കൊച്ചി: 2007ല്‍ റിലീസായി വന്‍ വിജയം നേടിയ ചിത്രമാണ് ഛോട്ടാ മുംബൈ. അൻവർ റഷീദ് സം‌വിധാനം ചെയ്ത രണ്ടാമത്തെ ചലച്ചിത്രമാണ് ഇന്നും പ്രേക്ഷകര്‍ ടിവിയിയും ഓണ്‍ലൈനിലും കാണുന്ന ഈ മോഹൻലാൽ നായകനായ ചിത്രം.  മണിയൻപിള്ള രാജുവാണ് ചിത്രം നിര്‍മ്മിച്ചത്.

സായി കുമാർ, സിദ്ധിഖ്, കലാഭവൻ മണി, ഇന്ദ്രജിത്ത്, ജഗതി ശ്രീകുമാർ, ഭാവന, ബിജുകുട്ടന്‍ തുടങ്ങി ഒരു നീണ്ട താരനിര തന്നെ ഈ ചിത്രത്തിലുണ്ട്. 2007 എപ്രിലിൽ പ്രദർശനത്തിനെത്തിയ ഛോട്ടാ മുംബൈ അന്ന് വലിയ ബോക്സോഫീസ് വിജയമായിരുന്നു. ഇപ്പോഴും ഈ ചിത്രത്തിലെ തമാശ രംഗങ്ങള്‍ മീം ആയും മറ്റും ഉപയോഗിക്കാറുണ്ട്.

മോഹന്‍ലാല്‍ അവതരിപ്പിച്ച തലയുടെ ഛോട്ടാ മുംബൈ ഗ്യാംങിലെ അംഗമാണ് ചിത്രത്തില്‍ ബിജു കുട്ടന്‍ അവതരിപ്പിച്ച സുശീലൻ എന്ന് റോള്‍. ഇപ്പോള്‍ ബിജു കുട്ടന്‍ സോഷ്യല്‍ മീഡിയയില്‍ പങ്കുവച്ച ഒരു ഛോട്ടാ മുംബൈ ഓര്‍മ്മയാണ് വൈറലാകുന്നത്. 

പുതിയ എഐ സാങ്കേതിക വിദ്യയില്‍ ഛോട്ടാ മുംബൈ താരങ്ങളെ വീണ്ടും അവതരിപ്പിച്ച വീഡിയോയാണ് ഇത്. ഇതില്‍ ഛോട്ടാ മുംബൈ സിനിമയിലെ തല എന്ന ഗാനത്തിന്‍റെ ഒരു ഭാഗവും ഉള്‍പ്പെടുത്തിയിട്ടുണ്ട്. ഇതിനൊപ്പം തന്നെ വളരെ മനോഹരമായാണ് തല ഗ്യാംങ് പ്രത്യക്ഷപ്പെടുന്നു. ഒരു ലൌ ഇമോജിയോടെയാണ് ബിജുകുട്ടന്‍ ഈ വീഡിയോ പങ്കിട്ടിരിക്കുന്നത്.

അതേ സമയം ആരാധകര്‍ ഈ വീഡിയോ ഏറ്റെടുത്തിരിക്കുകയാണ്. പലരും വളരെ നൊസ്റ്റാള്‍ജിയ അനുഭവമാണ് ഇതിന് അടിയില്‍ പങ്കുവയ്ക്കുന്നത്.  ഛോട്ടാ മുംബൈ 2 ഭാഗത്തിന് സ്കോപ്പുണ്ടെന്നാണ് ഒരു വിഭാഗം വാദിക്കുന്നത്. എന്തായാലും ആയിരക്കണക്കിന് ലൌ റിയാക്ഷന്‍സ് ഈ വീഡിയോയ്ക്ക് ലഭിക്കുന്നുണ്ട്. 

