spot_img
Friday, November 20, 2026
Home Blog Page 135

യുവാവിന്റെ കണ്ണിൽ എസ്ഐ പെപ്പർ സ്പ്രേ അടിച്ച കേസ്: ഇരയ്ക്ക് 50,000 രൂപ നഷ്ടപരിഹാരം, ആഭ്യന്തര വകുപ്പ് ഉത്തരവ്

0

തിരുവനന്തപുരം : യുവാവിന്റെ കണ്ണിൽ എസ്ഐ പെപ്പർ സ്പ്രേ അടിച്ച സംഭവത്തിൽ ഇരയ്ക്ക് 50,000 രൂപ നഷ്ടപരിഹാരം അനുവദിച്ച് ആഭ്യന്തര വകുപ്പ് ഉത്തരവ്. ചിറയിൻകീഴ് കുറക്കട സ്വദേശി ശ്രീനാഥിന്റെ പരാതിയിലാണ് നടപടി. സംസ്ഥാന മനുഷ്യാവകാശ കമ്മിഷന്റെ ഉത്തരവാണ് സർക്കാർ നടപ്പാക്കിയത്. വിവാഹമോചന കേസ് കുടുംബ കോടതിയിൽ നടക്കുന്നതിനിടയിൽ ഭാര്യയുടെ മൊബൈൽ ഫോണിലേക്ക് സന്ദേശമയച്ചുവെന്ന പരാതിയിലായിരുന്നു ചോദ്യം ചെയ്യാനായി യുവാവിനെ പൊലീസ് സ്റ്റേഷനിൽ വിളിച്ചുവരുത്തി എസ്ഐ പെപ്പർ സ്പ്രേ അടിച്ചത്. നഷ്ടപരിഹാര തുകയായ 50,000 രൂപ നിലവിൽ സർക്കാർ ഫണ്ടിൽ നിന്നും അനുവദിച്ച ശേഷം, കുറ്റക്കാരനായ എസ്ഐയുടെ ശമ്പളത്തിൽ നിന്നും ഘട്ടംഘട്ടമായി ഈടാക്കാനാണ് കമ്മിഷൻ നിർദേശം നൽകിയത്.

രണ്ടു മാസത്തിനകം നഷ്ടപരിഹാരം നൽകിയില്ലെങ്കിൽ പ്രസ്തുത കാലയളവിന് 8 ശതമാനം പലിശ നൽകണമെന്ന് മനുഷ്യാവകാശ കമ്മിഷൻ ഉത്തരവിട്ടിരുന്നു. സ്വീകരിച്ച നടപടികൾ സംസ്ഥാന പൊലീസ് മേധാവി കമ്മിഷനെ അറിയിക്കും. 2023 ഒക്ടോബർ 9 ന് ചിറയിൻകീഴ് പൊലീസ് സ്റ്റേഷനിലാണ് സംഭവമുണ്ടായത്.

പരാതിക്കാരനുമായുള്ള സംഭാഷണത്തിൽ പ്രകോപിതനായ എസ്ഐ കണ്ണൂകൾക്ക് നീറ്റലുണ്ടാകുന്ന വിധത്തിൽ ഏതോ ദ്രാവകം മുഖത്തേക്ക് സ്പ്രേ ചെയ്തിട്ടുണ്ടെന്ന് ജില്ലാ പൊലീസ് മേധാവി മനുഷ്യാവകാശ കമ്മിഷനു നൽകിയ റിപ്പോർട്ടിൽ പറഞ്ഞിരുന്നു. മർദനമേറ്റതിനു തെളിവില്ലെന്നും റിപ്പോർട്ടിൽ പറഞ്ഞു. തുടർന്ന് അന്വേഷണം മനുഷ്യാവകാശ കമ്മിഷൻ അന്വേഷണ വിഭാഗത്തിലെ പൊലീസ് സൂപ്രണ്ടിനു കമ്മിഷൻ കൈമാറി. പരാതിക്കാരൻ എസ്ഐയുടെ മുറിയിൽ നിന്നും കരഞ്ഞു കൊണ്ടാണ് ഇറങ്ങിയതെന്നും വാഷ് ബേസിൻ എവിടെയാണെന്ന് ചോദിച്ചതായും സാക്ഷികൾ മൊഴി നൽകിയതായി അന്വേഷണ റിപ്പോർട്ടിൽ പറഞ്ഞിരുന്നു.

