ചാറ്റുകൾ കൂടുതൽ സ്വകാര്യമാക്കുന്ന ഫീച്ചറുമായി വാട്സ്ആപ്പ്. അയക്കുന്ന ചിത്രങ്ങളും വീഡിയോകളും സ്വീകര്ത്താവിന്റെ ഫോണില് സേവ് ആകുന്നത് തടയുന്നതടക്കമുള്ള ഫീച്ചറാണ് വാട്സ്ആപ്പ് പുതുതായി അവതരിപ്പിക്കാനൊരുങ്ങുന്നത്. അഡ്വാന്സ്ഡ് ചാറ്റ് പ്രൈവസി എന്നതാണ് ഫീച്ചറിന്റെ പേര്. വാട്സാപ്പിന്റെ ഫീച്ചര് ട്രാക്കിങ് വെബ്സൈറ്റായ വാബീറ്റാ ഇന്ഫോയുടെ റിപ്പോര്ട്ട് പ്രകാരം, ഐഒഎസിന്റെ അടുത്ത അപ്ഡേറ്റുകളിലൊന്നില് ഈ ഫീച്ചര് ലഭ്യമാകും. ഡിസപ്പിയറിങ് ഫീച്ചര്, ഒരൊറ്റ തവണ മാത്രം കാണാനും കേള്ക്കാനും കഴിയുന്ന ഫീച്ചര് എന്നിവയൊക്കെ വാട്സ്ആപ്പിലുണ്ട്. സ്വകാര്യത സംരക്ഷിക്കുന്നതിന്റ ഭാഗമായിട്ടായിരുന്നു ഇത്തരം ഫീച്ചറുകളൊക്കെ വാട്സ്ആപ്പ് കൊണ്ടുവന്നിരുന്നത്. ഇതിന്റെയൊക്കെ അഡ്വാന്സ്ഡ് ആയിട്ടുള്ള ഫീച്ചറായിരിക്കും വാട്സ്ആപ്പ് നടപ്പിലാക്കാനൊരുങ്ങുന്നത്. ഈ ഫീച്ചര് ആക്ടിവേറ്റ് ചെയ്താല്, നിങ്ങള് അയച്ച മീഡിയ ഫയലുകള് സ്വീകര്ത്താവിന് അവരുടെ ഫോണില് സേവ് ചെയ്യാന് സാധിക്കില്ല. മീഡിയ ഫയല് ഗാലറിയിലേക്ക് സേവ് ചെയ്യാന് ശ്രമിച്ചാല്, അഡ്വാന്സ്ഡ് ചാറ്റ് പ്രൈവസി ഓണ് ആണെന്നും ഓട്ടോ-സേവ് സാധ്യമല്ലെന്നുമുള്ള അറിയിപ്പ് സ്ക്രീനില് തെളിയും. നിലവിൽ ഉപയോക്താക്കളെ അവരുടെ ചാറ്റ് ഹിസ്റ്ററി മറ്റൊരാളുമായി എക്സ്പോർട്ട് ചെയ്യാൻ കഴിയും. എന്നാൽ പുതിയ ഫീച്ചര് ഉപയോഗപ്പെടുത്തുകയാണെങ്കില് അതിനും തടസങ്ങളുണ്ടാകും. അതേസമയം പുതിയ അഡ്വാൻസ്ഡ് ചാറ്റ് പ്രൈവസി ഫീച്ചറില് ഇപ്പോഴും ‘പണി’ നടന്നുകൊണ്ടിരിക്കുകയാണ്. അതിനാല് ഫീച്ചറിനായി ഇനിയും കാത്തിരിക്കേണ്ടിവരും. ഇതിനകം തന്നെ നിരവധി ഫീച്ചറുകള് അവതരിപ്പിച്ച് വാട്സ്ആപ്പ് ഉപയോക്താക്കളെ കയ്യിലെടുത്തിട്ടുണ്ട്
വഴി തെറ്റിയാൽ അടുത്ത എക്സിറ്റ് ആറു കിലോമീറ്റർ അകലെ; ദേശീയപാത 66 ൽ
കോഴിക്കോട്, മലപ്പുറം ജില്ലകൾ അതിരിടുന്ന ഇടിമുഴിക്കൽ നിസരി ജംക്ഷനിൽ തൃശൂർ ഭാഗത്തേയ്ക്കുള്ള ട്രാക്കുകൾ വഴി എത്തുന്ന വാഹനങ്ങൾ അതേ ദിശയിലേക്കുള്ള സർവീസ് റോഡിൽ പ്രവേശിക്കുന്നത് നിരോധിച്ചു. ട്രാഫിക് സുരക്ഷാ കോണുകൾ സ്ഥാപിച്ചാണ് ഈ നിരോധനം. പരിസര പ്രദേശങ്ങളിലേയ്ക്കുള്ള വാഹന യാത്രക്കാരെ സംബന്ധിച്ച് ഇത് തിരിച്ചടിയായി. എന്നാൽ, നിസരി ജംക്ഷനിൽ സർവീസ് റോഡി്ൽ നിന്ന് തൃശൂർ ദിശയിലേക്ക് പ്രവേശനം അനുവദിച്ചിട്ടുണ്ട്.
