spot_img
Friday, November 20, 2026
Home Blog Page 130

കോഴിക്കോട് ബീച്ചിലെ തട്ടുകടയില്‍ നിന്ന് പഴകിയ ഭക്ഷണം പിടികൂടി

0

കോഴിക്കോട്: കോഴിക്കോട് ബീച്ചിലെ തട്ടുകടയില്‍ നിന്ന് പഴകിയ ഭക്ഷണം പിടികൂടി. പഴകിയ കൂന്തളും കല്ലുമ്മക്കായയുമാണ് പിടികൂടിയത്. ആരോഗ്യവകുപ്പ് ഉദ്യോഗസ്ഥരുടെ പരിശോധനയിലാണ് പഴകിയ ഭക്ഷ്യവസ്തുക്കള്‍ കണ്ടെത്തിയത്. കടകള്‍ അടയ്ക്കാന്‍ നിര്‍ദേശം നല്‍കി. ബീച്ചിൽ പ്രവർത്തിക്കുന്ന തട്ടുകടകളില്‍ നിന്നാണ് പഴകിയ ഭക്ഷ്യവസ്തുക്കള്‍ കണ്ടെത്തിയത്. കഴിഞ്ഞ ദിവസം പഴകിയ കൂന്തല്‍ കണ്ടെത്തിയതിന് പിന്നാലെ പരിശോധന ശക്തമാക്കിയിരുന്നു.

ഫിറ്റ്നസ് ടെസ്റ്റിന് സൗകര്യ പ്രദമായ ഓഫീസ് തിരഞ്ഞെടുക്കാൻ വാഹന ഉടമകൾക്ക് സർക്കാർ അനുമതി

0

തിരുവനന്തപുരം: ഫിറ്റ്നസ് ടെസ്റ്റിന് സൗകര്യപ്രദമായ ഓഫീസ് തിരഞ്ഞെടുക്കാൻ വാഹന ഉടമകൾക്ക് സർക്കാർ അനുമതി. ടാക്സി, ടിപ്പർ മേഖലയിലെ വിവിധ സംഘടനകളുമായി മന്ത്രി സി.പി ജോൺ നടത്തിയ ചർച്ചയിലാണ് ധാരണ. ഏറെക്കാലമായി വാഹനമേഖലയിൽ നിന്നുയരുന്ന ആവശ്യമാണ് സർക്കാർ അംഗീകരിച്ചത്. സദുദ്ദേശത്തോടെയാണ് സർക്കാർ ഈ ആവശ്യം അംഗീകരിച്ചതെങ്കിലും ഇടനിലക്കാരും മോട്ടോർവെഹിക്കിൾ ഇൻസ്പെക്ടർമാരുമായുള്ള അവിശുദ്ധ കൂട്ടുകെട്ട് കൈക്കൂലിക്കുള്ള അവസരമായി ഇത് മാറ്റാനിടയുണ്ട്.

നേരത്തേ പല മന്ത്രിസഭയുടെ കാലത്തും ഈ ആവശ്യം ചർച്ചയിൽ എത്തിയെങ്കിലും ക്രമക്കേടിന് സാധ്യതയുള്ളതിനാൽ തള്ളിക്കളയുകയായിരുന്നു. വാഹനം പരിശോധിക്കാതെ ഫിറ്റ്നസ് നൽകുന്ന ഉദ്യോഗസ്ഥർ മോട്ടോർ വാഹനവകുപ്പിലുണ്ട്. ഇവർ ജോലി ചെയ്യുന്നിടത്തേയ്ക്ക് ഫിറ്റ്നസ് ടെസ്റ്റിന്‌ കൂടുതൽ വാഹനങ്ങൾ എത്തും..അടുത്തിടെ കൊല്ലം ആർ.ടി ഓഫീസിൽ നടന്ന വിജിലൻസ് പരിശോധനയിൽ 512 വാഹനങ്ങളുടെ ഫിറ്റ്നസ് നൽകിയതിൽ ക്രമക്കേട് കണ്ടെത്തിയിരുന്നു. മറ്റു ഓഫീസുകളിൽ പരിശോധിക്കേണ്ട വാഹനങ്ങളാണ് കൊല്ലത്ത് എത്തിയത്. മേലുദ്യോഗസ്ഥരുടെ അനുമതിയില്ലാതെ ചില ഇൻസ്പെക്ടർമാർ ഇവയ്ക്ക് ഫിറ്റ്നസ് നൽകി. വടക്കൻ ജില്ലകളിൽ നിന്നുള്ള റൂട്ട് ബസുകൾവരെ കൊല്ലത്ത് ഫിറ്റനസിന് എത്തിയതിൽ ദൂരുഹതയുണ്ട്. ക്രമക്കേട് കാണിച്ച അസി. വെഹിക്കിൾ ഇൻസ്പെക്ടർ സസ്പെൻഷനിലാണ്.