ഓപ്പറേഷൻ തൂഫാൻ: സംസ്ഥാനത്ത് കനത്ത വേട്ട; 85 പേർ കൂടി അറസ്റ്റിൽ, പൊതുജനങ്ങൾക്ക് വിവരങ്ങൾ അറിയിക്കാം​

0

തിരുവനന്തപുരം: ലഹരി വിപണനത്തിനെതിരെ കേരള പോലീസ് നടത്തുന്ന ‘ഓപ്പറേഷൻ തൂഫാൻ’ (Operation Thoofan) പരിശോധനകളിൽ സംസ്ഥാന വ്യാപകമായി 85 പേർ കൂടി അറസ്റ്റിലായി. പുതിയതായി 78 കേസുകൾ കൂടി രജിസ്റ്റർ ചെയ്തിട്ടുണ്ട്. ഇതിൽ 13 കേസുകൾ ചെറിയ അളവിലും (Small Quantity), അഞ്ച് കേസുകൾ ഇടത്തരം അളവിലും (Medium Quantity), ഒരു കേസ് വാണിജ്യ അളവിലും (Commercial Quantity) ലഹരിമരുന്ന് കൈവശം വെച്ചതിനാണ്. കൂടാതെ, എൻ.ഡി.പി.എസ് ആക്ട് പ്രകാരം 59 കേസുകളും കോട്പ (COTPA) നിയമപ്രകാരം 42 കേസുകളും രജിസ്റ്റർ ചെയ്തു.

ഇവരിൽ നിന്നായി 6.075 ഗ്രാം എം.ഡി.എം.എ, 21.333 കിലോഗ്രാം കഞ്ചാവ്, 146.23 ഗ്രാം മെത്താഫെറ്റാമിൻ, 2.7 ഗ്രാം ഹാഷിഷ് ഓയിൽ എന്നിവയാണ് പോലീസ് പിടിച്ചെടുത്തത്.​ഇതോടെ ഓപ്പറേഷൻ തൂഫാന്റെ ഭാഗമായി സംസ്ഥാനത്ത് ഇതുവരെ രജിസ്റ്റർ ചെയ്ത ആകെ കേസുകളുടെ എണ്ണം 6,075 ആയി ഉയർന്നു; ആകെ 6,524 അറസ്റ്റുകളും രേഖപ്പെടുത്തിയിട്ടുണ്ട്. ഇതുവരെ 3,883.54 ഗ്രാം എം.ഡി.എം.എയും 461.018 കിലോഗ്രാം കഞ്ചാവുമാണ് റെയ്ഡുകളിലൂടെ പോലീസ് പിടിച്ചെടുത്തത്. ലഹരിക്കെതിരെയുള്ള ബോധവൽക്കരണത്തിന്റെ ഭാഗമായി കഴിഞ്ഞ ദിവസം മാത്രം 91 ക്ലാസുകൾ പോലീസ് നടത്തി.

ഇതോടെ ആകെ ബോധവൽക്കരണ ക്ലാസുകൾ 6,521 ഉം, കൗൺസിലിംഗുകൾ 311 ഉം, സ്കൂൾ-കോളേജ് പ്രൊട്ടക്ഷൻ ഗ്രൂപ്പുകളുടെ നേതൃത്വത്തിലുള്ള പരിപാടികൾ 5,291 ഉം ആയി.​ലഹരി വിപണനത്തെയും ഉപയോഗത്തെയും കുറിച്ചുള്ള വിവരങ്ങൾ പൊതുജനങ്ങൾക്ക് നേരിട്ടോ 9497979794, 9497927797 എന്നീ നമ്പറുകളിലോ, 9995966666 എന്ന വാട്സ്ആപ്പ് നമ്പർ വഴിയോ പോലീസിനെ അറിയിക്കാവുന്നതാണെന്നും വിവരങ്ങൾ നൽകുന്നവരുടെ പേരുവിവരങ്ങൾ തികച്ചും രഹസ്യമായി സൂക്ഷിക്കുമെന്നും പോലീസ് അറിയിച്ചു.

