spot_img
Friday, November 20, 2026
Home Blog Page 159

ഓണം ഇങ്ങെത്തി മക്കളേ! എങ്ങനെ നാട് പിടിക്കും; ബംഗളൂരുവില്‍ നിന്ന് കേരളത്തിലേയ്ക്കുള്ള പതിവ് ട്രെയിനുകള്‍ ഫുള്‍.

0

ബെംഗളൂരു: ഓണത്തിനു രണ്ടു മാസം മാത്രം ആണ് ഇനിയുള്ളത്. ഓണത്തിന് നാട്ടിലെത്താനുള്ള തിരക്കിലാണ് ബെംഗളൂരു മലയാളികള്‍. കേരളത്തിലേക്കുള്ള പതിവ് ട്രെയിനുകളില്‍ ഓഗസ്റ്റ് 21ലെ ടിക്കറ്റുകള്‍ ബുക്കിങ് തുടങ്ങി മിനിറ്റുകള്‍ക്കുള്ളില്‍ തന്നെ തീര്‍ന്നു.തിരുവോണം ഓഗസ്റ്റ് 26നു ആണെങ്കിലും വെള്ളിയാഴ്ചയായ 21നാണു കൂടുതല്‍ പേര്‍ മടങ്ങുന്നത്. 22ലെ ബുക്കിങ് ഇന്ന് ആരംഭിക്കും.

പ്രതിദിന ട്രെയിനുകളായ കെഎസ്ആര്‍ ബെംഗളൂരു കന്യാകുമാരി എക്‌സ്പ്രസ്, മൈസൂരു തിരുവനന്തപുരം നോര്‍ത്ത് എക്‌സ്പ്രസ്, യശ്വന്തപുര-കണ്ണൂര്‍ എക്‌സ്പ്രസ് ട്രെയിനുകളിലെ ടിക്കറ്റുകളാണ് ആദ്യം തീര്‍ന്നത്. മംഗളൂരു വഴിയുള്ള കെഎസ്ആര്‍ ബെംഗളൂരു കോഴിക്കോട് എക്‌സ്പ്രസില്‍ മാത്രമാണ് ഇന്നലെ ടിക്കറ്റുകള്‍ ബാക്കിയുള്ളത്.വിമാന ടിക്കറ്റുകളുടെ അവസ്ഥയും ഇതുതന്നെ.കേരളത്തിലേക്കുള്ള

വിമാന സര്‍വീസുകളില്‍ ടിക്കറ്റ് ബുക്കിങ് ആരംഭിച്ചു. ഓഗസ്റ്റ് 21നു ബെംഗളൂരുവില്‍ നിന്നു കൊച്ചിയിലേക്ക് 3,900 -4,500 രൂപയും തിരുവനന്തപുരത്തേക്കു 4,500-6,000 രൂപയും കോഴിക്കോട്ടേക്കു 3,200-4,500 രൂപയും കണ്ണൂരിലേക്കു 3,600 -5,500 രൂപയുമാണു ടിക്കറ്റ് നിരക്ക്.സ്വകാര്യ ബസുകളിലെ ടിക്കറ്റ് ബുക്കിങും തുടങ്ങിയിട്ടുണ്ട്. എറണാകുളത്തേക്ക് എസി സ്ലീപ്പറില്‍ 3,800-4,200 രൂപയും കോഴിക്കോട്ടേക്ക് 1,500-1,800 രൂപയുമാണു ടിക്കറ്റ് നിരക്ക്.ചുരുക്കം

ട്രാവല്‍ ഏജന്‍സികള്‍ മാത്രമാണു ബുക്കിങ് ആരംഭിച്ചത്. കേരള, കര്‍ണാടക ആര്‍ടിസി ബസുകളിലെ ബുക്കിങ് ജൂലൈ അവസാന വാരം മാത്രമേ ആരംഭിക്കുകയുള്ളൂ.ചെന്നൈയില്‍ നിന്ന് കേരളത്തിലേയ്ക്ക് എത്താനുള്ള തിരക്കും ഒരുപോലെ തന്നെയാണ്. ടിക്കറ്റുകള്‍ എല്ലാം ഏകദേശം ബുക്കിങ് തീര്‍ന്ന അവസ്ഥയാണ് .

ബിശ്വനാഥ് സിൻഹ സംസ്ഥാനത്തെ പുതിയ ചീഫ് സെക്രട്ടറി

0

തിരുവനന്തപുരം: ബിശ്വനാഥ് സിൻഹ സംസ്ഥാനത്തെ പുതിയ ചീഫ് സെക്രട്ടറിയാകും. നിലവിൽ ആഭ്യന്തരവകുപ്പ് അഡീഷണൽ ചീഫ് സെക്രട്ടറിയാണ്. ബുധനാഴ്ച ചേർന്ന മന്ത്രിസഭായോഗത്തിലാണ് തീരുമാനം. നിലവിലെ ചീഫ് സെക്രട്ടറി എ ജയതിലക് ഈ മാസം 30ന് സ്ഥാനമൊഴിയും.

