spot_img
Friday, November 20, 2026
Home Blog Page 145

ജില്ലയില്‍ 1,094 ഭക്ഷ്യസുരക്ഷ പരിശോധന; അഞ്ചരലക്ഷത്തിലേറെ പിഴ.

കോഴിക്കോട്: ജില്ലയില്‍ ഭക്ഷ്യസുരക്ഷാ വകുപ്പിന്റെ നേതൃത്വത്തില്‍ ഓപറേഷന്‍ മണ്‍സൂണിന്റെ ഭാഗമായി ജൂണ്‍ 15 മുതല്‍ 30 വരെ നടത്തിയത് 1,094 പരിശോധനകള്‍. 165 സ്ഥാപനങ്ങള്‍ക്കായി 5,65,500 രൂപ പിഴയിടുകയും 123 സ്ഥാപനങ്ങള്‍ക്ക് നോട്ടീസ് നല്‍കുകയും അഞ്ച് സ്ഥാപനങ്ങള്‍ക്കെതിരെ കേസ് നടപടികള്‍ ആരംഭിക്കുകയും ചെയ്തു.

593 സാമ്പിളുകള്‍ ശേഖരിച്ച് ഗുണനിലവാര പരിശോധനക്കായി ലാബിലയക്കുകയും 80 സ്ഥാപനങ്ങള്‍ അടച്ചുപൂട്ടുകയും ചെയ്തു. സ്‌കൂളുകള്‍, മത്സ്യ സ്റ്റാളുകള്‍, തട്ടുകടകള്‍, അനാഥമന്ദിരങ്ങള്‍ എന്നിവയും പരിശോധനയില്‍ ഉള്‍പ്പെട്ടു. മണ്‍സൂണ്‍ കാലത്ത് ഭക്ഷ്യ സ്ഥാപനങ്ങള്‍ പ്രത്യേക ജാഗ്രത പാലിക്കണമെന്നും ഭക്ഷ്യസുരക്ഷയും ശുചിത്വവും ഉറപ്പാക്കാന്‍ പ്രത്യേക മുന്‍കരുതലുകള്‍ സ്വീകരിക്കണമെന്നും ഭക്ഷ്യസുരക്ഷാ വകുപ്പ് നിര്‍ദേശിച്ചു. മഴക്കാലത്ത് ഭക്ഷ്യവസ്തുക്കള്‍ വേഗത്തില്‍ കേടാകാനും ബാക്ടീരിയ, ഫംഗസ് തുടങ്ങിയ സൂക്ഷ്മാണുക്കള്‍ വളരാനും സാധ്യത കൂടുതലായതിനാല്‍ പാചകത്തിനും കുടിവെള്ളത്തിനും ഉപയോഗിക്കുന്ന വെള്ളത്തിന്റെ ഗുണനിലവാരം ഉറപ്പാക്കണം.

ടാങ്കുകള്‍ വൃത്തിയാക്കുകയും ഭക്ഷ്യവസ്തുക്കള്‍ മൂടിവെച്ച് സൂക്ഷിക്കുകയും വേണം. പാചകം ചെയ്ത ഭക്ഷണം ദീര്‍ഘനേരം തുറന്ന നിലയില്‍ വെക്കരുത്. അടുക്കള, സ്റ്റോറേജ് ഏരിയ, ഫ്രീസര്‍, ഫ്രിഡ്ജ് എന്നിവ വൃത്തിയായി പരിപാലിക്കണം. സ്ഥാപനങ്ങളില്‍ ശരിയായ രീതിയില്‍ വേസ്റ്റ് മാനേജ്‌മെന്റ് നടപ്പാക്കണം. ഈച്ച, പാറ്റ, എലി തുടങ്ങിയവയുടെ സാന്നിധ്യം ഒഴിവാക്കാന്‍ നിയന്ത്രണ നടപടികള്‍ സ്വീകരിക്കണം. സ്ഥാപനങ്ങളില്‍ പൊടിയോ മാറാലയോ (ചിലന്തിവല) ഉണ്ടാകരുത്. ഭിത്തികള്‍, മേല്‍ക്കൂര, വെന്റിലേഷന്‍ ഭാഗങ്ങള്‍ എന്നിവയും വൃത്തിയായി സൂക്ഷിക്കണം.

മാലിന്യം സമയബന്ധിതമായി നീക്കം ചെയ്യുകയും ഡ്രെയിനേജ് സംവിധാനം കാര്യക്ഷമമാണെന്ന് ഉറപ്പാക്കുകയും വേണം. ജീവനക്കാര്‍ കൈ കഴുകല്‍ ഉള്‍പ്പെടെയുള്ള വ്യക്തിശുചിത്വം പാലിക്കണം. കാലാവധി കഴിഞ്ഞതോ ഗുണമേന്മ കുറഞ്ഞതോ ആയ അസംസ്‌കൃത വസ്തുക്കള്‍ ഉപയോഗിക്കരുത്. നിയമലംഘനങ്ങള്‍ കണ്ടെത്തുന്ന സ്ഥാപനങ്ങള്‍ക്കെതിരെ കര്‍ശന നടപടി സ്വീകരിക്കുമെന്നും പരാതികള്‍ 1800 425 1125 എന്ന ടോള്‍ ഫ്രീ നമ്പര്‍ വഴി അറിയിക്കാമെന്നും ഫുഡ് സേഫ്റ്റി അസി. കമീഷണര്‍ അറിയിച്ചു.