കോഴിക്കോട് ദിശയിൽ നിന്ന് എത്തുന്ന വാഹനങ്ങൾ രാമനാട്ടുകര മേൽപാലത്തിൽ നിന്ന് വടക്കുമാറിയുള്ള എക്സിറ്റ് വഴി സർവീസ് റോഡിൽ പ്രവേശിച്ചില്ലെങ്കിൽ അടുത്ത എക്സിറ്റ് കാലിക്കറ്റ് സർവകലാശാലാ ക്യാംപസിനടുത്ത ചെട്ട്യാർമാട്ടാണുള്ളത്. അതായത് 6 കിലോമീറ്റർ അകലെ. ചെട്ട്യാർമാട്ട് സർവീസ് റോഡിൽ എത്തിയാലും അവിടെ നിന്ന് കാൽ കിലോമീറ്റർ അകലെയുള്ള മേൽപാലത്തിൽ എത്തിയ ശേഷമേ എതിർ ദിശയിലെ സർവീസ് റോഡ് വഴി മടങ്ങാനാകൂ. ഇടിമുഴിക്കൽ, പുല്ലിപ്പറമ്പ്, സ്പിന്നിങ്മിൽ അങ്ങാടി, കാക്കഞ്ചേരി തുടങ്ങിയ സ്ഥലങ്ങളിലേക്കും അനുബന്ധ മേഖകളിലേക്കും തൃശൂർ ദിശയിലേക്കുള്ള ആറുവരിപ്പാതയിൽ നിന്ന് സർവീസ് റോഡിലേക്ക് നേരിട്ട് പ്രവേശിക്കാനാകില്ല.
രാമനാട്ടുകര മേൽപാലം പരിസരത്ത് നിന്ന് എക്സിറ്റ് വഴി സർവീസ് റോഡിൽ പ്രവേശിച്ചാൽ പ്രതിസന്ധി മറികടക്കാം. രാമനാട്ടുകര ഭാഗത്ത് നിന്നുള്ള വാഹനങ്ങൾ മഞ്ചേരി റോഡ് വഴിയെത്തി എയർപോർട്ട് റോഡ് ജംക്ഷനിലെ അടിപ്പാത വഴി എൻഎച്ച് 66ൽ തൃശൂർ ഭാഗത്തേയ്ക്കുളള സർവീസ് റോഡിൽ പ്രവേശിച്ചും അധിക ദൂരം താണ്ടുന്നത് പരമാവധി ഒഴിവാക്കാം. രാമനാട്ടുകരയിൽ നിന്ന് തോട്ടുങ്ങൽ പാലം വഴി എത്തുന്ന വാഹന യാത്രക്കാർക്ക് നിസരി ജംക്ഷനിൽനിന്ന് നേരിട്ട് ആറുവരിപ്പാതയിലോ മറു വശത്ത് തൃശൂർ ദിശയിലെ സർവീസ് റോഡിലോ നേരിട്ട് പ്രവേശിക്കാനാകില്ല. കോഴിക്കോട് ഭാഗത്തേക്കുള്ള സർവീസ് റോഡ് വഴി അര കിലോമീറ്റർ സഞ്ചരിച്ച് എയർപോർട്ട് റോഡ് ജംക്ഷനിലെ അടിപ്പാത വഴി തൃശൂർ ദിശയിലേക്ക് സർവീസ് റോഡിലെത്തി അവർക്ക് യാത്ര തുടരാനാകും. ഇരു ദിശകളിലുമായി ഒരു കിലോമീറ്റർ അധികം ചുറ്റണമെന്നത് ഇവരെ സംബന്ധിച്ചും അലച്ചിൽ.