രാജ്യത്ത് ഒരു പൗരന്റെ ഏറ്റവും പ്രധാനപ്പെട്ടതും മൂല്യവത്തായതുമായ രേഖകളിൽ ഒന്നാണ് ഇന്ന് ആധാർ കാർഡ്. മൊബൈൽ നമ്പർ, പാൻ കാർഡ് തുടങ്ങിയവയുമായി ആധാർ കാർഡ് ലിങ്ക് ചെയ്തിരിക്കുന്നതിനാൽ സാമ്പത്തിക തട്ടിപ്പിനുള്ള സാധ്യതയും ഏറെയാണ്. ഈ പ്രശ്നം ഒഴിവാക്കുന്നതിനായി, യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ) ഒരു പ്രത്യേക ഫീച്ചർ അവതരിപ്പിച്ചിട്ടുണ്ട്. 

ആധാർ വിവരങ്ങൾ ഉപയോഗിച്ച് തട്ടിപ്പ് നടത്തുന്നവർ ആധാർ നമ്പർ, ബാങ്കിന്റെ പേര്, വിരലടയാളം എന്നിവ തട്ടിപ്പിന് ഉപയോഗിക്കുന്നു. ഈ തട്ടിപ്പിൽ ഒടിപി ആവശ്യമില്ല. ഏറ്റവും വലിയ തിരിച്ചടി എന്താണെന്നുവെച്ചാൽ അക്കൗണ്ടിൽ നിന്ന് പണം ഡെബിറ്റ് ചെയ്യപ്പെടുന്നതിനെക്കുറിച്ച് ഒരു എസ്എംഎസ് പോലും ലഭിക്കില്ല എന്നുള്ളതാണ്. ആധാർ വിവരങ്ങൾ പങ്കിടുന്നത് സുരക്ഷിതമായ ഇടങ്ങളിലല്ലെങ്കിൽ അവ തട്ടിപ്പുകാരുടെ പക്കലെത്തിയേക്കാം. തുടർന്ന് തട്ടിപ്പുകാർ ബാങ്കിന്റെ പേര് അറിയാൻ സാധാരണയായി ഇരകളെ പിന്തുടരുന്നു. കൃത്രിമ സിലിക്കൺ വിരലടയാളം ഉപയോഗിച്ച് പണം പിൻ‌വലിക്കുന്നു.

തട്ടിപ്പുകാരിൽ നിന്ന് എങ്ങനെ രക്ഷപ്പെടാം

* തട്ടിപ്പിൽ നിന്ന് സുരക്ഷിതരായിരിക്കാൻ, mAadhaar ആപ്പ് അല്ലെങ്കിൽ യുഐഡിഎഐ വെബ്സൈറ്റ് ഉപയോഗിച്ച് ആധാർ ബയോമെട്രിക് ഡാറ്റ ലോക്ക് ചെയ്യണം. 

* ആധാർ കാർഡിന്റെ ബയോമെട്രിക് ഡാറ്റ ലോക്കുചെയ്യാനും, mAadhaar ആപ്പ് ഡൗൺലോഡ് ചെയ്‌ത് സൈൻ അപ്പ് ചെയ്യുന്നതിന് നിങ്ങളുടെ ആധാർ ലിങ്ക് ചെയ്‌ത മൊബൈൽ നമ്പർ ഉപയോഗിക്കുക.

* ആധാർ വിശദാംശങ്ങൾ പരിശോധിച്ച് ആപ്പ് ഉപയോഗിച്ച് നിങ്ങളുടെ ബയോമെട്രിക് ലോക്ക് ചെയ്യുക. നിങ്ങൾക്ക് ആവശ്യമുള്ളപ്പോഴെല്ലാം ആപ്പ് ഉപയോഗിച്ച് ബയോമെട്രിക്സ് അൺലോക്ക് ചെയ്യാം

mAadhaar ആപ്പ് എങ്ങനെ ഡൗൺലോഡ് ചെയ്യാം?

* ഗൂഗിൾ പ്ലേ സ്റ്റോർ തുറന്ന് mAadhaar ആപ്പ് ഇൻസ്റ്റാൾ ചെയ്യുക. ഐഫോണുകളില്‍, ആപ്പ് സ്റ്റോർ ഉപയോഗിക്കുക.
* ഡൗൺലോഡ് ചെയ്യാൻ mAadhaar ആപ്പിന് ആവശ്യമായ അനുമതി നൽകുക 
* mAadhaar ഇൻസ്റ്റാൾ ചെയ്തുകഴിഞ്ഞാൽ, ഒരു പാസ്‌വേഡ് സജ്ജമാക്കുക
* പാസ്‌വേഡിൽ 4 അക്കങ്ങൾ ഉണ്ടായിരിക്കണം എന്നത് ശ്രദ്ധിക്കുക.

mAadhaar ആപ്പ് വഴി ആധാർ കാർഡിന്റെ ബയോമെട്രിക്സ് ലോക്ക് ചെയ്യുക എങ്ങനെയാണ്?

