കൊയിലാണ്ടി: കോഴിക്കോട് അകലാപ്പുഴയിൽ ഉല്ലാസയാത്രയ്ക്കിടെ ബോട്ടിൽ നിന്ന് പുഴയിലേക്ക് വീണ് അഞ്ചു വയസ്സുകാരന് ദാരുണാന്ത്യം ഓമശ്ശേരി നടമ്മൽ പൊയിൽ മേലെ തിരിയം കൊട്ടുമ്മൽ കുന്നുമ്മൽ ഹാരിസിൻ്റെയും മറിയം സുനൈനയുടെയും മകൻ മുഹമ്മദ് ഐസാമാണ് മരിച്ചത്.ആലിൻതറ റബ്ബാനിയ കിൻസ് ഇംഗ്ലീഷ് സ്കൂൾ എൽ കെ ജി വിദ്യാർഥിയാണ്.ഇന്ന് വൈകിട്ട് ആറുമണിയോടെയായിരുന്നു അപകടം, കുട്ടി പുഴയിലേക്ക് വീഴുന്നത് കണ്ട ഉടൻ കൂടെയുണ്ടായിരുന്നവർ പുഴയിലിറങ്ങി തിരച്ചിൽ നടത്തി കുട്ടിയെ കരയ്ക്കെത്തിച്ചു. തുടർന്ന് ആംബുലൻസിൽ കൊയിലാണ്ടി താലൂക്ക് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.യമിൻ അബ്ദുള്ള ഏക സഹോദരനാണ്.
കോഴിക്കോട് കോടഞ്ചേരിയിൽ റോഡിന്റെ ഓവുചാലിൽ 9 അടി നീളമുളള രാജവെമ്പാല; കബീർ എത്തി പിടികൂടി
കോടഞ്ചേരി: കൂരോട്ടുപാറ റോഡിൽ നിന്ന് ഞായറാഴ്ച വൈകിട്ട് ഒമ്പതടി നീളമുള്ള രാജവെമ്പാലയെ പിടികൂടി. റോഡിന്റെ ഓവു ചാലിൽ നിന്നാണ് ‘എന്റെ മുക്കം സ്നേക് റസ്ക്യു’ പ്രവർത്തകൻ കബീർ കള്ളൻന്തോട് പാമ്പിനെ പിടികൂടിയത്. കബീർ പിടിക്കുന്ന ഇരുപത്തി ഒന്നാമത്തെ രാജവെമ്പാലയാണ് ഇത്. പാമ്പിനെ പിന്നീട് ഫോറസ്റ്റ് ഓഫീസർമാരുടെ സഹായത്തോടെ കാട്ടിൽ തുറന്നു വിട്ടു
സംസ്ഥാനത്ത് വ്യാഴാഴ്ച മുതൽ മഴ ശക്തമാകും; 15,16 തീയതികളിൽ 11 ജില്ലകളിൽ യെല്ലോ അലർട്ട്
തിരുവനന്തപുരം : സംസ്ഥാനത്ത് വ്യാഴാഴ്ച മുതൽ മഴ ശക്തമാകുമെന്ന് കേന്ദ്ര കാലാവസ്ഥ വകുപ്പ്. തെക്കൻ, മധ്യ കേരളത്തിൽ ഒക്ടോബർ 15, 16 തീയതികളിൽ ശക്തമായ മഴയ്ക്ക് സാധ്യത.15-ന് തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി ജില്ലകളിലും 16-ന് ഇടുക്കി, എറണാകുളം, തൃശൂർ, പാലക്കാട്, മലപ്പുറം, വയനാട് ജില്ലകളിലും യെല്ലോ അലർട്ട്.24 മണിക്കൂറിൽ 64.5 മുതൽ 115.5 മില്ലിമീറ്റർ വരെ മഴ ലഭിക്കുന്നതിനെയാണ് ശക്തമായ മഴയായി കണക്കാക്കുന്നത്. കേരള-കർണാടക-ലക്ഷദ്വീപ് തീരങ്ങളിൽ ഇന്ന് മത്സ്യബന്ധനത്തിന് തടസ്സമില്ല.