കോഴിക്കോട് ദിശയിലേക്കുള്ള 3 ട്രാക്കുകൾ വഴി എത്തുന്ന വാഹനങ്ങൾക്കും നിസരി ജംക്ഷനിൽ സർവീസ് റോഡിലേക്ക് എക്സിറ്റ് അനുവദിച്ചിട്ടുണ്ട്. അതോടെ ആറുവരിപ്പാത വഴി തൃശൂർ ഭാഗത്തുനിന്ന് വരുന്ന വാഹനങ്ങൾക്ക് അനായാസം രാമനാട്ടുകര ഭാഗത്ത് എത്താനാകും. വാഹന ഡ്രൈവർമാർക്ക് ദൂരെ നിന്നേ കാണാൻ പാകത്തിൽ ട്രാഫിക് സുരക്ഷാ കോണുകൾ സ്ഥാപിച്ച് എക്സിറ്റ് ക്രമീകരിച്ചിട്ടുണ്ട്. ട്രാഫിക് സുരക്ഷാ അടയാളങ്ങൾ അവഗണിച്ചാൽ അതൊക്കെ ഒപ്പിയെടുക്കാൻ പലയിടത്തും സിസിടിവി ക്യാമറകൾ സ്ഥാപിച്ച് വരികയാണ്. എൻഎച്ച് ആറുവരിപ്പാത ഔദ്യോഗികമായി നാടിന് സമർപ്പിക്കുന്ന മുറയ്ക്ക് ട്രാഫിക് നിയമം ലംഘിക്കുന്നവർക്ക് പിഴ ചുമത്താൻ പാകത്തിലാണ് ക്രമീകരണം.
ഫേസ് ഐഡിയോടെ പുതിയ ആധാർ ആപ്പ്; ഒറിജിനല് ആധാര് എവിടെയും കൊടുക്കണ്ട, ക്യുആർ കോഡ് സ്കാൻ ചെയ്താല് മാത്രം മതി!
സുരക്ഷിതവുമാക്കുന്നതിനാണ് ഈ പുതിയ നടപടി സ്വീകരിച്ചതെന്ന് കേന്ദ്ര ഐടി മന്ത്രി അശ്വിനി വൈഷ്ണവ് പറഞ്ഞു. ഈ ആപ്പിലൂടെ ആധാർ സ്ഥിരീകരണ പ്രക്രിയ യുപിഐ പേയ്മെന്റ് പോലെ എളുപ്പമാക്കുമെന്നും അദ്ദേഹം പറഞ്ഞു. ക്യുആർ കോഡ് ഉപയോഗിച്ച് ആധാർ ഡിജിറ്റൽ ആയി പരിശോധിക്കാൻ കഴിയും. പുതിയ ആധാർ ആപ്പ് പൂർണ്ണമായും സുരക്ഷിതമായിരിക്കും, ഇത് ആധാറുമായി ബന്ധപ്പെട്ട ഡാറ്റ എവിടെയും ചോരില്ലെന്ന് ഉറപ്പാക്കുന്നതായും കേന്ദ്ര സര്ക്കാര് പറയുന്നു. നിലവിലുള്ള എംആധാർ ആപ്പുമായി താരതമ്യപ്പെടുത്തുമ്പോൾ പുതിയ ആപ്പിന് പുതുക്കിയ രൂപകൽപ്പനയുണ്ട്.
യുപിഐ പേയ്മെന്റുകൾ പോലെ തന്നെ ഈ ആപ്പ് വഴി ഒരു ക്യുആർ കോഡ് സ്കാൻ ചെയ്ത് ആധാർ പരിശോധന ഇപ്പോൾ നടത്താനാകും. അതായത് ഉപയോക്താക്കൾക്ക് ഇപ്പോൾ അവരുടെ സ്വകാര്യത ഉറപ്പാക്കിക്കൊണ്ട് അവരുടെ ആധാർ വിശദാംശങ്ങൾ ഡിജിറ്റലായി പരിശോധിക്കാനും പങ്കിടാനും സാധിക്കും. ഹോട്ടലുകൾ, വിമാനത്താവളങ്ങൾ ഉൾപ്പെടെ തിരിച്ചറിയൽ രേഖയായി ആധാർ ഉപയോഗിക്കുന്ന സ്ഥലങ്ങളിൽ ആധാർ കാർഡോ അതിന്റെ ഫോട്ടോകോപ്പിയോ നല്കുന്നത് ഒഴിവാക്കാൻ ഈ ആപ്പ് ഉപയോക്താക്കളെ അനുവദിക്കും. പകരം ഉപയോക്താക്കൾക്ക് ഒരു ക്യുആർ കോഡ് സ്കാൻ ചെയ്യാനും സ്വന്തം ഫോൺ ഉപയോഗിച്ച് മുഖം സ്കാൻ ചെയ്ത് അവരുടെ ഐഡന്റിറ്റി അവര്ക്ക് മുന്നില് തെളിയിക്കാനും സാധിക്കും. ശക്തമായ സ്വകാര്യതാ സുരക്ഷാ മുൻകരുതലുകളോടെയാണ് ഈ ആപ്പ് രൂപകൽപ്പന ചെയ്തിരിക്കുന്നത്. നിലവിൽ ഈ ആപ്പ് ബീറ്റ പരീക്ഷണ ഘട്ടത്തിലാണ്. പരീക്ഷണത്തിന് ശേഷം ഇത് രാജ്യ വ്യാപകമായി പുറത്തിറക്കും എന്നാണ് റിപ്പോർട്ടുകൾ.