റെഡ് അലേർട്ട് ജാഗ്രതയിൽ ജില്ല; ക്വാറി, ഖനന പ്രവർത്തനങ്ങൾക്കും ജലാശയങ്ങളിലേക്കുള്ള പ്രവേശനത്തിനും കർശന വിലക്ക്​

0

കോഴിക്കോട് : ജില്ലയിൽ കനത്ത മഴ തുടരുന്നതിനാലും റെഡ് അലേർട്ട് പ്രഖ്യാപിച്ചതിനാലും ക്വാറികളുടെ പ്രവർത്തനം, മണ്ണെടുക്കൽ, ഖനനം, മണലെടുക്കൽ, കിണർ നിർമാണം എന്നിവ പൂർണ്ണമായും നിരോധിച്ച് ജില്ലാ കലക്ടർ എം.എസ് മാധവിക്കുട്ടി ഉത്തരവിട്ടു. ദുരന്ത നിവാരണ നിയമപ്രകാരമുള്ള ഈ വിലക്ക് കാലാവസ്ഥാ വകുപ്പ് തുടർച്ചയായ നാല് ദിവസം ഗ്രീൻ അലേർട്ട് പ്രഖ്യാപിക്കുന്നത് വരെ തുടരും. ഇതോടൊപ്പം വെള്ളച്ചാട്ടങ്ങൾ, നദീതീരങ്ങൾ, ബീച്ചുകൾ ഉൾപ്പെടെയുള്ള എല്ലാ ജലാശയങ്ങളിലേക്കുമുള്ള പ്രവേശനവും ഇനിയൊരറിയിപ്പുണ്ടാകുന്നത് വരെ നിരോധിച്ചിട്ടുണ്ട്. ഉരുൾപൊട്ടൽ ഭീഷണി നിലനിൽക്കുന്ന മലയോര മേഖലകളിലും ചുരങ്ങളിലും രാത്രി 7 മുതൽ രാവിലെ 7 വരെ അടിയന്തര സ്വഭാവമില്ലാത്ത യാത്രകൾ പൂർണ്ണമായും ഒഴിവാക്കണമെന്നും കലക്ടറുടെ കർശന നിർദ്ദേശത്തിൽ വ്യക്തമാക്കുന്നു.

കോഴിക്കോട്ട് നാളെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ച് ജില്ലാ കളക്ടർ.

0

കേന്ദ്ര കാലാവസ്ഥാ വകുപ്പ് ജില്ലയിൽ ഓറഞ്ച് അലേർട്ട് പ്രഖ്യാപിച്ചിട്ടുളള സാഹചര്യത്തിലും കനത്ത മഴയെ തുടർന്ന് പല സ്ഥലങ്ങളിലും വെളളക്കെട്ട് രൂപപ്പെട്ടതിനെ തുടർന്നും കോഴിക്കോട് ജില്ലയിൽ അടുത്ത ദിവസങ്ങളിലും ശക്തമായ കാറ്റും മഴയും ഉണ്ടാകുമെന്ന മുന്നറിയിപ്പിനെ തുടർന്നും അപകടങ്ങളും ദുരന്തങ്ങളും ഒഴിവാക്കാനായി ജില്ലയിലെ സുക്കൂളുകൾ, മദ്രസകൾ, ട്യൂഷൻ സെൻ്റെറുകൾ, പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും നാളെ 09.07. 2026 (വ്യാഴം ) അവധി പ്രഖ്യാപിച്ച് ഉത്തരവാകുന്നു. യൂണിവേഴ്സിറ്റി പരീക്ഷകൾ, പി.എസ്.സി പരീക്ഷകൾ എന്നിവ മുൻ കൂട്ടി നിശ്ചയിച്ച പ്രകാരം മാറ്റമില്ലാതെ നടക്കുന്നതാണ്.ജില്ലയിലെ അങ്കണവാടികൾക്കും ഈ അവധി ബാധകമാണ്.

