കൊയിലാണ്ടി: ചേമഞ്ചേരി റെയിൽവേ സ്റ്റേഷന്റെ തെക്ക് ഭാഗത്ത് ട്രെയിൻ തട്ടി രണ്ട് പേർ മരിച്ചു. ഇരുപത് വയസ് പ്രായം തോന്നിക്കുന്ന പെൺകുട്ടിയും ആൺകുട്ടിയുമാണ് മരിച്ചത്. ഇന്ന് വൈകിട്ട് 5.45 ഓടെയായിരുന്നു അപകടം.ചെന്നൈ എക്സ്പ്രസ് മെയിലാണ് ഇരുവരെയും തട്ടിയത്. ട്രാക്കിൽ മൃതദേഹം കണ്ടതിനെ തുടർന്ന് നാട്ടുകാർ പോലീസിൽ വിവരം അറിയിക്കുകയായിരുന്നു. കൊയിലാണ്ടി പോലീസ് സ്ഥലത്തെത്തി തുടർനടപടികൾ സ്വീകരിച്ചു വരികയാണ്.
രാസലഹരിയുമായി കാറിൽ യുവാവും യുവതിയും; സിനിമ സ്റ്റൈൽ ചേസിങ്ങിൽ പിടികൂടി പൊലീസ്
കോഴിക്കോട് : കാറിൽ കടത്തിയ രാസലഹരിയുമായി കടന്നുകളഞ്ഞ രണ്ടു പേർ പൊലീസിന്റെ സിനിമ സ്റ്റൈൽ ചേസിങ്ങിനൊടുവിൽ പിടിയിൽ. കോഴിക്കോട് പേരാമ്പ്ര നൊച്ചാട് പളളിചാലിൽ വി.എം.അഫ്നാജ് (27), പാലക്കാട് എടത്തനാട്ടുകര കല്ലിങ്ങലിൽ റിൻഷ ഫാത്തിമ (23) എന്നിവരെയാണ് പൊലീസ് അറസ്റ്റ് ചെയ്തത്.എൻഐടിയിൽ നടക്കുന്ന തത്വ പരിപാടിയുമായി ബന്ധപ്പെട്ട് ശനിയാഴ്ച രാത്രി പത്തരയോടെ പ്രദേശത്ത് കുന്നമംഗലം പൊലീസ് പട്രോളിങ് നടത്തുന്നതിനിടെയാണ് കാർ നിർത്താതെ മറ്റൊരു വഴിയിലേക്ക് വേഗത്തിൽ പോയത്. തുടർന്ന് എസ്ഐ വി.കെ ഏലിയാസും ഒപ്പമുണ്ടായിരുന്ന എസ്സിപിഒമാരായ പി.സി.ബിജു, അജീഷ്, സിപിഒമാരായ ഷിബില, മുഹമ്മദ് ഷമീർ എന്നിവരും പൊലീസ് ജീപ്പിൽ അതിവേഗം കാറിനെ പിന്തുടരുകയായിരുന്നു.കട്ടാങ്ങൽ–മാവൂർ റോഡ് വഴി പോയ ശേഷം കാണാതായ കാർ തുടർ അന്വേഷണത്തിൽ എൻഐടി ഹോസ്റ്റലിനു സമീപമുള്ള ഒരു അപ്പാർട്മെന്റിലെ പാർക്കിങ് എരിയയിൽ നിർത്തിയിട്ടതായി കണ്ടെത്തി. തുടർന്ന് കാർ വളഞ്ഞ് പൊലീസ് നടത്തിയ പരിശോധനയിലാണ് കാറിന്റെ ഡാഷ്ബോർഡിൽ നിന്ന് 11.90 ഗ്രാം എംഡിഎംഎ കണ്ടെടുത്തത്. തുടർന്ന് കാർ പൊലീസ് കസ്റ്റഡിയിൽ എടുത്തു.പിടിയിലായ രണ്ടു പേരുടെയും പേരിൽ മുൻപും സമാനമായ കേസുകളുണ്ട്. അഫ്നാസിന്റെ പേരിൽ കാപ്പ കേസ് ഉൾപ്പെടെ 11 കേസും റിൻഷ ഫാത്തിമയുടെ പേരിൽ മൂന്നു കേസുമുണ്ടെന്നാണ് പൊലീസിൽ നിന്ന് ലഭിക്കുന്ന വിവരം. എൻഐടിക്കു സമീപം എത്തുന്ന വിദ്യാർഥികളെ കേന്ദ്രീകരിച്ച് വിൽപന നടത്തുന്നതിനായാണ് ഇവർ രാസലഹരി എത്തിച്ചതെന്നാണ് ചോദ്യം ചെയ്യലിൽ വ്യക്തമായത്. പ്രതികൾക്കെതിരെ എൻഡിപിഎസ് ആക്ട് 22(സി), 29 എന്നീ വകുപ്പുകൾ പ്രകാരം കേസ് റജിസ്റ്റർ ചെയ്തു.
