കോഴിക്കോട്: കാരപ്പറമ്പ് മെയ്ത്ര-എടക്കാട് റോഡിൽ കഴിഞ്ഞ ദിവസം തെന്നിവീണത് ഏഴ് ബൈക്കുകളാണ്. പലർക്കും സാരമായി പരിക്കേൽക്കുകയും ചെയ്തു. മഴയാണ് വില്ലനെന്ന് ആദ്യം കരുതിയെങ്കിലും നാട്ടുകാർക്ക് പിന്നീട് മനസ്സിലായി വില്ലൻ മറ്റൊരാളാണെന്ന്. റോഡിലുടനീളം വീണുകിടന്ന ഞാവൽപ്പഴമായിരുന്നു യഥാർഥ വില്ലൻ.റോഡരികിലെ മരത്തിൽ നിന്ന് വൻതോതിൽ ഞാവൽപ്പഴം റോഡിലേക്ക് വീണിരുന്നു. മഴപെയ്യുകയും ഒപ്പം വാഹനങ്ങൾ കയറിയിറങ്ങി ഞാവൽപ്പഴ അവശിഷ്ടം റോഡിലാകെ നിറയുകയും ചെയ്തതോടെയാണ് ബൈക്കുകൾ ഒന്നൊന്നായി തെന്നിവീഴാൻ തുടങ്ങിയത്.പിന്നീട്, നാട്ടുകാർ അറിയിച്ചതിനെ തുടർന്ന് ഫയർഫോഴ്സ് എത്തിയാണ് ഞാവൽപ്പഴ അവശിഷ്ടങ്ങൾ റോഡിൽ നിന്ന് നീക്കിയത്.
സ്വത്ത് വേണ്ടി ഇരട്ടി പ്രായമുള്ള സ്ത്രീയെ വിവാഹം കഴിച്ച ശേഷം കൊലപ്പെടുത്തിയ കേസിൽ യുവാവിന് ജീവപര്യന്തം തടവ്.
സ്വത്ത് തട്ടിയെടുക്കാന് ഇരട്ടി പ്രായമുള്ള സ്ത്രീയെ വിവാഹം കഴിച്ച ശേഷം കൊലപ്പെടുത്തിയ കേസിൽ യുവാവിന് ജീവപര്യന്തം തടവ്. തിരുവനന്തപുരം സ്വദേശിനി ശാഖാകുമാരിയെ ഭര്ത്താവ് അരുൺ ഷോക്കടിപ്പിച്ച് കൊലപ്പെടുത്തുകയായിരുന്നു. ത്രേസ്യാപുരം പുത്തന് വീട്ടില് ശാഖാകുമാരിയും അരുണും തമ്മിലുള്ള വിവാഹം നടക്കന്നത് 2020 ഒക്ടോബര് 29 നാണ്. ഇലക്ട്രീഷ്യനാണ് അരുണ്. ശാഖാകുമാരിയെ പ്രണയിച്ച് വിവാഹം കഴിക്കുകയായിരുന്നു. വിവാഹം കഴിക്കുന്പോള് ശാഖാകുമാരിക്ക് 52 ഉം അരുണിന് 27 വയസ്സുമായിരുന്നു പ്രായം. വിവാഹം രഹസ്യമായി നടത്തണമെന്നും വിവാഹ ഫോട്ടോയോ വീഡിയോയോ പുറത്ത് വിടരുതെന്നും അരുണ് വ്യവസ്ഥ വെ്ച്ചിരുന്നു. എന്നാൽ ശാഖാകുമാരിയുടെ ചില ബന്ധുക്കൾ ഫോട്ടോ പ്രചരിപ്പിച്ചത് അരുണിനെ പ്രകോപിപിച്ചു. തുടര്ന്ന് വിവാഹം കഴിഞ്ഞ്, രണ്ട് മാസം തികയും മുന്പേ കൊലപ്പെടുത്താൻ തീരുമാനിക്കുകയായിരുന്നു. ശാഖാകുമാരിയുടെ കുന്നത്തുകാലിലെ വീട്ടിൽ വച്ചായിരുന്നു കൊലപാതകം.