* mAadhaar ആപ്പ് തുറന്ന ശേഷം യൂസർ ഐഡിയും പാസ്‌വേഡും ഉപയോഗിച്ച് ലോഗിൻ ചെയ്യുക
* പ്രൊഫൈലിൽ ക്ലിക്ക് ചെയ്യുക
* ആപ്പിന്റെ മുകളിൽ വലത് കോണിൽ സ്ഥാപിച്ചിരിക്കുന്ന മെനു ഓപ്ഷനിൽ ക്ലിക് ചെയ്യുക
* ‘ബയോമെട്രിക് ക്രമീകരണങ്ങൾ’ എന്നതിൽ ക്ലിക്ക് ചെയ്യുക
* ‘എനേബിൾ ബയോമെട്രിക് ലോക്ക്’ ഓപ്ഷനിൽ ഒരു ടിക്ക് ഇടുക
* ‘ശരി’ എന്നതിൽ ക്ലിക്ക് ചെയ്യുക, 
* ആധാറിൽ രജിസ്റ്റർ ചെയ്ത മൊബൈൽ നമ്പറിലേക്ക് ഒരു ഒടിപി ലഭിക്കും.
*  ഒടിപി നൽകിയാലുടൻ, ബയോമെട്രിക് വിശദാംശങ്ങൾ ലോക്ക് ആകും

ഒരു നൂറ്റാണ്ട് കണ്ട സമരജീവിതം. കണ്ണേ കരളേ വി.എസേ എന്നാർത്തലച്ച മുദ്രവാക്യങ്ങൾ ഉയർന്ന കേരള രാഷ്ട്രീയത്തിൽ ഇന്ന് ആ വിപ്ലവ സൂര്യന് നൂറാം ജന്മദിനത്തിലേക്ക് കടക്കുകയാണ്. അടിമുടി സമര പോരാളിയായ മനുഷ്യൻ. മലയാളി മനസിനെ ആഴത്തിൽ സ്വാധീനിക്കുകയും ആവേശഭരിതമാക്കുകയും ചെയ്ത സമര നായകൻ. ജനങ്ങളുടെ പ്രതീക്ഷ ആയിമാറിയ വി എസ് എന്ന വേലിക്കകത്ത് ശങ്കരൻ അച്യുതാനന്ദൻ.

അനാഥത്വത്തിന്റെ നൊമ്പരം പേറി നാലാം വയസ്സിൽ അമ്മയേയും പതിനൊന്നാം വയസ്സിൽ അച്ഛനേയും നഷ്ടപ്പെട്ട വിഎസ് കടുത്തദാരിദ്ര്യത്തിൽ കെട്ടിപ്പൊക്കിയതായിരുന്നു ആ പോരാട്ട ജീവിതം. 1965 മുതൽ 2016 വരെ പത്ത് നിയമസഭാ തിരഞ്ഞെടുപ്പുകളിലാണ് വി.എസ് വിജയിച്ചുകയറിയത്. പക്ഷെ മുഖ്യമന്ത്രിയാകുന്നതിന് മുമ്പ് അച്യുതാനന്ദൻ ഒരു മന്ത്രിസഭയിലും അംഗമായിരുന്നില്ല എന്നതും ശ്രദ്ധേയം.