മുഖ്യ തെരഞ്ഞെടുപ്പ് കമ്മീഷണറെ പുറത്താക്കാൻ പ്രമേയം പാസാക്കി കേരളം; ‘ചീഫ് ജസ്റ്റിസിനെ ഉൾപ്പെടുത്തി സമിതി പുനസംഘടിപ്പിക്കണം.
മുഖ്യതെരഞ്ഞെടുപ്പ് കമ്മീഷണറെ പുറക്കാത്തണമെന്നാവശ്യപ്പെട്ട് കേരള നിയമസഭ പ്രമേയം പാസാക്കി. ഗ്യാനേഷ് കുമാറിന്റെ പ്രവർത്തനങ്ങൾ തെരഞ്ഞെടുപ്പ് കമ്മീഷന്റെ വിശ്വാസ്യത നഷ്ടപ്പെടുത്തിയെന്നടക്കമുള്ള കാരണങ്ങൾ ചൂണ്ടിക്കാട്ടിയാണ് പ്രമേയം പാസാക്കിയത്. രാജ്യത്ത് ആദ്യമാണ് ഒരു സംസ്ഥാനം മുഖ്യ തെരഞ്ഞെടുപ്പ് കമ്മീഷണറെ മാറ്റാനായി പ്രമേയം പാസാക്കിയത്. മുഖ്യമന്ത്രി വി ഡി സതീശൻ നിയമസഭയിൽ അവതരിപ്പിച്ച പ്രമേയത്തെ യു ഡി എഫ് – എൽ ഡി എഫ് എം എൽ എമാർ ഒന്നടങ്കം പിന്തുണച്ചു. 3 ബി ജെ പി അംഗങ്ങൾ മാത്രമാണ് എതിർപ്പ് പ്രകടിപ്പിച്ചത്. എസ് ഐ ആർ അപാകത കാരണം അർഹരായവർ വോട്ടർ പട്ടികയിൽ നിന്ന് പുറത്തായെന്നടക്കം പ്രമേയം കുറ്റപ്പെടുത്തി. എസ് ഐ ആർ നടപടികൾ സുതാര്യമാക്കുന്നതിൽ കമ്മീഷൻ പരാജയപ്പെട്ടു. നിലവിലെ പ്രവർത്തനം കമ്മീഷന്റെ വിശ്വാസ്യത ഇല്ലാതാക്കി. ഗ്യാനേഷ് കുമാറിനെ പദവിയിൽ നിന്ന് നീക്കണം. കമ്മീഷണമാരെ തെരഞ്ഞെടുക്കുന്ന രീതി മാറ്റണം. ചീഫ് ജസ്റ്റിസിനെ ഉൾപ്പെടുത്തി കമ്മീഷണമാരെ തെരഞ്ഞെടുക്കുന്ന സമിതി പുനസംഘടിപ്പിക്കണമെന്നടക്കം പ്രമേയം ആവശ്യപ്പെടുന്നുണ്ട്. ഇതിന് വേണ്ട നടപടികൾ കേന്ദ്ര സർക്കാർ കൈക്കൊള്ളമെന്നും പ്രമേയം ആവശ്യപ്പെടുന്നുണ്ട്. ഗ്യാനേഷിന് കീഴിൽ അട്ടിമറിയെങ്കിൽ മുഖ്യമന്ത്രി രാജിവയ്ക്കണമെന്നടക്കമുള്ള ആവശ്യം മുന്നോട്ട് വച്ചാണ് ബി ജെ പി അംഗങ്ങൾ പ്രമേയത്തെ എതിർത്തത്.