ഡിസംബര് 25ന് ക്രിസ്മസ് ആഘോഷം കഴിഞ്ഞ് ബന്ധുക്കള് പിരിഞ്ഞ ശേഷം ശ്വാസം മുട്ടിച്ച് ബോധം കെടുത്തി. ഇതിന് ശേഷം ഷോക്കടിപ്പിച്ച് കൊല്ലുകയായിരുന്നു. സ്വാഭാവികമായി ഷോക്കേറ്റതാണെന്ന് വരുത്താൻ ശരീരത്തിൽ അലങ്കാര ബള്ബുകൾ ചുറ്റിവെക്കുകയും ചെയ്തു. നാട്ടുകാർക്ക് തോന്നിയ സംശയമാണ് പൊലീസ് അന്വേഷണം അരുണിലെക്കെത്തിയത്. സ്വത്ത് തട്ടിയെടുക്കുക എന്ന ഉദ്ദേശത്തോടെയാണ് അരുണ്, തന്നെക്കാള് ഇരട്ടിപ്രായമുള്ള ശാഖാകുമാരിയെ പ്രണയിച്ച് വിവാഹം കഴിച്ചതെന്നായിരുന്നു പൊലീസിന്റെ കണ്ടെത്തിൽ. നെയ്യാറ്റിൻകര അഡീഷണൽ ജില്ലാ കോടതി ജഡ്ജി എഎം ബഷീര് അരുണിന് ജീവിപര്യന്തം കഠിന തടവും 2 ലക്ഷം രൂപ പിഴയും ശിക്ഷ വിധിക്കുകയായിരുന്നു
ട്രാപ്പിലാക്കുന്ന ഓൺലൈൻ ചങ്ങാത്തങ്ങൾ:കേരള പോലീസ്
നമ്മുടെ ഫോണിൽ അറിയാത്ത നമ്പറിൽ നിന്നോ അറിയാത്ത വ്യക്തികളിൽ നിന്നോ വരുന്ന വീഡിയോ കോളുകൾ ചിലപ്പോൾ ട്രാപ് ആകാം. അതിനാൽ ഇത്തരം കോളുകൾ ശ്രദ്ധിച്ചു മാത്രം എടുക്കുക. മറുവശത്ത് വിളിക്കുന്നയാൾ നഗ്നത പ്രദർശിപ്പിക്കുകയും നിങ്ങളോടൊപ്പം ചേർന്നുള്ള സ്ക്രീൻ റെക്കോർഡ് എടുക്കുകയും ചെയ്തേക്കാം. ഈ ചിത്രങ്ങൾ പിന്നീട് പണത്തിനായി ബ്ലാക്ക് മെയിൽ ചെയ്യാൻ ഉപയോഗിക്കും. സോഷ്യൽ മീഡിയ കോൺടാക്റ്റുകളുടെ സമഗ്രമായ വിശകലനത്തിനു ശേഷമാണ് ഇത്തരം കോളുകൾ വിളിക്കുന്നത്. അതിനാൽ പണം നൽകാനുള്ള സമ്മർദ്ദം സൃഷ്ടിക്കുന്ന ചിത്രങ്ങൾ നിങ്ങളുടെ സുഹൃത്തുക്കൾക്കും ബന്ധുക്കൾക്കും അയയ്ക്കാൻ അവർക്ക് കഴിയും. ഇതിൽ നിന്ന് രക്ഷപ്പെടാനുള്ള വഴി ലളിതമാണ് – അപരിചിതരിൽ നിന്നുള്ള വീഡിയോ കോളുകൾക്ക് മറുപടി നൽകരുത്.തട്ടിപ്പിനിരയായാൽ ഒരുമണിക്കൂറിനകം [ GOLDEN HOUR ] തന്നെ വിവരം 1930 ൽ അറിയിച്ചാൽ പണം തിരികെ ലഭിക്കാനുള്ള സാധ്യത കൂടുതലാണ്#keralapolice