ബസ് ഉൾപ്പെടെയുള്ള വലിയ വാഹനങ്ങൾ അറ്റകുറ്റപ്പണി തീർത്ത് പെയിന്റ് അടിച്ച് ഫിറ്റ്നസിന് യോഗ്യമാക്കാൻ കുറഞ്ഞത് ഒന്നര ലക്ഷം രൂപയെങ്കിലും വേണ്ടിവരും. കൈക്കൂലി വാങ്ങി ഫിറ്റ്നസ് നൽകുന്ന ഉദ്യോഗസ്ഥർ ഉള്ളപ്പോൾ കാശുമുടക്കി വാഹനം പണിയുന്നതിനെക്കാൾ ലാഭകരം അവർ ജോലി ചെയ്യുന്നിടത്തേയ്ക്ക് എത്തുന്നതാണ്..കർശന പരിശോധനയുള്ള ഓഫീസുകൾ ഒഴിവാക്കാനും ഈ സൗകര്യം ദുരുപയോഗം ചെയ്യാനിടയുണ്ട്. കൈക്കൂലിക്ക് വഴങ്ങാത്ത ഉദ്യോഗസ്ഥർ വാഹനം കൃത്യമായി പരിശോധിക്കാൻ തയാറാകും. ഇത്തരക്കാരുള്ള ഓഫീസുകൾ ഒഴിവാക്കാൻ പുതിയ സംവിധാനം സഹായിക്കും. ചില ജോ. ആർ.ടി.ഒമാർ സൂപ്പർ ചെക്കിങ്ങിന് ഫിറ്റ്‌നസ് ഗ്രൗണ്ടിൽ എത്താറുണ്ട്. ഇതും ഓഫീസ് മാറാൻ പ്രേരിപ്പിക്കുന്നുണ്ട്.

അമൃത് ഭാരത് പദ്ധതി: നിലമ്പൂർ അടക്കം ജില്ലയിൽ മൂന്നു റെയിൽവേ സ്റ്റേഷനുകൾ ഉദ്ഘാടനത്തിന് ഒരുങ്ങി

0

നിലമ്പൂർ : അമൃത് ഭാരത് പദ്ധതിയിലൂടെ നവീകരണം പൂർത്തിയാക്കിയ ജില്ലയിൽ മൂന്നു റെയിൽവേ സ്‌റ്റേഷനുകൾ അടുത്തയാഴ്‌ച( 12നോ 17നോ) ഉദ്ഘാടനം ചെയ്യാൻ ആലോചന. പ്രധാനമന്ത്രി നരേന്ദ്രമോദിയാണ് ഉദ്ഘാടനം ചെയ്യുന്നത്. ജില്ലയിലെ തിരൂർ, പരപ്പനങ്ങാടി, നിലമ്പൂർ എന്നീ ‌സ്റ്റേഷനുകളും ഫറോക്ക്, തലശ്ശേരി എന്നീ സ്‌റ്റേഷനുകളുമാണ് പാലക്കാട് ഡിവിഷനു കീഴിൽ നവീകരണം പൂർത്തിയാക്കി ഉദ്ഘാടനത്തിനൊരുങ്ങുന്നത്. തിരുവനന്തപുരം ഡിവിഷനിൽ നിന്നുള്ള ചാലക്കുടി, അങ്കമാലി സ്‌റ്റേഷനുകളും ഉദ്ഘാടനത്തിനൊരുങ്ങിയിട്ടുണ്ട്.പ്രധാനമന്ത്രിയുടെ പരിപാടികളുടെ സമയക്രമം അനുസരിച്ച് ഈ 2 ദിവസങ്ങളിലൊന്ന് ഉടൻ പ്രഖ്യാപിക്കുമെന്നാണു വിവരം. എന്നാൽ റെയിൽവേ സ്‌റ്റേഷനുകളിൽ ഇതുമായി ബന്ധപ്പെട്ട വിവരം ലഭിച്ചിട്ടില്ല. ഈ മാസം ഉദ്ഘാടനമുണ്ടാകും എന്നാണ് അറിയിച്ചിട്ടുള്ളത്. അവസാന മിനുക്കുപണികളിലാണ് സ്‌റ്റേഷനുകളെല്ലാം. തിരൂരിലായിരിക്കും പാലക്കാട് ഡിവിഷൻ ഉദ്ഘാടനച്ചടങ്ങ് നടക്കുന്നത്.

പ്രധാനമന്ത്രി ഓൺലൈനായി ഉദ്ഘാടനം നിർവഹിക്കും. തിരൂർ റെയിൽവേ സ്‌റ്റേഷനിൽ 26.55 കോടി രൂപയുടെ നവീകരണമാണ് പദ്ധതിയിലൂടെ നടപ്പാക്കിയത്. മുൻപ് 18 കോടി രൂപയായിരുന്നു അനുവദിച്ചിരുന്നത്. സ്‌റ്റേഷനിൽ പുതിയ കവാടത്തിന്റെ പണി അവസാനഘട്ടത്തിലാണ്. ടിക്കറ്റ് കൗണ്ടർ 2 എടിവിഎമ്മുകൾ സ്‌ഥാപിച്ച് പുനഃസ്ഥാപിച്ചിട്ടുണ്ട്.

