spot_img
Friday, November 20, 2026
Home Blog Page 118

ചോദ്യപ്പേപ്പർ ചോർച്ച തടയേണ്ടത് രാജ്യത്തിന്റെ ഉത്തരവാദിത്തം; പ്രതികൾക്ക് കടുത്ത ശിക്ഷ ലഭിക്കണം’ പ്രധാനമന്തി നരേന്ദ്രമോദി.

0

ന്യൂഡൽഹി∙ നീറ്റ് പരീക്ഷ ചോദ്യപ്പേപ്പർ ചോർത്തിയ സംഭവത്തിൽ ഉത്തരവാദികൾക്ക് ലഭിക്കാവുന്നതിൽവച്ച് ഏറ്റവും വലിയ ശിക്ഷ ലഭിക്കണമെന്ന് പ്രധാനമന്ത്രി നരേന്ദ്ര മോദി. ഇത്തരം ചോദ്യപ്പേപ്പർ ചോർച്ച തടയേണ്ടത് രാജ്യത്തിന്റെ ഉത്തരവാദിത്തമാണെന്നും പ്രധാനമന്ത്രി എൻഡിഎ പാർലമെന്ററി പാർട്ടി യോഗത്തിൽ പറഞ്ഞതായി കേന്ദ്ര മന്ത്രി കിരൺ റിജിജു പറഞ്ഞു.

രാഷ്ട്രീയമായ ഭിന്നതകൾ നിലനിൽക്കുമ്പോൾത്തന്നെ, രാജ്യത്തെ യുവാക്കളുടെ ഭാവിക്കും ക്ഷേമത്തിനുമായി ഒന്നിച്ചു നിൽക്കേണ്ട ഉത്തരവാദിത്വം എല്ലാ എംപിമാർക്കുമുണ്ടെന്നും, എൻഡിഎ സഖ്യകക്ഷികളും പ്രതിപക്ഷ പാർട്ടികളും ഇക്കാര്യത്തിൽ ഒന്നിച്ചു പ്രവർത്തിക്കണമെന്നും പ്രധാനമന്ത്രി പറഞ്ഞതായി റിജിജു അറിയിച്ചു. തങ്ങളുടെ അവകാശങ്ങളും താൽപര്യങ്ങളും സംരക്ഷിക്കപ്പെടണമെന്ന് വിദ്യാർഥികൾക്ക് ഉറപ്പു നൽകേണ്ടതുണ്ടെന്നും എന്നാൽ പ്രതിപക്ഷം നടത്തുന്ന ഗൂഢാലോചനയെക്കുറിച്ചും അവർ അറിഞ്ഞിരിക്കണമെന്നും പ്രധാനമന്ത്രി പറഞ്ഞു.നീറ്റ് ചോദ്യപ്പേപ്പർ വിഷയത്തിൽ കേന്ദ്ര മന്ത്രി ധർമേന്ദ്ര പ്രധാന്റെ രാജിയാവശ്യപ്പെട്ട് കോക്രോച്ച് ജനത പാർട്ടിയുടെ (സിജെപി) നേതൃത്വത്തിൽ നടന്ന മാർച്ചിൽ സംഘർഷമുണ്ടാകുകയും ഒട്ടേറെപ്പേർക്ക് പരുക്കേൽക്കുകയും ചെയ്തതിനു പിറ്റേന്നാണ് പ്രധാനമന്ത്രിയുടെ പ്രതികരണം.

വാഹനാപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു.