സൗജന്യ മെഡിക്കൽ ക്യാമ്പ് സംഘടിപ്പിച്ചു

0

എടവണ്ണപാറ : കോഴിക്കോട് ഇക്റ ഹോസ്പിറ്റലും ഹിന്ദുസ്ഥാൻ പെട്രോളിയവും പറയങ്ങാട്ട് ഫ്യൂൽസ് ഉം സംയുക്തമായി സൗജന്യ മെഡിക്കൽ ക്യാമ്പ് സംഘടിപ്പിച്ചു. ജീവിത ശൈലിരോഗങ്ങൾ അനുദിനം അനവധി കേസുകൾ റിപ്പോർട്ട്‌ ചെയ്യുന്ന സാഹചര്യത്തിലാണ് എടവണ്ണപാറ പറയങ്ങാട്ട് പെട്രോൾ പമ്പിൽ വെച്ച് സൗജന്യ ക്യാമ്പ് സംഘടിപ്പിച്ചത്. ഇന്ധനം നിറക്കാനെത്തുന്നവർക്കും നാട്ടുകാർക്കും ക്യാമ്പ് ഉപകാരപ്രദമായി. വാഴക്കാട് ഗ്രാമപഞ്ചായത്ത് അംഗം പുളിയേക്കൽ മുനീർ പരിപാടി ഉദ്ഘാടനം ചെയ്തു. ഒമാനൂർ CHC മെഡിക്കൽ ഓഫീസർ ഡോക്ടർ മനുലാൽ വഴക്കാട് പോലീസ് സബ് ഇൻസ്പെക്ടർ മാരായ കൃഷ്ണദാസ്, സുരേഷ്‌കുമാർ, HPCL സെയിൽസ് ഓഫീസർ അതുൽ എ പി, കരീം എളമരം, ചെറിയാപ്പു ഹാജി,കുട്ടിഹസൻ പറയങ്ങാട്ട്, ഹമീം പറയങ്ങാട്ട്, സംസാരിച്ചു. ഹസീബ് പറയങ്ങാട്ട് സ്വാഗതവും ആശ്രിത് വി കെ നന്ദിയും പറഞ്ഞു. രാവിലെ ഒൻപത് മണിക്ക് ആരംഭിച്ച ക്യാമ്പിൽ നൂറോളം ആളുകൾ പങ്കാളികളായി.

പുലി റോഡിലേക്ക് ചാടി, വെട്ടിച്ച ലോറി നിയന്ത്രണം വിട്ടു മറിഞ്ഞു, ഡ്രൈവർ അത്ഭുതകരമായി രക്ഷപ്പെട്ടു.

0

പാട്ടവയൽ:വയനാട്-തമിഴ്നാട് അതിർത്തി മേഖലയായ പാട്ടവയലിൽ റോഡിലേക്ക് പുലി ചാടിയതിനെ തുടർന്ന് നിയന്ത്രണം വിട്ട ലോറി മറിഞ്ഞു. സുൽത്താൻ ബത്തേരി – ഗൂഡലൂർ റോഡിൽ കേരള-തമിഴ്‌നാട് അതിർത്തിയോട് ചേർന്ന വനമേഖലയിൽ ആണ് അപകടംലോറിയിലുണ്ടായിരുന്ന ഡ്രൈവറും സഹായിയും നിസാര പരിക്കുകളോടെ അത്ഭുതകരമായി രക്ഷപ്പെട്ടു. വനത്തിനുള്ളിൽ നിന്നും പെട്ടെന്ന് പുലി റോഡിലേക്ക് ചാടിയപ്പോൾ വെട്ടിച്ചതാണ് അപകടത്തിന് കാരണമായത്.