എന്നാൽ ഈ കെട്ടിടത്തിലെ മ്യൂറൽ പെയ്ൻ്റ് മായ്ച്ചു. ഇവിടെ പുതിയ ചിത്രങ്ങൾ വരയ്ക്കും. പുതിയ കവാടത്തിലേക്കുള്ള നടപ്പാതയും നവീകരിക്കുന്നുണ്ട്. പ്രധാന കവാടം നേരത്തേ മോടി പിടിപ്പിച്ചിരുന്നു. 3 ലിഫ്റ്റുകളും 2 എസ്‌കലേറ്ററുകളും പവർ പ്ലാൻ്റും ഇവിടെ തയാറാണ്. പ്ലാറ്റ്ഫോമുകൾ ഉയർത്തുകയും യാത്രക്കാർക്കുള്ള സൗകര്യങ്ങൾ വർധിപ്പിക്കുകയും ചെയ്തിട്ടുണ്ട്.പരപ്പനങ്ങാടി റെയിൽവേ സ്‌റ്റേഷനിൽ 14.21 കോടി രൂപയുടെ നവീകരണമാണ് നടത്തിയത്. ഇവിടെ നേരത്തെ 6.3 കോടി രൂപയാണ് അനുവദിച്ചിരുന്നത്.

ഇവിടെ കവാടം മോടികൂട്ടുകയും യാത്രക്കാർക്കുള്ള സൗകര്യങ്ങൾ വർധിപ്പിക്കുകയും ചെയ്തു. വിശാലമായ പാർക്കിങ് സൗകര്യവും തയാറാക്കി. നിലമ്പൂർ സ്‌റ്റേഷനിൽ 16.44 കോടി രൂപയുടെ നവീകരണമാണ് നടത്തിയത്. ഇവിടെ നേരത്തെ 8 കോടി രൂപയാണ് അനുവദിച്ചത്. ഇവിടെ രണ്ടാം കവാടത്തിൽ ബുക്കിങ് ഓഫിസ്, പ്ലാറ്റ്ഫോം മേൽക്കൂര, വൈദ്യുതീകരണ പ്രവൃത്തികൾ, സിഗ്നൽ സംവിധാനം തുടങ്ങിയ പ്രവൃത്തികൾ നടത്തി. കവാടം മോടികൂട്ടുകയും യാത്രക്കാർക്കുള്ള സൗകര്യങ്ങൾ വർധിപ്പിക്കുകയും ചെയ്തിട്ടുണ്ട്.

ബഹിരാകാശത്തേക്ക് യാത്ര തിരിക്കുന്ന ആദ്യ മലയാളിയായി നാസ ബഹിരാകാശ സഞ്ചാരി ഡോ. അനിൽ മേനോൻ.

0

പാലക്കാട്: ബഹിരാകാശത്തേക്ക് യാത്ര തിരിക്കുന്ന ആദ്യ മലയാളിയായി നാസ ബഹിരാകാശ സഞ്ചാരി ഡോ. അനിൽ മേനോൻ. ഒറ്റപ്പാലത്ത് വേരുകളുള്ള അനിൽ ഇന്ത്യൻ-അമേരിക്കൻ ഫിസിഷ്യനും എൻജിനീയറും സൈനിക ഉദ്യോഗസ്ഥനുമാണ്.കസാക്കിസ്ഥാനിലെ ബൈക്കോണൂർ കോസ്മോഡ്രോമിൽ നിന്ന് റഷ്യൻ പേടകമായ സോയൂസ് എം.എസ്-29 (Soyuz MS-29) വഴി രാജ്യാന്തര ബഹിരാകാശ നിലയത്തിലേക്കാണ് അനിലിന്റെ യാത്ര.എട്ടുമാസം നീളുന്ന ഈ ദൗത്യം മനുഷ്യന്റെ ദീർഘദൂര ബഹിരാകാശ യാത്രകൾക്കായുള്ള പരീക്ഷണങ്ങൾക്കായി ഉപയോഗിക്കും. ചൊവ്വാഴ്ച അനിൽ ഉൾപ്പെടുന്ന സംഘം ബഹിരാകാശത്തേക്ക് യാത്ര തിരിക്കും.

