spot_img
Friday, November 20, 2026
Home Blog Page 146

ലഗേജ് കുറവെങ്കിൽ ഇൻഡിഗോയിൽ പറക്കാൻ കുറച്ചു പണം മതി, ‘ലൈറ്റ് ടിക്കറ്റുകൾ’ വരുന്നു, എന്താണ് പ്രത്യേകത?

0

ന്യൂഡൽഹി : ചെക്ക്ഡ് ഇൻ ബാഗേജ് ഇല്ലാതെ കാബിൻ ബാഗുമായി മാത്രം യാത്ര ചെയ്യുന്നവർക്കായി കുറഞ്ഞ നിരക്കിൽ ടിക്കറ്റ് നൽകുന്ന പുതിയ പദ്ധതി ഇൻഡിഗോ എയർലൈൻ പ്രഖ്യാപിച്ചു. കാബിൻ ബാഗിന് 7 കിലോ ഭാരമേ പാടുള്ളൂ. ടിക്കറ്റ് നിരക്ക് കുറയ്ക്കുന്നതിന്റെ ഭാഗമായി സേവനങ്ങൾ വേർതിരിച്ചു നൽകുന്ന രീതിയുടെ ഭാഗമാണിത്. ഇൻഡിഗോ ലൈറ്റ് എന്നു പേരിട്ടിരിക്കുന്ന ഈ എൻട്രി ലവൽ നിരക്ക് ഇക്കോണമി ക്ലാസ് യാത്രക്കാർക്കായാണ്. ആഭ്യന്തര യാത്രകൾക്കും രാജ്യാന്തര യാത്രകൾക്കും ലൈറ്റ് ഫെയർ ഇന്നലെ മുതൽ ലഭ്യമാണ്.

ഇൻഡിഗോയുടെ വെബ്‍സൈറ്റ്, ആപ് തുടങ്ങിയ നേരിട്ടുള്ള ബുക്കിങ് ചാനലുകളിലൂടെ മാത്രമേ ലൈറ്റ് ടിക്കറ്റുകൾ ബുക്ക് ചെയ്യാനാകൂ. ഈ മാസം 15 മുതലുള്ള യാത്രകൾക്ക് ഉപയോഗിക്കാം. ലൈറ്റ് ബുക്കിങ് ആണെങ്കിലും ഇൻഡിഗോയുടെ മറ്റ് സേവനങ്ങളെല്ലാം ഈ ടിക്കറ്റ് എടുക്കുന്നവർക്കും ലഭിക്കും. നിലവിലുള്ള 3 തരം ടിക്കറ്റുകൾക്കു പുറമേയാണ് ‘ലൈറ്റ് ഫെയർ’. ഇതുവരെ‘സേവർ ഫെയർ’ എന്നതാണ് ഏറ്റവും കുറഞ്ഞ ഇൻഡിഗോ ടിക്കറ്റ്. ഇതിൽ 15 കിലോ ചെക്ക്–ഇൻ ലഗേജും അനുവദനീയമാണ്.

ഇതിനെക്കാൾ ഉയർന്ന ടിക്കറ്റുകളാണ് ഫ്ലെക്സി പ്ലസും ഇൻഡിഗോ അപ്ഫ്രണ്ടും.എന്നാൽ സേവർ ഫെയറുമായി താരതമ്യം ചെയ്യുമ്പോൾ നേരിയ കുറവ് മാത്രമാണ് ലൈറ്റ് ഫെയറിൽ നിലവിൽ ലഭ്യമായിരിക്കുന്നത്. ഉദാഹരണത്തിന് ഓഗസ്റ്റ് ഒന്നിന് ഡൽഹിയിൽ നിന്ന് കൊച്ചിയിലേക്കുള്ള സേവർ ഫെയർ 13,609 രൂപയാണെങ്കിൽ ലൈറ്റ് ഫെയർ 13,451 രൂപയാണ്. വ്യത്യാസം വെറും 158 രൂപ. 2024ൽ എയർ ഇന്ത്യ എക്സ്പ്രസും സമാനമായ ലൈറ്റ് ഫെയർ അവതരിപ്പിച്ചിരുന്നു. അതിലും നിരക്ക് വ്യത്യാസം ഏകദേശം ഇതേ തോതിലാണ്.