60 ആംബുലൻസുകളിലായി എത്തി; ചക്രക്കസേരയിലിരുന്ന് കടൽത്തിര തൊട്ടത് നൂറോളം പേർ
കോഴിക്കോട് ∙:ജീവിതത്തിന്റെ ഒറ്റപ്പെട്ടപ്പോൾ കൈപിടിച്ച, കടലോളം സ്നേഹം നൽകി ജീവിതത്തിനു പുതുവെളിച്ചം നൽകിയ ‘അത്താണി’യുടെ കൈപിടിച്ച് അവരെത്തി. നടക്കാനും ഇരിക്കാനും കഴിയാത്തവർ ഉൾപ്പെടെ നൂറോളം പേർ തിരമാല കണ്ടും പാട്ടുപാടിയും ആനന്ദത്തോടെ കടപ്പുറത്ത് ഉല്ലസിച്ചു. ചക്രക്കസേരയിലിരുന്ന് ഒപ്പന അവതരിപ്പിച്ചപ്പോൾ കടപ്പുറത്തെത്തിയവരും പാട്ടിന്റെ ഇശലുകൾക്കൊപ്പം ഇവരോടൊപ്പം ചേർന്നു.നരിക്കുനി ആസ്ഥാനമായി പ്രവർത്തിക്കുന്ന അത്താണി പെയ്ൻ ആൻഡ് പാലിയേറ്റീവ് കെയറിന്റെ 20 –ാം വാർഷികാഘോഷ സമാപന ഭാഗമായാണു അത്താണിയിലെ കിടപ്പുരോഗികളും അത്താണിയുടെ പരിചരണത്തിൽ വിവിധ വീടുകളിൽ കഴിയുന്ന കിടപ്പുരോഗികളും കടപ്പുറത്ത് ഒത്തുചേർന്നത്. 60 ആംബുലൻസുകളിലാണ് ഇവർ നരിക്കുനിയിൽനിന്ന് എത്തിയത്. കടലോളം സംഗമം മേയർ ഒ.സദാശിവൻ ഉദ്ഘാടനം ചെയ്തു. പ്രയാസങ്ങളിൽപെട്ടവരെ സംരക്ഷിക്കുന്നതിൽ അത്താണിയുടെ പ്രവർത്തനം ശ്ലാഘനീയമാണെന്ന് അദ്ദേഹം പറഞ്ഞു.20 – ാം വാർഷിക ഭാഗമായി 20 കോടിയിലേറെ രൂപ ചെലവിൽ നിർമിക്കുന്ന ഹാർമണി വില്ലേജ് ഏറെ ശ്രദ്ധേയമാകുമെന്നും മേയർ പറഞ്ഞു. കാരാടൻ സുലൈമാൻ അധ്യക്ഷത വഹിച്ചു. ജനറൽ സെക്രട്ടറി വി.പി.അബ്ദുൽ ഖാദർ, വി.ഹുസൈൻ, കെ.സി.ഖാദർ, ടി.പി.അബൂബക്കർ എന്നിവർ പ്രസംഗിച്ചു. കെ.കബീർ, നൗഷാദ് നരിക്കുനി, മുജീബ് പുറായിൽ, ഒ.സുലൈമാൻ തുടങ്ങിയവർ നേതൃത്വം നൽകി.
ബത്തേരിയിൽ ട്രാവലർ മറിഞ്ഞ് അപകടം; 2 പേർ മരിച്ചു, 13 വിദ്യാർത്ഥികൾക്ക് പരിക്ക്.
വയനാട്: ബത്തേരി 54-ൽ ട്രാവലർ തലകീഴായി മറിഞ്ഞ് രണ്ടുപേർ മരിച്ചു. ഡ്രൈവർ കർണാടക സ്വദേശി രഞ്ജിത്ത് (40), മൈസൂർ സ്വദേശി ഭരത് എന്നിവരാണ് മരിച്ചത്.മാണ്ഡ്യ യൂണിവേഴ്സിറ്റിയിലെ പിജി വിദ്യാർത്ഥികൾ സഞ്ചരിച്ച ട്രാവലറാണ് അപകടത്തിൽപ്പെട്ടത്. പുലർച്ചെ 1.45 ഓടെയായിരുന്നു അപകടം. മൂന്നാർ വിനോദയാത്ര കഴിഞ്ഞ് മടങ്ങുകയായിരുന്നു സംഘം.13 വിദ്യാർത്ഥികൾ ഉൾപ്പെടെ 15 പേരാണ് വാഹനത്തിലുണ്ടായിരുന്നത്. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു. നാട്ടുകാരും ഫയർഫോഴ്സും ചേർന്ന് ട്രാവലർ വെട്ടിപ്പൊളിച്ചാണ് വിദ്യാർത്ഥികളെ പുറത്തെടുത്തത്.