രണ്ട് റഷ്യൻ ശാസ്ത്രജ്ഞർക്കൊപ്പമാണ് അനിലിന്റെ ബഹിരാകാശ ദൗത്യം. അനിലിന്റെ പിതാവ് ശങ്കര മേനോൻ പാലക്കാട് ഒറ്റപ്പാലം സ്വദേശിയാണ്. എന്നാൽ അനിൽ ജനിച്ചതും വളർന്നതും അമേരിക്കയിലാണ്. ഹാർവാർഡിൽ നിന്ന് ന്യൂറോബയോളജിയിൽ ബിരുദം നേടിയ അനിൽ, സ്റ്റാൻഫോർഡ് സർവകലാശാലയിൽ നിന്ന് മെക്കാനിക്കൽ എൻജിനീയറിങ്ങിൽ ബിരുദാനന്തര ബിരുദവും നേടിയിട്ടുണ്ട്.യുഎസ് വ്യോമസേനയിൽ കേണലായിരുന്ന അദ്ദേഹം 2014ൽ നാസയിൽ ഫ്ലൈറ്റ് സർജനായെത്തി. എമർജൻസി മെഡിസിൻ വിഭാഗം ഡോക്ടറായാണ് അദ്ദേഹം പ്രവർത്തിച്ചിരുന്നത്. നിലവിൽ ബഹിരാകാശ യാത്രക്കുള്ള അവസാനഘട്ട പരിശീലനത്തിലാണ് അനിൽ.

വയനാട് ജില്ലയിൽ വിനോദസഞ്ചാര കേന്ദ്രങ്ങൾക്ക് ഏർപ്പെടുത്തിയ വിലക്ക് പിൻവലിച്ചു.

0

കൽപ്പറ്റ : വയനാട് ജില്ലയിലെ വിനോദ സഞ്ചാരത്തിന്റെ ഭാഗമായുള്ള ട്രക്കിങ്, റിസോർട്ടുകൾ, ഹോം സ്റ്റേകൾ, സാഹസിക വിനോദ കേന്ദ്രങ്ങൾക്ക് ഏർപ്പെടുത്തിയിരുന്ന നിയന്ത്രണങ്ങൾ പിൻവലിച്ച് ജില്ലാ കലക്ടർ ഡി.ആർ മേഘശ്രീ ഉത്തരവിട്ടു. അതേസമയം, മേപ്പാടി ഗ്രാമപഞ്ചായത്തിലെ എട്ട്, ഒൻപത്,10,11,12,13 വാർഡുകളിലെ വിനോദ സഞ്ചാരത്തിന്റെ ഭാഗമായുള്ള ട്രക്കിങ്, റിസോർട്ടുകൾ, ഹോംസ്റ്റേകൾ, സാഹസിക വിനോദ സഞ്ചാര കേന്ദ്രങ്ങൾക്കും അമ്പലവയൽ ഗ്രാമപഞ്ചായത്തിലെ എടയ്ക്കൽ ടൂറിസം കേന്ദ്രത്തിനും മാനന്തവാടി താലൂക്കിലെ മുനീശ്വരംകുന്ന്, കുറുവ ദ്വീപ് ടൂറിസം കേന്ദ്രങ്ങൾക്കും നിയന്ത്രണങ്ങൾ തുടരും. ക്വാറികളുടെ പ്രവർത്തനങ്ങൾക്കും യന്ത്ര സഹായത്തോടെയുള്ള മണ്ണ് നീക്കത്തിനും ഏർപ്പെടുത്തിയ നിയന്ത്രണങ്ങൾ തുടരും. ഉത്തരവ് ലംഘിക്കുന്നവർക്കെതിരെ ദുരന്ത നിവാരണ നിയമം 2005 സെക്ഷൻ 51, 55 വകുപ്പുകൾ പ്രകാരം ശിക്ഷാ നടപടികൾ സ്വീകരിക്കും.കള്ളാടിയിൽ ഇരട്ടിമഴമേഖലയിൽ ലഭിക്കേണ്ട മഴ ശരാശരിയുടെ ഇരട്ടിയലധികമാണ് കഴിഞ്ഞ 2 ദിവസത്തിനുള്ളിൽ മാത്രം കള്ളാടിയിൽ പെയ്തത്.

കാലങ്ങളായി കൂടുതൽ മൺസൂൺ മഴ കിട്ടുന്ന മേഖലയാണു മുണ്ടക്കൈ, മേപ്പാടി മുതൽ ലക്കിടി വരെയുള്ള പ്രദേശങ്ങൾ. സമുദ്രനിരപ്പിൽനിന്ന് ഉയർന്ന സ്ഥലമായതിനാൽ മഴ മേഘങ്ങളും മഴയും കൂടും. കൂടാതെ, ഇത്തരം ഉയർന്ന സ്ഥലങ്ങളിൽ വലിയ പാറകൾ ഉള്ളിടത്തു പെയ്യുന്ന മഴവെള്ളം ഒലിച്ചിറങ്ങി വലിയ തള്ളിച്ച ഉണ്ടാവുകയും ചെയ്യും. ഇതാണു ഇന്നലെ മീനാക്ഷിയിലുണ്ടായ മണ്ണിടിച്ചിലിനും കാരണം. 2024 ജൂലൈ 30നു മുണ്ടക്കൈ–ചൂരൽമല മേഖലകളിൽ ഉരുൾപൊട്ടലുണ്ടായപ്പോഴും കള്ളാടി മേഖലയിൽ 200 മില്ലിമീറ്ററിലധികം മഴ രേഖപ്പെടുത്തിയിരുന്നു.