പക്ഷാഘാതത്തെ തുടർന്ന് 2019 ഒക്ടോബർ മുതലാണ് വിഎസ് പൂർണ്ണവിശ്രമത്തിലേക്ക് കടന്നത്. പതിവുപോലെ വലിയ ആഘോഷങ്ങൾ ഇല്ലെങ്കിലും പ്രിയ നേതാവ് നൂറു വയസ്സ് പിന്നിടുന്നതിന്റെ ആഹ്ലാദത്തിലാണ് അണികൾ. ജന്മനാടായ പുന്നപ്രയിലും സംസ്ഥാനത്തിന്റെ വിവിധ ഭാഗങ്ങളിലും പായസവിതരണം ഉൾപ്പെടെയുള്ള പരിപാടികൾ നടക്കും. നൂറാം ജന്മദിനത്തോടനുബന്ധിച്ച് വിഎസിന്റെ പ്രവർത്തനങ്ങൾ ഉൾക്കൊള്ളുന്ന പ്രത്യേക പുസ്തകം സിപിഎം പുറത്തിറക്കും.

ശബരിമല മണ്ഡലകാല തീർഥാടനത്തിന് അലങ്കരിച്ച വാഹനങ്ങൾക്കുള്ള വിലക്ക് കർശനമായി നടപ്പിലാക്കണമെന്ന് ഹൈക്കോടതി. മുൻ ഉത്തരവിലെ നിർദേശങ്ങൾ കർശനമായി നടപ്പാക്കണം. കെ.എസ്.ആർ.ടി സി ബസുകളിലടക്കം സുരക്ഷാ മാനദണ്ഡങ്ങൾക്ക് വിരുദ്ധമായി അലങ്കാരങ്ങൾ പാടില്ല. കെ.എസ്.ആർ.ടി.സിയിൽ പരസ്യം പതിക്കാമെങ്കിലും അലങ്കാരങ്ങൾ പാടില്ലെന്നും കോടതി നിർദേശിച്ചു. ബേസ് മെഡിക്കൽ ക്യാമ്പ് ജനറൽ ആശുപത്രിയിൽ നിന്നും മാറ്റാനുള്ള ശുപാർശയിൽ  തീരുമാനമെടുക്കാൻ ഹെൽത്ത് സർവീസ് ഡയറക്ടർക്ക് നിർദേശം നല്‍കി.ഒരു  ഓഫ് റോഡ് ആംബുലൻസുൾപ്പെടെ രണ്ട് ആംബുലൻസ് സന്നിധാനത്തും ഏർപ്പെടുത്തണമെന്നും കോടതി നിര്‍ദേശിച്ചു

അതേസമയം, ശബരിമല മേൽശാന്തിയായി പി. എൻ. മഹേഷിനേയും മാളികപ്പുറം മേൽശാന്തിയായി പി.ജി മുരളിയെയും നറുക്കെടുപ്പിലൂടെ തിരഞ്ഞെടുത്തിരുന്നു. രാവിലെ ഉഷപൂജയ്ക്ക് ശേഷമായിരുന്നു നറുക്കെടുപ്പ്. പന്തളം കൊട്ടാരത്തിലെ കുട്ടികളായ വൈദേഹും നിരപമയും  പുതിയ മേൽശാന്തി മാരുടെ പേരുകൾ പ്രത്യേകം തയ്യാറാക്കിയ  വെള്ളികുടത്തിൽ നിന്ന് നറുക്ക് എടുത്തു.ആദ്യ നറുക്കിൽ തന്നെ ശബരിമല മേൽശാന്തിയായി മൂവാറ്റുപുഴ സ്വദേശി  പി. എൻ. മഹേഷിനെ തെരെഞ്ഞെടുത്തു.

മാളികപ്പുറത്ത് ഏഴാമത്തെ നറുക്കിലാണ് തൃശൂർ വടക്കേക്കാട് സ്വദേശി  പി.ജി. മുരളിക്ക് മേൽശാന്തിയുടെ നിയോഗം കിട്ടിയത്.വരുന്ന മണ്ഡല മകരവിളക്ക് കാലത്ത് പുതിയ മേൽശാന്തിമാർ ചുമതല  ഏല്‍ക്കും.നവംബർ 16 ന് സീസൺ തുടങ്ങും. തീർത്ഥാടകർക്കുള്ള ഒരുക്കങ്ങൾ വേഗത്തിൽ പൂർത്തിയാക്കാനുള്ള ശ്രമത്തിലാണ് ദേവസ്വം ബോർഡ്.