ട്രാൻസ്ജെൻഡറോടൊപ്പം പുലർച്ചെ സ്കൂട്ടറിൽ യാത്ര, പാതിവഴിയിൽ അടിപിടി; നാല് യുവാക്കൾ പിടിയിൽ; സ്കൂട്ടർ മോഷണം കേസ്
കുന്നമംഗലം : ട്രാൻസ്ജെൻഡറുടെ സ്കൂട്ടർ മോഷ്ടിച്ച കേസിൽ നാല് യുവാക്കൾ പിടിയിൽ. കോഴിക്കോടാണ് സംഭവം. കുന്ദമംഗലം നൊച്ചിപ്പൊയിൽ സ്വദേശി റബീൻ (23), കൊടുവള്ളി നിസാമുദ്ദീൻ (27), പതിമംഗലം അബ്ദുൾ ജബ്ബാർ (23), മുട്ടാഞ്ചേരി റാഫി (26) എന്നിവരാണ് കോഴിക്കോട് കുന്ദമംഗലം പൊലീസിൻ്റെ പിടിയിലായത്. ഏപ്രിൽ 20 ന് പുലർച്ചെയാണ് സംഭവം. പ്രതികളിലൊരാളായ ജബ്ബാർ ട്രാൻസ്ജെൻഡറോടൊപ്പം സ്കൂട്ടറിൽ യാത്ര ചെയ്യുകയായിരുന്നു. കുന്ദമംഗലം സിന്ധു തിയറ്ററിനടുത്ത് സ്കൂട്ടർ നിർത്തിയ ശേഷം ട്രാൻസ്ജെൻഡറിന്റെ കയ്യിൽ നിന്നും പ്രതി താക്കോൽ പിടിച്ചു വാങ്ങി. ഇവിടെയുണ്ടായിരുന്ന പ്രതിയുടെ സുഹൃത്തുക്കൾക്ക് താക്കോൽ കൈമാറുകയും ചെയ്തു. പിന്നീട് സ്കൂട്ടറുമായി കടന്നുകളയാനുള്ള പ്രതികളുടെ ശ്രമം ചെറുക്കുന്നതിനിടെ ട്രാൻസ്ജെൻഡറെ പ്രതികളിലൊരാൾ മർദ്ദിച്ചു
നടിമാരുടെ പരാതി; ആറാട്ടണ്ണൻ എന്ന സന്തോഷ് വര്ക്കി കൊച്ചി പൊലീസിന്റെ പിടിയിൽ
കൊച്ചി:സാമൂഹ്യമാധ്യമത്തിലൂടെ അശ്ലീല പരാമര്ശം നടത്തിയെന്ന പരാതിയിൽ ആറാട്ടണ്ണൻ എന്നറിയപ്പെടുന്ന സന്തോഷ് വര്ക്കി കസ്റ്റഡിയിൽ. എറണാകുളം നോര്ത്ത് പൊലീസാണ് സന്തോഷ് വര്ക്കിയെ കസ്റ്റഡിയിലെടുത്തത്. സിനിമ നടിമാർക്കെതിരെ ഫേസ് ബുക്ക് പേജിലൂടെ അശ്ലീല പരാമർശം നടത്തിയ സംഭവത്തിലാണ് പൊലീസ് കസ്റ്റഡിയിലെടുത്തത്.