1992 ബാച്ചിലെ ഐഎഎസ് ഉദ്യോഗസ്ഥനാണ് ബിശ്വനാഥ് സിൻഹ. ബിഹാർ സ്വദേശിയാണ്. 2023 മുതൽ ആഭ്യന്തര, വിജിലൻസ് വകുപ്പുകളുടെ അഡീഷണൽ ചീഫ് സെക്രട്ടറിയായി പ്രവർത്തിച്ചുവരികയാണ്.

കാലവർഷം പിണങ്ങിപ്പോയി; വൈദ്യുതിക്ക് മഴക്കാലത്തും സർചാർജ്.

0

തിരുവനന്തപുരം : കാലവർഷം പിണങ്ങിയത് മൂലമുണ്ടായ പ്രതിസന്ധി ഒഴിവാക്കാൻ കെ.എസ്.ഇ.ബി ഉയർന്ന വിലയ്ക്ക് വൈദ്യുതി വാങ്ങുന്നത് ഉപഭോക്താക്കൾക്ക് അധികബാദ്ധ്യതയാകും. മുൻകാലങ്ങളിൽ വേനൽക്കാലത്ത് ഉയർന്ന വിലയ്ക്ക് വൈദ്യുതി വാങ്ങുന്നതിന്റെ അധികബാദ്ധ്യതയാണ് സർചാർജ്ജായും നിരക്കു വർദ്ധനയായും എത്തിയിരുന്നത്. കാലവർഷം ചതിച്ചതോടെ ജൂൺ ഉൾപ്പെടെയുള്ള മഴ സീസണിലെ വൈദ്യുതിക്കും സർചാർജ് നൽകണം.

പീക് സമയ വൈദ്യുതിക്ക്, യൂണിറ്റിന് 10 രൂപയിലധികം വിലനൽകേണ്ട സാഹചര്യമാണിപ്പോൾ. കൈമാറ്റകരാറുകൾ വഴി വിവിധ സംസ്ഥാനങ്ങൾക്ക് വൈദ്യുതി തിരിച്ചുനൽകാൻ കെ.എസ്.ഇ.ബി നിർബന്ധിതമാണ്. ഇത് നിലവിലെ പ്രതിസന്ധി കൂട്ടും. ഉത്തരേന്ത്യൻ സംസ്ഥാനങ്ങളിൽ മഴ ലഭിച്ചുതുടങ്ങിയെന്ന റിപ്പോർട്ടുകൾ കെ.എസ്.ഇ.ബി പ്രതീക്ഷയോടെയാണ് കാണുന്നത്.

രാജ്യത്തിന്റെ വിവിധ ഭാഗങ്ങളിൽ മഴ ശക്തമാവുകയും ചൂട് കുറയുകയും ചെയ്താൽ വിപണിയിൽ വൈദ്യുതി ആവശ്യാനുസരണം ലഭിക്കും.കൂടുതൽ വൈദ്യുതി ആവശ്യമുള്ള മാർച്ച്, ഏപ്രിൽ, മേയ് മാസങ്ങളിൽ മറ്റ് സംസ്ഥാനങ്ങളിൽ നിന്ന് വൈദ്യുതി വാങ്ങുകയും ഉപഭോഗം കുറവുള്ള ജൂൺ, ജൂലായ്, ആഗസ്റ്റ് മാസങ്ങളിൽ അതേ അളവിൽവൈദ്യുതി തിരികെ നൽകുകയും ചെയ്തിരുന്നു. ഇത്തവണ മഴ കുറയുകയും ഇവിടെ വൈദ്യുതി ഉപഭോഗം കൂടുകയും ചെയ്തതോടെ കൈമാറ്റക്കരാർ പാലിക്കാനാവാതായി.വാങ്ങിയത് അതേഅളവിൽ തിരികെ നൽകാൻ ബാദ്ധ്യസ്ഥമാണ്.കൈമാറ്റക്കരാറുകൾ വഴി 500 മെഗാവാട്ട് വരെ വൈദ്യുതി കെ.എസ്.ഇ.ബി വിവിധ സംസ്ഥാനങ്ങളിലെ കമ്പനികൾക്ക് ഇപ്പോൾ തിരിച്ചു നൽകേണ്ടതുണ്ട്.