ബംഗാൾ ഉൾക്കടലിൽ ന്യൂനമർദ്ദം ശക്തി പ്രാപിച്ചു, ഇടിമിന്നലോടെ മഴക്ക് സാധ്യത
സംസ്ഥാനത്ത് ഉയർന്ന താപനില മുന്നറിയിപ്പ് തുടരുന്നുവെന്ന് കേന്ദ്ര കാലാവസ്ഥാ വകുപ്പ്. ഇടുക്കിയും വയനാടും ഒഴികെയുള്ള ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. പാലക്കാട്, കൊല്ലം, തൃശ്ശൂർ ജില്ലകളിൽ 37 ഡിഗ്രി സെൽഷ്യസ് വരെ താപനില ഉയരുമെന്നാണ് മുന്നറിയിപ്പ്. തിരുവനന്തപുരം, പത്തനംതിട്ട, ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ 36 ഡിഗ്രി വരെ താപനില ഉയരാമെന്നാണ് മുന്നറിയിപ്പ്
അതേസമയം ബംഗാൾ ഉൾക്കടലിൽ ന്യുനമർദ്ദം ശക്തി പ്രാപിച്ചതിനാൽ സംസ്ഥാനത്ത് ഒറ്റപ്പെട്ടയിടങ്ങളിൽ വേനൽമഴ കിട്ടിയേക്കും. ചിലയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്ക് സാധ്യതയുണ്ട്. തെക്ക് പടിഞ്ഞാറൻ ബംഗാൾ ഉൾക്കടലിന് മുകളിൽ രൂപപ്പെട്ട ന്യൂനമർദ്ദം ശക്തി കൂടിയ ന്യുനമർദ്ദമായി
അടുത്ത 24 മണിക്കൂർ വടക്ക് – വടക്ക് പടിഞ്ഞാറ് ദിശയിൽ മധ്യ പടിഞ്ഞാറൻ ബംഗാൾ ഉൾക്കടലിനു മുകളിലൂടെ സഞ്ചരിക്കുന്ന ന്യുനമർദ്ദം തുടർന്നുള്ള 24 മണിക്കൂറിൽ വടക്കു -വടക്കു കിഴക്ക് ദിശയിൽ സഞ്ചരിച്ചു ശക്തി കുറയാൻ സാധ്യത. കേരളത്തിൽ അടുത്ത 5 ദിവസം ഇടിമിന്നലോടു കൂടിയ നേരിയ ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഓപറേഷൻ ഡി ഹണ്ട്: റൂറൽ ജില്ലയിൽ 425 പേർ പിടിയിൽ
കോഴിക്കോട് റൂറൽ ജില്ലയിൽ ഒന്നര മാസത്തിനിടെ ഓപറേഷൻ ഡി ഹണ്ടിന്റെ ഭാഗമായി പൊലീസ് 408 കേസുകൾ രജിസ്റ്റർ ചെയ്തു. ലഹരിയുമായി ബന്ധപ്പെട്ട് ആക്രമണ പ്രവർത്തനങ്ങളും കൊലപാതകവുമുൾപ്പെടെ നടന്നതിന്റെ പാശ്ചാത്തലത്തിലാണ് ജില്ല പൊലീസ് മേധാവി കെ.ഇ. വൈജുവിന്റെ നേതൃത്വത്തിൽ ഓപറേഷൻ ഡി. ഹണ്ടിന്റെ ഭാഗമായി പ്രത്യേക പരിശോധന നടത്തിയത്.