അഞ്ചു വർഷത്തിനിടയിൽ 10,451 മരണം; മുങ്ങിമരണം ദുരന്തപട്ടികയിൽ ഉൾപ്പെടുത്താൻ നിർദ്ദേശം.

0

2017 – 2022 കാലയളവിൽ സംസ്ഥാനത്തെ വെള്ളക്കെട്ടിലും പുഴയിലും കുളത്തിലുമായി 10,451പേരുടെ ജീവനാണ് പൊലിഞ്ഞിട്ടുള്ളത്. വന്യമൃഗ ആക്രമണങ്ങളിൽ മരിക്കുന്നവർക്ക് 10ലക്ഷം രൂപ വരെ ധനസഹായം നൽകുമ്പോൾ, വെള്ളത്തിൽ വീണുള്ള മരണങ്ങൾക്ക് സഹായം ലഭിക്കുന്നില്ലഉത്തർപ്രദേശ്, മേഘാലയ, ഒഡിഷ സംസ്ഥാനങ്ങൾ മുങ്ങിമരണങ്ങളെ സംസ്ഥാന ദുരന്തങ്ങളുടെ ഷെഡ്യൂളിൽ ഉൾപ്പെടുത്തി നാല് ലക്ഷം രൂപ വീതം ധനസഹായം നൽകുന്നുണ്ട്.

മറ്റ് സംസ്ഥാനങ്ങളിലെ നിയമങ്ങൾ പരിശോധിച്ച് അഡീഷണൽ ചീഫ് സെക്രട്ടറി ബോദ്ധ്യം വരുത്തണമെന്നും ഹർജിക്കാരന്റെ അഭിപ്രായം കേൾക്കാൻ അവസരം നൽകണമെന്നുമാണ് കമ്മിഷന്റെ നിർദ്ദേശം. കമ്മിഷൻ ചെയർപേഴ്‌സൺ ജസ്റ്റിസ് അലക്‌സാണ്ടർ തോമസിന്റേതാണ് ഉത്തരവ്.*വർഷം 1,500-2,000 മരണങ്ങൾ*2017ലെ വിവരാവകാശ രേഖകൾ പ്രകാരം സംസ്ഥാനത്ത് ഓരോ വർഷവും 1500 മുതൽ 2000 പേർ മുങ്ങിമരിക്കുന്നു. ഏറ്റവും കൂടുതൽ മരണങ്ങൾ റിപ്പോർട്ട് ചെയ്തത് തൃശൂർ ജില്ലയിലാണ്; 1173 പേർ. എറണാകുളത്ത് – 1109, കൊല്ലം -1023 എന്നിങ്ങനെയാണ് കണക്കുകൾ.

നിർദ്ദേശങ്ങൾ

⭕ മുങ്ങി മരണങ്ങൾ വിശദമായ കൂടിയാലോചനകൾക്ക് ശേഷം വിജ്ഞാപനം വഴി ദുരന്തനിവാരണ നിയമത്തിന്റെ ഷെഡ്യൂളിൽ ഉൾപ്പെടുത്തണം

⭕അർഹരായവർക്ക് നഷ്ടപരിഹാരം നൽകുന്നത് സംബന്ധിച്ച് റവന്യൂ പ്രിൻസിപ്പൽ സെക്രട്ടറി കാലതാമസമില്ലാതെ തീരുമാനമെടുക്കണം

⭕ നിവേദനം ലഭിച്ച് മൂന്ന് മാസത്തിനകം മേൽനടപടികൾ പൂർത്തിയാക്കണം.

ആനക്കാംപൊയിൽ – കള്ളാടി– മേപ്പാടി തുരങ്കപ്പാത നിർമാണം അതിവേഗം പുരോഗമിക്കുന്നു; വലതുവശത്തെ തുരങ്കം 75 മീറ്ററോളം തുരന്നു.

0

കോഴിക്കോട് : ആനക്കാംപൊയിൽ – കള്ളാടി– മേപ്പാടി തുരങ്കപ്പാത നിർമാണം അതിവേഗം പുരോഗമിക്കുന്നു. ആദ്യം നിർമാണം ആരംഭിച്ച വലതുവശത്തെ തുരങ്കം 75 മീറ്ററോളം തുരന്നു കഴിഞ്ഞു. രണ്ടാമത് തുരങ്കനിർമാണം ആരംഭിച്ച ഇടതുവശത്തെ തുരങ്ക നിർമാണം കാര്യമായി മുന്നോട്ടു പോയിട്ടില്ല. തുരങ്കദൂരം 100 മീറ്റർ ആയി കഴിയുമ്പോൾ നിർമാണ രീതി മാറ്റുകയും വേഗം കൂടുകയും ചെയ്യുമെന്ന് കരാർ കമ്പനി പ്രതിനിധികൾ അറിയിച്ചു.