0

മാവൂർ: മലപ്പുറം കോട്ടക്കൽ വച്ചുണ്ടായ വാഹനാപകടത്തിൽഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു.മാവൂർ കുറ്റിക്കടവ് വളയന്നൂർ സ്വദേശിയായ വടക്കേടത്ത് മിർഷാദ് (22)ആണ് മരിച്ചത്.കഴിഞ്ഞ ശനിയാഴ്ച കോട്ടക്കൽ വച്ചാണ് അപകടം സംഭവിച്ചത്.മാർഷാദ് സഞ്ചരിച്ച വാഹനം മറ്റൊരു വാഹനവുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ മർഷാദിനെ ഉടൻതന്നെ കോട്ടക്കുള്ള സ്വകാര്യ ആശുപത്രിയിൽ പ്രവേശിപ്പിച്ചു.പിന്നീട് കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റുകയായിരുന്നു.ചികിത്സയിലിരിക്കെ ഇന്ന് രാവിലെയാണ് മരണം സംഭവിച്ചത്.

ബൈക്കുകളും ബാറ്ററിയും മോഷ്ടിക്കുന്ന സംഘം പിടിയിൽ.

0

വളാഞ്ചേരി : മലപ്പുറം, തൃശൂർ, കോഴിക്കോട് ജില്ലകളിലായി ബൈക്കുകളും വാഹനങ്ങളുടെ ബാറ്ററികളും മോഷ്‌ടിച്ച് വിൽപ്പന നടത്തിയ യുവാക്കൾ പിടിയിൽ. പെരിന്തൽ മണ്ണ അരിപ്രയിൽ വാടകയ്ക്ക് താമസിക്കുന്ന ചോലക്കൽ വിഷ്ണു (20), കുറ്റിപ്പുറം കുന്നത്ത് വളപ്പിൽ നിതിൻദാസ് (21), തവനൂർ കാക്കശ്ശേരികുന്ന് കുറുപ്പംവീട്ടിൽ റിജിൻ ദാസ് (22) എന്നിവരാണ് പിടിയിലായത്.വളാഞ്ചേരി കൊട്ടാരത്തും കു ളമംഗലത്തുമായി തുടർച്ചയായി മോഷണം നടന്നതോടെയാണ് തിരൂർ ഡിവൈഎസ്‌പി എ എം സിദ്ദിഖിന്റെ നിർദേശപ്രകാരം പൊലീസ് അന്വേഷണം നടത്തിയത്. അമ്പതോളം സിസിടിവി കൾ പരിശോധിച്ചും മുമ്പ് ഇത്തരം കേസുകളിൽ ഉൾപ്പെട്ട നൂറോളം പേരെ നിരീക്ഷിച്ചും നടത്തിയ അന്വേഷണത്തിനൊടുവിലാണ് പ്രതികളെ തിരിച്ചറിഞ്ഞത്.

വിശദമായി ചോദ്യംചെയ്തതോടെ കഴിഞ്ഞ മാസം കുറ്റിപ്പുറം, തവനൂർ, അയങ്കലം, തൃശൂർ പേരാമംഗലം, കോട്ടയം ജില്ലയിലെ കൂത്താട്ടുകുളം എന്നിവിടങ്ങളിൽനിന്ന് നിരവധി ബൈക്കുകളും ബാറ്ററികളും മോഷ്‌ടിച്ചതായി വിവരം ലഭിച്ചു.തിരൂർ, പൊന്നാനി, പട്ടാമ്പി എന്നിവിടങ്ങളിലാണ് ഇവ വിൽപ്പന നടത്തിയതെന്ന് പിടിയിലായവർ സമ്മതിച്ചു. മോഷണം പോയ ബൈക്കുകൾ കണ്ടെടുത്തു. റിജിൻദാസ് മുമ്പ് തൃശൂർ ജില്ലയിലും തിരൂരിലും ബൈക്ക് മോഷണ കേസിൽ പ്രതിയായിരുന്നു. മോഷണത്തിലൂടെ ലഭിക്കുന്ന പണം ലഹരി ഉപയോഗത്തിനും ആഡംബര ജീവിതത്തിനുമാണ് ഉപയോഗിച്ചിരുന്നത്. വളാഞ്ചേരി പൊലീസ് ഇൻസ്പെക്ടർ ആനന്ദബാബു. തിരൂർ ഡാൻസഫ് ടീമിലെ രാജേഷ്, ജയപ്രകാശ്, ഉദയകുമാർ, ശ്രീഷ്, വളാഞ്ചേരി സ്റ്റേഷനിലെ നിതിൻ, ഷിജിൻ, തോമസ് എന്നിവരാണ് അന്വേഷണ സംഘത്തിലുണ്ടായിരുന്നത്.