ഉടമ ജയിലിലായതോടെ മതിയായ വെള്ളവും തീറ്റയും ലഭിക്കാതെ രണ്ട് കുതിരകള്.
കോഴിക്കോട് : ഉടമ ക്രിമിനല് കേസില് പ്രതിയായി റിമാന്ഡിലായതോടെ കോഴിക്കോട് വെസ്റ്റ് ഹില്ലില് മതിയായ വെള്ളവും തീറ്റയും ലഭിക്കാതെ രണ്ട് കുതിരകള്.പരിചരണം തങ്ങളുടെ ഉത്തരവാദിത്തം അല്ലെന്ന് മൃഗസംരക്ഷണ വകുപ്പ് പറയുമ്പോള് കുതിരാലയം ഇല്ലെന്ന പ്രായോഗിക പ്രശ്നം ആണ് കോര്പ്പറേഷന് ചൂണ്ടിക്കാട്ടുന്നത്. വല്ലപ്പോഴും അയല്വാസികളുടെ കരുണയില് ലഭിക്കുന്ന വൈക്കോലും കഞ്ഞിവെള്ളവുമാണ് കുതിരകള്ക്ക് കഴിക്കാൻ ലഭിക്കുന്നത്. ഈ മിണ്ടാപ്രാണികളുടെ വാരിയെല്ലുകള് പുറത്തു കാണുന്ന നിലയിലാണ്. കോഴിക്കോട് വെസ്റ്റ് ഹില്ലിലെ ഷിംജിത്ത് എന്നയാളാണ് കുതിരകളുടെ ഉടമ. അയല്വാസിയായ സ്ത്രീയെ എയര്ഗണ് കൊണ്ട് വെടിവെച്ച് സാരമായി പരിക്കേല്പ്പിച്ച ഷിംജിത്ത് ഇക്കഴിഞ്ഞ ഞായറാഴ്ച മുതല് റിമാന്ഡിലാണ്. പ്രതിയുടെ വീട്ടില് മറ്റാരുമില്ല.ഷിംജിത്തിനെ അറസ്റ്റ് ചെയ്തതിന് പിന്നാലെ കുതിരകളെ സംരക്ഷിക്കണെന്ന് പൊലീസ് മൃഗസംരക്ഷണ വകുപ്പിനോട് വെള്ളയില് പൊലീസ് ആവശ്യപ്പെട്ടിരുന്നു. എന്നാല് ആരോഗ്യ പ്രശ്നം ഉള്ള മൃഗങ്ങളുടെ ശുശ്രൂഷ മാത്രമാണ് തങ്ങളുടെ കടമയെന്ന് ചൂണ്ടിക്കാട്ടിയ മൃഗസംരക്ഷണ വകുപ്പ് ഉത്തരവാദിത്തം കോര്പ്പറേഷനാണെന്ന മറുപടി പറഞ്ഞൊഴിഞ്ഞു. താല്ക്കാലിക പരിപാലനം ഏറ്റെടുക്കാമെന്ന് കോര്പ്പേറേഷന് പറയുന്നുണ്ടെങ്കിലും കാര്യമായ നടപടിയില്ല. കുതിരാലയമില്ലെന്നും നിലവിലുള്ള ജീവനക്കാര്ക്ക് ഇവയെ പരിപാലിക്കുന്നതിനുള്ള വൈദഗ്ദ്യം ഇല്ലെന്നുമുള്ള പ്രായോഗിക പ്രശ്നങ്ങളാണ് കോര്പ്പറേഷന് ആരോഗ്യ വിഭാഗം ചൂണ്ടിക്കാട്ടുന്നത്.