ട്രെയിനില്‍ ഇനി വാട്‌സ്ആപ്പ് ടിക്കറ്റുമായി യാത്ര വേണ്ട; പിഴ വീഴും.

0

ന്യൂഡല്‍ഹി: ട്രെയിന്‍ യാത്രയില്‍ ടിക്കറ്റിന് തെളിവായി വാട്സ്ആപ്പില്‍ അയച്ച പകര്‍പ്പുകളോ സ്‌ക്രീന്‍ഷോട്ടുകളോ, പിഡിഎഫോ സ്വീകരിക്കില്ലെന്ന് റെയില്‍വേ. റെയില്‍വണ്‍ ആപ്പ് വഴി ബുക്ക് ചെയ്യുന്ന ഡിജിറ്റല്‍ അണ്‍റിസര്‍വ്ഡ് ടിക്കറ്റുകളുമായി യാത്ര ചെയ്യുന്ന യാത്രക്കാര്‍ ബുക്കിങ് നടത്താന്‍ ഉപയോഗിച്ച അതേ മൊബൈല്‍ ഫോണില്‍ ഒറിജിനല്‍ ടിക്കറ്റിന്റെ പകര്‍പ്പുകള്‍ ഹാജരാക്കണമെന്നും അധികൃതര്‍ വ്യക്തമാക്കി.യാത്രക്കാരന്‍ ടിക്കറ്റ് ബുക്ക് ചെയ്ത ഫോണില്‍ തന്നെ ടിക്കറ്റ് ഉണ്ടായിരിക്കണമെന്നാണ് റെയില്‍വേയുടെ പുതുക്കിയ നിയമം പറയുന്നത്. കൂടാതെ ട്രെയിന്‍ പുറപ്പെടുന്നതിന് മുമ്പ് യാത്രക്കാര്‍ അവരുടെ ഡിജിറ്റല്‍ അണ്‍റിസര്‍വ്ഡ് ടിക്കറ്റ് ബുക്ക് ചെയ്യേണ്ടതുണ്ട്. ട്രെയിന്‍ കടന്നുപോയ ശേഷം എടുത്ത ടിക്കറ്റ് അസാധുവായി കണക്കാക്കപ്പെടും. സൗത്ത് ഈസ്റ്റ് സെന്‍ട്രല്‍ റെയില്‍വേ അവരുടെ ഔദ്യോഗിക എക്‌സ് അക്കൗണ്ടില്‍ അറിയിച്ചു.റെയില്‍വണ്‍ ആപ്പ് വഴി ബുക്ക് ചെയ്ത അണ്‍റിസര്‍വ്ഡ് ടിക്കറ്റും ടിക്കറ്റ് ബുക്ക് ചെയ്ത മൊബൈലും പരിശോധനാ സമയത്ത് നിര്‍ബന്ധമാണെന്നും പോസ്റ്റില്‍ പറയുന്നു. കൂടാതെ ഒരു ഫോട്ടോ ഐഡന്റിറ്റി കാര്‍ഡ് കൊണ്ടുപോകേണ്ടത് നിര്‍ബന്ധമാണ്. വാട്സ്ആപ്പ്, സ്‌ക്രീന്‍ഷോട്ട് അല്ലെങ്കില്‍ മറ്റ് മാര്‍ഗങ്ങള്‍ വഴി ലഭിക്കുന്ന ടിക്കറ്റുകള്‍ സാധുവായ യാത്രാ ടിക്കറ്റായി കണക്കാക്കില്ല.ടിക്കറ്റ് പരിശോധനയ്ക്കിടെ യഥാര്‍ത്ഥ ഡിജിറ്റല്‍ ടിക്കറ്റിന് പകരം വാട്സ്ആപ്പ് സ്‌ക്രീന്‍ഷോട്ട് കാണിച്ചതിന് യാത്രക്കാരന് പിഴ ചുമത്തിയതിനെ തുടര്‍ന്നാണ് റെയില്‍വേയുടെ വിശദീകരണം. സംഭവം സോഷ്യല്‍ മീഡിയയില്‍ വ്യാപകമായ ചര്‍ച്ചയ്ക്ക് കാരണമായി, പ്രായമായ യാത്രക്കാര്‍ക്കും ബന്ധുക്കളെയോ സുഹൃത്തുക്കളെയോ ആശ്രയിക്കുന്ന മറ്റുള്ളവര്‍ക്കും ടിക്കറ്റ് ബുക്ക് ചെയ്യാന്‍ ഈ നിയമം അസൗകര്യമുണ്ടാക്കുമെന്ന് നിരവധി ഉപയോക്താക്കള്‍ പറഞ്ഞു.