സൗദിയിൽ ഗാർഹിക തൊഴിലാളികളുടെ ഇഖാമ 3 മാസം മുതൽ ആവശ്യാനുസരണം പുതുക്കാനുള്ള നിയമം പ്രാബല്യത്തിൽ.

0

റിയാദ്: സൗദി അറേബ്യയിൽ ഗാർഹിക തൊഴിലാളികളുടെ ഇഖാമ പുതുക്കുന്നതിൽ വലിയ ഇളവ്. ഇഖാമ 3 മാസം മുതൽ ആവശ്യാനുസരണം പുതുക്കാനുള്ള പുതിയ നിയമം രാജ്യത്ത് പ്രാബല്യത്തിൽ വന്നു.അബ്ഷെർ പ്ലാറ്റ്ഫോം വഴി ഇനി മുതൽ 3 മാസം മുതൽ 21 മാസം വരെയുള്ള കാലയളവിൽ ഇഖാമ വിഭജിച്ച് പുതുക്കാനും ഫീസ് ഭാഗികമായി അടയ്ക്കാനും സാധിക്കും.ഹൗസ് ഡ്രൈവർമാരും വീട്ടുജോലിക്കാരും ഉൾപ്പെടെയുള്ള ലക്ഷക്കണക്കിന് ഇന്ത്യൻ പ്രവാസികൾക്കും അവരുടെ തൊഴിലുടമകൾക്കും വലിയ ആശ്വാസമാണ് ഈ നടപടി.

സൗദി ആഭ്യന്തര മന്ത്രാലയത്തിന് കീഴിലെ ജവാസത്ത്, മാനവവിഭവശേഷി മന്ത്രാലയത്തിന്റെ മുസാനിദ് പ്ലാറ്റ്ഫോം, അബ്ഷെർ എന്നിവ ചേർന്നാണ് ഈ പുതിയ ഡിജിറ്റൽ സംവിധാനം നടപ്പാക്കിയത്.മുമ്പ് ഇഖാമ 1 വർഷത്തേക്കോ 2 വർഷത്തേക്കോ മാത്രമാണ് പുതുക്കാൻ കഴിഞ്ഞിരുന്നത്. ഇനി മുതൽ 3, 6, 9, 12, 15, 18, 21, 24 മാസങ്ങൾ വരെയുള്ള വ്യത്യസ്ത കാലയളവിലേക്ക് ആവശ്യാനുസരണം പുതുക്കാൻ കഴിയും.നിയമം പ്രാബല്യത്തിൽ വന്നതോടെ തൊഴിലുടമകൾക്ക് ഇഖാമ ഫീസ് ഒറ്റയടിക്ക് അടയ്ക്കേണ്ടതില്ല.

തങ്ങൾ തിരഞ്ഞെടുക്കുന്ന കാലയളവിലേക്ക് മാത്രമായി ഭാഗികമായി ഫീസ് അടച്ചാൽ മതി. ഇത് സ്പോൺസർമാരുടെ സാമ്പത്തിക ബാധ്യത വലിയ രീതിയിൽ കുറയ്ക്കും.ലക്ഷക്കണക്കിന് ഇന്ത്യൻ ഗാർഹിക തൊഴിലാളികൾ ജോലി ചെയ്യുന്ന സൗദിയിൽ ഈ നിയമം പ്രവാസികൾക്കും സ്പോൺസർമാർക്കും ഒരുപോലെ ഗുണകരമാകും. രാജ്യത്തെ ഡിജിറ്റൽ സേവനങ്ങൾ കൂടുതൽ മെച്ചപ്പെടുത്തുന്നതിന്റെയും സുഗമാക്കുന്നതിന്റെയും ഭാഗമായാണ് ഈ തീരുമാനമെന്ന് സൗദി മന്ത്രാലയം വ്യക്തമാക്കി.