ആറാട്ട് എന്ന മോഹൻലാൽ ചിത്രത്തിന്റെ റിവ്യു പറഞ്ഞ് സോഷ്യൽ മീഡിയയിൽ ശ്രദ്ധനേടിയ ആളാണ് സന്തോഷ് വർക്കി. ഇതിന് പിന്നാലെ ആറാട്ടണ്ണൻ എന്ന വിളിപ്പേരിലാണ് സന്തോഷ് അറിയപ്പെടാൻ തുടങ്ങിയത്. കൊച്ചിയിലെ പ്രധാന തിയറ്ററിൽ സന്തോഷ് റിവ്യു പറയാൻ എത്താറുണ്ട്. നേരത്തെ സിനിമ കാണാതെ റിവ്യു പറഞ്ഞതിന്റെ പേരില് സന്തോഷ് വര്ക്കിയെ ആളുകള് മര്ദ്ദിച്ചിരുന്നു. വിഷുവിന് റിലീസ് ചെയ്ത മമ്മൂട്ടി നായകനായ ബസൂക്കയില് സന്തോഷ് വര്ക്കി അഭിനയിച്ചിരുന്നു.
മുന് ഐഎസ്ആര്ഒ ചെയര്മാന് കെ കസ്തൂരിരംഗൻ അന്തരിച്ചു
ബെംഗളൂരു: മുന് ഐഎസ്ആര്ഒ ചെയര്മാന് ഡോ. കെ കസ്തൂരിരംഗൻ അന്തരിച്ചു. 84 വയസായിരുന്നു. ബെംഗളൂരുവിലെ വസതിയിൽ ഇന്ന് രാവിലെയായിരുന്നു അന്ത്യം. 1994 മുതൽ 2003 വരെ 9 വർഷം ഇസ്രോയുടെ മേധാവിയായിരുന്നു അദ്ദേഹം. പിന്നീട് 2003 മുതൽ 2009 വരെ രാജ്യസഭാ എംപിയായി. പദ്മവിഭൂഷൻ പുരസ്കാരം നൽകി രാജ്യം ആദരിച്ച ശാസ്ത്രജ്ഞൻ. 1940 ൽ എറണാകുളത്താണ് ഡോ. കസ്തൂരിരംഗൻ ജനിച്ചത്. അദ്ദേഹത്തിന്റെ അച്ഛനും അമ്മയും കേരളത്തിൽ വന്ന് താമസിച്ച തമിഴ്നാട് സ്വദേശികളാണ്. ഇൻസാറ്റ്, പിഎസ്എൽവി, ജിഎസ്എൽവി സാറ്റലൈറ്റുകളുടെ വികസനം ഇദ്ദേഹത്തിന്റെ കാലത്തായിരുന്നു
തമിഴ്നാട്ടിൽ മയോണൈസ് നിരോധിച്ചു
ചെന്നൈ: തമിഴ്നാട്ടിൽ മയോണൈസ് നിരോധിച്ചു. പച്ചമുട്ട ചേർത്ത മയോണൈസാണ് നിരോധിച്ചത്. ഗുരുതര ആരോഗ്യ പ്രശ്നങ്ങൾ ഉണ്ടാക്കിയേക്കാം എന്നതിനാൽ ഏപ്രിൽ എട്ട് മുതൽ ഫുഡ് സേഫ്റ്റി ആൻഡ് സ്റ്റാൻഡേർഡ് ആക്ട് (2006) പ്രകാരം ഒരു വർഷത്തേക്കാണ് നിരോധനം. ഈ കാലയളവിൽ മയോണൈസ് ഉണ്ടാക്കാനോ, സൂക്ഷിക്കാനോ, വിതരണം ചെയ്യാനോ സാധിക്കില്ല.മുട്ടയുടെ മഞ്ഞ, വെജിറ്റബിൾ ഓയിൽ, വിനാഗിരി എന്നിവയുപയോഗിച്ചുണ്ടാക്കുന്ന മയോണൈസ് ഭക്ഷ്യവിഷബാധയ്ക്ക് കാരണമായേക്കും എന്ന് തമിഴ്നാട് ഫുഡ് സേഫ്റ്റി ആൻഡ് ഡ്രഗ് അഡ്മിനിസ്ട്രേഷൻ കമ്മീഷണർ പുറത്തിറക്കിയ വിജ്ഞാപനത്തിൽ പറയുന്നു.സാൽമണല്ല ബാക്ടീരിയിൽ നിന്നുള്ള വിഷബാധയ്ക്കാണ് സാധ്യത. ഗുട്ക, പാൻമസാല തുടങ്ങിയ ലഹരിവസ്തുക്കൾ നിരോധിച്ചതിന് സമാനമായാണ് മയോണൈസും നിരോധിച്ചിരിക്കുന്നത്.