തുരങ്കത്തിന്റെ ആരംഭഭാഗത്ത് കോൺക്രീറ്റ് ചെയ്ത് തുരങ്ക മുഖം രൂപപ്പെടുത്തിയ ശേഷമാണ് പാറ തുരന്ന് തുരങ്കം ഉള്ളിലേക്ക് എത്തിയത്.കഴിഞ്ഞ വർഷം സെപ്റ്റംബർ 31ന് ആണ് തുരങ്കപ്പാത നിർമാണോദ്ഘാടനം നടത്തിയത്. മാർച്ച് 6ന് ആണ് തുരങ്കനിർമാണത്തിന്റെ ആദ്യ സ്ഫോടനം നടത്തിയത്. ഇപ്പോൾ 3 ഷിഫ്റ്റുകളായി നിർമാണം നടക്കുകയാണ്.

വലതുവശത്തെ തുരങ്കം ഏറെദൂരം മുന്നോട്ടുപോയി കഴിഞ്ഞായിരിക്കും രണ്ടാമത്തെ തുരങ്കത്തിന്റെ നിർമാണം കാര്യമായി നടത്തുക. തുരങ്കത്തിൽ നിന്ന് എടുക്കുന്ന കല്ലുകൾ അവിടെ തന്നെയുള്ള ക്രഷർ യൂണിറ്റ് ഉപയോഗിച്ച് പൊടിച്ചും ചെറുകഷണങ്ങളാക്കിയും നിർമാണത്തിനു തന്നെ ഉപയോഗിക്കുകയാണ്. തുരങ്കനിർമാണത്തിനു സാധനങ്ങൾ എത്തിക്കാൻ കരാർ കമ്പനി 7 മാസം കൊണ്ട് ഇരുവഞ്ഞിപ്പുഴയ്ക്ക് മുകളിൽ കോൺക്രീറ്റ് പാലം നിർമിച്ചിരുന്നു. അതിനാൽ കാലവർഷം എത്ര ശക്തിപ്പെട്ടാലും തടസ്സങ്ങളില്ലാതെ തുരങ്കനിർമാണം നടക്കും.

സോഷ്യൽ മീഡിയ അക്കൗണ്ടുകൾ സുരക്ഷിതമാക്കാം; ‘താഴിന്റെ ബലം പോലിരിക്കും’ എന്ന മുന്നറിയിപ്പുമായി കേരള പോലീസ്.

0

തിരുവനന്തപുരം: ഡിജിറ്റൽ കാലഘട്ടത്തിൽ സോഷ്യൽ മീഡിയ അക്കൗണ്ടുകളുടെ സുരക്ഷ ഉറപ്പാക്കാൻ ജാഗ്രതാനിർദ്ദേശവുമായി കേരള പോലീസ്. ഓൺലൈൻ തട്ടിപ്പുകളും അക്കൗണ്ട് ഹാക്കിംഗും വർദ്ധിച്ചുവരുന്ന പശ്ചാത്തലത്തിൽ പൊതുജനങ്ങളിൽ അവബോധം വളർത്തുന്നതിനായാണ് പോലീസ് പുതിയ സന്ദേശം പുറത്തുവിട്ടിരിക്കുന്നത്. “താഴിന്റെ ബലം പോലിരിക്കും” എന്ന ശക്തമായ തലക്കെട്ടിലാണ് പോലീസിന്റെ ഈ ബോധവൽക്കരണം.