നിലവിൽ സംസ്ഥാനത്തെ വൈദ്യുതി ക്ഷാമത്തിന് കാരണങ്ങളിലൊന്ന് ഇതാണ്.ഡിസംബർ വരെ പീക് സമയത്തേക്ക് ഹ്രസ്വകാല കരാറുകൾ വഴി ഉയർന്ന വിലയ്ക്ക് വൈദ്യുതി വാങ്ങാൻ കെ.എസ്.ഇ.ബി ടെൻഡർ ക്ഷണിച്ചതിന് അനുമതി തേടിയുള്ള അപേക്ഷ റഗുലേറ്ററി കമ്മിഷൻ ഇന്ന് പരിഗണിക്കും. വൈകിട്ട് മൂന്നിന് കമ്മിഷൻ കോർട്ട് ഹാളിലാണ് തെളിവെടുപ്പ്.

വാങ്ങിയത് അതേഅളവിൽ തിരികെ നൽകാൻ ബാദ്ധ്യസ്ഥമാണ്.കൈമാറ്റക്കരാറുകൾ വഴി 500 മെഗാവാട്ട് വരെ വൈദ്യുതി കെ.എസ്.ഇ.ബി വിവിധ സംസ്ഥാനങ്ങളിലെ കമ്പനികൾക്ക് ഇപ്പോൾ തിരിച്ചു നൽകേണ്ടതുണ്ട്. നിലവിൽ സംസ്ഥാനത്തെ വൈദ്യുതി ക്ഷാമത്തിന് കാരണങ്ങളിലൊന്ന് ഇതാണ്.ഡിസംബർ വരെ പീക് സമയത്തേക്ക് ഹ്രസ്വകാല കരാറുകൾ വഴി ഉയർന്ന വിലയ്ക്ക് വൈദ്യുതി വാങ്ങാൻ കെ.എസ്.ഇ.ബി ടെൻഡർ ക്ഷണിച്ചതിന് അനുമതി തേടിയുള്ള അപേക്ഷ റഗുലേറ്ററി കമ്മിഷൻ ഇന്ന് പരിഗണിക്കും. വൈകിട്ട് മൂന്നിന് കമ്മിഷൻ കോർട്ട് ഹാളിലാണ് തെളിവെടുപ്പ്.

ഇംഗ്ലണ്ടിനെ തളച്ച് ഘാന; ഗോൾരഹിത സമനില.

0

ബോസ്റ്റൺ: ലോകകപ്പ് ഫുട്ബോളിലെ ഗ്രൂപ്പ് എൽ മത്സരത്തിൽ, ഘാന തീർത്ത കടുത്ത പ്രതിരോധത്തിന് മുന്നിൽ മുന്നേറാനാകാതെ ഇംഗ്ലണ്ട്. മത്സരം സമനിലയിൽ കലാശിച്ചു. ഇരുടീമുകൾക്കും ഗോൾ നേടാനായില്ല.ആദ്യ മത്സരത്തിൽ ക്രോയേഷ്യയെ 4-2 ന് തോൽപ്പിച്ച ഇംഗ്ലീഷ് പട കടുത്ത പോരാട്ടമാണ് നേരിട്ടത്. പാനാമയ്ക്കെതിരെ 1-0 ന്റെ വിജയം നേടി എത്തിയ ഘാനയാകട്ടെ, കളി തുടങ്ങിയതു മുതൽ തന്നെ ഇംഗ്ലണ്ടിന്റെ ആക്രമണാത്മക ശൈലിയെ തളയ്ക്കാനുള്ള ലക്ഷ്യത്തിലായിരുന്നു.

ആദ്യ പകുതിയിൽ പന്തിന്റെ 80 ശതമാനത്തോളം നിയന്ത്രണം ഇംഗ്ലണ്ടിന് ഉണ്ടായിരുന്നെങ്കിലും, അത് പകുതി അവസരങ്ങളായി മാറ്റാനേ അവർക്ക് കഴിഞ്ഞുള്ളൂ. ഇംഗ്ലണ്ട് ക്യാപ്റ്റൻ ഹാരി കെയ്‌നും മറ്റുള്ളവരും അപകടകരമായ പൊസിഷനുകളിൽ എത്തിയപ്പോഴൊക്കെ ഘാനാ താരങ്ങൾ അവർക്ക് ചുറ്റും പ്രതിരോധക്കോട്ടകെട്ടി. ഇംഗ്ലണ്ടിന്റെ ഒട്ടേറെ മുന്നേറ്റങ്ങൾ ഗോൾ കീപ്പർ ബെഞ്ചമിൻ അസാറെയും ചെറുത്തു. ഘാനയ്ക്കും ഗോൾ അവസരങ്ങൾ സൃഷ്ടിക്കാനായില്ല.ഈ ലോകകപ്പിലെ ഒരു മത്സരത്തിൽ ഇരുപക്ഷത്തുനിന്നും ലക്ഷ്യത്തിലേക്ക് ഒരൊറ്റ ഷോട്ട് പോലും ഉതിർക്കാത്ത ആദ്യത്തെ 45 മിനിറ്റായിരുന്നു കളിയിലെ ആദ്യ പകുതി.ഗ്രൂപ്പിൽ പൂജ്യം പോയിന്റുള്ള ക്രോയേഷ്യയും പാനാമയും ചൊവ്വാഴ്ച വൈകിട്ട് ഏറ്റുമുട്ടും.