ഫ്രിഡ്ജിലെ ദുർഗന്ധം അസഹനീയമായോ? വിഷമിക്കേണ്ട, പരിഹാരമുണ്ട്
അടുക്കളയിൽ ഏറ്റവും കൂടുതൽ ഉപയോഗമുള്ള ഒന്നാണ് ഫ്രിഡ്ജ്. ഭക്ഷണങ്ങൾ കേടുവരാതിരിക്കാനും എപ്പോഴും ഫ്രഷായി സൂക്ഷിക്കാനുമൊക്കെ ഫ്രിഡ്ജ് അത്യാവശ്യമായ ഒരു ഉപകരണമാണ്. എന്നാൽ ചില സമയങ്ങളിൽ ഫ്രിഡ്ജിൽ നിന്നും ദുർഗന്ധങ്ങൾ വരാറുണ്ട്. ഇത് സൂക്ഷിച്ചിരിക്കുന്ന ഭക്ഷണങ്ങൾ കേടുവരുന്നതുകൊണ്ടോ അല്ലെങ്കിൽ തുറന്ന് വയ്ക്കുന്നത് കൊണ്ടോ ആണ് സംഭവിക്കുന്നത്. ഫ്രിഡ്ജിലെ ദുർഗന്ധം അസഹനീയമായെങ്കിൽ ഇനി നിരാശപ്പെടേണ്ട. ദുർഗന്ധത്തെ അകറ്റാൻ ഇത്രയും ചെയ്താൽ മതി.
വൃത്തിയാക്കുക
എപ്പോഴും വൃത്തിയായി സൂക്ഷിക്കേണ്ട ഒന്നാണ് ഫ്രിഡ്ജ്. അതിനാൽ തന്നെ കൃത്യമായ ഇടവേളകളിൽ ഫ്രിഡ്ജ് കഴുകി വൃത്തിയാക്കാൻ മറക്കരുത്. നനഞ്ഞ തുണി ഉപയോഗിച്ച് തുടച്ചെടുത്താൽ ഫ്രിഡ്ജ് നന്നായി വൃത്തിയാകണമെന്നില്ല. നല്ല ക്ലീനറുകൾ ഉപയോഗിച്ച് തന്നെ ഫ്രിഡ്ജ് കഴുകി വൃത്തിയാക്കണം.
ദുർഗന്ധം ഇല്ലാതാക്കുന്ന സാധനങ്ങൾ
ഒരിക്കൽ വൃത്തിയാക്കി കഴിഞ്ഞാൽ ഫ്രിഡ്ജിൽ കാപ്പിപ്പൊടി, നാരങ്ങ, ഗ്രാമ്പു അല്ലെങ്കിൽ കറിവേപ്പില എന്നിവ സൂക്ഷിക്കുന്നത് ദുർഗന്ധത്തെ അകറ്റാൻ സഹായിക്കുന്നു. കറിവേപ്പിലയും വേപ്പിലയും സൂക്ഷിച്ചാൽ ചെറിയ പ്രാണികൾ വരുന്നതും തടയാൻ സാധിക്കും.
വായു കടക്കാത്ത പാത്രങ്ങൾ
ഫ്രിഡ്ജിനുള്ളിൽ ഭക്ഷണങ്ങൾ വൃത്തിയായി സൂക്ഷിക്കണമെങ്കിൽ വായു കടക്കാത്ത പാത്രത്തിലാക്കി വയ്ക്കാൻ ശ്രദ്ധിക്കണം. ഇത് ഭക്ഷണം കേടായിപ്പോകുന്നതിനെ തടയുകയും ഫ്രിഡ്ജിനുള്ളിൽ ദുർഗന്ധം ഇല്ലാതാക്കുകയും ചെയ്യുന്നു.