നമ്മുടെ ഓൺലൈൻ അക്കൗണ്ടുകൾ എത്രത്തോളം സുരക്ഷിതമാണെന്ന് സ്വയം പരിശോധിക്കാൻ ഓർമ്മിപ്പിക്കുന്നതാണ് ഈ സന്ദേശം. സോഷ്യൽ മീഡിയ അക്കൗണ്ടുകൾ ഹാക്കർമാരിൽ നിന്നും തട്ടിപ്പുകാരിൽ നിന്നും സംരക്ഷിക്കുന്നതിനായി താഴെ പറയുന്ന രണ്ട് പ്രധാന മുൻകരുതലുകൾ നിർബന്ധമായും സ്വീകരിക്കണമെന്ന് പോലീസ് നിർദ്ദേശിക്കുന്നു:ശക്തമായ പാസ്‌വേഡുകൾ (Strong Passwords): ഓരോ സോഷ്യൽ മീഡിയ അക്കൗണ്ടിനും വ്യത്യസ്തവും മറ്റുള്ളവർക്ക് എളുപ്പത്തിൽ ഊഹിക്കാൻ പ്രയാസമുള്ളതുമായ ശക്തമായ പാസ്‌വേഡുകൾ മാത്രം ഉപയോഗിക്കുക.

പേര്, ജനനത്തീയതി, ഫോൺ നമ്പർ തുടങ്ങിയവ പാസ്‌വേഡ് ആക്കുന്നത് ഒഴിവാക്കുക.ടു ഫാക്ടർ ഓതന്റിക്കേഷൻ (Two-Factor Authentication): അക്കൗണ്ടുകളുടെ സുരക്ഷ ഇരട്ടിയാക്കാൻ എല്ലാ സോഷ്യൽ മീഡിയ പ്രൊഫൈലുകളിലും ‘ടു ഫാക്ടർ ഓതന്റിക്കേഷൻ’ സംവിധാനം നിർബന്ധമായും ആക്ടിവേറ്റ് ചെയ്യുക. ഇത് പാസ്‌വേഡ് ചോർന്നാൽ പോലും മറ്റൊരാൾക്ക് അക്കൗണ്ടിൽ കയറുന്നത് തടയും.ഓൺലൈൻ ഇടങ്ങളിലെ ചെറിയൊരു അശ്രദ്ധ പോലും വലിയ കെണികളിലേക്ക് നയിച്ചേക്കാമെന്നും, പോലീസ് നൽകുന്ന ഈ സുരക്ഷാ മുൻകരുതലുകൾ അടിയന്തരമായി പ്രാവർത്തികമാക്കണമെന്നും സൈബർ വിദഗ്ധരും ഓർമ്മിപ്പിക്കുന്നു.

നാല് ദിവസം കൂടി ശക്തമായ മഴ തുടര്‍ന്നേക്കും; കോഴിക്കോട്, കണ്ണൂര്‍, കാസര്‍ഗോഡ് ജില്ലകളില്‍ ഇന്ന് യെല്ലോ മുന്നറിയിപ്പ്.

0

സംസ്ഥാനത്ത് അടുത്ത നാല് ദിവസത്തേയ്ക്ക് കൂടി മഴ മുന്നറിയിപ്പ്. ഇന്ന് 3 ജില്ലകളിലാണ് കാലാവസ്ഥ നിരീക്ഷണ വകുപ്പ് മഴ മുന്നറിയിപ്പ് നല്‍കിയിട്ടുള്ളത്. കോഴിക്കോട്, കണ്ണൂര്‍, കാസര്‍ഗോഡ് ജില്ലകളിലാണ് ഇന്ന് യെല്ലോ മുന്നറിയിപ്പ് ഉള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കാനാണ് സാധ്യത. ഉരുള്‍പൊട്ടല്‍, മണ്ണിടിച്ചില്‍, മലവെള്ളപ്പാച്ചില്‍ എന്നിവക്ക് സാധ്യതയുള്ള പ്രദേശങ്ങളില്‍ താമസിക്കുന്നവര്‍ അധികൃതരുടെ നിര്‍ദേശാനുസരണം സുരക്ഷിതമായ സ്ഥലങ്ങളിലേക്ക് മാറി താമസിക്കണം എന്നും ജാഗ്രത നിര്‍ദേശമുണ്ട്.