സ്കൂ‌ൾ ഉച്ചഭക്ഷണം: തുക ഇത്തവണ മുൻകൂറായി അനുവദിച്ചു.

0

തിരുവനന്തപുരം : സ്കൂൾ ഉച്ചഭക്ഷണത്തിനുള്ള സർക്കാർ വിഹിതം ഇത്തവണ മുൻകൂറായി അനുവദിച്ചു. ജൂൺ, ജൂലായ് വാങ്ങാനാണ് നേരത്തേ തുക നൽകിയത്.മാസാവസാനം ബില്ലുകൾ സമർപ്പിക്കുന്ന മുറയ്ക്ക് തുക സ്‌കൂളുകൾക്ക് കൈമാറും. സാധാരണ ചെലവഴിക്കുന്ന തുക മാസങ്ങൾ കഴിഞ്ഞാണ് സ്കൂ‌ളുകൾക്ക് ലഭിക്കാറുള്ളത്. പ്രഥമാധ്യാപകർ കൈയിൽനിന്ന് പണം മുടക്കിയോ കടം പറഞ്ഞോ ആണ് സാധനങ്ങൾ വാങ്ങുന്നത്.കഴിഞ്ഞ വർഷത്തെ നീക്കിയിരിപ്പുതുക നടപ്പ് അധ്യയനവർഷത്തെ ചെലവുകൾക്കായി വിനിയോഗിക്കുന്നതിന് കേന്ദ്ര സർക്കാർ നിർദേശം നൽകിയിരുന്നു. ഈ തുക ജൂൺ, ജൂലായ് മാസങ്ങളിലെ ആകെ 42 പ്രവൃത്തിദിനങ്ങൾക്ക് പര്യാപ്തമാകുമെന്ന് കണക്കാക്കിയിട്ടുണ്ട്.

കേന്ദ്രസർക്കാർ പദ്ധതികളുടെ പണം കൈമാറുന്നത് എസ്.എൻ.എ. സ്പർശ് എന്ന പുതിയ സംവിധാനത്തിലേക്ക് മാറുകയാണ്.സ്കൂ‌ൾ ഉച്ചഭക്ഷണപദ്ധതിയുടെ ഫണ്ട് വിനിയോഗവും അങ്ങനെയാക്കാൻ കേന്ദ്ര വിഭ്യാഭ്യാസമന്ത്രാലയം നിർദേശിച്ചിട്ടുണ്ട്.ഇതേത്തുടർന്നാണ് പഴയ എസ്.എൻ.എ.സംവിധാനത്തിൽഅവശേഷിച്ചിരുന്ന ഫണ്ട് കൊടുത്തുതീർക്കുന്നത്.മാസങ്ങളിലെ ഭക്ഷണസാധനങ്ങൾകേന്ദ്ര സർക്കാർ നിർദേശത്തെത്തുടർന്നാണിത്.ഇതനുസരിച്ച് 80.58 കോടി രൂപ വിദ്യാഭ്യാസ ഉപജില്ലകളുടെ ബാങ്ക് അക്കൗണ്ടിലേക്ക് കൈമാറിക്കഴിഞ്ഞു.

ജൂൺ, ജൂലായ് മാസങ്ങളിലെ കേന്ദ്രവിഹിതം ഇനത്തിൽ 48,35,35,288 രൂപയും സംസ്ഥാനവിഹിതം ഇനത്തിൽ 32,22,97,639 രൂപയും ചേർത്ത് ആകെ 80,58,32,927 രൂപയാണ് അനുവദിച്ചത്. നിലവിൽ പ്രീ-പ്രൈമറി, പ്രൈമറി വിഭാഗത്തിൽ ഒരുദിവസം 6.78 രൂപയും അപ്പർ പ്രൈമറിയിൽ ഒരുദിവസം 10.17 രൂപയും കുട്ടി ഒന്നിന് പാചകച്ചെലവിനത്തിൽ നിരക്കുകൾ നിശ്ചയിച്ചിട്ടുണ്ട്. ഇതിൽ ആദ്യവിഭാഗത്തിൽ 4.07 രൂപയും യു.പി.യിൽ 6.10 രൂപയും കേന്ദ്രവിഹിതമാണ്.

തിരിഞ്ഞുനോക്കിയപ്പോള്‍ അച്ഛനുണ്ടായിരുന്നിടത്ത് ലോറിയും മണ്‍കൂനയും; കണ്‍മുന്നില്‍ അച്ഛന്‍ മാഞ്ഞുപോയതിന്റെ നടുക്കത്തില്‍ ആവണി.