ഓപ്പറേഷൻ തൂഫാൻ രണ്ടാം ഘട്ടം തുടങ്ങുന്നു.

0

തിരുവനന്തപുരം: കേരളത്തിലേക്കുള്ള മയക്കുമരുന്നു വരവ് തടയാൻ ദക്ഷിണേന്ത്യൻ സംസ്ഥാനങ്ങളിലെ പോലീസ് ഉദ്യോഗസ്ഥരെയും കേന്ദ്ര അന്വേഷണ ഏജൻസികളെയും ഏകോപിപ്പിച്ചും ഓപ്പറേഷൻ തൂഫാന്റെ രണ്ടാംഘട്ടം നടപ്പാ ക്കാൻ തീരുമാനം. ഓപ്പറേഷൻ തൂഫാനായി ദക്ഷിണേന്ത്യൻ സംസ്ഥാനങ്ങളിലെ പോലീസിലെ എസ്പ‌ി റാങ്കിൽ കുറയാത്ത നോഡൽ ഓഫീസറെ നിയോഗിക്കുമെന്ന്, അഞ്ച് സംസ്ഥാനങ്ങളിലെ പോലീസ് ഉദ്യോഗസ്ഥരെയും കേന്ദ്ര ഏജൻസികളെയും ഏകോപി പ്പിച്ച് പോലീസ് ആസ്ഥാന ത്തു നടത്തിയ യോഗത്തിനു ശേഷം മാധ്യമ പ്രവർത്തകരെ കണ്ട ആഭ്യന്തരമന്ത്രി രമേശ് ചെന്നിത്തല പറഞ്ഞു.

.ലഹരിവേട്ടയ്ക്കു സ്ഥിരം സംവിധാനമായി ദൗത്യസം ഘം രൂപീകരിക്കും. കര-കട ൽ- വ്യോമ മാർഗമുള്ള ലഹരിയൊഴുക്ക് തടയും. കേരളത്തെ ലഹരിമുക്ത സംസ്ഥാനമാക്കും. മയക്കുമരുന്നു കേസു കൾ വിചാരണ ചെയ്യാൻ 10 കോടതികൾ ആരംഭിക്കാൻ കേന്ദ്രം വിളിച്ച ഡിജിപിമാരുടെ യോഗത്തിൽ നിർദേശിച്ചിട്ടുണ്ട്. എവിടെയൊക്കെയെ ന്നു പിന്നീടു തീരുമാനിക്കും.

നേരത്തേ പ്രഖ്യാപിച്ച തിരുവനന്തപുരം, എറണാകുളം കോടതികൾ ഉടൻ ആരംഭിക്കും. ഓൺലൈനിലും കൊറിയറിലും ഹോംഡെലിവറിയായും ട്രെയിനുകളിൽ ചെറിയ സ്റ്റേഷനുകളിൽ ഉപേക്ഷിച്ചുമുള്ള ലഹരിക്കടത്തിൻ്റെ പുതിയ രീതികൾ പോലീസ് കണ്ടെത്തി യിട്ടുണ്ട്.അർബുദത്തിനുള്ള മരുന്നു പോലും ലഹരിക്കായി ഉപ യോഗിക്കുന്നു. ഇതു തടയാൻ ആരോഗ്യവകുപ്പുമായി ചേർന്ന് സംയുക്ത ഓപ്പറേഷനുണ്ടാകും. ലഹരിക്കടത്തിന്റെ പുതിയ മാർഗങ്ങൾ കേന്ദ്ര ഏജൻസികളുടെ സഹായത്തോടെ കണ്ടെത്തി തടയും. ലഹരിയുടെ ഉറവിടം കണ്ടത്തി തകർക്കാനാണ് സംയുക്ത ഓപ്പറേഷൻ.കർണാടക ആഭ്യന്തരമന്ത്രി 15ന് തിരുവനന്തപുരത്തെ ത്തും.