നിയന്ത്രണം വിട്ട ലോറി റോഡരികിലേക്ക് മറിയുകയായിരുന്നു. വയനാട് ജില്ലയിലെ സുൽത്താൻ ബത്തേരിയെയും തമിഴ്‌നാട്ടിലെ നീലഗിരി ജില്ലയിലെ ഗൂഡലൂരിനെയും ബന്ധിപ്പിക്കുന്ന ഈ അന്തർസംസ്ഥാന പാതയിലെ വനമേഖലയിൽ വന്യമൃഗങ്ങളുടെ സാന്നിധ്യം പതിവാണ്. അപകടത്തെ തുടർന്ന് വിവരമറിഞ്ഞ് വനംവകുപ്പ് ഉദ്യോഗസ്ഥരും പോലീസും സ്ഥലത്തെത്തി തുടർനടപടികൾ സ്വീകരിച്ചു. പരിക്കേറ്റവരെ ബത്തേരിയിലെ ആശുപത്രിയിൽ പ്രവേശിപ്പിച്ചു. വനമേഖലയിലൂടെ രാത്രികാലങ്ങളിൽ യാത്ര ചെയ്യുന്നവർ ജാഗ്രത പാലിക്കണമെന്ന് അധികൃതർ അറിയിച്ചു.

മേപ്പാടി ദുരന്തത്തിൽ അന്വേഷണം; അപകടസാധ്യത പരിശോധിച്ച ശേഷം മാത്രമേ തുരങ്കനിർമാണം തുടരൂ-മുഖ്യമന്ത്രി.

0

തിരുവനന്തപുരം: വയനാട് മേപ്പാടിയിലുണ്ടായ ദുരന്തത്തിന്റെ പശ്ചാത്തലത്തിൽ തുരങ്കനിർമാണം തുടരുന്ന കാര്യത്തിൽ തീരുമാനം വിശദപഠനത്തിന് ശേഷമെന്ന് മുഖ്യമന്ത്രി വി.ഡി. സതീശൻ. സംഭവവുമായി ബന്ധപ്പെട്ട് സർക്കാർ അന്വേഷണം പ്രഖ്യാപിച്ചു.

ഇതുവരെയുള്ള റിപ്പോർട്ടുകൾ വിലയിരുത്തിയ മന്ത്രിസഭായോഗം, അപകടത്തിന് ഇടയാക്കിയ സാഹചര്യങ്ങളെക്കുറിച്ച് സാങ്കേതികവും നിയമപരവുമായ നടപടികൾ സ്വീകരിക്കാൻ തീരുമാനമെടുത്തുവെന്ന് മുഖ്യമന്ത്രി വി.ഡി. സതീശൻ വാർത്താ സമ്മേളനത്തിൽ പറഞ്ഞു.തുരങ്കനിർമ്മാണം നടക്കുന്നതിന് തൊട്ടുമുകളിലായി ഒരു മണ്ണിടിച്ചിൽ ഉണ്ടായതായി പ്രാഥമിക റിപ്പോർട്ടുകൾ സൂചിപ്പിക്കുന്നുണ്ട്. ഈ സാഹചര്യത്തിൽ, കേന്ദ്ര സർക്കാർ തുരങ്കനിർമ്മാണത്തിന് പാരിസ്ഥിതിക അനുമതി നൽകിയപ്പോൾ മുന്നോട്ടുവെച്ച കർശനമായ നിർദ്ദേശങ്ങൾ കരാർ ഏറ്റെടുത്തവർ പാലിച്ചിട്ടുണ്ടോ എന്ന് സർക്കാർ പ്രത്യേകം പരിശോധിക്കുമെന്ന് മുഖ്യമന്ത്രി വ്യക്തമാക്കി.അപകട സാധ്യത എന്തെല്ലാമുണ്ടെന്ന് പരിശോധിച്ച ശേഷമായിരിക്കും പണി തുടരുക.

