ലോകകപ്പ് മത്സരങ്ങൾ സമാപിച്ചതിന്പിന്നാലെ വിജയാഘോഷങ്ങളുടെ മറവിൽ ഗതാഗത നിയമങ്ങൾ ലംഘിക്കുന്നവർക്കെതിരെ കർശന നടപടിയുമായി കോഴിക്കോട് സിറ്റി പോലീസ്. ആഘോഷങ്ങളുടെ പേരിൽ ഹെൽമറ്റ് ധരിക്കാതെയും മദ്യപിച്ചും അപകടകരമായ രീതിയിൽ വാഹനങ്ങൾ ഓടിക്കുന്നതും പൊതുജനങ്ങളുടെ സ്വൈര്യജീവിതത്തിന് തടസ്സം സൃഷ്ടിക്കുന്നതും ശ്രദ്ധയിൽപ്പെട്ട സാഹചര്യത്തിലാണ് നടപടി.നിയമലംഘനങ്ങൾ തടയുന്നതിനായി കേരള പോലീസ് ആക്ട് സെക്ഷൻ 61 പ്രകാരം സിറ്റി പോലീസ് കമ്മീഷണർ എ.പി. ഷൗക്കത്തലി ഐ.പി.എസ് നോട്ടീസ് പുറപ്പെടുവിച്ചു. ഹെൽമറ്റ്ഇല്ലാതെയുള്ള യാത്ര, ലൈസൻസില്ലാതെ വാഹനം ഓടിക്കൽ, മദ്യപിച്ചുള്ള ഡ്രൈവിംഗ്, അമിതവേഗം, വാഹനങ്ങളിൽ കൂടുതൽ ആളുകളെ കയറ്റിയുള്ള യാത്ര, അമിത ശബ്ദത്തിൽ ഹോൺ മുഴക്കൽതുടങ്ങിയവയ്ക്കെതിരെ വിട്ടുവീഴ്ചയില്ലാത്ത നടപടിയുണ്ടാകും.
ഇത്തരം നിയമലംഘനങ്ങൾ ഗുരുതരമായ അപകടങ്ങൾക്കും ജീവഹാനിക്കും കാരണമാകാൻസാധ്യതയുള്ളതിനാൽ പൊതുസുരക്ഷ മുൻനിർത്തി ബന്ധപ്പെട്ട വാഹനങ്ങൾ പിടിച്ചെടുത്ത് കോടതിയിൽ ഹാജരാക്കും. നിയമം കൈയ്യിലെടുക്കുന്നവർക്കെതിരെയും അപകടകരമായ രീതിയിൽ വാഹനമോടിക്കുന്നവർക്കെതിരെയും കർശനമായ ക്രിമിനൽ നടപടികൾ സ്വീകരിക്കുമെന്ന് പോലീസ് കമ്മീഷണർ അറിയിച്ചു.
ഫുട്ബോള് ഫൈനല് മത്സരം; സര്ക്കാര് തീയറ്ററുകളില് പ്രദര്ശിപ്പിക്കും
തിരുവനന്തപുരം: ഫിഫ ഫുട്ബോള് ഫൈനല് മത്സരം സര്ക്കാര് തീയറ്ററുകളില് പ്രദര്ശിപ്പിക്കും. തിരുവനന്തപുരത്തും കോഴിക്കോടും പ്രദര്ശിപ്പിക്കാനാണ് തീരുമാനം. സിനിമ മന്ത്രി പി സി വിഷ്ണുനാഥിന്റെ നിര്ദ്ദേശ പ്രകാരമാണ് തീരുമാനത്തിലേക്കെത്തിയത്. തിരുവനന്തപുരം, കോഴിക്കോട് ജില്ലകളിലെ കൈരളി തീയറ്ററുകളിലാണ് പ്രദര്ശനം നടത്താന് അനുമതിയുള്ളത്.
കോഴിക്കോടും തിരുവനന്തപുരത്തും രണ്ട് സ്ക്രീനുകളിലാണ് പ്രദര്ശനം ഉണ്ടാവുക. തിരുവനന്തപുരത്ത് കൈരളിയിലും നിളയിലും പ്രദര്ശനമുണ്ടാകും. കായിക പ്രേമികളുടെ അഭ്യര്ത്ഥനയെ തുടര്ന്നാണ് മന്ത്രി നിര്ദേശം നല്കിയത്. അതേസമയം, ഫുട്ബോള് ഫൈനല് നടക്കുന്നതിനാല് വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചിട്ടുണ്ട്. സംസ്ഥാനത്തെ പ്രൊഫഷണല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ (തിങ്കള്) അവധി നല്കാൻ മുഖ്യമന്ത്രിയുടെ നിര്ദേശമുണ്ടായിരുന്നു.ലോകകപ്പ് ഫുട്ബോള് ഫൈനല് മത്സരം നാളെ പുലര്ച്ചെ നടക്കുന്ന സാഹചര്യത്തിലാണ് അവധി. എന്നാല് മുന്കൂട്ടി നിശ്ചയിച്ച പരീക്ഷകള്ക്ക് മാറ്റമുണ്ടായിരിക്കില്ല. ഫൈനല് മത്സരം നടക്കുന്നതിനാല് നാളെ അവധി വേണമെന്ന ആവശ്യവുമായി കുട്ടികള് അടക്കം രംഗത്തെത്തിയിരുന്നു. വളരെ താല്പര്യത്തോടെയാണ് കുട്ടികള് മത്സരം കാണുന്നത്. വ്യാപകമായി ആവശ്യം ഉയര്ന്നതോടെ മുഖ്യമന്ത്രിയെ ഇക്കാര്യം അറിയിക്കുകയും അനുമതി വാങ്ങി അവധി പ്രഖ്യാപിക്കുകയായിരുന്നു.