ഇന്ത്യൻ കോസ്റ്റ് ഗാർഡിന്റെ ഹോവർ ക്രാഫ്റ്റ് ബേപ്പൂർ പുലിമുട്ട് കടൽത്തീരത്തെത്തി
ബേപ്പൂർ: ഇന്ത്യൻ പ്രതിരോധ രംഗത്ത് ചരിത്രം കുറിച്ചു കൊണ്ട് രാജ്യത്ത് തന്നെ ആദ്യമായി നിർമിച്ച തദ്ദേശീയ ഹോവർക്രാഫ്റ്റ് ബേപ്പൂർ പുലിമുട്ട് കടൽത്തീരത്തെത്തി. കരയിലും കടലിലും ഒരുപോലെ സഞ്ചരിക്കാൻ കഴിയുമെന്നതാണ് ഇതിന്റെ പ്രത്യേകത.വായുവിന്റെ സഹായത്തോടെ എയർകുഷൻ ഉപയോഗിച്ച് ഉയർന്നു നിൽക്കുന്നതുകൊണ്ട് കരയിലെ തടസ്സങ്ങളും ചളി നിറഞ്ഞ പ്രദേശങ്ങളും എളുപ്പത്തിൽ മറികടക്കാൻ കഴിയും. ഇന്ത്യൻ കോസ്റ്റ് ഗാർഡ് ഹോവർക്രാഫ്റ്റുകൾ പ്രധാനമായും തീരദേശ പട്രോളിംഗിനും, രക്ഷാപ്രവർത്തനങ്ങൾക്കും, ആഴം കുറഞ്ഞ പ്രദേശങ്ങളിലെ നിരീക്ഷണത്തിനുമാണ് ഉപയോഗിക്കുന്നത്. ഹോവർക്രാഫ്റ്റിന്റെ അടിഭാഗത്തുള്ള ശക്തമായ ബ്ലോയറുകൾ വായു നിറച്ച് ഒരു തലയിണ പോലുള്ള എയർകുഷൻ സൃഷ്ടിക്കുന്നു.ഫ്ലെക്സിബിൾ ആയ സ്കർട്ട് ഉപയോഗിച്ചാണ് ഈ വായു നിലനിർത്തുന്നത്. ഇത് വാഹനത്തെ പ്രതലത്തിന് മുകളിലായി ഉയർത്തി നിർത്തുന്നു.തൽഫലമായി ഘർഷണം വളരെ കുറവായിരിക്കുകയും, സാധാരണ ബോട്ടുകൾക്ക് എത്താൻ കഴിയാത്ത ചെളി നിറഞ്ഞ പ്രദേശങ്ങൾ, നദീമുഖങ്ങൾ, തണ്ണീർത്തടങ്ങൾ എന്നിവയിലൂടെ പോലും ഈ വാഹനത്തിന് വേഗത്തിൽ സഞ്ചരിക്കാൻ സാധിക്കുകയും ചെയ്യും. ഇന്ത്യൻ കോസ്റ്റ് ഗാർഡ് ഇത്തരം സവിശേഷതകൾ പ്രയോജനപ്പെടുത്തി തീരദേശ സുരക്ഷ, അതിവേഗ രക്ഷാപ്രവർത്തനം, ദുരന്ത നിവാരണം എന്നിവക്കാണ് ഇവയെ പ്രധാനമായും ഉപയോഗിക്കുന്നത്.
ജൂൺ 18 നാണ് ഈ അത്യാധുനിക ഹോവർക്രാഫ്റ്റ് ഇന്ത്യൻ കോസ്റ്റ്ഗാർഡിന്റെ ഭാഗമായത്. കേന്ദ്ര സർക്കാരിന്റെ ‘ആത്മ നിർഭർ ഭാരത്’ പദ്ധതിയുടെ ഭാഗമായാണ് ഇത് നിർമിച്ചത്. ഗോവ ആസ്ഥാനമായി പ്രവർത്തിക്കുന്ന ചൗഗുലെ ഷിപ്പ്യാർഡാണ് യു.കെ യിലെ ഗ്രിഫൺ ഹോവർ വർക്കിന്റെ സാങ്കേതിക സഹായത്തോടെ ഇത് ആദ്യമായി ഇന്ത്യയിൽ നിർമിച്ചത്.നിലവിൽ കോസ്റ്റ് ഗാർഡിന് 12 ഓളം ഹോവർ ക്രാഫ്റ്റുകൾ ഉണ്ടെങ്കിലും എല്ലാം വിദേശ നിർമ്മിതമാണ്.പ്രതിരോധ മന്ത്രാലയം ആറ് തദ്ദേശീയ ഹോവർ ക്രാഫ്റ്റുകൾ നിർമിക്കുന്നതിനായി 387.44 കോടി രൂപയുടെ കരാർ നൽകിയതിൽ ആദ്യമായി നിർമിച്ച എച്ച്-561, എച്ച് 562 എന്നീ രണ്ട് ഹോവർ ക്രാഫ്റ്റ്കളാണ് ഗോവയിൽ നിന്ന് ശനിയാഴ്ച ബേപ്പൂരിൽ എത്തിയത്. മണിക്കൂറിൽ 96 കി.മീറ്റർ വേഗത കൈവരിക്കുന്ന ഇതിന് എട്ട് ടൺ ഭാരം വഹിക്കാനും ഒപ്പം 42 സൈനികരെ ഉൾക്കൊള്ളാനും ശേഷിയുണ്ട്.
ഗതാഗത നിയമലംഘനം പിഴയിൽ 50% ഇളവ്!അടച്ചില്ലെങ്കിൽ സേവനങ്ങൾ മുടങ്ങും.