ഇപ്പോൾ നടക്കുന്ന നിർമാണ പ്രവർത്തനങ്ങൾ അതിന് ശേഷമായിരിക്കും ആരംഭിക്കുകയെന്നും അദ്ദേഹം പറഞ്ഞു. അപകടം ഉണ്ടായ സാഹചര്യം പരിശോധിക്കുന്നതിനൊപ്പം തന്നെ, കേന്ദ്ര സർക്കാരിന്റെ പാരിസ്ഥിതിക നിർദ്ദേശങ്ങൾ ലംഘിക്കപ്പെട്ടിട്ടുണ്ടോ എന്ന കാര്യത്തിലും വിശദമായ അന്വേഷണം നടത്തുമെന്നും സതീശൻ പറഞ്ഞു. ഇത് രണ്ടും രണ്ടാണെന്നും രണ്ട് തരത്തിലുള്ള അന്വേഷണവും നടത്തുമെന്നും അദ്ദേഹം വ്യക്കമാക്കി.

താമരശ്ശേരി ചുരം എട്ടാം വളവിൽ റോഡിന് വിള്ളൽ; യാത്രക്കാർ ജാഗ്രത പാലിക്കണം

0

താമരശ്ശേരി ചുരം എട്ടാം വളവിൽ റോഡിന്റെ ഒരു വശത്ത് വിള്ളൽ രൂപപ്പെട്ടതിനെ തുടർന്ന് ഈ വഴി കടന്നുപോകുന്ന യാത്രക്കാർക്ക് ജാഗ്രതാ നിർദ്ദേശം. റോഡിന്റെ വശങ്ങളിലെ കല്ലുകെട്ടുകൾ പ്രധാന പാതയിൽ നിന്ന് അല്പം വേർപെട്ട നിലയിലാണ് ഇപ്പോൾ ഉള്ളത്. നിലവിൽ മഴ പെയ്യുന്ന സാഹചര്യമായതിനാൽ ഈ ഭാഗത്ത് മണ്ണ് ഇനിയും ഒലിച്ചുപോകാൻ സാധ്യതയുണ്ട്. അതിനാൽ ഈ വഴി കടന്നുപോകുന്നവർ നിലവിലെ സാഹചര്യം മനസ്സിലാക്കി കൃത്യമായ മുൻകരുതലുകൾ എടുക്കേണ്ടതാണ്.​ചുരത്തിലൂടെ രാത്രികാലങ്ങളിലും മറ്റും സർവീസ് നടത്തുന്ന വലിയ മൾട്ടി ആക്സിൽ (Multi-axle) വാഹനങ്ങളുടെ ഡ്രൈവർമാർ ഈ ഭാഗത്ത് പ്രത്യേകം ജാഗ്രത പുലർത്തേണ്ടതുണ്ട്. ഭാരമേറിയ ഇത്തരം വാഹനങ്ങൾ പോകുമ്പോൾ വശങ്ങളിലേക്ക് അമിതമായി ചേർക്കാതിരിക്കാൻ ഡ്രൈവർമാർ പ്രത്യേകം ശ്രദ്ധിക്കണം. രാത്രിയാത്രകളിൽ കാഴ്ച്ച പരിമിതമാകാൻ സാധ്യതയുള്ളതിനാൽ ചുരം വഴി കയറുകയും ഇറങ്ങുകയും ചെയ്യുന്ന എല്ലാ വാഹനങ്ങളും ഈ ഭാഗത്ത് വേഗത കുറച്ച്, അതീവ ശ്രദ്ധയോടെ മാത്രം കടന്നുപോകേണ്ടതാണ്.An alert has been issued for commuters as a crack has developed on one side of the road at the 8th hairpin bend of the Thamarassery Ghat (Churam) road, with the sidewall slightly detached from the main path. Multi-axle and heavy vehicle drivers, especially those operating at night, are advised to exercise extreme caution, reduce speed, and avoid driving close to the edge to prevent further damage or accidents during the rainy season.तामरास्सेरी घाट (चुरम) के 8वें हेयरपिन बेंड पर सड़क के एक किनारे दरार आने और सुरक्षा दीवार के मुख्य मार्ग से थोड़ा अलग होने के कारण यात्रियों के लिए अलर्ट जारी किया गया है। भारी और मल्टी-एक्सल वाहनों के ड्राइवरों को, विशेष रूप से रात के समय, अत्यधिक सावधानी बरतने, गति धीमी रखने और इस किनारे से दूरी बनाकर गाड़ी चलाने की सलाह दी जाती है ताकि बारिश के मौसम में किसी भी दुर्घटना से बचा जा सके।தாமரச்சேரி சுரம் 8-வது வளைவில் (Hairpin bend) சாலையின் ஒரு பகுதியில் விரிசல் ஏற்பட்டு, பக்கவாட்டுச் சுவர் பிரதான பாதையிலிருந்து சற்று விலகியுள்ளதால் பயணிகள் எச்சரிக்கையுடன் செல்ல அறிவுறுத்தப்படுகிறார்கள். கனரக மற்றும் மல்டி-ஆக்சில் (Multi-axle) வாகன ஓட்டிகள், குறிப்பாக இரவு நேரங்களில், கூடுதல் விழிப்புணர்வுடன், வேகத்தைக் குறைத்து, சாலையின் ஓரப் பகுதிக்குச் சேர்க்காமல் கவனமாக வாகனங்களை இயக்க வேண்டும்.తామరస్సేరి ఘాట్ (చురమ్) 8వ హెయిర్‌పిన్ బెండ్ వద్ద రోడ్డుకు ఒకవైపు పగుళ్లు ఏర్పడి, రక్షణ గోడ ప్రధాన రహదారి నుండి కొద్దిగా విడిపోవడంతో ప్రయాణికులకు హెచ్చరిక జారీ చేయబడింది. భారీ మరియు మల్టీ-యాక్సిల్ (Multi-axle) వాహనాల డ్రైవర్లు, ముఖ్యంగా రాత్రి వేళల్లో, అత్యంత జాగ్రత్తగా వ్యవహరించాలని, వేగాన్ని తగ్గించి, రోడ్డు అంచుకు చేర్చకుండా వాహనాలను నడపాలని కోరడమైనది.