ബഹ്റൈന് നേരെ ഇറാൻ ആക്രമണം, കോഴിക്കോട് എ‍യർ ഇന്ത്യ എക്സ്പ്രസ് റദ്ദാക്കി.

0

മനാമ:ബഹ്റൈന് നേരെ ഇറാൻ നടത്തുന്ന ആക്രമണത്തെ തുടർന്ന് താളം തെറ്റി വിമാന സർവിസുകൾ. തിങ്കളാഴ്ച രാവിലെ ബഹ്റൈൻ വ്യോമപാത താൽക്കാലികമായി അടച്ചതിനെ തുടർന്ന് കോഴിക്കോട് നിന്ന് ബഹ്റൈനിലേക്ക് പുറപ്പെട്ട എയർ ഇന്ത്യ എക്സ്പ്രസ് റിയാദിലിറക്കി. യാത്രക്കാർ ഇപ്പോഴും വിമാനത്തിൽ തുടരുകയാണ്.സ്ഥിതിഗതികൾ ശാന്തമായാൽ മാത്രമേ ബഹ്റൈനിലേക്ക് കൊണ്ടുവരുമെന്നാണ് അധികൃതർ അറിയിക്കുന്നത്. അല്ലാത്ത പക്ഷം മറു മാർഗങ്ങളോ തിരികെ കോഴിക്കോട്ടേക്ക് തന്നെ കൊണ്ടുപോവുകയോ ചെയ്യേണ്ടി വരും.

ഉച്ചക്ക് തിരികെ കോഴിക്കോട്ടേക്ക് പോകേണ്ട എയർഇന്ത്യ എക്സ്പ്രസ് റദ്ദാക്കുകയും ചെയ്തിട്ടു. അടിയന്തരമായും, അവധിക്കാലമായതിനാലും നിരവധി പേരാണ് നാട്ടിലേക്ക് പോകാൻ ഒരുങ്ങിയിരുന്നത്.ബഹ്റൈൻ വിമാനത്താവളത്തിൽ ഇറങ്ങേണ്ടതും പുറപ്പെടേണ്ടതുമായ നിരവധി വിമാനങ്ങളാണ് ഈ സാഹചര്യത്തിൽ റദ്ദാക്കുകയോ ഡിലേ ആവുകയോ ചെയ്തത്.

ഉച്ചവരെ തൽസ്ഥിത തുടർന്നുവെങ്കിലും പിന്നീട് ചില എയർലൈനുകൾ പുറപ്പെടുകയും ഇറങ്ങുകയും ചെയ്തിട്ടുണ്ട്. അതേസമയം എമിറേറ്റ്സിന്‍റെയും ഖത്തർ എ‍യർവെയിസിന്‍റെയും വിമാനങ്ങൾ നേരത്തെ തന്നെ റദ്ദാക്കിയിരുന്നു.ഈ മാസം 31 വരെ എമിറേറ്റ്സും 24 വരെ ഖത്തർ എ‍യർവേഴ്സും ബഹ്റൈനിലേക്ക് ഷെഡ്യുളിലില്ല. നേരത്തെ പ്രസ്തുത എയർലൈനുകളിൽ ടിക്കെറ്റെടുത്ത, അവധികഴിഞ്ഞ് തിരികെ വരാനിരിക്കുന്ന നിരവധി മലയാളികളടക്കമുള്ള യാത്രക്കാരെ ദുരിതത്തിലാക്കുന്ന സാഹചര്യം കൂടിയാണിത്. വിമാനം ഷെഡ്യുൾ ചെയ്യാത്ത സ്ഥിതിക്ക് വലിയ തുകക്ക് മറ്റൊരു ടിക്കറ്റ് എടുക്കേണ്ട അവസ്ഥയാണ് നിലനിൽക്കുന്നത്. ഭീമമായ ടിക്കറ്റ് ചാർജാണ് നിലവിൽ കേരളത്തിൽനിന്നടക്കുമുള്ള സെക്ടറികളിൽ നിന്ന് എയർലൈൻ കമ്പനികൾ ഈടാക്കുന്നത്