കാലാവസ്ഥ നിരീക്ഷണ കേന്ദ്രം നല്‍കുന്ന മുന്നറിയിപ്പുകള്‍ ഇവയാണ്:പ്രധാന റോഡുകളിലെ വെള്ളക്കെട്ട് / വാഹനങ്ങളിലെ കാഴ്ച മങ്ങല്‍ എന്നിവയ്ക്ക് സാധ്യതയുള്ളതിനാല്‍ ഗതാഗതക്കുരുക്ക് ഉണ്ടാകാം.താഴ്ന്ന പ്രദേശങ്ങളിലും നദീതീരങ്ങളിലും വെള്ളക്കെട്ട് / വെള്ളപ്പൊക്കം എന്നിവയ്ക്ക് സാധ്യത.മരങ്ങള്‍ കടപുഴകി വീണാല്‍ വൈദ്യുതി തടസം /അപകടം എന്നിവയിലേക്ക് നയിച്ചേയ്ക്കാം.വീടുകള്‍ക്കും കുടിലുകള്‍ക്കും ഭാഗിക കേടുപാടുകള്‍ക്ക് സാധ്യത.ഉരുള്‍പൊട്ടലിനും മണ്ണിടിച്ചിലിനും സാധ്യത.മഴ മനുഷ്യരെയും കന്നുകാലികളെയും പ്രതികൂലമായി ബാധിയ്ക്കാനും തീരപ്രദേശത്തെ സുരക്ഷിതമല്ലാത്ത ഘടനകള്‍ക്കു നാശമുണ്ടാക്കാനും സാധ്യതയുണ്ട്.നിര്‍ദേശങ്ങള്‍ഗതാഗതം കാര്യക്ഷമമായി നിയന്ത്രിയ്ക്കുകഅത്യാവശ്യമല്ലാത്ത യാത്രകള്‍ ഒഴിവാക്കി ആളുകള്‍ സുരക്ഷിത മേഖലകളില്‍ തുടരുക.

ഓപ്പറേഷൻ തൂഫാൻ’; വൻ രാസലഹരി വേട്ട.

0

അരീക്കോട്: വീട്ടിൽ സൂക്ഷിച്ച രാസലഹരി ശേഖരുവുമായി ലഹരി കടത്ത് സംഘത്തിലെ പ്രധാനി പിടിയിലായി. അരീക്കോട് മുണ്ടംപറമ്പ് സ്വദേശി പന്തക്കാത്തൊടി അബ്‌ദുൾ നാസർ (36) ആണ് പിടിയിലായത്. ഇന്നലെ വൈകീട്ടോടെ മുണ്ടംപറമ്പ് ടൗണിൽ നിന്നാണ് ഇയാളെ പിടികൂടിയത്. 4 ഗ്രാം  എംഡിഎംഎയുമായി ഇയാളെ ഡാൻസാഫ് ടീമും അരീക്കോട് പോലീസും ചേർന്ന് പിടികൂടുകയായിരുന്നു. തുടർന്ന് ഇയാളുടെ വീട്ടിൽ നടത്തിയ പരിശോധനയിൽ 250 ഗ്രാം എംഡിഎംഎ, 5 ലക്ഷം രൂപ, ഡിജിറ്റൽ ത്രാസ്സ്, വിദേശ കറൻസികൾ എന്നിവ പിടികൂടുകയായിരുന്നു. കാറും പിടിച്ചെടുത്തിട്ടുണ്ട്. ഇയാൾ ഉൾപ്പെട്ട ലഹരി കടത്ത് സംഘത്തെക്കുറിച്ച് വ്യക്തമായ വിവരം ലഭിച്ചതായി പൊലീസ് അറിയിച്ചു.

മലപ്പുറം ജില്ലാ പോലീസ് മേധാവി ചൈത്ര തെരേസ ജോണിനു ലഭിച്ച രഹസ്യ വിവരത്തിൻ്റെ അടിസ്ഥാനത്തിൽ കൊണ്ടോട്ടി എഎസ്‌പി കാർത്തിക് ബാലകുമാർ, ഇൻസ്പക്‌ടർ രാജൻ ബാബു, സബ് ഇൻസ്പക്ടർ ശൈലേഷ് കുമാർ എന്നിവരുടെ നേതൃത്വത്തിൽ ഡാൻസാഫ് ടീം അംഗങ്ങളായ സഞ്ജീവ്, രതീഷ് ഒളരിയൻ, സുബ്രഹ്മണ്യൻ, മുസ്തഫ, സബീഷ് എന്നിവരെ കൂടാതെ പോലീസ് ഉദ്യോഗസ്ഥരായ എഎസ്‌ഐ സുനിൽ, എഎസ്‌ഐ ഷീന, മനു പ്രസാദ്, ഷിനോജ്, അജിത്ത് എന്നിവരാണ് പ്രതിയെ പിടികൂടി അന്വേഷണം.