ചാലിയാർ പുഴയിൽ ഒഴുകി വന്ന മരം പിടിക്കാൻ ശ്രമിക്കുന്നതിനിടയിൽ യുവാവ് ഒഴുക്കിൽപ്പെട്ടു; തിരച്ചിൽ തുടരുന്നു

0

മലപ്പുറം: ചാലിയാർ പുഴയിലൂടെ ഒഴുകി വന്ന മരം പിടിക്കാൻ ശ്രമിക്കുന്നതിനിടയിൽ ഒഴുക്കിൽപ്പെട്ട് യുവാവിനെ കാണാതായി. മമ്പാട് ബീമ്പുങ്ങൽ സ്വദേശിയായ ആഷിഖ് എന്ന യുവാവിനെയാണ് കാണാതായത്. ഓടായിക്കൽ പാലത്തിനു താഴെ വെച്ചായിരുന്നു അപകടം.പുഴയിലൂടെ ഒഴുകിവന്ന മരം കരയ്ക്കടുപ്പിക്കാൻ മൂന്ന് പേർ ചേർന്നാണ് ശ്രമിച്ചത്. ഇതിനിടയിൽ മൂവരും ഒഴുക്കിൽപ്പെടുകയായിരുന്നു. കൂടെയുണ്ടായിരുന്ന രണ്ടുപേർ അത്ഭുതകരമായി രക്ഷപ്പെട്ടെങ്കിലും ആഷിഖ് ശക്തമായ ഒഴുക്കിൽപ്പെടുകയായിരുന്നു.വിവരമറിഞ്ഞ് സ്ഥലത്തെത്തിയ ഫയർഫോഴ്സും സിവിൽ ഡിഫൻസും പ്രാദേശിക രക്ഷാപ്രവർത്തകരും ചേർന്ന് പുഴയിൽ ഊർജ്ജിതമായ തിരച്ചിൽ നടത്തിവരികയാണ്. കൂടുതൽ വിവരങ്ങൾ ലഭ്യമായിട്ടില്ല.