സംഭവത്തിൽ ലഹരിയുമായി ബന്ധപ്പെട്ട് 425ഓളം പ്രതികളെ അറസ്റ്റുചെയ്തു. 106.354 ഗ്രാം എം.ഡി.എം.എ, 15.69 കി.ഗ്രാം കഞ്ചാവ്, 343 കഞ്ചാവ് ബീഡി, 14.77 ഗ്രാം മെത്തഫെറ്റമിൻ, 1.8 ഗ്രാം ബ്രൗൺ ഷുഗർ, അഞ്ച് നൈട്രാസിപ്പാം ടാബ്ലറ്റ്, ഒരു കഞ്ചാവ് ചെടി എന്നിവ പിടികൂടി. അറസ്റ്റിലായവരിൽ ചിലരെ കാപ്പ ചുമത്തി നാടുകടത്തി. താമരശ്ശേരിയിലുണ്ടായ കൊലപാതകത്തിന്റെയും ആക്രമണ സംഭവങ്ങളുടെയും അടിസ്ഥാനത്തിൽ ലഹരിക്കെതിരെ റൂറൽ ജില്ല പൊലീസ് ജനകീയ പ്രതിരോധ കൂട്ടായ്മ സംഘടിപ്പിക്കുമെന്ന് ജില്ല മേധാവി അറിയിച്ചു. ഇന്ന് വൈകീട്ട് മൂന്നിന് താമരശ്ശേരി പരപ്പൻ പൊയിൽ ഹൈലാൻഡ് കൺവെൻഷൻ സെന്ററിൽ കണ്ണൂർ റേഞ്ച് ഐ.ജി യതീഷ് ചന്ദ്ര ഉദ്ഘാടനം ചെയ്യും. എം.എൽ.എമാരായ എം.കെ. മുനീർ, ലിന്റോ ജോസഫ്, ജനപ്രതിനിധികൾ തുടങ്ങിയവർ പങ്കെടുക്കും.
കൃഷ്ണപ്രിയയുടെ അച്ഛൻ ശങ്കരനാരായണൻ വിടവാങ്ങി
മലപ്പുറം: കൃഷ്ണപ്രിയയുടെ അച്ഛൻ എന്ന് പറഞ്ഞാൽ കേരളം ഓർക്കുന്ന മലപ്പുറം മഞ്ചേരി ചാരങ്കാവ് ചേണോട്ടുകുന്നിൽ പൂവ്വഞ്ചേരി തെക്കേവീട്ടിൽ ശങ്കരനാരായണൻ (75) നിര്യാതനായി. വാർധക്യ സഹജമായ അസുഖങ്ങൾ കാരണം സ്വവസതിയിൽ തിങ്കളാഴ്ച രാത്രിയോടെയായിരുന്നു അന്ത്യം..
അത്രപെട്ടെന്നൊന്നും കേരളത്തിന് മറക്കാൻ കഴിയാത്ത സംഭവമായിരുന്നു കൃഷ്ണപ്രിയ കൊലക്കേസ്. 2001 ഫെബ്രവരി ഒൻപതിന് ഏഴാം ക്ലാസിൽ പഠിക്കുന്ന കൃഷ്ണപ്രിയ സ്കൂൾ വിട്ടു വരുന്ന വഴി അയൽവാസിയായ എളങ്കൂർ ചാരങ്കാവ് കുന്നുമ്മൽ മുഹമ്മദ് കോയ (24) ബലാത്സംഗം ചെയ്ത് കൊലപ്പെടുത്തുകയായിരുന്നു. 2002 ജൂലായ് 27ന് ജാമ്യത്തിലിറങ്ങിയ പ്രതിയെ പിതാവ് ശങ്കരനാരായണൻ വെടിവെച്ച് കൊലപ്പെടുത്തി. മഞ്ചേരി സെഷൻസ് കോടതി ശങ്കരനാരായണനെയും മറ്റ് രണ്ടു പേരെയും ജീവപര്യന്തം കഠിന തടവിനാണ് ശിക്ഷിച്ചെങ്കിലും 2006 മെയ് മാസം തെളിവുകളുടെ അഭാവത്തിൽ ഹൈക്കോടതി വെറുതെ വിട്ടു. മൃതശരീരം വീണ്ടെടുക്കുന്നതിൽ പോലീസിനു വീഴ്ച പറ്റിയെന്നും ക്രിമിനൽ സ്വഭാവമുള്ള പ്രതിയ്ക്ക് മറ്റുശത്രുക്കളും ഉണ്ടാകുമെന്നും കാണിച്ചാണ് കോടതി അന്ന് അദ്ദേഹത്തെ വെറുതെ വിട്ടത്.
കൃഷ്ണപ്രിയ മരിച്ചശേഷം കണ്ണീരില്ലാതെ അച്ഛൻ ഉറങ്ങിയില്ല. മരിക്കുന്നത് വരെ തന്റെ ഓമന മകളായ കൃഷ്ണപ്രിയയെ കുറിച്ചാണ് സംസാരമെന്നും അയൽവാസികൾ പറയുന്നു. പ്രസാദ്, പ്രകാശ് എന്നിവരാണ് മക്കൾ. ശങ്കരനാരായണന്റെ തൊട്ടടുത്ത് തന്നെയായിരുന്നു പ്രതി മുഹമ്മദ് കോയയുടെയും വീട്.