കോഴിക്കോട്: മോട്ടോർ വാഹന വകുപ്പോ പൊലിസോ ഗതാഗത നിയമലംഘനത്തിന് തയാറാക്കിയ ചെലാനുകൾ 50 ശതമാനം മാത്രം ഒടുക്കി തീർപ്പാക്കാ നുള്ള സുവർണാവസരം വീ ണ്ടും ഏർപ്പെടുത്തിയതായി മോട്ടോർ വാഹന വകുപ്പ്. 2026 മാർച്ച് 31ന് മുൻപ് തയാറാക്കിയ കോടതി വ്യവഹാരങ്ങൾ ആരംഭിച്ചതൊഴികെയുള്ളല്ലാത്തരം ചെലാനുകളും ഈ പദ്ധതിയിലൂടെ തീർപ്പാക്കാം. 2026 നവംബർ ഒന്നുമുതൽ 2027 ജനുവരി 31 വരെ മാത്രമേ ഈ സൗകര്യം ലഭിക്കൂ.ചെലാനുകൾ പെൻഡിംഗ് ഉള്ള വാഹനങ്ങൾക്കും ഡ്രൈവിംഗ് ലൈസൻസുകൾക്കും മറ്റ് സേവനങ്ങൾ നൽകാൻ പാടില്ല എന്ന നിയമം ഉടൻ പ്രാബല്യത്തിൽ വരുന്ന സാഹചര്യത്തിൽ ഈ അവസരം പരമാവധി പ്രയോജനപ്പെടുത്തണമെന്ന് അ ധികൃതർ ആവശ്യപ്പെട്ടു. കോട തി നടപടികൾക്കായി മാറ്റിയിട്ടുള്ള ചലാനുകൾക്ക് ആർടി ഓ ഫീസുമായോ പൊലിസ് സ്റ്റേ ഷനുമായോ ബന്ധപ്പെട്ട് പരിഹാരം കാണാവുന്നതാണെ ന്നും അറിയിച്ചു.
നെടുമ്പാശ്ശേരിയിൽ കാറും സ്കൂട്ടറും കൂട്ടിയിടിച്ച് മൂന്ന് പേർക്ക് ദാരുണാന്ത്യം; ഡ്രൈവർ കസ്റ്റഡിയിൽ.
കൊച്ചി: നെടുമ്പാശ്ശേരി അത്താണി എയർപോർട്ട് റോഡിൽ ഇന്ന് പുലർച്ചെയുണ്ടായ വാഹനാപകടത്തിൽ സ്കൂട്ടർ യാത്രക്കാരായ മൂന്നുപേർക്ക് ദാരുണാന്ത്യം. കർണാടക സ്വദേശി ഇജാസ്, പാലക്കാട് സ്വദേശിനി ഗോപിക, വയനാട് സ്വദേശിനി ദേവിക എന്നിവരാണ് മരിച്ചത്. തൃത്താലയിലെ ക്രാഫ്റ്റ് ഷോപ്പിലെ ജീവനക്കാരാണ് ഇവർ. ഇന്ന് പുലർച്ചെ രണ്ട് മണിയോടെ അത്താണി സിഗ്നലിന് സമീപമായിരുന്നു നാടിനെ ഞെട്ടിച്ച അപകടമുണ്ടായത്. എയർപോർട്ട് ഭാഗത്തെ ചായക്കടയിൽ നിന്നും ചായ കുടിച്ച ശേഷം അത്താണിയിലേക്ക് സ്കൂട്ടറിൽ മടങ്ങിവരികയായിരുന്ന മൂവരുടെയും വാഹനത്തിലേക്ക് അമിതവേഗതയിലെത്തിയ മിനികൂപ്പർ കാർ നിയന്ത്രണം വിട്ട് ഇടിച്ചുകയറുകയായിരുന്നു. ഇടിയുടെ ആഘാതത്തിൽ സ്കൂട്ടർ റോഡിലൂടെ നൂറിലധികം മീറ്ററോളം നിരക്കിക്കൊണ്ടാണ് കാർ നിന്നത്. മൂവരുടെയും മരണം സംഭവസ്ഥലത്തുതന്നെ സംഭവിക്കുകയായിരുന്നു. അപകടത്തിന് കാരണക്കാരനായ കാർ ഡ്രൈവർ സുഹൈൽ സജീവിനെ നാട്ടുകാർ ചേർന്ന് തടഞ്ഞുവെച്ച് പൊലീസിൽ ഏൽപ്പിക്കുകയായിരുന്നു. അമിതവേഗതയിലായിരുന്ന കാർ ഓടിച്ച ഡ്രൈവർ ലഹരി ഉപയോഗിച്ചിരുന്നതായി പൊലീസും നാട്ടുകാരും സംശയം പ്രകടിപ്പിച്ചിട്ടുണ്ട്. സംഭവത്തിൽ നെടുമ്പാശ്ശേരി പൊലീസ് കേസെടുത്ത് അന്വേഷണം ആരംഭിച്ചു. മരണപ്പെട്ട ഗോപികയുടെ മൃതദേഹം അങ്കമാലി താലൂക്ക് ആശുപത്രിയിലും, ഇജാസിന്റെയും ദേവികയുടെയും മൃതദേഹങ്ങൾ ആലുവ താലൂക്ക് ആശുപത്രിയിലുമാണ് സൂക്ഷിച്ചിട്ടുള്ളത്. പോസ്റ്റ്മോർട്ടം നടപടികൾക്ക് ശേഷം മൃതദേഹങ്ങൾ ബന്ധുക്കൾക്ക് വിട്ടുനൽകും.