0

കൊല്ലം: അച്ഛന്‍ പോയതിന്റെ ആഘാതത്തില്‍ പൊട്ടിക്കരയാന്‍ പോലും കഴിയാതെ മരവിച്ചിരിക്കുകയാണ് നീലേശ്വരം അനഘഭവനില്‍ ആവണി(13). എല്ലാ ദിവസവും രാവിലെ അച്ഛനൊപ്പമാണ് ആവണി വീട്ടില്‍ നിന്നും സ്‌കൂളിലേയ്ക്ക് പോകാനിറങ്ങുന്നത്. ഒരു നിമിഷം മുമ്പ് വരെ ഒപ്പമുണ്ടായിരുന്ന അച്ഛന്‍ പെട്ടെന്ന് കണ്‍മുന്നില്‍ ഇല്ലാതായത് ആവണിക്ക് ഇതുവരെ ഉള്‍ക്കൊള്ളാന്‍ പോലുമായിട്ടില്ല. . കൊട്ടാരക്കരയില്‍ ഇന്നലെ ഉണ്ടായ ടിപ്പര്‍ അപകടത്തില്‍ മരിച്ച അജയന്‍ ആചാരിയുടെ മകളാണ് ആവണി.

പുനലൂര്‍ കെഎസ്ആര്‍ടിസി ഡിപ്പോയില്‍ മെക്കാനിക്കായ അജയന്‍ ആചാരി (50) ജോലിസ്ഥലത്തേക്കും ഇരുമ്പനങ്ങാട് സ്‌കൂളിലെ 9ാം ക്ലാസ് വിദ്യാര്‍ഥിയായ മകള്‍ ആവണി കൊട്ടാരക്കരയിലെ ട്യൂഷന്‍ സെന്ററിലേക്കും എന്നും രാവിലെ ഒരേ ബസിലാണ് പോകുന്നത്.ഇന്നലെയും മുക്കോണിമുക്കു വരെ ഇരുവരും കാര്യംഅച്ഛന് ഓടി മാറി കാണുമെന്ന് കരുതിയെങ്കിലും പെട്ടെന്ന് തന്നെ ആ പ്രതീക്ഷ മങ്ങി.കടയുടെ മൂലയും സമീപത്തെ മതിലും തകര്‍ത്തു മറിഞ്ഞ ലോറിക്കടിയിലായിരുന്നു അജയന്‍ ആചാരിയും മരിച്ച മറ്റു 2 പേരും. മണ്ണുമാന്തി യന്ത്രം എത്തിയാണ് മൂവരെയും പുറത്തെടുത്ത് ആശുപത്രിയിലേക്കു മാറ്റിയത്. കെഎസ്ആര്‍ടിസി കൊട്ടാരക്കര ഡിപ്പോയില്‍ പൊതുദര്‍ശനത്തിനു വച്ച ശേഷം ഇന്നലെ വൈകിട്ട് അജയന്‍ ആചാരിയുടെ സംസ്‌കാരം നടത്തി.

അഞ്ചടിയിൽ ഉസ്ബെക്കിസ്ഥാൻ പഞ്ചർ‌; റൊണാൾഡോയ്ക്ക് ഇരട്ടഗോൾ; പോർച്ചുഗലിന് ആദ്യജയം.

0

ക്രിസ്റ്റ്യാനോ റൊണാൾഡോയുടെ ഇരട്ടഗോൾ കരുത്തിൽ ലോകകപ്പിൽ പോർച്ചുഗലിന് ആദ്യജയം. എതിരില്ലാത്ത 5 ഗോളിന് ഉസ്ബെക്കിസ്ഥാനെ തോൽപ്പിച്ചു. പരിഹസിച്ചവർക്കും പുച്ഛിച്ചവർക്കുമെല്ലാം മാറി നിൽക്കാം. എല്ലാത്തിനും മറുപടി നൽകാൻ റൊണാൾഡോ കാത്തിരുന്ന ദിവസമെത്തി. ആ ബൂട്ടുകൾ ശബ്ദിച്ചു. ഒന്നല്ല രണ്ട് വട്ടം. നാൽപ്പത്തിയൊന്നുകാരൻന്റെ കാൽക്കരുത്തിൽ ഉസ്ബെക്കിസ്ഥാനെ തകർത്തെറിഞ്ഞ് പോർച്ചുഗൽ.തുടക്കത്തിൽ തലനാരിഴയ്ക്ക് ഗോൾ നഷ്ടമായെങ്കിലും ആറാം മിനിറ്റിൽ കാത്തിരുന്ന നിമിഷം. യാവോ കാൻസലോയുടെ ക്രോസ് റൊണാൾഡോയെ ലക്ഷ്യമാക്കി ബോക്സിലേക്ക്. റോണോയുടെ വലംകാൽ ഷോട്ട് നേരെ വലയിൽ.കൺകുളിർക്കെ