‘ഒരു ബീയര്‍ കുടിച്ചിരുന്നു, പിടിച്ചതിലും വലുതായിരുന്നു മാളത്തിൽ’; വെരി വെരി സോറിയെന്ന് ഹെലൻ ഓഫ് സ്പാർട്ട

0

കണ്ണൂർ : മദ്യപിച്ച് വാഹനം ഓടിച്ചതിനു കേസെടുത്തതിനു പിന്നാലെ വിഡിയോയുമായി സോഷ്യൽ മീഡിയ ഇൻഫ്ലുവൻസർ ഹെലന്‍ ഓഫ് സ്പാര്‍ട്ട എന്ന ധന്യ. എന്താണ് സംഭവിച്ചതെന്ന് വിശദീകരിക്കുന്ന വിഡിയോയില്‍ താൻ മദ്യപിച്ചിട്ടുണ്ടോയെന്ന പരിശോധന നടത്തിയതിന്റെ പരിശോധന റിപ്പോര്‍ട്ടും പങ്കുവയ്ക്കുന്നുണ്ട്. ഒരു ബീയര്‍ കുടിച്ചുവെന്നത് താന്‍ നിഷേധിക്കുന്നില്ലെന്നും തെറ്റ് ആവര്‍ത്തിക്കില്ലെന്നും ഹെലൻ ഓഫ് സ്പാർട്ട പറയുന്നു. ‘‘ഒരു സാധാരണ വ്യക്തിക്ക് മദ്യപിച്ച് വണ്ടിയോടിച്ചതിനു പെറ്റി എങ്ങനെയാണോ വരുന്നത് ആ പെറ്റി ആണ് എനിക്ക് വന്നിട്ടുള്ളത്. ജീവിതത്തില്‍ ആരെയും മദ്യപിക്കാന്‍ പ്രോത്സാഹിപ്പിക്കാറില്ല. പരിശോധനയ്ക്കിടെ വാഹനം പൊലീസ് പിടിച്ചെടുത്തു.

വാഹനത്തില്‍ എംഡിഎംഎ ആയിരുന്നുവെന്ന തരത്തിലുള്ള പ്രചാരണം തെറ്റാണ്. ആളുകള്‍ തിരിച്ചറിയും എന്നതിനാലാണ് പരിശോധനയ്ക്കിടെ വാഹനം നിര്‍ത്താതെ പോയത്. എന്നാല്‍ പിടിച്ചതിലും വലുതാണ് മാളത്തില്‍ എന്നുപറയുന്നതുപോലെയായിരുന്നു കാര്യങ്ങള്‍. ഞാന്‍ ഒളിവിലാണെന്നും എന്റെ വാഹനം പൊലീസ് കസ്റ്റഡിയിലെടുത്തെന്നും വാര്‍ത്ത കണ്ടു. വണ്ടിയില്‍ നിന്നും എംഡിഎംഎ പിടിച്ചെന്നും ചിലര്‍ പറയുന്നു. എന്നോട് ക്ഷമിക്കണം. ഒരു പരിപാടിക്കിടയില്‍ ഒരു ബീയര്‍ അടിച്ചിരുന്നു. വണ്ടി ഓടിക്കാന്‍ പാടില്ലായിരുന്നു. എന്റെ വീടിന്റെ മുന്നിലാണ് വാഹനം നിര്‍ത്തിയത്. മദ്യപിച്ചിരുന്നോയെന്ന് പൊലീസ് ചോദിച്ചു. അതെയെന്ന് സമ്മതിക്കുകയും ചെയ്തു.

ഊതിയപ്പോള്‍ അത് തെളിയുകയും ചെയ്തു. കോടതിയില്‍ പെറ്റിയടച്ചാല്‍ മതിയെന്ന് വളരെ വ്യക്തമായി പറഞ്ഞു. ഞാനും കൂടി ആലോചിക്കേണ്ടതായിരുന്നു. എന്തെങ്കിലും സംഭവിച്ചിരുന്നെങ്കില്‍ ഖേദിച്ചിട്ട് കാര്യമില്ല. കാര്യങ്ങളുടെ ഗൗരവം പറഞ്ഞുതന്ന് പൊലീസ് പോയി. എന്റെ വണ്ടിയും ഞാനും അവിടെ തന്നെയുണ്ടായിരുന്നു. വാഹനം ചെക്ക് ചെയ്യാമെന്ന് പൊലീസിനോട് പറഞ്ഞു. രണ്ട് ദിവസമായി സംഭവം നടന്നിട്ട്. വാഹനം പിടിച്ചുകൊണ്ടുപോയിട്ടില്ല. ഒരു സാധാരണ വ്യക്തിക്ക് മദ്യപിച്ച് വണ്ടിയോടിച്ചതിനു പെറ്റി എങ്ങനെയാണോ വരുന്നത് ആ പെറ്റി ആണ് എനിക്ക് വന്നിട്ടുള്ളത്.

