ചാ​ല​ക്കു​ടി: കോ​ട​​ശ്ശേ​രി പ​ഞ്ചാ​യ​ത്തി​ന്റെ കി​ഴ​ക്ക​ൻ അ​തി​ർ​ത്തി​യാ​യ വെ​ട്ടി​ക്കു​ഴി പ്ര​ദേ​ശ​ത്ത് ജ​ന​വാ​സ മേ​ഖ​ല​യി​ൽ പ​ക​ൽ കാ​ട്ടാ​ന​യി​റ​ങ്ങി​യ​ത് ജ​ന​ങ്ങ​ളെ ഭീ​തി​യി​ലാ​ക്കി. തി​ങ്ക​ളാ​ഴ്ച രാ​വി​ലെ​യാ​ണ് പ്ര​ദേ​ശ​ത്ത് കാ​ട്ടാ​ന​യു​ടെ വി​ള​യാ​ട്ടം. പ​റ​മ്പു​ക​ളി​ലൂ​ടെ​യും വ​ഴി​ക​ളി​ലൂ​ടെ​യും കാ​ട്ടാ​ന ക​യ​റി​യി​റ​ങ്ങി. ഇ​തോ​ടെ ജ​നം പി​ന്നാ​ലെ കൂ​ടി. കാ​ട്ടാ​ന​യെ ശ​ബ്ദ​മു​ണ്ടാ​ക്കി​യും ക​ല്ലെ​ടു​ത്ത് എ​റി​ഞ്ഞും ഓ​ടി​ക്കാ​ൻ ശ്ര​മി​ച്ചു. തു​ട​ർ​ന്ന് വാ​ക​പ​റ​മ്പ​ൻ ജേ​ക്ക​ബി​ന്റെ വീ​ട്ടു​പ​റ​മ്പി​ലൂ​ടെ വ​ന്ന കാ​ട്ടാ​ന റോ​ഡി​ലൂ​ടെ കു​റ​ച്ച് ദൂ​രം സ​ഞ്ച​രി​ച്ച് തൊ​ട്ട​ടു​ത്തു​ള്ള ത​ട്ടി​ൽ റോ​സ​യു​ടെ മ​തി​ൽ ഗേ​റ്റ് ത​ക​ർ​ത്ത് പ​റ​മ്പി​ൽ ക​യ​റി. പു​ല്ല് പ​റി​ച്ചെ​ടു​ത്ത ശേ​ഷം തി​രി​ച്ചി​റ​ങ്ങി ചൂ​ള​ക്ക​ട​വ് റോ​ഡി​ലേ​ക്ക് ക​യ​റി. ഈ ​സ​മ​യം നാ​ട്ടു​കാ​രോ വാ​ഹ​ന​ങ്ങ​ളോ സ്കൂ​ൾ വി​ദ്യാ​ർ​ഥി​ക​ളോ ഒ​റ്റ​പ്പെ​ട്ട വ​ഴി​യി​ൽ ഉ​ണ്ടാ​യി​രു​ന്നി​ല്ല​യെ​ന്ന​ത് ഭാ​ഗ്യ​മാ​യി. ആ​റു​മാ​സ​ത്തി​നു​ള്ളി​ൽ ഇ​തു​മൂ​ന്നാം പ്രാ​വ​ശ്യ​മാ​ണ് ഇ​വി​ടെ കാ​ട്ടാ​ന ഇ​റ​ങ്ങു​ന്ന​ത്. വ​ന്യ​മൃ​ഗ​ങ്ങ​ൾ​ക്ക് ആ​വ​ശ്യ​മാ​യ ഭ​ക്ഷ​ണ​വും വെ​ള്ള​വും വ​ന​ത്തി​ൽ ല​ഭി​ക്കാ​തെ വ​രു​ന്ന​തു​കൊ​ണ്ടാ​ണ് കാ​ട്ടാ​ന നാ​ട്ടി​ൽ ഇ​റ​ങ്ങി കൃ​ഷി ന​ശി​പ്പി​ക്കു​ന്ന​തെ​ന്ന് നാ​ട്ടു​കാ​ർ പ​റ​ഞ്ഞു. കാ​ട്ടാ​ന​ക​ളെ ജ​ന​വാ​സ മേ​ഖ​ല​യി​ലേ​ക്ക് ഇ​റ​ങ്ങി വ​രാ​തി​രി​ക്കാ​ൻ വ​നം​വ​കു​പ്പ് ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന് അ​വ​ർ കു​റ്റ​പ്പെ​ടു​ത്തി. കേ​ര​ള​ത്തി​ന്റെ വ​ന​വി​സ്തൃ​തി​ക്ക​നു​സ​രി​ച്ച് 600 ആ​ന​ക​ൾ​ക്ക് സ​ഞ്ച​രി​ക്കാ​നും ഭ​ക്ഷ​ണ​ത്തി​നും സൗ​ക​ര്യ​മു​ള്ളി​ട​ത്ത് അ​തി​ന്റെ പ​ത്തി​ര​ട്ടി ആ​ന​ക​ളാ​ണ് നി​ല​വി​ലു​ള്ള​തെ​ന്നും അ​വ​ർ പ​റ​ഞ്ഞു

മാനന്തവാടി: കേരള ഭാഷാ ഇൻസ്റ്റിറ്റ്യൂട്ടും മാനന്തവാടി ഗവൺമെൻറ് കോളേജും സംയുക്തമായി സംഘടിപ്പിച്ച ദ്വിദിന സെമിനാറിന് തുടക്കം കുറിച്ചു. പ്രസിദ്ധ എഴുത്തുകാരനും സാംസ്കാരിക പ്രവർത്തകനുമായ കെ.ജെ. ബേബിയുടെ എഴുത്തും ജീവിതവും അടിസ്ഥാനമാക്കിയുള്ള സെമിനാർ ജനുവരി 20, 21 തീയതികളിലായാണ് നടക്കുന്നത്.

പ്രസിദ്ധ സാഹിത്യകാരിയും സാംസ്ക്കാരിക പ്രവർത്തകയുമായ സി.എസ്. ചന്ദ്രിക ഉദ്ഘാടനം ചെയ്തു. പാർശ്വവത്കൃത സമൂഹത്തിന്റെ ജീവിത ദുരിതക്കാഴ്ചകളെ കാല്പനികവത്കരിക്കാതെ പരുഷമായി കോറിയിട്ട കെ.ജെ ബേബിയുടെ കൃതികൾ പുനർവായനക്ക് വിധേയമാക്കണമെന്നും ആ കൃതികളെയും ബദൽ വിദ്യാഭ്യാസ സമ്പ്രദായമായ കനവിനെയും മുൻ നിർത്തിയ പഠനങ്ങൾ ഉണ്ടാവേണ്ടത് അനിവാര്യമാണെന്നും അവർ അഭിപ്രായപ്പെട്ടു.