വഖഫ് ഭേദഗതി നിയമം പ്രാബല്യത്തിൽ; കേന്ദ്രസർക്കാർ വിജ്ഞാപനമിറക്കി; സുപ്രീം കോടതിയിൽ കൂടുതൽ ഹർജികൾ
ദില്ലി: പാർലമെൻ്റിൻ്റെ ഇരു സഭകളിലും പാസാക്കിയ, രാഷ്ട്രപതി ഒപ്പുവച്ച വഖഫ് ഭേദഗതി നിയമം പ്രാബല്യത്തിൽ. ഇന്ന് മുതൽ നിയമം പ്രാബല്യത്തിൽ വരുത്തിക്കൊണ്ട് കേന്ദ്രസർക്കാർ ഉത്തരവിറക്കി. നിയമത്തിൻ്റെ ഭരണഘടനാ സാധുത ചോദ്യം ചെയ്ത് ഒന്നിന് പുറകെ ഒന്നായി പ്രതിപക്ഷ പാർട്ടികൾ സുപ്രീം കോടതിയെ സമീപിച്ചിരിക്കെയാണ് കേന്ദ്ര സർക്കാരിൻ്റെ നീക്കം. അതേസമയം വഖഫ് നിയമ ഭേദഗതിക്കെതിരായ ഹര്ജികളിൽ സുപ്രീം കോടതി ഉടന് വാദം കേൾക്കില്ല. ഏപ്രില് 16-ന് ഹര്ജികള് പരിഗണിക്കാനാണ് സുപ്രീംകോടതിയുടെ തീരുമാനം. ചീഫ് ജസ്റ്റിസ് സഞ്ജീവ് ഖന്നയാണ് ഹര്ജികള് 16-ന് പരിഗണിച്ചാല് മതിയെന്ന് തീരുമാനമെടുത്തത്. നിയമം ചോദ്യം ചെയ്ത് 12 ലധികം ഹർജികളാണ് നിലവിൽ സുപ്രീംകോടതിയുടെ മുന്നിലെത്തിയത്. നിയമം ഭരണഘടന വിരുദ്ധമാണെന്നും റദ്ദാക്കണമെന്നും കാട്ടി കെ.എൻ.എം മർകസസുദ്ദഅവ ( മുജാഹാദ്) സംസ്ഥാന കമ്മിറ്റിയും സുപ്രിം കോടതിയെ സമീപിച്ചിട്ടുണ്ട്.
ഇതിനിടെ മുനമ്പത്തെ സ്ഥലം വഖഫ് ആക്കിയ വഖഫ് ബോർഡിൻ്റെ നടപടി ചോദ്യം ചെയ്ത് ഫാറൂഖ് കോളജ് മാനേജ്മൻ്റ് അസോസിയേഷൻ നൽകിയ ഹർജിയിൽ വാദം തുടങ്ങി. 1950ൽ സിദ്ധീഖ് സേട്ട് ഫാറൂഖ് കോളേജിന് ഭൂമി നൽകിയ സമ്മത പത്രവും അതിലെ വ്യവസ്ഥകളുമാണ് ട്രൈബൂണൽ പരിശോധിച്ചത്. ഭൂമി തിരിച്ചെടുക്കാൻ വ്യവസ്ഥ ഉള്ളതിനാൽ ഇത് വഖഫ് അല്ല, ദാനം നൽകിയതാണെന്നായിരുന്നു ഫാറൂഖ് കോളേജിന്റെ വാദം. ആധാര വ്യവസ്ഥകൾ വഖഫ് ആണെന്നും, കോളേജ് ഇല്ലാതായെങ്കിൽ മാത്രമാണ് തിരിച്ചെടുക്കുക എന്ന വാദം നില നിൽക്കൂവെന്നും ബോർഡ് വാദിച്ചു. കേസിൽ മുനമ്പം നിവാസികൾ എതിർ സത്യവാങ്മൂലം ഇന്ന് സമർപ്പിച്ചു. ഫാറൂഖ് കോളജ് മത – ജീവകാരുണ്യ സ്ഥാപനമല്ലെന്നും അതിനാൽ ഭൂമി നൽകിയതിനെ വഖഫായി പരിഗണിക്കാനാവില്ല എന്നുമാണ് മുനമ്പം നിവാസികളുടെ വാദം. ഭൂമിയുമായി ബന്ധപ്പെട്ട് പറവൂർ കോടതിയുടെ മുൻ വിധികൾ നാളെ ട്രിബൂണൽ പരിശോധിക്കും.
NESTO GROUP INDIA IS HIRING! കേരളത്തിലെ വിവിധ നെസ്റ്റോ ഹൈപ്പർ മാർക്കറ്റി ൻ്റ വിവിധ ഷോറൂമുകളിലേക്ക് ജീവനക്കാരെ ആവശ്യമുണ്ട്
NESTO GROUP INDIA IS HIRING!