സ്പർട്ട ഉപയോഗിച്ചത് മദ്യമല്ലെന്ന് ചിലരെങ്കിലും കമന്റ്‌ബോക്‌സില്‍ പറഞ്ഞിരുന്നു. 3,550 രൂപ കൊടുത്ത് ഡ്രഗ് ആന്‍ഡ് ആല്‍ക്കഹോള്‍ പരിശോധന നടത്തി. അയ്യപ്പ ബൈജുവൊന്നുമല്ല ഞാന്‍. ഇനി ആവര്‍ത്തിക്കില്ല. എന്റെ ഭാഗത്താണ് തെറ്റ്. അയാം വെരി വെരി സോറി’’ – ഹെലൻ ഓഫ് സ്പാർട്ട പറഞ്ഞു. വാഹന പരിശോധനയ്ക്കിടെ മനുഷ്യജീവന് അപകടമുണ്ടാക്കും വിധം പ്രതി വാഹനവുമായി കടന്നു കളഞ്ഞെന്ന് ഹെലൻ ഓഫ് സ്പാർട്ടയ്ക്കെതിരെ എഫ്‌ഐആറില്‍ പരാമർശമുണ്ടായിരുന്നു.

പത്തനംതിട്ട ജില്ലയില്‍ ഷിഗെല്ല; ബാധിച്ചത് എഴിക്കാട് ഉന്നതിയിലെ പത്ത് വയസുകാരിക്ക്.

0

പത്തനംതിട്ട: പത്തനംതിട്ട ജില്ലയില്‍ ഷിഗെല്ല സ്ഥിരീകരിച്ചു. എഴിക്കാട് ഉന്നതിയിലെ പത്ത് വയസുകാരിക്കാണ് ഷിഗെല്ല സ്ഥിരീകരിച്ചത്. പെണ്‍കുട്ടി കോഴഞ്ചേരി ജില്ലാ ആശുപത്രിയില്‍ ചികിത്സയിലാണ്. കുട്ടിയുടെ ആരോഗ്യനില തൃപ്തികരമാണ്.അതേസമയം, സംസ്ഥാനത്ത് ഷിഗെല്ല ബാധിതരുടെ എണ്ണം വര്‍ധിക്കുകയാണ്.ആറ്

ആറ് പേർക്ക് ഇന്നലെ ഷിഗെല്ല രോഗബാധ സ്ഥിരീകരിച്ചത്. കോഴിക്കോട് (4), പാലക്കാട്, പത്തനംതിട്ട ഒന്നുവീതം ജില്ലകളില്‍ എന്നിവിടങ്ങളിലായിരുന്നു ഇത്. സംസ്ഥാനത്ത് ജൂണ്‍ മാസം മുതല്‍ 216 പേര്‍ക്ക് രോഗബാധയും ആറ് മരണവും റിപ്പോര്‍ട്ട് ചെയ്തിട്ടുണ്ട്. ഈ വര്‍ഷം ഇതുവരെ 294 പേര്‍ക്കാണ് ഷിഗെല്ല രോഗബാധ സ്ഥിരീകരിച്ചത്.കോഴിക്കോട്, മലപ്പുറം, വയനാട് ജില്ലകളിലാണ് ജൂണ്‍ മാസം മുതല്‍ ഏറ്റവും കൂടുതല്‍ പേര്‍ക്ക് രോഗം സ്ഥിരീകരിച്ചത്. നിലവില്‍ കോഴിക്കോട് (76), വയനാട് (26), തൃശൂര്‍ (14) ആലപ്പുഴ (5) എന്നീ നാല് ജില്ലകളിലാണ് ഔട്ട്ബ്രേക്ക് പ്രഖ്യാപിച്ചിട്ടുള്ളത്. മലപ്പുറം (36), തിരുവനന്തപുരം (19), കണ്ണൂര്‍ (13), കൊല്ലം (15), ഇടുക്കി (3), എറണാകുളം (4), പാലക്കാട് (6) പത്തനംതിട്ട (1) എന്നിവിടിങ്ങളിലും ജൂണ്‍, ജൂലൈ മാസങ്ങളില്‍ ഷിഗെല്ല രോഗബാധ സ്ഥിരീകരിച്ചിരുന്നു.

സംസ്ഥാനത്ത് 2025 ൽ 132 പേർക്കായിരുന്നു ഷിഗെല്ല രോഗം ബാധിച്ചത്. 2024ൽ 121 പേർക്കും രോഗം സ്ഥിരീകരിച്ചിരുന്നു. 2023ൽ 90 പേർക്കും 2022ൽ 83 പേർക്കുമായിരുന്നു രോഗം സ്ഥിരീകരിച്ചത്. കൂടുതൽ ജില്ലകളിൽ രോഗസാന്നിധ്യം ഉണ്ടെന്നും ഈ വർഷത്തേത് അസാധാരണ സാഹചര്യമെന്നുമാണ് ആരോഗ്യവകുപ്പിന്റെ വിലയിരുത്തൽ.കുടലിനെയാണ് ഷിഗെല്ല രോഗാണു പ്രധാനമായും ബാധിക്കുന്നത്. വയറിളക്കം, പനി, വയറുവേദന, ക്ഷീണം, രക്തം കലർന്ന മലം എന്നിവയാണ് രോഗ ലക്ഷണങ്ങൾ. എന്നാൽ എല്ലാ രോഗികൾക്കും രോഗ ലക്ഷണങ്ങൾ കാണണമെന്നില്ല. ബാക്ടീരിയ ശരീരത്തിൽ പ്രവേശിച്ച് ഏകദേശം മൂന്ന് ദിവസത്തിന് ശേഷമാകും രോഗ ലക്ഷണങ്ങൾ കണ്ടുതുടങ്ങുക.