കൺകുളിർക്കെകണ്ടു ആ ഐക്കോണിക് സെലിബ്രേഷൻ. ആറ് ലോകകപ്പുകളിൽ ഗോൾ നേടുന്ന ആദ്യതാരം.17ആം മിനിറ്റിൽ തകർപ്പൻ ഫ്രീകിക്കിലൂടെ നൂനോ മെൻഡസ് ലീഡുയർത്തി. ഒന്നാം പകുതിയവസാനിക്കാൻ മിനിറ്റുകൾ ബാക്കിനിൽക്കെ വീണ്ടും റൊണാൾഡോ മാജിക്. റൊണാൾഡോയ്ക്ക് പാസ്സ് കൊടുക്കുന്നില്ല എന്ന് ആരാധകരുടെ പഴികേട്ട ബ്രൂണോ ഫെർണാണ്ടാസിൻറെ അസിസ്റ്റ്. രണ്ടാംപകുതിയിൽ ഉസ്ബെക്കിസ്ഥാൻറെ സെൽഫ്ഗോളും പകരക്കാരനായിറങ്ങിയ റാഫേൽ ലിയാവോയും പോർച്ചുഗലിൻറെ ഗോൾ പട്ടിക തികച്ചു.കണ്ടു ആ ഐക്കോണിക് സെലിബ്രേഷൻ. ആറ് ലോകകപ്പുകളിൽ ഗോൾ നേടുന്ന ആദ്യതാരം.17ആം മിനിറ്റിൽ തകർപ്പൻ ഫ്രീകിക്കിലൂടെ നൂനോ മെൻഡസ് ലീഡുയർത്തി. ഒന്നാം പകുതിയവസാനിക്കാൻ മിനിറ്റുകൾ ബാക്കിനിൽക്കെ വീണ്ടും റൊണാൾഡോ മാജിക്. റൊണാൾഡോയ്ക്ക് പാസ്സ് കൊടുക്കുന്നില്ല എന്ന് ആരാധകരുടെ പഴികേട്ട ബ്രൂണോ ഫെർണാണ്ടാസിൻറെ അസിസ്റ്റ്. രണ്ടാംപകുതിയിൽ ഉസ്ബെക്കിസ്ഥാൻറെ സെൽഫ്ഗോളും പകരക്കാരനായിറങ്ങിയ റാഫേൽ ലിയാവോയും പോർച്ചുഗലിൻറെ ഗോൾ പട്ടിക തികച്ചു.

സംസ്ഥാനത്ത് ഡെങ്കിപ്പനി ബാധിച്ച് ഒരു മരണം; 15 പേർക്ക് ഷിഗെല്ല, 22 പേർക്ക് എലിപ്പനി

0

തിരുവനന്തപുരം : സംസ്ഥാനത്ത് ഡെങ്കിപ്പനി ബാധിച്ച് ഇന്നലെ ഒരു മരണം. 159 പേർക്ക് ‍ഡെങ്കിപ്പനി സ്ഥിരീകരിച്ചു. അഞ്ച് ജില്ലകളിലായി 15 പേർക്ക് ഷിഗെല്ല രോഗബാധയും സ്ഥിരീകരിച്ചിട്ടുണ്ട്. 22 പേരിൽ എലിപ്പനിയും 23 പേർക്ക് മഞ്ഞപ്പിത്തവും നാല് പേർക്ക് മലേറിയയും കണ്ടെത്തി.കോഴിക്കോട്-8, മലപ്പുറം 3, വയനാട് രണ്ട്, കണ്ണൂർ, കൊല്ലം ജില്ലകളിൽ ഒന്നു വീതം എന്നിങ്ങനെയാണ് ഷിഗെല്ല രോഗബാധ റിപ്പോർട്ട് ചെയ്തത്. സംസ്ഥാനത്ത് ജൂൺ മാസം 165 പേർക്ക് രോഗബാധയും ആറ് മരണവും റിപ്പോർട്ട് ചെയ്തിട്ടുണ്ട്. ഈവർഷം ഇതുവരെ 241 പേർക്ക് ഷിഗെല്ല രോഗബാധ സ്ഥിരീകരിച്ചു.കോഴിക്കോട്, മലപ്പുറം, വയനാട് ജില്ലകളിലാണ് ജൂൺ മാസം ഏറ്റവും കൂടുതൽ പേർക്ക് രോഗം സ്ഥിരീകരിച്ചത്. നിലവിൽ കോഴിക്കോട് (57), വയനാട് (22), തൃശൂർ (12) ആലപ്പുഴ (3) എന്നീ നാല് ജില്ലകളിലാണ് രോഗവ്യാപനം പ്രഖ്യാപിച്ചിട്ടുള്ളത്. മലപ്പുറം (24), തിരുവനന്തപുരം (17), കണ്ണൂർ (11), കൊല്ലം (10), ഇടുക്കി (3), എറണാകുളം (3), പാലക്കാട് (3) എന്നിവിടിങ്ങളിലും ജൂൺ മാസം ഷിഗെല്ല രോഗബാധ റിപ്പോർട്ട് ചെയ്തു.