സംസ്ഥാനത്ത് ജൂലൈ 7ന് ടിപ്പർ സമരം നിലവിലുള്ള നികുതി നിരക്കുകൾ കുറയ്ക്കാൻ ആവശ്യം.

0

തിരുവനന്തപുരം: സംസ്ഥാനത്ത് സൂചനാ ടിപ്പർ ലോറി സമരം പ്രഖ്യാപിച്ച് കേരള ടോറസ് ടിപ്പർ അസോസിയേഷൻ. ജൂലൈ 7നാണ് സംസ്ഥാന വ്യാപകമായി പണിമുടക്ക് പ്യഖ്യാപിച്ചിരിക്കുന്നത്.സ്കൂൾ സമയങ്ങളിൽ ടിപ്പർ ലോറികൾക്ക് മോട്ടോർ വാഹന വകുപ്പ് (MVD) ഏർപ്പെടുത്തിയിരിക്കുന്ന സമയക്രമീകരണം നിയമവിരുദ്ധമാണെന്ന് അസോസിയേഷൻ ആരോപിച്ചു. നിലവിലുള്ള നികുതി നിരക്കുകൾ കുറയ്ക്കുക തുടങ്ങിയ ആവശ്യവും അസോസിയേഷൻ മുന്നോട്ട് വെച്ചിട്ടുണ്ട്.

ആരാണ് പറഞ്ഞത് എഐ ക്യാമറ കണ്ണടച്ചെന്ന്; സൂക്ഷിച്ചില്ലെങ്കിൽ നിയമലംഘനങ്ങൾക്ക് എല്ലാംകൂടി ഒരുമിച്ച് പണി കിട്ടും.

0

തിരുവനന്തപുരം : രണ്ട് ദിവസമായി സംസ്ഥാനത്തെ എഐ ക്യാമറകൾ കണ്ണടച്ചെന്നും പിഴ ഈടാക്കാനാവുന്നില്ലെന്നും കഴിഞ്ഞ ദിവസങ്ങളിൽ റിപ്പോർട്ടുകൾ പുറത്തുവന്നിരുന്നു. എന്നാൽ ഇത് ശരിയല്ലെന്ന് മനോരമ ന്യൂസ് റിപ്പോർട്ട് ചെയ്യുന്നു. എഐ ക്യാമറകളുടെ കണ്ണുകൾ തുറന്നുതന്നെ ഇരിപ്പുണ്ട്, അവയിൽ റോഡിലെ നിയമലംഘനങ്ങൾ പതിയുന്നുമുണ്ട്. പക്ഷേ വാഹന ഉടമകൾക്ക് ചെല്ലാൻ അയക്കാൻ ഇപ്പോൾ കഴിയുന്നില്ലെന്ന് മാത്രം. അതായത് നിയമലംഘനങ്ങളിൽ മോട്ടോർ വാഹനവകുപ്പിന് പിഴ ഈടാക്കാൻ കഴിയുന്നില്ല. എന്നാൽ ഈ നിയമലംഘനത്തിനു കൂട്ടത്തോടെ ചെലാൻ അയക്കാൻ എഐ ക്യാമറയിൽ സംവിധാനം ഉണ്ട്.