WALK IN Interview on 09/04/2025
(Wednesday)
Venue: All Nesto Hypermarket Outlets in Kerala
We are looking for experienced professionals & Freshers to join our team at Nesto Hypermarket, KERALA.Open Positions apply now!
Salesman (65 Nos)
Storekeeper (10 Nos)
South Indian Cook(18 Nos)
Chinese Cook(8 Nos)
Baker(20 Nos)
Snacks &Fillings Maker(8 Nos)
Cake &Pastry maker(12 Nos)
Fish Monger (15 Nos)
Butcher (15 Nos)
Location: All Nesto Hypermarket outlets in Kerala
Send your resume: recruitment.india@nestogroup.com
WhatsApp:
+91 773 663 8777
Don’t miss this opportunity—Apply Now!
വീട്ടിലെ പ്രസവം മാത്രമല്ല, സോഷ്യൽ മീഡിയയിൽ പ്രോത്സാഹിപ്പിച്ചാലും കുടുങ്ങും; കേസെടുക്കുമെന്ന് ആരോഗ്യമന്ത്രി
തിരുവനന്തപുരം: വീട്ടിലെ പ്രസവത്തെപ്പറ്റി സമൂഹ മാധ്യമങ്ങളിലൂടെയുള്ള തെറ്റായ പ്രചരണങ്ങള് കുറ്റകരമെന്ന് ആരോഗ്യ വകുപ്പ് മന്ത്രി വീണാ ജോര്ജ്. അശാസ്ത്രീയ മാര്ഗങ്ങളിലൂടെയുള്ള പ്രസവം അമ്മയുടേയും കുഞ്ഞിന്റേയും ജീവന് ഭീഷണിയാണ്. അതിനാല് പൊതുജനാരോഗ്യ നിയമ പ്രകാരവും ഭാരതീയ ന്യായ സംഹിത വകുപ്പുകള് പ്രകാരവും നടപടി സ്വീകരിക്കുന്നതാണ്. സംസ്ഥാനത്ത് പ്രതിവര്ഷം 400 ഓളം പ്രസവങ്ങള് വീട്ടില് വച്ച് നടക്കുന്നതായാണ് കണക്കുകള് സൂചിപ്പിക്കുന്നത്. ഈ വര്ഷം ആകെ രണ്ട് ലക്ഷത്തോളം പ്രസവങ്ങളാണ് നടന്നത്. അതില് 382 പ്രസവങ്ങള് വീട്ടിലാണ് നടന്നത്. അതിഥി തൊഴിലാളികളുടെ ഇടയിലും ആദിവാസി മേഖലയിലും വീട്ടിലെ പ്രസവം നടക്കുന്നുണ്ട്. ഇതിന്റെ കാര്യ കാരണങ്ങളെക്കുറിച്ച് വിശദമായി പഠിച്ച് തുടര് നടപടികള് സ്വീകരിക്കാന് നിര്ദേശം നല്കി. ചികിത്സ നിഷേധിക്കുന്നത് കുറ്റകരമാണെന്നും മന്ത്രി വ്യക്തമാക്കി.
ജനപ്രതിനിധികളുടേയും സമുദായിക സാംസ്കാരിക സംഘടനകളുടേയും സഹകരണത്തോടെ വീട്ടിലെ പ്രസവത്തിന്റെ ദോഷവശങ്ങളെപ്പറ്റി ബോധവത്ക്കരണം ശക്തമാക്കും. ഓരോ പ്രദേശത്തിന്റേയും കൃത്യമായ ഡേറ്റയും കാരണവും ശേഖരിച്ച് തുടര്നടപടി സ്വീകരിക്കാന് ജില്ലകള്ക്ക് നിര്ദേശം നല്കി. ആരോഗ്യ വകുപ്പിനോടൊപ്പം മറ്റ് വകുപ്പുകളും ഒരുമിച്ച് പ്രവര്ത്തിക്കണം. ഓരോ പ്രദേശത്തിന്റേയും വിവരങ്ങള് കൃത്യമായി ശേഖരിക്കണം. സോഷ്യല് മീഡിയയിലൂടേയും യൂട്യൂബിലൂടെയും തെറ്റായ ആരോഗ്യ വിവരങ്ങള് നല്കുന്നവര്ക്കെതിരെ നടപടി സ്വീകരിക്കാനും മന്ത്രി നിര്ദേശം നല്കി.ആരോഗ്യ വകുപ്പ് അഡീഷണല് ചീഫ് സെക്രട്ടറി, എന് എച്ച് എം സ്റ്റേറ്റ് മിഷന് ഡയറക്ടര്, നാഷണല് ആയുഷ് മിഷന് സ്റ്റേറ്റ് മിഷന് ഡയറക്ടര്, ആരോഗ്യ വകുപ്പ് ഡയറക്ടര്, മെഡിക്കല് വിദ്യാഭ്യാസ വകുപ്പ് ഡയറക്ടര്, ഐ എസ് എം ഡയറക്ടര്, ആരോഗ്യ വകുപ്പ് അഡീഷണല് ഡയറക്ടര്മാര്, ആര് ആര് ടി. അംഗങ്ങള് എന്നിവര് പങ്കെടുത്തു.