ഡൽഹി സമരം: നേതാക്കളുടെ കസ്റ്റഡിയിൽ വ്യാപക പ്രതിഷേധം.
കോഴിക്കോട്: മുഖ്യതെരഞ്ഞെടുപ്പ് കമീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഡൽഹിയിൽ പ്രതിഷേധിച്ച രാഷ്ട്രീയ-സാമൂഹിക സംഘടന നേതാക്കളെ കസ്റ്റഡിയിലെടുത്തതിനെതിരെ ജില്ലയിൽ വ്യാപക പ്രതിഷേധം. വിവിധ സംഘടനകളുടെ നേതൃത്വത്തിൽ പ്രകടനങ്ങളും ധർണകളും നടത്തി.പ്രതിപക്ഷനേതാവ് പിണറായി വിജയനടക്കം സി.പി.എം നേതാക്കളെ അറസ്റ്റ് ചെയ്തതിൽ പ്രതിഷേധിച്ച് കോഴിക്കോട് നഗരത്തിൽ പ്രകടനം നടത്തി. തുടർന്ന് നടന്ന യോഗം പാർട്ടി സംസ്ഥാന സെക്രട്ടേറിയറ്റ് അംഗം പി.എ. മുഹമ്മദ് റിയാസ് എം.എൽ.എ ഉദ്ഘാടനം ചെയ്തു. ജില്ല സെക്രട്ടറി എം. മെഹബൂബ്, സംസ്ഥാന കമ്മിറ്റി അംഗം എ. പ്രദീപ്കുമാർ തുടങ്ങിയവർ സംസാരിച്ചു.പിണറായി വിജയനെയും എം.എ. ബേബിയെയുമെന്നും ലാത്തിയും കുന്തവും കാട്ടി പേടിപ്പിച്ചാൽ പുല്ലാണെന്നും സി.പി.എം സംസ്ഥാന സെക്രട്ടറിയേറ്റംഗം പി.എ. മുഹമ്മദ് റിയാസ് എം.എൽ.എ. രാജ്യത്ത് അപ്രഖ്യാപിത അടിയന്തരാവസ്ഥയാണ്. രാജ്യത്തിന്റെ മുക്കും മൂലയും ജന്ദർമന്ദറായി മാറുമെന്നും ഗ്യാനേഷ് കുമാറിനെ പുറത്താക്കണമെന്നത് ജനാധിപത്യ വിശ്വാസികളുടെ ആവശ്യമാണെന്നും അദ്ദേഹം മാധ്യമങ്ങളോട് പറഞ്ഞുമോദി ഭരണകൂടം ജനാധിപത്യ സമൂഹത്തിന് അപമാനമാണെന്ന് രാഷ്ട്രീയ ജനതാദള് സംസ്ഥാന അധ്യക്ഷന് എം.വി. ശ്രേയാംസ്കുമാര്. മുതിര്ന്ന നേതാക്കളെയെല്ലാം മണിക്കൂറുകളോളം കസ്റ്റഡിയില്വെച്ച് കുടിവെള്ളം പോലും നല്കാതെ മാനസികമായും ശാരീരികമായും പീഡിപ്പിച്ച നടപടി ആശങ്കയുണ്ടാക്കുന്നു. രാജ്യതലസ്ഥാനത്ത് അപ്രഖ്യാപിത അടിയന്തരാവസ്ഥയാണ് നിലനില്ക്കുന്നത്. ഈ ദിവസം ജനാധിപത്യത്തിന് നാണക്കേടാണ്.കോടിക്കണക്കിനാളുകളുടെ വോട്ടവകാശം വളഞ്ഞവഴിയില് ഇല്ലാതാക്കി അടുത്ത തെരഞ്ഞെടുപ്പ് വിജയിക്കാനുള്ള ആസൂത്രിത നീക്കമാണ് ബി.ജെ.പിയും കേന്ദ്രസര്ക്കാരും നടത്തുന്നത്. എല്ലാ അട്ടിമറികള്ക്കും കൂട്ടുനില്ക്കുന്ന മുഖ്യതെരഞ്ഞെടുപ്പ് കമീഷണര് ഗ്യാനേഷ് കുമാറിന്റെ രാജിയാണ് രാജ്യം ആവശ്യപ്പെടുന്നത്. ഈ വികാരത്തെ അടിച്ചമര്ത്താനാണ് മോദിയും കൂട്ടാളികളും ശ്രമിക്കുന്നത്.