മണ്ണിടിച്ചിലുണ്ടാകുമെന്ന് നേരത്തെ മുന്നറിയിപ്പ് നല്‍കി; മിനുട്ട്‌സ് പുറത്ത് വിട്ട് പൊതുമരാമത്ത് വകുപ്പ്

0

വയനാട് : വയനാട് മേപ്പാടിയില്‍ തുരങ്കപാത നിര്‍മാണമേഖലയിലെ മീനാക്ഷിപാലത്തിന് സമീപത്തുണ്ടായ മണ്ണിടിച്ചില്‍ സാധ്യത സംബന്ധിച്ച് നേരത്തെ മുന്നറിയിപ്പ് നല്‍കിയിരുന്നുവെന്ന് പൊതുമരാമത്ത് വകുപ്പ്. പദ്ധതി പ്രദേശത്ത് കൂട്ടിയിട്ട മണ്ണ് കാരണം മഴക്കാലത്ത് സോയില്‍ പൈപ്പിങ് , സ്ലോപ്പ് സ്റ്റബിലിറ്റി പ്രതിഭാസമോ കാരണം ഒരു അപകടം ഉണ്ടാകാനുള്ള സാധ്യതയുണ്ടെന്നും, തടയാന്‍ വേണ്ട മുന്‍കരുതലെടുക്കണമെന്നും പിഡബ്ല്യുഡി ജൂണ്‍ 25ന് ചേര്‍ന്ന അവലോകന യോഗത്തില്‍ മുന്നറിയിപ്പ് നല്‍കിയിരുന്നു. യോഗത്തിന്റെ മിനുട്ട്‌സ് പിഡബ്ല്യുഡി പുറത്ത് വിട്ടു. തുരങ്കപാതയുടെ മണ്ണ് അശാസ്ത്രീയമായി കൂട്ടിയിട്ടതാണ് അപകടത്തിന് കാരണമായെന്ന് മന്ത്രി ടി സിദ്ദിഖും പ്രതികരിച്ചു.കള്ളാടിയില്‍ മനുഷ്യ നിര്‍മ്മിത ദുരന്തമാണ് നടന്നതെന്ന് സിദ്ദിഖ് പറഞ്ഞു.

അശാസ്ത്രീയമായി മണ്ണ് കൂട്ടിയിട്ടത് ചെറിയ മഴ പെയ്താല്‍ പോലും അപകടം ഉണ്ടാക്കുമെന്ന് നേരത്തെ മുന്നറിയിപ്പ് നല്‍കിയിരുന്നു. അശാസ്ത്രീയമായ രീതിയിലാണ് മണ്ണ് നീക്കം നടത്തിയിരുന്നത്. മീറ്റിംഗിലും അല്ലാതെയും മുന്നറിയിപ്പ് നല്‍കിയിട്ടും വേണ്ട നടപടികള്‍ സ്വീകരിക്കുന്നതില്‍ പാളിച്ചയുണ്ടായി. നിര്‍ദ്ദേശം അനുസരിച്ച് മുന്നോട്ട് പോകാത്ത സാഹചര്യം ഗൗരവതരമായി കാണും. ഇക്കാര്യം കൊങ്കണ്‍ അധികൃതരേയും അറിയിച്ചിരുന്നു. മണ്ണ് കൂട്ടിയിട്ടത് മാറ്റാത്തത് എന്തെന്ന് അന്വേഷിക്കുമെന്നും ടൗണ്‍ഷിപ്പിലും മണ്ണ് അശാസ്ത്രീയമായി കൂട്ടിയിട്ടിട്ടുണ്ടെന്നും മന്ത്രി പറഞ്ഞു. അതേസമയം ദുരന്തത്തിന് പിന്നാലെ കോഴിക്കോട് തുരങ്കപാത നിര്‍മാണം നടക്കുന്ന പ്രദേശത്ത് നിര്‍മാണ പ്രവര്‍ത്തികള്‍ നിര്‍ത്തിവച്ചിരിക്കുകയാണ്.