വിനാഗിരി
വെള്ളത്തിൽ കുറച്ച് വിനാഗിരി ചേർത്തതിന് ശേഷം അത് നന്നായി തിളപ്പിക്കണം. ശേഷം തിളപ്പിച്ച വെള്ളം ഫ്രിഡ്ജിൽ 6 മണിക്കൂറെങ്കിലും സൂക്ഷിക്കണം. ഇത് ഫ്രിഡ്ജിനുള്ളിലെ ദുർഗന്ധത്തെ വലിച്ചെടുക്കാൻ സഹായിക്കുന്നു.
എണ്ണ
ദീർഘ നേരത്തേക്ക് ദുർഗന്ധങ്ങൾ ഇല്ലാതിരിക്കണമെങ്കിൽ എണ്ണ ഉപയോഗിക്കുന്നത് നല്ലതായിരിക്കും. എണ്ണ മുക്കിയെടുത്ത കോട്ടൺ ബാളുകൾ ഫ്രിഡ്ജിന്റെ ഓരോ തട്ടിലായി സൂക്ഷിക്കാം. ഗന്ധമുള്ള എണ്ണയാണെങ്കിൽ ഫ്രിഡ്ജിനുള്ളിൽ നല്ല സുഗന്ധം ലഭിക്കുകയും ചെയ്യും.
ബസ് യാത്രക്കാരനെ കഴുത്ത് ഞെരിച്ച് കൊല്ലാൻ ശ്രമം; യുവാവ് പിടിയിൽ
കോഴിക്കോട്: ബസ് യാത്രക്കാരനെ കഴുത്ത് ഞെരിച്ച് ശ്വാസം മുട്ടിച്ച് കൊല്ലാൻ ശ്രമിക്കുകയും പണവും മൊബൈൽ ഫോണും കൈവശപ്പെടുത്തുകയും ചെയ്ത പറമ്പിൽ ബസാർ ഹയറൂ മൻസിലിൽ റംഷാദ് (28) കസബ പൊലീസ് പിടിയിലായി.പെരുമണ്ണ- കോഴിക്കോട് റൂട്ടിലോടുന്ന സാഹിർ ബസിന്റെ പിൻസീറ്റിലിരുന്ന് യാത്ര ചെയ്തയാളെ കിണാശ്ശേരി എത്തിയ സമയം തൊട്ടടുത്തിരിക്കുകയായിരുന്ന പ്രതി, അനങ്ങാൻ സമ്മതിക്കാതെ കഴുത്തിൽ പിടിച്ച് മുറുക്കിയും മുഖത്ത് അടിച്ചും നെഞ്ചിൽ ചവിട്ടിയും പരിക്കേൽപ്പിച്ച് ഷർട്ടിന്റെ പോക്കറ്റിലുണ്ടായിരുന്ന മൊബൈൽ ഫോണും 4500 രൂപയും ബലമായി പിടിച്ചുപറിച്ച് കൊണ്ടുപോവുകയായിരുന്നു.രണ്ടാം ഗേറ്റിനടുത്തുള്ള മൊബൈൽ ഷോപ്പിനു മുന്നിൽ മക്കട സ്വദേശി നിസാമുദ്ദീനെ തടഞ്ഞുവെച്ച് ആക്രമിച്ച് പരിക്കേൽപിച്ചതിനും ഭീഷണിപ്പെടുത്തിയതിനുമായി ഇയാൾക്കെതിരെ ടൗൺ സ്റ്റേഷനിൽ കേസ് നിലവിലുണ്ടെന്ന് പൊലീസ് പറഞ്ഞു. പ്രതിയെ റിമാൻഡ് ചെയ്തു.