നാലുപേരില് കൂടുതല് ഉണ്ടെങ്കിലേ നിരോധനാജ്ഞയുടെ ലംഘനമാകൂവെന്നിരിക്കെ മൂന്നുപേര് മാത്രമുള്ളപ്പോഴാണ് പിണറായിയെ കസ്റ്റിഡിയിലെടുത്തത്. പൊലീസ് സ്റ്റേഷനിലേക്ക് കൊണ്ടുപോകാതെ മണിക്കൂറുകളോളം ജീപ്പിലിരുത്തി പിണറായിയെ പീഡിപ്പിച്ചു. ഇതുകൊണ്ടൊന്നും മോദി സര്ക്കാരിനെതിരെ ഉയരുന്ന ജനരോഷത്തെ ചെറുക്കാന് കഴിയില്ലെന്നും പ്രക്ഷോഭം വരും ദിവസങ്ങളില് രാജ്യമാകെ പടരുമെന്നും ശ്രേയാംസ്കുമാര് പറഞ്ഞു.പ്രക്ഷോഭം രാജ്യത്തുടനീളം വ്യാപിക്കുമെന്നും ഫ്രറ്റേണിറ്റി മൂവ്മെന്റ്. വോട്ട് ചോരിക്കെതിരെ ഡൽഹിയിൽ നടക്കുന്ന വിദ്യാർഥി-യുവജന പ്രക്ഷോഭത്തെ അടിയന്തരാവസ്ഥക്ക് സമാനമായ സാഹചര്യങ്ങൾ സൃഷ്ടിച്ച് അടിച്ചമർത്തുന്നനെതിരെ ഫ്രറ്റേണിറ്റി മൂവ്മെന്റ് കോഴിക്കോട് ബീച്ചിൽ ജന്തർ മന്തർ പ്രതിഷേധം സംഘടിപ്പിച്ചു.സമരം ചെയ്യുന്ന സംഘടന നേതാക്കളെയും വിദ്യാർഥികളെയും കസ്റ്റഡിയിൽ വെക്കുകയും ക്രൂരമായി മർദിക്കുകയും ചെയ്യുന്ന സംഘ് പരിവാർ ഭരണകൂടത്തിനെതിരെ ശക്തമായ പ്രതിഷേധമുയർന്നു.വെൽഫയർ പാർട്ടി ദേശീയ വൈസ് പ്രസിഡന്റ് ഹമീദ് വാണിയമ്പലം ഉദ്ഘാടനം ചെയ്തു. സാമൂഹിക പ്രവർത്തകരായ ഗ്രോ വാസു, ഒ.പി. രവീന്ദ്രൻ, ഗാർഗി, എസ്.ഐ.ഒ സംസ്ഥാന പ്രസിഡന്റ് അഡ്വ. അബ്ദുൽ വാഹിദ്, ജി.ഐ.ഒ സംസ്ഥാന ജനറൽ സെക്രട്ടറി റിസ്വാന ഷെറിൻ, അനഘ ശശി, വെൽഫെയർ പാർട്ടി ജില്ല ട്രഷറർ അൻവർ കെ.സി, ഫ്രറ്റേണിറ്റി സംസ്ഥാന വൈസ് പ്രസിഡന്റ് ഷമീമ സക്കീർ, സെക്രട്ടറി ഷിബിൻ റഹ്മാൻ എന്നിവർ സംസാരിച്ചു.ഇടത് നേതാക്കൾക്കെതിരെ നടന്ന ഭരണകൂട വേട്ടയിൽ കോൺഗ്രസ് സോഷ്യലിസ്റ്റ് പാർട്ടി പ്രതിഷേധിച്ചു.എൽ.ഐ.സി കോർണറിൽ നടന്ന പരിപാടി ജില്ല പ്രസിഡന്റ് മുക്കം മുഹമ്മദ് ഉദ്ഘാടനം ചെയ്തു. ഇ. ബേബി വാസൻ, പി.എം. കരുണാകരൻ, കെ.ടി.എ. മജീദ്, അഡ്വ. ഐ.വി. രാജേന്ദ്രൻ, കൃഷ്ണൻ നീലിമ, കെ.പി. ശിവൻ, കെ. അഹമ്മദ്, പി. അബ്ദുൽ ഖയൂം എന്നിവർ സംസാരിച്ചു.പ്രസിഡൻറ് അഹമ്മദ് ദേവർകോവിൽ ഉദ്ഘാടനം ചെയ്തു. സൗത്ത് മണ്ഡലം പ്രസിഡന്റ് സി. അബ്ദുറഹീം അധ്യക്ഷനായി. വി.പി. ഷംഷീർ, ജില്ല സെക്രട്ടറി കെ.പി. സലീം, നോർത്ത് മണ്ഡലം സെക്രട്ടറി റഹീം മൂഴിക്കൽ, സാലിം ഹിലാൽ, യു.പി. അബൂബക്കർ, മുജീബ് വെള്ളയിൽ, മുഹമ്മദ് കൊമേരി, പി.എം. ഷാജഹാൻ, കുഞ്ഞബ്ദുല്ല പേരാമ്പ്ര എന്നിവർ സംസാരിച്ചു. മുതലക്കുളം മൈതാനപരിസരത്തുനിന്ന് ആരംഭിച്ച പ്രകടനം കിഡ്സൺ കോർണറിൽ സമാപിച്ചു
സിജെപി സ്ഥാപകൻ അഭിജീത് ദിപ്കെയുടെ മുത്തശ്ശി അന്തരിച്ചു.