സംസ്ഥാന സ്കൂൾ കായികമേള: ഒരുക്കങ്ങൾ പുരോഗമിക്കുന്നു.
കോഴിക്കോട്: 25 മുതൽ 31 വരെനടക്കുന്ന സംസ്ഥാന സ്കൂൾ കായികമേളയുടെ മുന്നൊരുക്കങ്ങൾ പുരോഗമിക്കുന്നു. ഒരുക്ക ങ്ങൾ വിലയിരുത്തുന്നതിനായി വെൽഫെയർ കമ്മിറ്റി യോഗം ചേർന്നു. എൻഐടി ഗ്രൗണ്ടിന് സമീപമുള്ള സംഘാടക സമിതി ഓഫിസിൽ ചേർന്ന യോഗം വെൽഫെയർ കമ്മിറ്റി ചെയർ പേഴ്സൺ കൂടിയായ കെ.കെ. രമ എംഎൽഎ ഉദ്ഘാടനം ചെയ്തു മേളയിൽ പങ്കെടുക്കുന്ന പതി നായിരത്തോളം വരുന്ന മത്സരാർഥികൾക്കും ഒഫീഷ്യലുകൾക്കും കാണികൾക്കും സുരക്ഷിതവും സുലഭവുമായ കുടിവെള്ളം ഉൾപ്പെടെ എല്ലാ സജ്ജീകരണങ്ങളും ഒരുക്കാൻ യോഗ ത്തിൽ തീരുമാനമായി. കോഴിക്കോട് എൻഐടി ഗ്രൗണ്ട് പ്രധാന വേദിയായും പരിസര പ്രദേശങ്ങളിലെ വിവിധ മൈതാന ങ്ങൾ മറ്റു വേദികളായുമാണ് ഇത്തവണത്തെ കായികമേള സം ഘടിപ്പിക്കുന്നത്. പൂർണമായും ഗ്രീൻ പ്രോട്ടോക്കോൾ പാലിച്ചായിരിക്കും കുടിവെള്ള വിത രണം നടത്തുക. ഇതിനായി മൺകുജകളും തണ്ണീർ കുജകളും സജ്ജീകരിക്കുമെന്നും ഇ തിനാവശ്യമായ മുൻകരുതലുകൾ പൂർത്തിയായതായും യോഗം വിലയിരുത്തി.കായികമേളയ്ക്ക് വിപുലമായ ഒരുക്കങ്ങളുമായി ട്രാൻസ് പോർട്ട് കമ്മിറ്റിയും സജീവമാ യി രംഗത്തുണ്ട്. റെയിൽവേ സ്റ്റേഷൻ, ബസ് സ്റ്റാൻഡ് എന്നി വിടങ്ങളിൽ എത്തുന്ന കലാപ തിഭകളെ സ്വീകരിച്ച് കലോത്സവ വേദിയിലെത്തിക്കാൻ ഇരുന്നൂറോളം ബസുകളും മറ്റ് ചെറിയ വാഹനങ്ങളും ഒരുക്കിയിട്ടുണ്ട്. വിദ്യാർഥികളെയും എസ് കോർട്ട് അധ്യാപകരെയും താമസ, ഭക്ഷണ സ്ഥലങ്ങളിൽ എ ത്തിക്കുന്നതിന് പൊലിസ്, മോട്ടോർ വാഹന വകുപ്പ് ഉദ്യോഗസ്ഥർ, അധ്യാപകർ, സന്നദ്ധ പ്രവർത്തകർ, ഡ്രൈവർമാർ എന്നിവരുടെ നേതൃത്വത്തിൽ കമ്മിറ്റിയും രൂപീകരിച്ചു. കഴി ഞ്ഞദിവസം ചേർന്ന ട്രാൻസ് പോർട്ട് കമ്മിറ്റി യോഗത്തിലാണ് കമ്മിറ്റി രൂപവത്കരിച്ചത്. ഫാത്തിമ തഹ്ലിയ എംഎൽ എ യോഗം ഉദ്ഘാടനം ചെയ്തു.