പൊന്മുടിയിലേക്ക് പോകാൻ ഫാസ്റ്റ് പാസഞ്ചർ ബസ് വരുന്നു; കെഎസ്ആർടിസിയുടെ വരുമാനം കൂടും

വിതുര : പൊന്മുടിയിലേക്ക് പോകാൻ ഫാസ്റ്റ് പാസഞ്ചർ ബസ് വരുന്നു. വിനോദസഞ്ചാരികളുടെ എണ്ണം കൂടിയ സാഹചര്യത്തിൽ യാത്രാക്ലേശം ലഘൂകരിക്കാൻ ഫാസ്റ്റ് പാസഞ്ചർ ബസ് സർവീസിന് ധാരണയായതായി ഗതാഗതമന്ത്രി സി.പി.ജോൺ ‘മനോരമ’യോടു പറഞ്ഞു. ‘പ്രിയദർശിനി വനിതാ സൗജന്യ യാത്ര’ പദ്ധതി വന്നതിനു പിന്നാലെ പൊന്മുടിയിലേക്ക് സഞ്ചാരികളുടെ എണ്ണം ക്രമാതീതമായി വർധിച്ചു. വൈകിട്ട് ബസിൽ കയറാനുള്ള തള്ളിക്കയറ്റത്തെയും അപകടയാത്രയെയും കുറിച്ചുള്ള ‘മനോരമ’ റിപ്പോർട്ടിനെത്തുടർന്നാണ് തീരുമാനം.

ഫാസ്റ്റ് പാസഞ്ചർ ബസുകളുടെ ലഭ്യതയ്ക്കനുസരിച്ച് ഉടൻ സർവീസ് തുടങ്ങുമെന്ന് മന്ത്രി പറഞ്ഞു. ബസ് ലഭ്യത ഉറപ്പായാൽ ഇന്നോ നാളെയോ തന്നെ തുടങ്ങാൻ തയാറാണ്. ബസിന്റെ സമയക്രമം പ്രധാനപ്പെട്ടതായതിനാൽ നെടുമങ്ങാട്, വിതുര കെഎസ്ആർടിസി ഡിപ്പോ അധികൃതരുടെയും അഭിപ്രായം തേടും. ആദ്യഘട്ടത്തിൽ സർവീസ് നടത്തുന്നത് ഒരു ബസ് മാത്രമായിരിക്കും. ഈ സർവീസിന്റെ വരുമാനവും മറ്റും പരിശോധിച്ചശേഷം കൂടുതൽ സർ‌വീസുകൾ തുടങ്ങുന്നതിനെക്കുറിച്ച് ആലോചിക്കും.സഞ്ചാരികളുടെ

സഞ്ചാരികളുടെ ബുദ്ധിമുട്ടുകൾ ഒഴിവാക്കാൻ ആവശ്യമെങ്കിൽ അധിക ഓർഡിനറി സർവീസുകൾ അയയ്ക്കാൻ മുൻപേ നിർദേശം കൊടുത്തിട്ടുണ്ടെന്നും മന്ത്രി പറഞ്ഞു.കഴിഞ്ഞദിവസം വൈകിട്ട് മൂന്ന് ബസിൽ കയറേണ്ട ആളുകൾ ഒരു ബസിൽ തള്ളിക്കയറാൻ ശ്രമിച്ചത് ചർച്ചയായിരുന്നു. യാത്രക്കാർ തമ്മിൽ ഉന്തും തള്ളുമായി. ബസിനുള്ളിൽ കയറിയതിനെക്കാൾ ഇരട്ടിയോളം ആളുകൾ പുറത്തുനിന്നു. ഇവർ തൊട്ടടുത്ത സർവീസുകളിൽ തിങ്ങിനിറഞ്ഞാണ് മലയിറങ്ങിയത്. ഇന്നലെയും തിരക്ക് നിയന്ത്രണവിധേയമായിരുന്നില്ല.

പൊന്മുടിയിലേക്ക് ഫാസ്റ്റ് പാസഞ്ചർ ബസ് സർവീസ് നടത്തുന്നത് യാത്രാദുരിതം ലഘൂകരിക്കുന്നതിനൊപ്പം കെഎസ്ആർടിസിയുടെ വരുമാനം കൂട്ടും. നിലവിൽ തിരുവനന്തപുരം– പൊന്മുടി റൂട്ടിൽ കല്ലാർ വരെ ഫാസ്റ്റ് പാസഞ്ചർ ബസുകൾ ഓടുന്നുണ്ട്. ‘ലിങ്ക് ബസുകൾ’ ഉൾപ്പെടെ പൊന്മുടി സർവീസിനായി പരിഗണിച്ചേക്കും. സൂപ്പർ ഫാസ്റ്റ് സർവീസുകൾ തുടങ്ങുന്നതു സംബന്ധിച്ച് നിലവിൽ ചിന്തയില്ലെങ്കിലും സാധ്യത പരിശോധിക്കുമെന്നാണ് മന്ത്രിയുടെ ഓഫിസ് നൽകുന്ന സൂചന.