പ്രധാനമന്ത്രിയുമായി കൂടിക്കാഴ്ച നടത്തി മമ്മൂട്ടിയും കുടുംബവും; ചിത്രങ്ങൾ പങ്കുവെച്ച് മോദി

0

പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി മമ്മൂട്ടിയും കുടുംബവും. പത്മഭൂഷൺ പുരസ്കാരം ഏറ്റുവാങ്ങിയ ശേഷമാണ് കൂടിക്കാഴ്ച. മമ്മൂട്ടിക്ക് ഒപ്പമുള്ള ചിത്രങ്ങൾ പ്രധാനമന്ത്രി നരേന്ദ്രമോദി പങ്കുവെച്ചു. മമ്മൂട്ടി, ഭാര്യ സുൽഫത്ത്, മകൾ സുറുമി, മകൻ ദുൽഖർ സൽമാൻ, മരുമകൾ അമാൽ സൂഫിയ എന്നിവർക്കൊപ്പമുള്ള ചിത്രങ്ങളാണ് പ്രധാനമന്ത്രി പങ്കുവച്ചത്.

മലയാള സിനിമയ്ക്ക് നൽകിയ സമഗ്ര സംഭവനയ്ക്കാണ് മമ്മൂട്ടി പുരസ്‌കാരത്തിന് അർഹനായത്. അഞ്ച് പതിറ്റാണ്ടിലേറെ നീണ്ട അഭിനയ യാത്രയുടെ മറ്റൊരു സുപ്രധാന നാഴികക്കല്ലാണ് ഈ ബഹുമതി. 1998ൽ രാജ്യം മമ്മൂട്ടിയെ പത്മശ്രീ നൽകി ആദരിച്ചിരുന്നു. കേരളത്തിൽ നിന്നുള്ള അഞ്ചുപേരാണ് രാഷ്ട്രപതിയിൽ നിന്ന് പുരസ്കാരം ഏറ്റുവാങ്ങിയത്. പത്മവിഭൂഷൺ പുരസ്കാരം ജസ്റ്റിസ് കെടി തോമസും, പി നാരായണനും ഏറ്റുവാങ്ങി. മമ്മൂട്ടിയ്ക്കൊപ്പം വെളളാപ്പളളി നടേശനും പത്മഭൂഷൺ ഏറ്റുവാങ്ങി. കലാമണ്ഡലം വിമലാ മേനോൻ പത്മശ്രീ പുരസ്കാരം ഏറ്റുവാങ്ങി.

പത്മ പുരസ്കാരങ്ങളുടെ രണ്ടാംഘട്ട വിതരണത്തിൽ 65 പേരാണ് ഇന്ന് അവാർഡുകൾ ഏറ്റുവാങ്ങിയത്. ക്രിക്കറ്റ് താരവും മുൻ ഇന്ത്യൻ പുരുഷ ടീം ക്യാപ്റ്റനുമായിരുന്ന രോഹിത് ശർമ, സിനിമാതാരം ആർ മാധവൻ എന്നിവരും പദ്മശ്രീ ഏറ്റുവാങ്ങി. എട്ട് മലയാളികൾക്കാണ് പത്മ അവാർഡുകൾ ലഭിച്ചത്.

കാൻസർ പോരാട്ടത്തിനിടയിലും 11,000 അടി ഉയരത്തിൽ ട്രെക്കിങ്; തളരാത്ത മനക്കരുത്തുമായി നഫീസ അലി.

0

ന്യൂഡൽഹി: കാൻസറിനെതിരായ പോരാട്ടത്തിൽ തളരാത്ത മനക്കരുത്തുമായി മുന്നേറി പ്രശസ്ത ബോളിവുഡ് താരവും രാഷ്ട്രീയ പ്രവർത്തകയുമായ നഫീസ അലി സോധി. നാലാംഘട്ട പെരിറ്റോണിയൽ കാൻസറിനോട് (Stage 4 Peritoneal Cancer) പൊരുതിക്കൊണ്ടിരിക്കുമ്പോഴും, പ്രകൃതിയുടെ മടിത്തട്ടിൽ നിന്ന് ഊർജ്ജം സംഭരിക്കാൻ 11,000 അടി ഉയരത്തിൽ ട്രെക്കിങിന് പോയിരിക്കുകയാണ് താരം. ശസ്ത്രക്രിയക്കും കീമോതെറാപ്പി ചികിത്സകൾക്കും ശേഷം തനിക്ക് ലഭിച്ച വലിയൊരു ആശ്വാസമായാണ് ഈ ട്രെക്കിംഗിനെ നഫീസ അലി കാണുന്നത്.’ഈ യാത്ര തന്റെ മനസ്സിന് വലിയൊരു ഉണർവ് നൽകിയെന്നും പുതിയൊരു ജന്മം ലഭിച്ചതുപോലെ അനുഭവപ്പെടുന്നതായും’ നഫീസ സോഷ്യൽ മീഡിയയിൽ കുറിച്ചു.