ന്യൂഡൽഹിയിൽ സംഘർഷം: ഇന്റർനെറ്റ് റദ്ദാക്കി. വിദ്യാർത്ഥികൾക്കെതിരെ കണ്ണീർവാതകം

0

ന്യൂഡൽഹി : നിരാഹാരം അവസാനിപ്പിച്ച് പ്രതിഷേധക്കാർക്കൊപ്പം ചേരാനിരുന്ന അഭിജിത് ദീപ്കെയെ പോലീസ് കസ്റ്റഡിയിൽ എടുത്തതായി വിവരം. സിജെപി വക്താവ് സൗരവ് ദാസ് ആണ് എക്സിൽ കൂടി ഇക്കാര്യം അറിയിച്ചത്. ദീപ്കെയെ അജ്ഞാത കേന്ദ്രത്തിലേക്ക് മാറ്റിയതായും സിജെപി ആരോപിച്ചു.കോക്രാച്ച് ജനതാ പാർട്ടിയുടെ (സി.ജെ.പി.) സമരം പാർലമെന്റിന് തൊട്ടടുത്തെത്തിയിരുന്നു. ഇതോടെ പാർലമെന്റിന്റെ മുഴുവൻ ഗേറ്റുകളുമടച്ച് അകത്തേക്കും പുറത്തേക്കുമുള്ള പ്രവേശനം തടഞ്ഞു.

സമീപകാലത്ത് ഇതാദ്യമായാണ് ഒരു സമരം പാർലമെന്റിന് ഇത്രയും സമീപമെത്തുന്നത്.പാർലമെന്റ് വർഷക്കാല സമ്മേളനം തുടങ്ങിയ തിങ്കളാഴ്ച രാവിലെ, ജന്തർമന്തറിൽനിന്ന് പാർലമെന്റിലേക്ക് മാർച്ച് നടത്താൻ സി.ജെ.പി. ആഹ്വാനം ചെയ്തിരുന്നു. ഈ മാർച്ച് ജന്തർമന്തറിൽ വെച്ചുതന്നെ പോലീസ് തടഞ്ഞു. പ്രതിഷേധക്കാർ ബാരിക്കേഡ് ഭേദിക്കാൻ ശ്രമിച്ചതോടെ സ്ഥലത്ത് സംഘർഷാവസ്‌ഥയായി. തുടർന്ന് പോലീസ് ലാത്തി വീശി.അതിനുശേഷം ഉച്ചയ്ക്ക് 12 മണിയോടെയാണ് സി.ജെ.പി. ആഹ്വാനത്തെത്തുടർന്ന് യുവാക്കൾ പാർലമെൻ്റിന് സമീപം തടിച്ചുകൂടിയത്.

മുദ്രാവാക്യംവിളികളുമായി റെയിൽ ഭവന്റെ സമീപത്തുനിന്നെത്തിയ പ്രതിഷേധക്കാർക്ക് നേരെ പോലീസ് കണ്ണീർ വാതകം പ്രയോഗിച്ചു.സംഭവത്തെത്തുടർന്ന് പാർലമെന്റിലെ മുഴുവൻ കവാടങ്ങളും അടച്ചു. അകത്തുള്ളവരെ പുറത്തേക്ക് പോകാൻ അനുവദിച്ചില്ല. ഉപരാഷ്ട്രപതി, പ്രധാനമന്ത്രി, ആഭ്യന്തര മന്ത്രി, പ്രതിരോധ മന്ത്രി തുടങ്ങിയവരെല്ലാം പാർലമെൻ്റിലുണ്ടെന്നത് സംഭവത്തിൻ്റെ സുരക്ഷാ പ്രാധാന്യം വർധിപ്പിക്കുന്നു.