15 ദിവസത്തെ കെഎസ്ആർടിസി സൗജന്യയാത്ര: കൊല്ലം ജില്ലയിലെ സ്ത്രീകൾക്ക് മിച്ചം പിടിക്കാനായത് 5,54,15,864 രൂപ !

0

കൊല്ലം : വനിതകൾക്കുള്ള കെഎസ്ആർടിസി പ്രിയദർശിനി യാത്രാ പദ്ധതിയിൽ ആദ്യ 15 ദിവസം ജില്ലയിൽ 30,27,308 സൗജന്യയാത്രകൾ. സീറോ ടിക്കറ്റ് വഴി ജില്ലയിലെ സ്ത്രീകൾക്ക് മിച്ചം പിടിക്കാനായത് 5,54,15,864 രൂപയാണ്. ജില്ലയിലെ 9 ഡിപ്പോകളിൽ കൊട്ടാരക്കര ഡിപ്പോയിലാണ് ഏറ്റവും കൂടുതൽ ഓർഡിനറി ബസുകൾ സർവീസ് നടത്തുന്നതും ഏറ്റവും കൂടുതൽ വനിതകൾ സൗജന്യയാത്ര നടത്തിയതും. ജൂൺ 15ന് സൗജന്യയാത്ര തുടങ്ങിയതു മുതലുള്ള കണക്കാണിത്.

സ്പാനിഷ് ആധിപത്യം; ഓസ്ട്രിയയെ എതിരില്ലാത്ത മൂന്ന് ഗോളിന് തകര്‍ത്ത് പ്രീ ക്വാര്‍ട്ടറില്‍.

0

ഫിഫ ലോകകപ്പില്‍ മിന്നും ജയത്തോടെ സ്‌പെയിന്‍ പ്രീ ക്വാര്‍ട്ടറില്‍. എതിരില്ലാത്ത മൂന്ന് ഗോളിന് ഓസ്ട്രിയയെ തോല്‍പ്പിച്ചു. മൈക്കല്‍ ഒയാര്‍സബാല്‍ ഇരട്ട ഗോള്‍ നേടി. പെഡ്രോ പോറോയാണ് മൂന്നാം ഗോള്‍ നേടിയത്.

കളിയിലുടനീളം സമ്പൂര്‍ണ സ്പാനിഷ് ആധിപത്യമാണ് കാണാനായത്. 2010ല്‍ ലോകകപ്പ് കിരീടം നേടിയതിനു ശേഷമുള്ള സ്പെയിനിന്റെ ആദ്യ നോക്കൗട്ട് വിജയമാണ് ഇന്നുണ്ടായത്. ആദ്യ വിസില്‍ മുതല്‍ അച്ചടക്കവും പ്രതിരോധവും ആക്രമണവും പ്രദര്‍ശിപ്പിച്ച് ആധിപത്യമുറപ്പിക്കുകയായിരുന്നു സ്പാനിഷ്പട. ആദ്യ മിനിറ്റുകളില്‍ തന്നെ യമാല്‍ വന്‍ ഷോട്ടിന് ശ്രമിച്ചെങ്കിലും ഓസ്ട്രിയ പ്രതിരോധിച്ചു.

കളിയുടെ 36-ാം മിനിറ്റിലും 66-ാം മിനിറ്റിലും 89-ാം മിനിറ്റിലുമാണ് സ്‌പെയ്ന്‍ വല കുലുക്കിയത്. 45-ാം മിനിറ്റില്‍ ഓസ്ട്രിയയുടെ ഗ്രെഗോറിഷ് പന്തുമായി സ്പാനിഷ് ബോക്‌സിലെത്തി. എന്നാല്‍ റഫറി ഓഫ്‌സൈഡ് വിളിക്കുകയായിരുന്നു.

പറങ്കിപ്പടയോട്ടം; പോര്‍ച്ചുഗല്‍ പ്രീക്വാര്‍ട്ടറില്‍; ജയം ക്രൊയേഷ്യയെ തോല്‍പ്പിച്ച്.

0

ഫിഫ ലോകകപ്പില്‍ നാടകീയ ജയത്തോടെ ക്രിസ്റ്റ്യാനോ റൊണാള്‍ഡോയുടെ പോര്‍ച്ചുഗല്‍ പ്രീ ക്വാര്‍ട്ടറില്‍. ഇഞ്ചുറി ടൈമിലെ ഗോളില്‍ 2-1ന് ക്രൊയേഷ്യയെ തോല്‍പ്പിച്ചു. പ്രീ ക്വാര്‍ട്ടറില്‍ സ്‌പെയിന്‍ – പോര്‍ച്ചുഗല്‍ വമ്പന്‍ പോരാട്ടമാണ് ആരാധകരെ കാത്തിരിക്കുന്നത്.