പഹൽഗാം ഭീകരാക്രമണത്തിൽ വിറങ്ങലിച്ച് രാജ്യം; മരണം 28 ആയി, മലയാളിയുടെ മൃതദേഹം നാട്ടിലെത്തിക്കാൻ നടപടി തുടങ്ങി
ജമ്മുകശ്മീരിലെ പഹൽഗാമിലെ ബൈസരണിലുണ്ടായ ഭീകരാക്രമണത്തിൽ കൊല്ലപ്പെട്ടവരുടെ എണ്ണം 28 ആയി ഉയർന്നു. 27 പുരുഷൻമാരും ഒരു സ്ത്രീയും കൊല്ലപ്പെട്ടു എന്നാണ് റിപ്പോർട്ട്. ആക്രമണത്തില് പരിക്കേറ്റ പത്തിലധികം പേർ ചികിത്സയിലുണ്ട്. ഇടപ്പള്ളി സ്വദേശി രാമചന്ദ്രനും ആക്രമണത്തിൽ കൊല്ലപ്പെട്ടിരുന്നു. ഇദ്ദേഹത്തിന്റെ മൃതദേഹം നാടുകളിലേക്ക് കൊണ്ടുപോകാനുള്ള നടപടി ഇന്നുണ്ടാകും. ഒരു നേപ്പാൾ സ്വദേശിയും യുഎഇ പൗരത്വമുള്ള ഇന്ത്യൻ വംശജനും കൊല്ലപ്പെട്ടവരിലുണ്ട്. കൊല്ലപ്പെട്ടവരുടെ മൃതദേഹങ്ങൾ ശ്രീനഗറിൽ എത്തിച്ചു. പോസ്റ്റ്മോർട്ടം ശ്രീനഗറിൽ തന്നെ നടത്തും. മൃതദേഹങ്ങൾ വിട്ടുനൽകാൻ 2 ദിവസം വരെ കാലതാമസമെടുത്തേക്കാമെന്നും റിപ്പോർട്ടുകൾ
പഹൽഗാം സാഹചര്യം വിലയിരുത്താൻ പ്രധാനമന്ത്രിയുടെ അധ്യക്ഷതയിൽ ഇന്ന് യോഗം ചേരും. സൗദി സന്ദർശനം വെട്ടിച്ചുരുക്കിയ പ്രധാനമന്ത്രി നരേന്ദ്ര മോദി ഇന്ത്യയിലേക്ക് തിരിച്ചു. സുരക്ഷാകാര്യങ്ങൾക്കുള്ള മന്ത്രിസഭാ സമിതി യോഗം പ്രധാനമന്ത്രി വിളിച്ചേക്കും. ധനമന്ത്രി നിർമല സീതാരാമനും ഇന്ത്യയിലേക്ക് തിരിച്ചിട്ടുണ്ട്. ആഭ്യന്തര മന്ത്രി അമിത് ഷാ ജമ്മു കശ്മീരിൽ തങ്ങി സ്ഥിതി വിലയിരുത്തുകയാണ്. അദ്ദേഹം ഇന്ന് പഹൽഗാമിലെത്തും. ഭീകരാക്രമണത്തെക്കുറിച്ച് എൻഐഎ അന്വേഷണം തുടങ്ങി. ഭീകരർക്കായി സുരക്ഷാസേനയും ജമ്മുകശ്മീർ പൊലീസും സംയുക്ത തെരച്ചിൽ തുടരുകയാണ്. പഹൽഗാം, ബൈസ രൺ, അനന്ത് നാഗ് മേഖലകളിലാണ് പരിശോധന. അതേസമയം, ഭീകരാക്രമണത്തിന്റെ പശ്ചാത്തലത്തില് ദില്ലിക്ക് പുറമെ യുപിയിലും സുരക്ഷ കൂട്ടി വിനോദ സഞ്ചാര മേഖലകളിൽ നിരീക്ഷണം കർശനമാക്കും.