ചാത്തമംഗലം പഞ്ചായത്ത് സ്ഥിരംസമിതി അധ്യക്ഷൻസലീം കുന്നത്ത് അധ്യക്ഷത വഹിച്ചു. വെൽഫെയർ കമ്മിറ്റിയോഗത്തിൽ ചാത്തമംഗലം ഗ്രാമപഞ്ചായത്ത് വൈസ് പ്രസിഡന്റ് എം.കെ. അനീഷ് അധ്യക്ഷത വഹിച്ചു.
ഇന്നു സുപ്രീം കോടതിയിലേക്ക് മാര്ച്ച് നടത്തും; രാഹുല് ഗാന്ധി.
ന്യൂഡല്ഹി: ഇന്ന് ഇന്ത്യ ഒന്നാകെ സുപ്രീം കോടതിയിലേക്ക് മാര്ച്ച് നടത്തുമെന്ന പ്രഖ്യാപനവുമായി രാഹുല് ഗാന്ധി.ഇന്നലെ ഡല്ഹിയില് രാജ്യത്തെ യുവത സമാധാനപരമായി പ്രതിഷേധിക്കാനിറങ്ങിയപ്പോള് പൊലീസും ബിജെപി പ്രവര്ത്തകരും പ്രതിഷേധക്കാരെ ക്രൂരമര്ദനത്തിന് ഇരയാക്കിയെന്നും രാഹുല് ഗാന്ധി ആരോപിച്ചു. ഭരണഘടന ഉയര്ത്തിപിടിച്ചു കൊണ്ടായിരുന്നു രാഹുല് ഗാന്ധിയുടെ പ്രസ്താവന.ഇന്നലെ പ്രതിഷേധിക്കാനിറങ്ങിയ യുവതയുടെ ഹൃദയങ്ങളില് വിദ്വേഷമോ കോപമോ ആയിരുന്നില്ല, സ്നേഹമായിരുന്നു. എന്നാല് അവര് പൊലീസിന്റെയും ബിജെപി പ്രവര്ത്തകരുടെയും മര്ദനത്തിന് ഇരയാവുകയാണ് ഉണ്ടായത്. ഇതല്ല നമ്മള് ആഗ്രഹിക്കുന്ന ഇന്ത്യ. ഇന്ത്യക്കാരെന്ന നിലയില് എല്ലാ അതിര്വരമ്പുകള്ക്കപ്പുറം ഒന്നിച്ചുനിന്ന് നാളെ സുപ്രീംകോടതിയിലേക്ക് മാര്ച്ച് നടത്തും. രാഷ്ട്രീയം , ലിംഗം, ജാതി, സമുദായം, സംസ്ഥാനം എന്നീ വേര്തിരിവുകളില്ലാതെയാണ് ഒന്നിച്ചു നില്ക്കേണ്ടതെന്നും രാഹുല് ഗാന്ധി എക്സിലൂടെ പറഞ്ഞു.യുവതയും എല്ലാ പ്രതിപക്ഷ പാര്ട്ടികളും സിവില് സൊസൈറ്റി സംഘടനകളും ജനാധിപത്യത്തില് വിശ്വസിക്കുകയും ഇന്ത്യന് ഭരണഘടനയെ ഉയര്ത്തിപ്പിടിക്കുകയും ചെയ്യുന്ന എല്ലാവരും ഈ മാര്ച്ചില് ഞങ്ങളോടൊപ്പം അണിനിരക്കും. വോട്ട് ചോരി അവസാനിപ്പിക്കുക, എസ്ഐആര് നടപടികള് നിര്ത്തിവയ്ക്കുക, ഗ്യാനേഷ് കുമാര് രാജിവയ്ക്കുക