കളിയുടെ 53-ാം മിനിറ്റില്‍ ഇവാന്‍ പെരിസിച്ചിലൂടെ ക്രൊയേഷ്യ മുന്നിലെത്തിയപ്പോള്‍ പോര്‍ച്ചുഗള്‍ ആരാധകരുടെ ഉള്ളൊന്നു പിടഞ്ഞു. എന്നാല്‍ 68-ാം മിനിറ്റില്‍ പെനാല്‍റ്റിയിലൂടെ ഗോള്‍ നേടി റൊണാള്‍ഡോ മത്സരം സമനിലയിലാക്കുകയും ലോകകപ്പ് നോക്കൗട്ട് ഘട്ടത്തിലെ തന്റെ ആദ്യ ഗോള്‍ സ്വന്തമാക്കുകയും ചെയ്തു. പിന്നീട് ഗോണ്‍സാലോ റാമോസിലൂടെ പോര്‍ച്ചുഗല്‍ വിജയത്തിലേക്കെത്തി. ആദ്യപകുതി ഗോള്‍ രഹിതമായിരുന്നെങ്കിലും കളിയുടെ രണ്ടാം പകുതിയിലാണ് മൂന്ന് ഗോളുകളും പിറന്നത്.

90+13-ാം മിനിറ്റില്‍ ക്രൊയേഷ്യയ്ക്ക് വീണ്ടും വല കുലുക്കാന്‍ സാധിച്ചിരുന്നു. എങ്കിലും വാര്‍ പരിശോധനയ്ക്ക് ശേഷം മരിയോ പസാലിച്ചിനെതിരെ റഫറി ഓഫ്‌സൈഡ് വിളിച്ചു. ഇത്ക്രൊയേഷ്യന്‍ ആരാധകരുടെ വന്‍ പ്രതിഷേധത്തിന് കാരണമായി. പ്രതിഷേധ സൂചകമായി ആരാധകര്‍ ഫീല്‍ഡിലേക്ക് കുപ്പികള്‍ വലിച്ചെറിഞ്ഞത് ഉള്‍പ്പെടെ ചര്‍ച്ചയായി. തിങ്കളാഴ്ച നടക്കുന്ന പ്രീ-ക്വാര്‍ട്ടറില്‍ (റൗണ്ട് ഓഫ് 16) സ്‌പെയിനിനെ നേരിടാന്‍ പറങ്കിപ്പട തയ്യാറെടുക്കുകയാണ്.

ശനിയാഴ്ച വരെ മഴ തുടരും; ഇന്ന് 11 ജില്ലകളില്‍ മഴ മുന്നറിയിപ്പ്.

0

സംസ്ഥാനത്ത് ശക്തമായ മഴ തുടരുന്നു. ശനിയാഴ്ച വരെ ഇടിമിന്നലോട് കൂടിയ വ്യാപകമഴയ്ക്കും ശക്തമായ കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ്. ഇന്ന് 11 ജില്ലകളില്‍ മഴ മുന്നറിയിപ്പ് നിലനില്‍ക്കുന്നുണ്ട്. (kerala rains alert in 11 districts)

കണ്ണൂര്‍, കാസര്‍ഗോഡ് ജില്ലകളില്‍ ശക്തമായ മഴയ്ക്ക് സാധ്യതയുള്ളതിനാല്‍ ഓറഞ്ച് അലര്‍ട്ടാണ് കേന്ദ്ര കാലാവസ്ഥ വകുപ്പ് പ്രഖ്യാപിച്ചിരിക്കുന്നത്. കൂടാതെ പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളില്‍ യല്ലോ അലര്‍ട്ടും നിലനില്‍ക്കുന്നു. പ്രതികൂല കാലാവസ്ഥ നിലനില്‍ക്കുന്നതിനാല്‍ കേരള കര്‍ണാടക ലക്ഷദ്വീപ് തീരങ്ങളില്‍ മത്സ്യബന്ധനത്തിന് പോകാന്‍ പാടില്ലെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു.

പ്രധാന റോഡുകളിലെ വെള്ളക്കെട്ട് / വാഹനങ്ങളിലെ കാഴ്ച മങ്ങല്‍ എന്നിവയ്ക്ക് സാധ്യതയുള്ളതിനാല്‍ ഗതാഗതക്കുരുക്ക് ഉണ്ടാകാം.താഴ്ന്ന പ്രദേശങ്ങളിലും നദീതീരങ്ങളിലും വെള്ളക്കെട്ട് / വെള്ളപ്പൊക്കം എന്നിവയ്ക്ക് സാധ്യത.മരങ്ങള്‍ കടപുഴകി വീണാല്‍ വൈദ്യുതി തടസം/അപകടം എന്നിവയിലേക്ക് നയിച്ചേയ്ക്കാം.വീടുകള്‍ക്കും കുടിലുകള്‍ക്കും ഭാഗിക കേടുപാടുകള്‍ക്ക് സാധ്യത.ഉരുള്‍പൊട്ടലിനും മണ്ണിടിച്ചിലിനും സാധ്യത.മഴ മനുഷ്യരെയും കന്നുകാലികളെയും പ്രതികൂലമായി ബാധിയ്ക്കാനും തീരപ്രദേശത്തെ സുരക്ഷിതമല്ലാത്ത ഘടനകള്‍ക്കു നാശമുണ്ടാക്കാനും സാധ്യതയുണ്ട്.നിര്‍ദേശങ്ങള്‍ഗതാഗതം കാര്യക്ഷമമായി നിയന്ത്രിയ്ക്കുകഅത്യാവശ്യമല്ലാത്ത യാത്രകള്‍ ഒഴിവാക്കി ആളുകള്‍ സുരക്ഷിത മേഖലകളില്‍ തുടരുക.