സംസ്ഥാനത്ത് റേഷൻ വിതരണം മുടങ്ങി.

0

കോഴിക്കോട് :സംസ്ഥാനത്ത് റേഷൻ വിതരണം പൂർണ്ണമായും സ്തംഭനാവസ്ഥയിൽ. ഈ-പോസ് മെഷീനുകൾ പ്രവർത്തിക്കാത്തതാണ് സംസ്ഥാനത്തുടനീളം റേഷൻ വിതരണം മുടങ്ങാൻ കാരണമായത്. സെർവർ തകരാറാണ് സാങ്കേതിക പ്രശ്നങ്ങൾക്ക് പിന്നിലെന്നാണ് പ്രാഥമിക വിവരം.ഇന്ന് രാവിലെ മുതൽ തന്നെ റേഷൻ കടകളിൽ എത്തിയ ഉപഭോക്താക്കൾ വലിയ പ്രതിസന്ധിയാണ് നേരിടുന്നത്. മണിക്കൂറുകളോളം ക്യൂ നിന്ന പലർക്കും വിതരണം തടസ്സപ്പെട്ടതിനെത്തുടർന്ന് മടങ്ങേണ്ടി വന്നു. കോഴിക്കോട് നഗരത്തിലെ ഭൂരിഭാഗം റേഷൻ കടകളും ഉച്ചയോടെ അടച്ചിട്ട നിലയിലാണ്.

നരിക്കുനിയിലെയും പരിസര പ്രദേശങ്ങളിലെയും റേഷൻ കടകളിൽ നിന്നും സാധനങ്ങൾലഭിക്കാതെ നിരവധി ഉപഭോക്താക്കളാണ് മടങ്ങിപ്പോയത്ഈ-പോസ് മെഷീനുകളുടെ സെർവർ കേരളത്തിന് പുറത്തായതിനാൽ തകരാർ പെട്ടെന്ന് പരിഹരിക്കാൻ കഴിയില്ലെന്ന വിവരമാണ് മന്ത്രിയുടെ ഓഫീസിൽ നിന്ന് വ്യാപാരികൾക്ക് ലഭിച്ചിരിക്കുന്നത്. സംസ്ഥാന ഐടി സെല്ലിൽ നിന്ന് കൃത്യമായ പ്രതികരണമോ സഹായമോ ലഭിക്കുന്നില്ലെന്ന് റേഷൻ വ്യാപാരികൾ പരാതിപ്പെടുന്നു. എപ്പോൾ മുതൽ വിതരണം പുനരാരംഭിക്കാൻ കഴിയുമെന്ന കാര്യത്തിൽ നിലവിൽ യാതൊരു വ്യക്തതയുമില്ലാത്തത് വ്യാപാരികൾക്കിടയിലും പൊതുജനങ്ങൾക്കിടയിലും വലിയ ആശങ്കയ്ക്ക് കാരണമായിട്ടുണ്ട്.

ജിദ്ദ-കോഴിക്കോട് സർവീസുമായി സൗദിയ എയർലൈൻസ്; 321-XLR വിമാനങ്ങൾ ഉപയോഗിക്കും.