ക്യാമറകളുടെ പ്രവർത്തനത്തിനുള്ള നെറ്റ് കണക‌്‌ഷൻ റദ്ദാക്കിയതാണ് മോട്ടോർ വാഹനവകുപ്പിന് പിഴ ഈടാക്കാൻ കഴിയാത്ത സാഹചര്യം ഉണ്ടാക്കിയത്. അതേസമയം, എഐക്യാമറിയിൽ പകർത്തുന്ന ദൃശ്യങ്ങൾ ഇപ്പോഴും സെർവറിൽ സൂക്ഷിക്കുന്നുണ്ട്. ഇന്റർനെറ്റ് കണക്‌ഷൻ പുനസ്ഥാപിക്കുന്നതോടെ ഈ ചിത്രങ്ങൾ മോട്ടോർ വാഹനവകുപ്പിൻറെ കൺട്രോൾ റൂമിലേക്ക് എത്തുകയും ചെയ്യും. മോട്ടോർ വാഹനവകുപ്പിനായി എഐ ക്യാമറകളുടെ പ്രവർത്തനവും പരിപാലനവും കെൽട്രോണാണ് നിർവഹിക്കുന്നത്. ഇതിനായി അവർക്ക് മൂന്ന് മാസം കൂടുമ്പോൾ 12 കോടിയോളം രൂപ മോട്ടോർ വാഹനവകുപ്പ് നൽകണമെന്നാണ് കരാർ. എന്നാൽ കഴിഞ്ഞ ഒന്നേകാൽ വർഷമായി ഈ തുക നൽകിയിട്ടില്ല. ക്യാമറകളും മോട്ടോർ വാഹന വകുപ്പിന്റെ കൺട്രോൾ റൂമും തമ്മിൽ ബന്ധിപ്പിക്കുന്ന ഇന്റർനെറ്റ് കുടിശ്ശിക കൂടിയതോടെ സ്വകാര്യ കമ്പനി റദ്ദാക്കി. ഇതോടെയാണ് എഐ ക്യാമറ പണിമുടക്കി എന്ന റിപ്പോർട്ടുകൾ പ്രചരിക്കാൻ ഇടയാക്കിയത്.

സോഷ്യൽ മീഡിയ അക്കൗണ്ടുകൾ സുരക്ഷിതമാക്കാം; ‘താഴിന്റെ ബലം പോലിരിക്കും’ എന്ന മുന്നറിയിപ്പുമായി കേരള പോലീസ്.

0

തിരുവനന്തപുരം: ഡിജിറ്റൽ കാലഘട്ടത്തിൽ സോഷ്യൽ മീഡിയ അക്കൗണ്ടുകളുടെ സുരക്ഷ ഉറപ്പാക്കാൻ ജാഗ്രതാനിർദ്ദേശവുമായി കേരള പോലീസ്. ഓൺലൈൻ തട്ടിപ്പുകളും അക്കൗണ്ട് ഹാക്കിംഗും വർദ്ധിച്ചുവരുന്ന പശ്ചാത്തലത്തിൽ പൊതുജനങ്ങളിൽ അവബോധം വളർത്തുന്നതിനായാണ് പോലീസ് പുതിയ സന്ദേശം പുറത്തുവിട്ടിരിക്കുന്നത്. “താഴിന്റെ ബലം പോലിരിക്കും” എന്ന ശക്തമായ തലക്കെട്ടിലാണ് പോലീസിന്റെ ഈ ബോധവൽക്കരണം.നമ്മുടെ ഓൺലൈൻ അക്കൗണ്ടുകൾ എത്രത്തോളം സുരക്ഷിതമാണെന്ന് സ്വയം പരിശോധിക്കാൻ ഓർമ്മിപ്പിക്കുന്നതാണ് ഈ സന്ദേശം.

സോഷ്യൽ മീഡിയ അക്കൗണ്ടുകൾ ഹാക്കർമാരിൽ നിന്നും തട്ടിപ്പുകാരിൽ നിന്നും സംരക്ഷിക്കുന്നതിനായി താഴെ പറയുന്ന രണ്ട് പ്രധാന മുൻകരുതലുകൾ നിർബന്ധമായും സ്വീകരിക്കണമെന്ന് പോലീസ് നിർദ്ദേശിക്കുന്നു:ശക്തമായ പാസ്‌വേഡുകൾ (Strong Passwords): ഓരോ സോഷ്യൽ മീഡിയ അക്കൗണ്ടിനും വ്യത്യസ്തവും മറ്റുള്ളവർക്ക് എളുപ്പത്തിൽ ഊഹിക്കാൻ പ്രയാസമുള്ളതുമായ ശക്തമായ പാസ്‌വേഡുകൾ മാത്രം ഉപയോഗിക്കുക. പേര്, ജനനത്തീയതി, ഫോൺ നമ്പർ തുടങ്ങിയവ പാസ്‌വേഡ് ആക്കുന്നത് ഒഴിവാക്കുക.