എന്നീ ആവശ്യങ്ങളുന്നയിച്ച് രാജ്യത്തിനുവേണ്ടി ചീഫ് ജസ്റ്റിസിന് നിവേദനം സമര്പ്പിക്കും. നരേന്ദ്ര മോദി, അമിത് ഷാ, അജിത് ഡോവല്, മോഹന് ഭാഗവത് എന്നിവര്ക്ക് ഇന്ത്യയുടെ ശബ്ദത്തെ നിശ്ശബ്ദമാക്കാനാവില്ല. ഭീഷണിപ്പെടുത്തി ഞങ്ങളെ പിന്തിരിപ്പിക്കാനുമാവില്ല. അവര്ക്ക് അധികാരം ഒഴിയേണ്ടിവരും. സ്നേഹത്തോടെയും സാഹോദര്യത്തോടെയും ദേശസ്നേഹത്തോടെയും നമ്മള് ഒന്നിച്ചുനടക്കും. ഭയപ്പെടരുത് ! നാളെ ഇന്ത്യ ഒന്നാകെ സുപ്രീംകോടതിയിലേക്ക് മാര്ച്ച് നടത്തും.
സൗദിയിലെ വിമാനത്താവളത്തിൽ വീണ്ടും വ്യോമാക്രമണം; ഇന്ത്യൻ പൗരൻ കൊല്ലപ്പെട്ടു, 11 ഇന്ത്യക്കാർക്ക് പരുക്ക്
റിയാദ് : സൗദി അറേബ്യയുടെ തലസ്ഥാനമായ റിയാദിലെ കിങ് ഖാലിദ് രാജ്യാന്തര വിമാനത്താവളത്തിനു നേരെ വീണ്ടും വ്യോമാക്രമണം. വിമാനത്താവളത്തിലെ ആഭ്യന്തര സർവീസുകൾ കൈകാര്യം ചെയ്യുന്ന നാലാം നമ്പർ പാസഞ്ചർ ഹാളിനു നേരെയാണ് തിരിച്ചറിയാത്ത ആയുധം ഉപയോഗിച്ച് ആക്രമണം ഉണ്ടായതായി സഖ്യസേന അറിയിച്ചത്. ഇതിനുപുറമെ, വിമാനത്താവളത്തിനു സമീപമെത്തിയ ക്രൂയിസ് മിസൈൽ സൗദി അറേബ്യയുടെ വ്യോമപ്രതിരോധ സംവിധാനം തകർത്തു. ആക്രമണത്തെ തുടർന്ന് ഇന്ധന സംഭരണശാലയിലുണ്ടായ വലിയ തീപിടിത്തം നിയന്ത്രണവിധേയമാക്കാനുള്ള ശ്രമങ്ങൾ തുടരുകയാണ്. ᴋᴏᴢʜɪᴋᴏᴅᴇ ʟɪᴠᴇവിമാനത്താവളത്തിനു നേരെ കഴിഞ്ഞ ദിവസമുണ്ടായ വൻ ആക്രമണത്തിൽ 12 പേർ കൊല്ലപ്പെടുകയും 300 ലധികം പേർക്ക് പരുക്കേൽക്കുകയും ചെയ്തിരുന്നു. പരുക്കേറ്റവരിൽ 11 പേർ ഇന്ത്യൻ പൗരന്മാരാണെന്നും ഒരാൾ മരണപ്പെട്ടതായും സൗദി അറേബ്യയിലെ ഇന്ത്യൻ എംബസി അറിയിച്ചു. ഹൈദരാബാദ് സ്വദേശി അലി മുഹമ്മദ് അലിയാണ് മരണപ്പെട്ടത്. ആക്രമണത്തിൽ പരുക്കേറ്റ ഇദ്ദേഹത്തിന്റെ ഭാര്യയും