0

ജിദ്ദ : ജിദ്ദയിൽ നിന്ന് കോഴിക്കോട് (കരിപ്പൂർ) അന്താരാഷ്ട്ര വിമാനത്താവളത്തിലേക്ക് പുതിയ സർവീസ് ആരംഭിക്കാനുള്ള നടപടികൾ സൗദിയ എയർലൈൻസ് ആരംഭിച്ചതായി റിപ്പോർട്ട്. അടുത്ത വിന്റർ ഷെഡ്യൂളിൽ ജിദ്ദ-കോഴിക്കോട് റൂട്ടിൽ സർവീസ് ആരംഭിക്കാനാണ് ലക്ഷ്യമിടുന്നത്.കോഡ് (സി) വിഭാഗത്തിലെ അത്യാധുനിക Airbus A321-XLR വിമാനങ്ങളായിരിക്കും ഈ റൂട്ടിൽ വിന്യസിക്കുക. ഏകദേശം 4,700 നോട്ടിക്കൽ മൈൽ വരെ ഇടവിടാതെ പറക്കാനുള്ള ശേഷിയുള്ള ഈ വിമാനങ്ങൾ ദീർഘദൂര സർവീസുകൾക്ക് ഏറ്റവും അനുയോജ്യമായവയാണ്. ജിദ്ദ-കോഴിക്കോട് റൂട്ടിലെ ആകാശദൂരം ഏകദേശം 2,200 നോട്ടിക്കൽ മൈൽ മാത്രമായതിനാൽ കൂടുതൽ കാര്യക്ഷമവും സൗകര്യപ്രദവുമായ സർവീസ് ഉറപ്പാക്കാനാകുമെന്നാണ് വിലയിരുത്തൽ.

ജിദ്ദ-കോഴിക്കോട് റൂട്ടിൽ യാത്രക്കാരുടെ ആവശ്യകത കൂടുതലായതിനാൽ ദിവസേന രണ്ട് സർവീസുകൾ നടത്തുന്നതും പരിഗണനയിലുണ്ട്. നിലവിൽ റിയാദ്-കോഴിക്കോട് റൂട്ടിൽ സർവീസ് നടത്തുന്ന A321 NEO വിമാനങ്ങൾക്ക് പകരം ജിദ്ദ റൂട്ടിൽ A321-XLR എത്തുമെന്ന പ്രതീക്ഷയിലാണ് യാത്രക്കാർ.അതേസമയം, റിയാദ്-കോഴിക്കോട് സർവീസ് നിർത്തുന്നുവെന്ന സാമൂഹിക മാധ്യമങ്ങളിലെ പ്രചാരണങ്ങൾക്ക് സൗദിയ എയർലൈൻസിന്റെ ഔദ്യോഗിക സ്ഥിരീകരണമില്ല. 2026 ഒക്ടോബർ 25-നോടകം ജിദ്ദ-കോഴിക്കോട് സർവീസ് ആരംഭിക്കുമെന്ന പ്രതീക്ഷയിലാണ് പ്രവാസി സമൂഹം.

വിലങ്ങാട് പുഴയിൽ ഒഴിക്കിൽപ്പെട്ട് കാണാതായ യുവാവിനായി തിരച്ചിൽ ഊർജിതമാക്കി

0

നാദാപുരം: വിലങ്ങാട് പുഴയിൽ ഒഴിക്കിൽപ്പെട്ട് കാണാതായ യുവാവിനായി തിരച്ചിൽ ഊർജിതമാക്കി. ഉത്തർപ്രദേശ് സ്വദേശി നിഖം ആണ് ഒഴുക്കിൽപ്പെട്ട് കാണാതായത്. ഞാറാഴ്ച വൈകീട്ടോടെയായിരുന്നു സംഭവം. വിലങ്ങാട് പുഴയിൽ കുളിക്കാൻ ഇറങ്ങിയ അന്യസംസ്ഥാന തൊഴിലാളികളായ അഞ്ചംഗ സംഘമാണ്ഒഴുക്കിൽപ്പെട്ടത്.പുഴയിൽ പെട്ടന്നുണ്ടായ കുത്തൊഴുക്കിൽ അഞ്ചംഗസംഘത്തിലെ മൂന്നുപേർ പെട്ടുപോവുകയായിരുന്നു.