ടു ഫാക്ടർ ഓതന്റിക്കേഷൻ (Two-Factor Authentication): അക്കൗണ്ടുകളുടെ സുരക്ഷ ഇരട്ടിയാക്കാൻ എല്ലാ സോഷ്യൽ മീഡിയ പ്രൊഫൈലുകളിലും ‘ടു ഫാക്ടർ ഓതന്റിക്കേഷൻ’ സംവിധാനം നിർബന്ധമായും ആക്ടിവേറ്റ് ചെയ്യുക. ഇത് പാസ്‌വേഡ് ചോർന്നാൽ പോലും മറ്റൊരാൾക്ക് അക്കൗണ്ടിൽ കയറുന്നത് തടയും.ഓൺലൈൻ ഇടങ്ങളിലെ ചെറിയൊരു അശ്രദ്ധ പോലും വലിയ കെണികളിലേക്ക് നയിച്ചേക്കാമെന്നും, പോലീസ് നൽകുന്ന ഈ സുരക്ഷാ മുൻകരുതലുകൾ അടിയന്തരമായി പ്രാവർത്തികമാക്കണമെന്നും സൈബർ വിദഗ്ധരും ഓർമ്മിപ്പിക്കുന്നു.

ഡിജിറ്റൽ സെൻസസ്: ജില്ലയിൽ സെൽഫ് എന്യൂമറേഷൻ പൂർത്തിയാക്കിയത് 74,301 പേർ; ഒന്നാംഘട്ടത്തിന് .

0

കോഴിക്കോട് : രാജ്യത്ത് ആദ്യമായി ഡിജിറ്റൽ രൂപത്തിൽ നടക്കുന്ന സെൻസസ് 2027-ന്റെ ഭാഗമായുള്ള ‘സെൽഫ് എന്യൂമറേഷൻ’ (സ്വയം വിവരങ്ങൾ രേഖപ്പെടുത്തൽ) ജില്ലയിൽ വിജയകരമായി പൂർത്തിയായി. വീടും അനുബന്ധ സൗകര്യങ്ങളുമായി ബന്ധപ്പെട്ട വിവരങ്ങൾ വ്യക്തികൾക്ക് സ്വന്തമായി ഓൺലൈനായി രേഖപ്പെടുത്താനുള്ള ഈ സൗകര്യം ജില്ലയിൽ 74,301 പേർ (92.31 %) ഉപയോഗപ്പെടുത്തിയതായി അധികൃതർ അറിയിച്ചു.

ജൂൺ 16-ന് ആരംഭിച്ച സെൽഫ് എന്യൂമറേഷൻ നടപടികൾ ജൂൺ 30-ന് രാത്രി 12 മണിയോടെയാണ് അവസാനിച്ചത്.സെൻസസ് നടപടികൾ കൂടുതൽ വേഗത്തിലാക്കുന്നതിനും വിവരശേഖരണത്തിനായി എത്തുന്ന എന്യൂമറേറ്റർമാരുടെ ജോലിഭാരം ലഘൂകരിക്കുന്നതിനുമായാണ് ചരിത്രത്തിലാദ്യമായി ഇത്തരമൊരു ഓൺലൈൻ സംവിധാനം ഒരുക്കിയത്.

ഒന്നാംഘട്ടത്തിന് തുടക്കമായിസെൽഫ് എന്യൂമറേഷൻ കാലാവധി അവസാനിച്ചതോടെ, ജൂലൈ 1 മുതൽ 30 വരെ നീണ്ടുനിൽക്കുന്ന സെൻസസിന്റെ ഒന്നാംഘട്ട പ്രവർത്തനങ്ങൾക്ക് ജില്ലയിൽ തുടക്കമായിട്ടുണ്ട്. വീടുകളുടെ പട്ടിക തയ്യാറാക്കലും വീടുകളുടെ സെൻസസുമാണ് ഈ ഘട്ടത്തിൽ നടക്കുന്നത്.ഫീൽഡ് തലത്തിൽ പ്രവർത്തിക്കുന്ന സെൻസസ് ഉദ്യോഗസ്ഥർക്ക് ആവശ്യമായ സാധനസാമഗ്രികളും ഫോമുകളും കഴിഞ്ഞ ദിവസം തന്നെ ജില്ലയിലെ 14 ചാർജ് ഓഫീസുകളിലേക്കും കൈമാറിയിരുന്നു. ജനസംഖ്യാ കണക്കെടുപ്പ് ഉൾപ്പെടുന്ന രണ്ടാംഘട്ട പ്രവർത്തനങ്ങൾ 2027 ഫെബ്രുവരിയിലായിരിക്കും നടക്കുക.