തമിഴ്‌നാട്, പുതുച്ചേരി, ആന്ധ്ര, തെലുങ്കാന മുഖ്യമന്ത്രിമാരെ നേരിൽ കാണുമെന്നും മന്ത്രി പറഞ്ഞു.തമിഴ്‌നാട് ഡിജിപി മഹേഷ് കുമാർ അഗർവാൾ, പുതുച്ചേരി ഡിജിപി ശാലിനി സിംഗ്, കർണാടക എഡിജിപി ആർ. ഹി തേന്ദ്ര, കസ്റ്റംസ് കമ്മീഷണർ ഡോ.ടി. ടിജു, നാർകോട്ടിക് ക ൺട്രോൾ ബ്യൂറോ ഡെപ്യൂട്ടി ഡയറക്ടർ ആർ. സുധാകർ, ഐബി ജോയിൻ്റ് ഡയറക്ടർ ഡോ.കെ. ജോസ്, ഡിആർഐ അഡീഷണൽ ഡയറക്ടർ കെ. പദ്‌മാവതി, തെലുങ്കാന എസ്‌പി പി.വി. പദ്‌മജ, ആന്ധ്ര എസ്‌പി കെ.എം. മഹേശ്വര രാജു, ആർപിഎഫ് സെക്യൂ രിറ്റി കമ്മീഷണർ മുഹമ്മദ് ഹനീഫ്, സംസ്ഥാന പോലീസ് മേധാവി റവാഡ ചന്ദ്രശേഖർ, പോലീസ് ഉപദേഷ്ടാവ് എ. ഹേ മചന്ദ്രൻ, ഐജിമാരായ പുട്ട വിമലാദിത്യ, ഹർഷിത അട്ടല്ലൂരി തുടങ്ങിയവർ പങ്കെടുത്തു. ഓപ്പറേഷൻ തൂഫാനുമായി ബന്ധപ്പെട്ട് മയക്കു മരുന്നു കൈവശമുണ്ടെന്നു കരുതി ജനം ആരെയും കൈയേറ്റത്തിനും നിയമം കൈയിലെടുക്കാനും ശ്രമിക്കരുതെന്ന് മന്ത്രി രമേശ് ചെന്നിത്തല.

വിരങ്ങളുണ്ടങ്കിൽ പോലീസിനെ അറിയി ക്കുകയാണു വേണ്ടത്. ഇകാര്യത്തിൽ ആരും സ്വയം പോലീസ് ചമയാൻ ശ്രമിക്കരുത്.പെരുമ്പാവൂരിൽ ലഹരി വിൽപന നടത്തിയെന്ന് ആരോപിച്ച് യുവാക്കളെ തല മുണ്ഡനം ചെയ്ത സംഭവം അംഗീകരിക്കാൻ കഴിയില്ലെന്നും മന്ത്രി പറഞ്ഞു.

ഇന്ന് ലോക ജനസംഖ്യാ ദിനം; അറിയാം ചരിത്രവും.

0

ഇന്ന് ലോക ജനസംഖ്യാ ദിനം. ആഗോള ജനസംഖ്യ പ്രശ്‌നങ്ങളെക്കുറിച്ചും എല്ലാവര്‍ക്കും ആരോഗ്യകരവും സുസ്ഥിരവുമായ ഭാവി ഉറപ്പാക്കേണ്ടതിന്റെ പ്രാധാന്യത്തേക്കുറിച്ചും ഇന്നത്തെ ദിനം ഓര്‍മപ്പെടുത്തുന്നു.

ഇന്നത്തെ കണക്കുകള്‍ പ്രകാരം ലോക ജനസംഖ്യ 800 കോടി കവിഞ്ഞിരിക്കുകയാണ്. അതില്‍ 140 കോടി ജനങ്ങള്‍ വസിക്കുന്നത് നമ്മുടെ ഇന്ത്യയിലാണ്. വിദ്യാഭ്യാസം, ലിംഗസമത്വം ഗുണനിലരാവരുമുള്ള ആരോഗ്യ സംരക്ഷണം എന്നിവയിലൂടെ ജനങ്ങളെ ശാക്തീകരിക്കേണ്ടതിന്റെ പ്രാധാന്യമാണ് ഇന്നത്തെ ദിനം ഓര്‍മിപ്പിക്കുന്നത്. ജനസംഖ്യ വര്‍ധനവിലൂടെ ലോകത്തിന് ചില പുരോഗതികള്‍ ഉണ്ടെങ്കിലും വലിയ വെല്ലുവിളികളും നേരിടേണ്ടി വരുന്നു. ജീവിത നിലവാരത്തിലുമുള്ള പുരോഗതി ആയുര്‍ദൈര്‍ഘ്യം വര്‍ധിപ്പിച്ചെങ്കിലും ആരോഗ്യസംരക്ഷണം വിദ്യാഭ്യാസം തൊഴില്‍ പാര്‍പ്പിടം തുടങ്ങിയ പ്രാഥമിക ആവശ്യങ്ങള്‍ പൂര്‍ത്തികരിക്കാന്‍ പൊലും പല രാജ്യങ്ങളും പ്രതിസന്ധി നേരിടുന്നു. ജനങ്ങളുടെ ഇത്തരത്തിലെ പ്രാഥമിക ആവശ്യങ്ങള്‍ നിറവേറ്റാന്‍ രാജ്യത്തിന് സാധിച്ചില്ലെങ്കില്‍ അവിടെ ദാരിദ്ര്യവും അസമത്വവും ഉയരുന്നു.