വരാനിരിക്കുന്ന ഹൈഡ്രജൻ വാഹനങ്ങളുടെ കാലം, ഒരുമുഴം മുമ്പേ ഹരിത ഹൈഡ്രജൻ സ്റ്റേഷനുമായി സിയാൽ.
നെടുമ്പാശ്ശേരി: കൊച്ചി അന്താരാഷ്ട്ര വിമാനത്താവള കമ്പനിയുടെ നേതൃത്വത്തിൽ നിർമിച്ചിട്ടുള്ള ഹൈഡ്രജൻ സ്റ്റേഷൻ ഉദ്ഘാടനത്തിന് സജ്ജമായി. സമീപഭാവിയിൽ ഹൈഡ്രജൻ വാഹനങ്ങൾ കൂടുതലായി നിരത്തിലിറങ്ങുമെന്ന് മുൻകൂട്ടി കണ്ടാണിത് തയ്യാറാക്കിയിരിക്കുന്നത്. കേന്ദ്ര-സംസ്ഥാന മന്ത്രിമാർ പങ്കെടുക്കേണ്ടതുള്ളതിനാൽ സൗകര്യപ്രദമായ തീയതി ലഭിച്ചാലുടൻ ഉദ്ഘാടനം നടത്തും.പ്രവർത്തനത്തിനുള്ള അനുമതിയെല്ലാം ലഭിച്ചുകഴിഞ്ഞു.ഗ്രീൻ ഹൈഡ്രജൻ സ്റ്റേഷനാണ് സിയാലിൽ സജ്ജമാക്കിയിരിക്കുന്നത്. സ്വന്തമായി ഗ്രീൻ ഹൈഡ്രജൻ സ്റ്റേഷനുള്ള ലോകത്തെ ആദ്യ വിമാനത്താവളമായി സിയാൽ മാറുകയാണ്. 30 കോടി രൂപ മുടക്കിയാണിത് നിർമിച്ചിരിക്കുന്നത്. ദക്ഷിണേന്ത്യയിലെ ആദ്യ ഗ്രീൻ ഹൈഡ്രജൻ സ്റ്റേഷൻ്റെ സാങ്കേതിക പങ്കാളി ഭാരത് പെട്രോളിയം കോർപ്പറേഷൻ (ബി.പി.സി.എൽ.) ആണ്.
ഹൈഡ്രജൻ ഇന്ധനത്തിന്റെ ഉത്പാദനവും വിപണനവും ഇവിടെയുണ്ടാകും. ഹൈഡ്രജൻ ഉത്പാദനച്ചുമതല ബി.പി.സി.എല്ലിനാണ്. പ്രതിദിനം 220 കിലോഗ്രാം ഗ്രീൻ ഹൈഡ്രജൻ ഉത്പാദിപ്പിക്കാനുള്ള ശേഷി സ്റ്റേഷനുണ്ട്. ആദ്യഘട്ടം വിമാനത്താവളത്തിനകത്ത് ഉപയോഗിക്കുന്ന ബസുകളിലാകും ഹൈഡ്രജൻ ഇന്ധനം ഉപയോഗിക്കുക. ഹൈഡ്രജൻ ഇന്ധനം ഉപയോഗിക്കാവുന്ന 30 സീറ്റുള്ള രണ്ടുബസുകൾ കൊച്ചിയിലെത്തിക്കഴിഞ്ഞു.മലിനീകരണം ഒഴിവാക്കാൻ ലക്ഷ്യമിട്ട് ഹൈഡ്രജൻ ബസുകൾ വാങ്ങുന്നവർക്ക് കേന്ദ്രസർക്കാരിന്റെ സബ്സിഡി ലഭിക്കും. ദേശീയ ഗ്രീൻ ഹൈഡ്രജൻ മിഷന്റെ പിന്തുണയോടെയാണിത്.
ഓരോ ബസിനും പരമാവധി 2.90 കോടി രൂപ വരെ സബ്സിഡി ലഭിക്കും.പ്രകൃതിസൗഹൃദ ഇന്ധനമാണ് ഗ്രീൻ ഹൈഡ്രജൻ. ശുദ്ധമായ ഊർജമാണിത്. വെള്ളത്തിൽനിന്ന് വൈദ്യുതവിശ്ലേഷണം (ഇലക്ട്രോലൈസിസ്) വഴി ഹൈഡ്രജൻ വേർതിരിച്ചെടുക്കും. ഈ പ്രക്രിയയ്ക്കാവശ്യമായ വൈദ്യുതി സിയാലിന്റെ സൗരോർജ പദ്ധതികളിൽ നിന്നുള്ള പുനരുപയോഗ ഊർജത്തിൽ നിന്നായിരിക്കും. സാധാരണ വാഹനങ്ങൾ കാർബൺ പുറന്തള്ളുമ്പോൾ ഗ്രീൻ ഹൈഡ്രജൻ വാഹനങ്ങളിൽനിന്നും പുറത്തുവരുന്നത് നീരാവി മാത്രമായിരിക്കും. അതിനാൽ മലിനീകരണം ഉണ്ടാകില്ല.