റോഹ്താങ് പാസിന് സമീപമുള്ള 11,000 അടി ഉയരത്തിൽ കുടുംബാംഗങ്ങൾക്കും സുഹൃത്തുക്കൾക്കുമൊപ്പം എത്തിയതിന്റെ വീഡിയോകളും ചിത്രങ്ങളും താരം പങ്കുവെച്ചിട്ടുണ്ട്. നഫീസ അലി പങ്കുവെച്ച ചിത്രങ്ങളിൽ തന്റെ മരുമകന്റെയും ചെറുമകന്റെയും സഹായത്തോടെ മലകയറുന്നതും പാറക്കെട്ടുകൾക്കിടയിലൂടെ നടക്കുന്നതുമായ യാത്ര പലരും പ്രചോദനമായി കാണുന്നുണ്ട്.

2018ലാണ് ആദ്യമായി മൂന്നാം ഘട്ട കാൻസർ നഫീസ അലിക്ക് സ്ഥിരീകരിച്ചത്. അന്ന് അതിനെ അതിജീവിച്ചെങ്കിലും, കഴിഞ്ഞ വർഷം രോഗം നാലാം ഘട്ടത്തിൽ തിരിച്ചെത്തുകയായിരുന്നു. എന്നാൽ, ഈ രോഗാവസ്ഥയുടെ തുടക്കത്തിൽ ഡോക്ടർമാർക്ക് കൃത്യമായ രോഗനിർണ്ണയം നടത്തുന്നതിൽ വീഴ്ച സംഭവിച്ചെന്നും, അത് രോഗം മൂർച്ഛിക്കാൻ കാരണമായെന്നും നഫീസ വെളിപ്പെടുത്തുന്നു.’എന്റെ വയറുവേദന കാൻസർ ആണെന്ന് എന്റെ മനസ്സ് അന്ന് പറഞ്ഞിരുന്നു.

എന്നാൽ, തുടക്കത്തിൽ ഡോക്ടർമാർ അത് തിരിച്ചറിഞ്ഞില്ല,’ നഫീസ ഒരു അഭിമുഖത്തിൽ വെളിപ്പെടുത്തിയിരുന്നു. അപ്പൻഡിസൈറ്റിസ് ആണെന്ന് തെറ്റിദ്ധരിക്കപ്പെട്ട ഈ അവസ്ഥ, പിന്നീട് വലിയ ആരോഗ്യ പ്രതിസന്ധികൾക്ക് വഴിതുറന്നു. എങ്കിലും തളരാതെ, ഈ അസുഖത്തെ ഒരിക്കൽ കൂടി തോൽപ്പിക്കുമെന്ന ഉറച്ച തീരുമാനത്തിലാണ് ഈ 69കാരി.കീമോതെറാപ്പിയുടെ കടുത്ത പാർശ്വഫലങ്ങൾക്കിടയിലും മനോധൈര്യം കൈവിടാതെ, തന്റെ കുടുംബത്തെയും പ്രിയപ്പെട്ടവരെയും മുറുകെപ്പിടിച്ച് ജീവിതത്തെ ആസ്വദിക്കാനാണ് നഫീസ ശ്രമിക്കുന്നത്.

‘ജുനൂൺ’, ‘മേജർ സാബ്’, ‘ലൈഫ് ഇൻ എ മെട്രോ’, ‘യംല പഗ്ല ദീവാന’ തുടങ്ങിയ ചിത്രങ്ങളിലൂടെ ശ്രദ്ധേയയായ നഫീസ, മലയാളികൾക്കും പ്രിയപ്പെട്ട താരമാണ്. മമ്മൂട്ടിക്കൊപ്പമുള്ള ‘ബിഗ് ബി’യിലെ പ്രകടനം ഇന്നും മലയാളികൾ ഓർത്തിരിക്കുന്ന ഒന്നാണ്. ഒരു നടിയെന്നതിലുപരി, കാൻസർ രോഗികൾക്ക് വലിയൊരു പ്രതീക്ഷയുടെ വെളിച്ചമായി മാറുകയാണ് നഫീസ അലി.