എല്ലാ മനുഷ്യര്‍ക്കും തുല്യത ഉറപ്പിക്കുക എന്നത് തന്നെയാണ് ഇന്നത്തെ ദിനത്തിന്റെ പ്രത്യേകത. 1987 ജൂലെ 11ന് ലോക ജനസംഖ്യ 500 കോടി എത്തിയ കണക്കെടുപ്പിനെ ഉള്‍പ്പെടുത്തിക്കൊണ്ടാണ് 1989ല്‍ ഐക്യരാഷ്ട്രസഭയുടെ വികസന പരിപാടിയുടെ ഗവേണിംഗ് കൗണ്‍സില്‍ അതിന്റെ പ്രാധാന്യം മനസിലാക്കി ഈ ഒരു ദിവസം ഉള്‍പ്പടുത്തിയത്. വര്‍ത്തമാന ഭാവി തലമുറകള്‍ക്കായി ആരോഗ്യവും തുല്യവും സുസ്ഥിരവുമായ ലോകം സൃഷ്ടിക്കാന്‍ വ്യക്തികളെയും സമൂഹങ്ങളെയും സര്‍ക്കാരുകളേയും ഒരുമിച്ച് പ്രവര്‍ത്തിക്കാന്‍ ഈ ദിനം പ്രോത്സാഹിപ്പിക്കുന്നു.

മലപ്പുറത്തെ അധ്യാപകന്റെ ചൂരല്‍ പ്രയോഗം; അഞ്ചാം ക്ലാസുകാരിയുടെ കൈ ഒടിഞ്ഞതില്‍ കേസെടുത്ത് പൊലീസ്

0

മലപ്പുറം: മലപ്പുറം കല്‍പകഞ്ചേരി കല്ലിങ്ങലില്‍ അഞ്ചാം ക്ലാസുകാരിയുടെ കൈ തല്ലിയൊടിച്ച അധ്യാപകനെതിരെ കേസെടുത്ത് പൊലീസ്. കല്‍പകഞ്ചേരി പോലീസ് ആണ് കേസ് എടുത്തത്. ഇന്നലെയാണ് അധ്യാപകന്റെ വടികൊണ്ടുള്ള അടിയേറ്റ് അഞ്ചാം ക്ലാസ്സുകാരിയുടെ കൈ എല്ല് പൊട്ടിയത്. ക്ലാസില്‍ ശ്രദ്ധിക്കുന്നില്ല എന്ന് ആരോപിച്ചായിരുന്നു അധ്യാപകന്റെ ചൂരല്‍ പ്രയോഗം.

എംഎസ്എംഎച്ച്എസ്എസ് കല്ലിങ്ങല്‍പ്പറമ്പിലെ കണക്ക് അധ്യാപകനെതിരെയായിരുന്നു പരാതി. കുടുംബം ബാലാവകാശ കമ്മീഷനും പരാതി നല്‍കിയിട്ടുണ്ട്. കൈക്ക് ഗുരുതരമായി പരിക്കേറ്റിട്ടും അധ്യാപകര്‍ കുട്ടിയെ ആശുപത്രിയില്‍ എത്തിച്ചില്ലെന്നും കുട്ടിയുടെ അമ്മ ആരോപിച്ചിരുന്നു. കുട്ടിയെ അധ്യാപകര്‍ ചേര്‍ന്ന് വീട്ടിലെത്തിച്ച ശേഷം രക്ഷിതാക്കളായിരുന്നു ആശുപത്രിയിലേക്ക് കൊണ്ടുപോയത്.

കണ്ണൂരില്‍ കാര്‍ മരത്തിലിടിച്ച് നാലുപേര്‍ മരിച്ചു

0

കണ്ണൂര്‍ : കാര്‍ മരത്തിലിടിച്ച് നാലുപേര്‍ മരിച്ചു. കണ്ണൂര്‍ ചാലോട് ഇന്നലെ അര്‍ധ രാത്രിയായിരുന്നു അപകടം. യു പി സ്വദേശികളായ പരം ഛേത്രി, ഹര്‍ഷ്, മലയാളികളായ റിസ്വാന്‍, ഷാന്‍ എന്നിവരാണ് മരിച്ചത്.ഒരാള്‍ക്ക് പരിക്കേറ്റിട്ടുണ്ട്രി. പ ക്കേറ്റയാളെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ അര്‍ധ രാത്രിയോടെ അപകട വിവരം അറിഞ്ഞെത്തിയ ഫയര്‍ ഫോഴ്സ് കാര്‍ വെട്ടിപൊളിച്ചാണ് ഉള്ളില്‍ ഉണ്ടായിരുന്നവരെ പുറത്തെടുത്തത്.അഴിക്കോട് സ്വദേശിയായ ഷാനിന്റെ വീട്ടിലേക്ക് ബാംഗ്ലൂരില്‍ നിന്ന് എത്തിയവരായിരുന്നു മറ്റു മൂവരും. അമിത വേഗത്തിലായിരുന്നു കാര്‍ എന്നാണു കരുതുന്നത്. കാര്‍ പൂര്‍ണമായി തകര്‍ന്നു. അടുത്തുള്ള വീട്ടുകാരാണ് ശബ്ദം കേട്ട് ആദ്യം ഓടിയെത്തിയത്.