മുംബൈ: കോക്രോച്ച് ജനത പാർട്ടി സ്ഥാപകൻ അഭിജീത് ദിപ്കെയുടെ മുത്തശ്ശി സാവിത്രിബായ് ശങ്കർ ദിപ്കെ (80) അന്തരിച്ചു. മഹാരാഷ്ട്രയിലെ ഹിംഗോളി ജില്ലയിലെ സാന്തുക് പിംപ്രി ഗ്രാമത്തിലാണ് ഇവർ താമസിക്കുന്നത്. വാർദ്ധക്യസഹജമായ അസുഖങ്ങളെ തുടർന്ന് കഴിഞ്ഞ കുറച്ചുദിവസങ്ങളായി ചികിത്സയിലായിരുന്നു. ദിപ്കെയുടെ പിതാവ് ഭഗവാൻ ദിപ്കെയുടെ അമ്മയാണ് സാവിത്രിബായ്. ദിപ്കെയുടെ മാതാപിതാക്കളായ അനിതയും ഭഗവാൻ ദിപ്കെയും ഇപ്പോൾ ഛത്രപതി സംഭാജിനഗറിലാണ്. അവിടെ അവരുടെ വീടിന് പുറത്ത് പൊലീസ് വിന്യാസമുണ്ട്. മരണവാർത്തയറിഞ്ഞതോടെ അന്ത്യകർമങ്ങളിൽ പങ്കെടുക്കുന്നതിനായി അവർ ഉടൻ ഹിംഗോളിയിലേക്ക് പുറപ്പെടുമെന്നാണ് റിപ്പോർട്ടുകൾ. മുഖ്യതിരഞ്ഞെടുപ്പ് കമ്മിഷണർ ഗ്യാനേഷ് കുമാറിനെതിരായ പ്രതിഷേധത്തിനായി ഡൽഹിയിലെത്തിയ ദിപ്കെ നിലവിൽ പൊലീസ് കസ്റ്റഡിയിലാണ്. മുംബൈയിൽ നിന്ന് ഡൽഹിയിലേക്ക് പോയ ദിപ്കെയെ ഡല്ഹി വിമാനത്താവളത്തിൽവച്ചാണ് പൊലീസ് കസ്റ്റഡിയിലെടുത്തത്. മുത്തശ്ശിയുടെ മരണവാർത്ത പുറത്തുവന്നതോടെ ദിപ്കെയെ ഛത്രപതി സംഭാജിനഗറിലേക്കോ ഹിംഗോളിയിലേക്കോ യാത്ര ചെയ്യാൻ ഡൽഹി പൊലീസ് അനുവദിക്കുമോ എന്നതിനെ കുറിച്ച് വ്യക്തതയില്ല. മഹാരാഷ്ട്രയിലേക്ക് മടങ്ങാൻ അനുവാദം നൽകിയേക്കുമെന്നാണ് സൂചന.
സിംഗപ്പൂരിൽ പരിപാടിയിൽ പങ്കെടുക്കുന്നതിനിടെ കുഴഞ്ഞുവീണു മരിച്ചു; 6 പേർക്ക് പുതുജീവനായി സജിന.