മലപ്പുറത്തെ വീട്ടിൽ സിറാജുദ്ദീനുമായി തെളിവെടുപ്പ്; പ്രസവത്തിന് സഹായം നൽകിയവരിലേക്കും അന്വേഷണം
വീട്ടിലെ പ്രസവത്തിനിടെ മരിച്ച യുവതിയുടെ ഭർത്താവ് സിറാജുദ്ദീനെ വീട്ടിലെത്തിച്ച് പൊലീസ് തെളിവെടുക്കുന്നു. മലപ്പുറം പൊലീസ് ആണ് സിറാജുദ്ദീനുമായി തെളിവെടുപ്പ് നടത്തിയത്. എവിടെ വെച്ചാണ് സംഭവമുണ്ടായത്, എന്തൊക്കെയാണ് അവിടെ സംഭവിച്ചതെന്നുൾപ്പെടെയുള്ള കാര്യങ്ങളാണ് പൊലീസ് ചോദിച്ചറിയുന്നത്. കൂടാതെ തെളിവു നശിപ്പിക്കാൻ വീടിൻ്റെ ഭാഗത്ത് കുഴി കുഴിച്ചതും സിറാജുദ്ദീൻ കാണിച്ചുകൊടുത്തു. ഇന്ന് രാവിലെ കോടതിയിൽ ഹാജരാക്കിയ സിറാജുദ്ദീനെ കോടതി 14 ദിവസത്തേക്ക് റിമാൻ്റ് ചെയ്തു. പെരുമ്പാവൂരിലെ സ്വകാര്യ ആശുപത്രിയിൽ നിന്നാണ് സിറാജുദ്ദീനെ അറസ്റ്റ് ചെയ്തത്.നരഹത്യ, തെളിവ് നശിപ്പിക്കല് കുറ്റങ്ങളാണ് സിറാജുദ്ദീനെതിരെ ചുമത്തിയിട്ടുള്ളത്.
മലപ്പുറം പൊലീസാണ് സിറാജുദ്ദീനെ അറസ്റ്റ് ചെയ്തത്. ഭാര്യ അസ്മയെ വീട്ടില് വച്ച് പ്രസവിക്കുന്നതിന് മനപൂര്വം നിര്ബന്ധിച്ചുവെന്നാണ് കുറ്റം. പ്രസവത്തില് അസ്മ മരിച്ചതിനാല് നരഹത്യയും പിന്നീട് തെളിവ് നശിപ്പിച്ചതിനാല് ഈ കുറ്റവും ചുമത്തിയാണ് സിറാജുദ്ദീനെ പൊലീസ് അറസ്റ്റ് ചെയ്തത്. അസ്മയുടെ നേരത്തെയുള്ള നാല് പ്രസവത്തില് രണ്ട് പ്രസവം വീട്ടിലാണ് നടന്നത്. ആശുപത്രിയില് പ്രസവത്തിന് സിറാജ്ജുദ്ദീൻ അനുവദിക്കാത്തതിനാലാണ് വീട്ടില് പ്രസവിച്ചതെന്ന് അന്വേഷണത്തില് വ്യക്തമായതായി പൊലീസ് പറഞ്ഞു.ഇതിനിടെ തെറ്റിദ്ധരിപ്പിച്ചാണ് മൃതദേഹം കൊണ്ടുപോകാൻ സിറാജുദ്ദീൻ ആംബുലൻസ് വിളിച്ചുവരുത്തിയതെന്ന് ആബുലൻസ് ഡ്രൈവര് പൊലീസിന് മൊഴി നല്കി. സിറാജുദ്ദീൻ ഉള്പ്പെട്ട നവ മാധ്യമ കൂട്ടായ്മയെക്കുറിച്ചും വീട്ടിലെ പ്രസവത്തിന് സഹായം ചെയ്തവരിലേക്കും പൊലീസ് അന്വേഷണം വ്യാപിപ്പിച്ചിട്ടുണ്ട്.