ഇതിൽ രണ്ടുപേർ ഇന്നലെ തന്നെ രക്ഷപെടുത്തിയിരുന്നു . എന്നാൽ പുഴയിലെ ശക്തമായ അടിയൊഴുക്ക് ആയതിനാൽ നിഖം ഒഴുകി പോവുകയായിരുന്നു. നാട്ടുകാർ ഉടൻ തന്നെ രക്ഷിക്കാൻ ശ്രമിച്ചെങ്കിലും സാധിച്ചിരുന്നില്ല.രാത്രി ഏറെ വൈകിയും യുവാവിനായി നാദാപുരം ഫയർ ഫോഴ്‌സും നാട്ടുകാരും ചേർന്ന് തിരച്ചിൽ നടത്തിയെങ്കിലും കണ്ടെത്താൻ സാധിച്ചിരുന്നില്ല. പിന്നീട് നിർത്തി വച്ച തിരച്ചിൽ ഇന്ന് രാവിലെയോടെ വീണ്ടും ആരംഭിച്ചു. പുഴയിൽ അടിയൊഴുക്ക് ശക്തമാണ്. പുഴയുടെ എല്ലാഭാഗത്തും വ്യാപക തിരച്ചിൽ തുടരുന്നു. സാധാരണ ആളുകൾ കുളിക്കാൻ ഇറങ്ങുന്ന ഭാഗത്താണ് യുവാക്കൾ ഇറങ്ങിയത്.

പൊതുജനങ്ങൾക്കായി കേരള പോലീസിന്റെ ‘പോൽ ആപ്പ്’: 35-ലേറെ സേവനങ്ങൾ ഇനി വിരൽത്തുമ്പിൽ.

0

തിരുവനന്തപുരം: പൊതുജനങ്ങൾക്ക് 35-ലേറെ പോലീസ് സേവനങ്ങൾ വിരൽത്തുമ്പിലെത്തിച്ചുകൊണ്ട് കേരള പോലീസിന്റെ ഔദ്യോഗിക മൊബൈൽ ആപ്ലിക്കേഷനായ ‘പോൽ ആപ്പ്’ (Pol-App) സേവനം നൽകുന്നു. ഉപയോക്താവിന്റെ ലൊക്കേഷൻ അനുസരിച്ച് തൊട്ടടുത്തുള്ള പോലീസ് സ്റ്റേഷൻ കണ്ടെത്താനും, ഉദ്യോഗസ്ഥരുടെ ഫോൺ നമ്പറുകൾ ലഭ്യമാക്കാനും, എഫ്.ഐ.ആർ ഡൗൺലോഡ് ചെയ്യാനും, പാസ്‌പോർട്ട് വെരിഫിക്കേഷൻ സ്റ്റാറ്റസ് അറിയാനും, വിവിധ സേവനങ്ങൾക്കുള്ള ഫീസ് ട്രഷറിയിലേക്ക് അടയ്ക്കാനും ഈ ആപ്പിലൂടെ സാധിക്കും. പ്രത്യേകിച്ച്, സ്ത്രീകളുടെയും കുട്ടികളുടെയും സുരക്ഷയ്ക്കായി SOS അടിയന്തര സന്ദേശങ്ങളും ലൊക്കേഷനും മുൻകൂട്ടി രജിസ്റ്റർ ചെയ്ത നമ്പറുകളിലേക്ക് അയക്കാനും വനിതകൾക്ക് SHO-യുമായി കൂടിക്കാഴ്ചയ്ക്ക് സമയം നിശ്ചയിക്കാനും സൗകര്യമൊരുക്കിയിട്ടുണ്ട്. കൂടാതെ, വീട് പൂട്ടി യാത്ര പോകുന്ന വിവരം സ്റ്റേഷനിൽ അറിയിക്കൽ, കുറ്റകൃത്യങ്ങളുടെയോ ഉപേക്ഷിക്കപ്പെട്ട നിലയിൽ കാണുന്ന വ്യക്തികളുടെയോ വിവരങ്ങൾ ജിയോ ടാഗ് ചെയ്ത ഫോട്ടോ സഹിതം കൈമാറൽ, ട്രാഫിക് ബോധവൽക്കരണം, സൈബർ സുരക്ഷാ നിർദ്ദേശങ്ങൾ തുടങ്ങിയ നിരവധി ഡിജിറ്റൽ സേവനങ്ങളും ആപ്പിൽ സമഗ്രമായി ഉൾപ്പെടുത്തിയിട്ടുണ്ട്.