വടകര : സിംഗപ്പൂരിൽ ഒരു പരിപാടിയിൽ പങ്കെടുത്തു കൊണ്ടിരിക്കെ കുഴഞ്ഞുവീണു മരിച്ച നടക്കുതാഴ കിഴക്കയിൽ സജിന 6 പേർക്കു പുതുജീവൻ നൽകും. വൃക്കകളും കണ്ണുകളും ഇലിയാക് രക്തക്കുഴലുകളും (അവയവമാറ്റ ശസ്ത്രക്രിയ നടത്തിയവരുടെ രക്തക്കുഴലുകൾ കേടു വന്നാൽ മാറ്റിവയ്ക്കാൻ) ഹാർട്ട് വാൽവ് ബ്ലോക്കും ആണു ദാനം ചെയ്തത്. വടകരയിലെ വ്യാപാരിയും മുൻ മർച്ചന്റ്സ് അസോസിയേഷൻ പ്രസിഡന്റുമായ ഒ.കെ.ചന്ദ്രന്റെ മകളാണ്. ഭർത്താവ് പ്രവീണിന്റെയും മക്കളുടെയും ഒപ്പം സിംഗപ്പൂരിൽ കഴിയുകയായിരുന്നു. സജിനയുടെ മൃതദേഹം ഇന്നു രാവിലെ നടക്കുതാഴയിലെ വീട്ടിൽ എത്തിക്കും. 12നാണ് സംസ്കാരം.
നവംബര് 14ന് കോഴിക്കോട്ട് ‘വോട്ട് ബച്ചാവോ, ദേശ് ബച്ചാവോ’ മഹാറാലി; അരലക്ഷം പേര് പങ്കെടുക്കും.
കോഴിക്കോട് : ഭരണഘടനാ സംരക്ഷണവും വോട്ടുകൊള്ളയ്ക്കെതിരായ പോരാട്ടവും ഉയര്ത്തി ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് നവംബര് 14ന് കോഴിക്കോട് കടപ്പുറത്ത് മഹാറാലി സംഘടിപ്പിക്കും. ജവഹര്ലാല് നെഹ്റുവിന്റെ ജന്മദിനത്തില് ‘വോട്ട് ബച്ചാവോ, ദേശ് ബച്ചാവോ’ മുദ്രാവാക്യമുയര്ത്തിയാണ് റാലി. റാലിയില് അരലക്ഷം പേര് പങ്കെടുക്കും. ᴋᴏᴢʜɪᴋᴏᴅᴇ ʟɪᴠᴇപ്രതിപക്ഷ നേതാവ് രാഹുല് ഗാന്ധിയുടെയും കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയുടെയും നേതൃത്വത്തില് ഇന്ത്യാ മുന്നണി നടത്തുന്ന സമരപരിപാടികള്ക്ക് ഐക്യദാര്ഢ്യം പ്രഖ്യാപിച്ചാണ് റാലി. പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തരമന്ത്രി അമിത് ഷാ, മുഖ്യ തിരഞ്ഞെടുപ്പ് കമ്മിഷണര് ഗ്യാനേഷ് കുമാര് എന്നിവരുടെ നേതൃത്വത്തില് നടക്കുന്ന വോട്ടുകൊള്ള ഉയര്ത്തിയാണ് കോണ്ഗ്രസിന്റെ പ്രതിഷേധം. ᴋᴏᴢʜɪᴋᴏᴅᴇ ʟɪᴠᴇകോണ്ഗ്രസിന്റെ ദേശീയ, സംസ്ഥാന നേതാക്കള് പങ്കെടുക്കുന്ന റാലി എഐസിസി ജനറല് സെക്രട്ടറി കെ.സി. വേണുഗോപാല് എം.പി ഉദ്ഘാടനം ചെയ്യും. സാമൂഹിക, സാംസ്കാരിക, രാഷ്ട്രീയ രംഗങ്ങളിലെ പ്രമുഖരും റാലിയെ അഭിസംബോധന ചെയ്യും. റാലിയുടെ ഒരുക്കങ്ങള് ചര്ച്ച ചെയ്യാന് ഡിസിസി ഓഫീസില് ചേര്ന്ന യോഗത്തില് ഡിസിസി പ്രസിഡന്റ് കെ. പ്രവീണ്കുമാര് എംഎല്എ അധ്യക്ഷത വഹിച്ചു. അഡ്വ. കെ. ജയന്ത് എംഎല്എ, വി.ടി. സൂരജ് എംഎല്എ, അഡ്വ. പി.എം. നിയാസ്, മുന് ഡിസിസി പ്രസിഡന്റ് കെ.സി. അബു, യുഡിഎഫ് ജില്ലാ ചെയര്മാന് വി.ഡി. ജോസഫ്, ഡിസിസി ജനറല് സെക്രട്ടറി പി.എം. അബ്ദുറഹ്മാന്, ചോലക്കല് രാജേന്ദ്രന് എന്നിവര് സംസാരിച്ചു.