മക്കളും ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. ᴋᴏᴢʜɪᴋᴏᴅᴇ ʟɪᴠᴇപരുക്കേറ്റ ഇന്ത്യൻ പൗരന്മാരുടെ ആരോഗ്യനിലയും സുരക്ഷയും ഉറപ്പാക്കാൻ പ്രാദേശിക അധികാരികളുമായി നിരന്തരം ബന്ധപ്പെടുന്നുണ്ടെന്ന് എംബസി അറിയിച്ചു. മരിച്ചയാളുടെ മൃതദേഹം ഉടൻ നാട്ടിലെത്തിക്കാനുള്ള നടപടി സ്വീകരിക്കും. എംബസി ഉദ്യോഗസ്ഥർ വിവിധ ആശുപത്രികളിലെത്തി വിവരങ്ങൾ ശേഖരിക്കുന്നുണ്ടെന്നും കൂടുതൽ വിവരങ്ങൾ ലഭ്യമാകുന്ന മുറയ്ക്ക് പങ്കുവയ്ക്കുമെന്നും ഔദ്യോഗിക വക്താക്കൾ അറിയിച്ചു.
കോഴിക്കോട് ട്രെയിൻ തട്ടി മരിച്ചത് വിദ്യാര്ത്ഥികള്.
കോഴിക്കോട് : കൊയിലാണ്ടി ചേമഞ്ചേരിയില് ട്രെയിൻ തട്ടി മരിച്ചത് വിദ്യാർത്ഥികള്. തിരുവങ്ങൂർ ഹയർ സെക്കൻഡറി സ്കൂള് ഒമ്പതാം ക്ലാസ് വിദ്യാർത്ഥി അവനിക (14), പ്ലസ് ടു വിദ്യാർത്ഥി തിരുവങ്ങൂർ കോഴിപ്പറമ്പത്ത് പാർത്ഥിബ് (17) എന്നിവരാണ് മരിച്ചത്.ചേമഞ്ചേരി സ്റ്റേഷന് സമീപം മംഗലാപുരം – ചെന്നൈ മെയില് തട്ടിയാണ് മരണം. ഞായറാഴ്ച വൈകിട്ട് 5:45 ഓടെയാണ് സംഭവം. രണ്ട് മൃതദേഹങ്ങളും ചിന്നിച്ചിതറിയ നിലയിലായിരുന്നു. അതുകൊണ്ടുതന്നെ മരിച്ചവരെ തിരിച്ചറിയാൻ സാധിച്ചിരുന്നില്ല. രാത്രി ഏറെ വൈകി ബന്ധുക്കള് കോഴിക്കോട് മെഡിക്കല് കോളേജ് മോർച്ചറിയില് എത്തിയാണ് മൃതദേഹങ്ങള് തിരിച്ചറിഞ്ഞതെന്ന് കൊയിലാണ്ടി പൊലീസ് അറിയിച്ചു. മൃതദേഹങ്ങള് കോഴിക്കോട് മെഡിക്കല് കോളേജ് മോർച്ചറിയിലേക്ക് മാറ്റി.ദേശീയപാതയും റെയില്വേ ട്രാക്കും അടുത്തടുത്തുവരുന്ന ചേമഞ്ചേരി റെയില്വേ സ്റ്റേഷന് സമീപമായിരുന്നു സംഭവം. അവനിക വികാസ് നോർത്ത് പാണകുളംകുനി സുരേഷ് – റീന ദമ്പതികളുടെ മകളാണ്. തിരുവങ്ങൂർ കോയി പറമ്പത്ത് സുബിഷിൻ്റെയും സുനിഷയുടയും മകനാണ് പാർത്ഥിബ്.