ഓപ്പറേഷൻ തൂഫാൻ ‘കൊടുങ്കാറ്റ്’; പിടികൂടിയത് 30 കോടി രൂപയുടെ നിരോധിത ലഹരി, അറസ്റ്റിലായത് 5736 പേർ.

0

തിരുവനന്തപുരം: സംസ്ഥാന പൊലീസ് മേധാവി റാവാഡാ ചന്ദ്രശേഖറിന്റെ നേതൃത്വത്തിൽ നടന്ന ‘ഓപ്പറേഷന്‍ തൂഫാന്‍: ദി നാര്‍കോ ഹണ്ട്’ പദ്ധതി ഒരു മാസം പിന്നിടുമ്പോൾ 30 കോടി രൂപയുടെ നിരോധിത ലഹരി വസ്തുക്കളാണ് പിടികൂടിയത്. ആകെ 5353 കേസുകൾ രജിസ്റ്റർ ചെയ്യുകയും 5736 പേരെ അറസ്റ്റ് ചെയ്യുകയും ചെയ്തു.

ജൂണ്‍ 24ന് എറണാകുളത്ത് നടത്തിയ 18 കോടി രൂപ വിലമതിക്കുന്ന 18 കിലോ ഹൈബ്രിഡ് കഞ്ചാവ് വേട്ട, ഡല്‍ഹി, കര്‍ണാടക എന്നിവിടങ്ങളില്‍ നിന്നും നൈജീരിയന്‍ സ്വദേശികളായ രാജ്യാന്തര ലഹരി വിതരണക്കാരെ അറസ്റ്റ് ചെയ്തത്, 26 ലക്ഷം രൂപ വിലമതിക്കുന്ന മലപ്പുറത്തെ എംഡിഎംഎ വേട്ട, കാസര്‍കോട്ടെ പുകയില നിർമാണ കേന്ദ്രം തകര്‍ത്ത് 15000 പാക്കറ്റ് ലഹരി വസ്തുക്കള്‍ പിടിച്ചെടുത്തത് തുടങ്ങിയവയെല്ലാം പദ്ധതിയുടെ പ്രധാന നേട്ടങ്ങളാണ്. ജൂണ്‍ 27ന് രാത്രി നടത്തിയ ‘തൂഫാന്‍ സ്‌ട്രൈക്ക്’ എന്ന സ്‌പെഷല്‍ ഡ്രൈവിലൂടെ മാത്രം 799 കേസുകള്‍ റജിസ്റ്റര്‍ ചെയ്തു. 806 പേരെയാണ് അറസ്റ്റ് ചെയ്തത്.സ്‌കൂള്‍ കോളജ് പരിസരങ്ങളില്‍ ശക്തമായ നിരീക്ഷണങ്ങളും പരിശോധനയും ഏര്‍പ്പെടുത്തിയതോടെ ലഹരി വില്‍പനയും വിപണനവും ഗണ്യമായി കുറഞ്ഞുവെന്നും പൊലീസ് അറിയിച്ചു.

ലഹരിമരുന്നിന്റെ ഉറവിടം കണ്ടെത്താനും വ്യാപനം ഫലപ്രദമായി തടയാനും കേന്ദ്ര ഏജന്‍സികളുടെ യോഗം ആഭ്യന്തര വകുപ്പുമന്ത്രിയുടെ സാന്നിദ്ധ്യത്തില്‍ നടത്തിയിരുന്നു. ഇതിന്റെ ഫലമായി ‘ടി-ഇന്റ്’ എന്ന പ്രത്യേക യൂണിറ്റ് രൂപീകരിക്കാനും ഡ്രോണ്‍, സൈബര്‍ നിരീക്ഷണങ്ങള്‍ ശക്തമാക്കാനും ഉന്നതതല യോഗത്തില്‍ തീരുമാനമായിട്ടുണ്ട്. ഇതിനോടകം 6005 ബോധവല്‍ക്കരണ ക്ലാസുകളും 279 കൗണ്‍സിലിങ്ങുകളും പൊലീസ് സംഘടിപ്പിച്ചു. 15 പേരെ പുനരധിവാസ കേന്ദ്രങ്ങളിലേക്ക് മാറ്റി. സ്‌കൂള്‍, കോളജ് പ്രൊട്ടക്ഷന്‍ ഗ്രൂപ്പുകളുടെ നേതൃത്വത്തിൽ ബോധവൽക്കരണ പരിപാടികളും നടത്തി.

ഹയര്‍ സെക്കന്‍ഡറി തുല്യതാ പരീക്ഷ ജൂലൈ 10 മുതല്‍; കോഴിക്കോട് ജില്ലയില്‍ 1,182 പേര്‍ പരീക്ഷയെഴുതും.

കോഴിക്കോട്: പൊതുവിദ്യാഭ്യാസ വകുപ്പ് സാക്ഷരതാ മിഷന്‍ മുഖേന നടത്തുന്ന ഹയര്‍സെക്കന്‍ഡറി തുല്യതാ പരീക്ഷ ജൂലൈ 10-ന് ആരംഭിക്കും. കോഴിക്കോട് ജില്ലയില്‍ 10 പരീക്ഷാ കേന്ദ്രങ്ങളിലായി ആകെ 1,182 പേരാണ് ഇത്തവണ പരീക്ഷയെഴുതുന്നത്. ഇതില്‍ 510 പേര്‍ ഒന്നാം വര്‍ഷ പരീക്ഷയും 672 പേര്‍ രണ്ടാം വര്‍ഷ പരീക്ഷയുമാണ് എഴുതുന്നത്.പരീക്ഷാര്‍ത്ഥികളില്‍ 972 സ്ത്രീകളും 210 പുരുഷന്മാരുമുണ്ട്.

കൂടാതെ എസ്.സി വിഭാഗത്തില്‍ നിന്ന് 99 പേരും, എസ്.ടി വിഭാഗത്തില്‍ നിന്ന് അഞ്ച് പേരും, ഭിന്നശേഷിക്കാരായ എട്ട് പേരും പരീക്ഷയ്ക്ക് ഹാജരാകുന്നുണ്ട്. ഹ്യുമാനിറ്റീസ്, കോമേഴ്‌സ് വിഷയങ്ങളിലായി രാവിലെ 9.30 മുതല്‍ ഉച്ചക്ക് 12.15 വരെയാണ് പരീക്ഷ നടക്കുക.പ്രായം തളര്‍ത്താത്ത പഠനമികവ്; 74-കാരനും 18-കാരനും ഒരേ പരീക്ഷയ്ക്ക്പ്രായ വ്യത്യാസമില്ലാതെ അറിവ് നേടാനുള്ള ആഗ്രഹവുമായി നിരവധി പേരാണ് ഇത്തവണയും തുല്യതാ പരീക്ഷയ്ക്ക് എത്തുന്നത്. ചെറുവണ്ണൂര്‍ ജി.എച്ച്.എസ്.എസില്‍ പരീക്ഷയെഴുതുന്ന 74 വയസുകാരായ സോമനാഥന്‍, സുന്ദര്‍രാജ്, നാദാപുരം ടി.ഐ.എം.ജി.എച്ച്.എസ്.എസില്‍ പരീക്ഷയെഴുതുന്ന 73 വയസുകാരി ലീല എന്നിവരാണ് ജില്ലയിലെ ഏറ്റവും പ്രായം കൂടിയ പഠിതാക്കള്‍.

ചെറുവണ്ണൂര്‍ ജി.എച്ച്.എസ്.എസില്‍ പരീക്ഷയെഴുതുന്ന 18കാരനായ ഇബ്രാഹിം ബിന്‍ അബ്ദുറഹ്‌മാനാണ് ജില്ലയിലെ ഏറ്റവും പ്രായം കുറഞ്ഞ പരീക്ഷാര്‍ത്ഥി.പരീക്ഷാ കേന്ദ്രങ്ങള്‍:ജി.എച്ച്.എസ്.എസ് പയ്യോളി, ജി.വി.എച്ച്.എസ്.എസ് കൊയിലാണ്ടി, jി.എച്ച്.എസ്.എസ് മടപ്പള്ളി, ജി.എച്ച്.എസ്.എസ് എന്‍.ജി.ഒ ക്വാര്‍ട്ടേഴ്‌സ്, ആര്‍.ഇ.സി ജി.എച്ച്.എസ്.എസ് ചാത്തമംഗലം, ജി.എച്ച്.എസ്.എസ് ചെറുവണ്ണൂര്‍, ജി.വി.എച്ച്.എസ്.എസ് കൊടുവള്ളി, ജി.എച്ച്.എസ്.എസ് കോക്കല്ലൂര്‍, ടി.ഐ.എം ജി.എച്ച്.എസ്.എസ് നാദാപുരം, ഗണപത് ജി.എച്ച്.എസ്.എസ് ഫറോക്ക്.

പരീക്ഷാ ടൈം ടേബിൾ :.

ഒന്നാംവര്‍ഷം (Plus One Equivalency)

ജൂലൈ 11: ചരിത്രം / അക്കൗണ്ടന്‍സി

ജൂലൈ 18: ബിസിനസ് സ്റ്റഡീസ് / സോഷ്യോളജി / ഗാന്ധിയന്‍ സ്റ്റഡീസ്

ജൂലൈ 24: പൊളിറ്റിക്കല്‍ സയന്‍സ്ജൂലൈ 26: ഇംഗ്ലീഷ്

ജൂലൈ 27: ഇകണോമിക്‌സ്ജൂലൈ 28: മലയാളം / ഹിന്ദി / കന്നഡ .

രണ്ടാം വര്‍ഷം (Plus Two Equivalency)ജൂലൈ 10: ഇംഗ്ലീഷ്ജൂലൈ 12: ബിസിനസ് സ്റ്റഡീസ് / സോഷ്യോളജി / ഗാന്ധിയന്‍ സ്റ്റഡീസ്ജൂലൈ 17: ചരിത്രം / അക്കൗണ്ടന്‍സിജൂലൈ 19: ഇകണോമിക്‌സ്ജൂലൈ 25: പൊളിറ്റിക്കല്‍ സയന്‍സ്ഓഗസ്റ്റ് 01: മലയാളം / ഹിന്ദി / കന്നഡ