spot_img
Friday, November 20, 2026
Home Blog Page 50

ബാങ്ക് പണിമുടക്ക് ‘നേട്ടമായി’, കേന്ദ്രസർക്കാർ ജീവനക്കാർക്ക് ശമ്പളം 25ന്.

0

തിരുവനന്തപുരം : മാസാവസാനം ബാങ്ക് ജീവനക്കാരുടെ സമരം പ്രഖ്യാപിച്ചതോടെ സെപ്റ്റംബറിലെ ശമ്പളം എന്നു ലഭിക്കുമെന്ന ആശങ്കയിൽ ജീവനക്കാർ. 28,29,30 തീയതികളിലാണ് ബാങ്ക് ജീവനക്കാരുടെ പണിമുടക്ക്. ഇതിന് മുൻപ് വരുന്ന ശനിയും ഞായറും പതിവു അവധി ദിനങ്ങളാണ്. ഇതോടെ അഞ്ച് ദിവസം ബാങ്കിങ് പ്രവർത്തനങ്ങൾ മുടങ്ങുമെന്നാണ് ആശങ്ക. ഞായറാഴ്ച ബാങ്കുകളെല്ലാം തുറന്നു പ്രവർത്തിക്കുമെന്ന് കേന്ദ്ര ധനമന്ത്രാലയം പ്രഖ്യാപിച്ചിട്ടുണ്ടെങ്കിലും ഇത് എത്രത്തോളം പ്രായോഗികമാകുെമന്ന കാര്യത്തിൽ അവ്യക്തതയുണ്ട്. ഇതോടെ സമൂഹ മാധ്യമങ്ങളിൽ അടക്കം വലിയ ചർച്ചയാണ് നടക്കുന്നത്.അതിനിടെ കേന്ദ്രസർക്കാർ ജീവനക്കാർക്ക് സെപ്റ്റംബറിലെ ശമ്പളം 25ാം തീയതി വെള്ളിയാഴ്ച തന്നെ ലഭിക്കും. ശമ്പളം, പെൻഷൻ എന്നിവ 25നു തന്നെ അക്കൗണ്ടിലെത്തുമെന്ന് കേന്ദ്രധനമന്ത്രാലയം അറിയിച്ചു.ഇതിനു വേണ്ട ക്രമീകരണങ്ങൾ ഏർപ്പെടുത്താൻ ബന്ധപ്പെട്ട എല്ലാ വകുപ്പുകളോടും ആവശ്യപ്പെട്ടിട്ടുണ്ട്. പ്രതിരോധ വകുപ്പ്, പോസ്റ്റ്, ടെലിക്കമ്യൂണിക്കേഷൻ വിഭാഗം തുടങ്ങിയ എല്ലാ കേന്ദ്രസർക്കാർ ജീവനക്കാർക്കും പെൻഷൻകാർക്കും ഈ ആനുകൂല്യം ലഭിക്കുമെന്നും മന്ത്രാലയം വ്യക്തമാക്കി.സ്വകാര്യ ജീവനക്കാർക്കും കിട്ടുമോസ്വകാര്യ കമ്പനിയിലെ ജീവനക്കാർക്കും വിവിധ സംസ്ഥാന സർക്കാരുകൾക്ക് കീഴിലുള്ള തൊഴിലാളികൾക്കും 25ാം തീയതി തന്നെ ശമ്പളം ലഭിക്കുമെന്ന് ഉറപ്പില്ല. മിക്ക കമ്പനികളും മാസത്തിന്റെ തുടക്ക ദിവസങ്ങളിലാണ് ശമ്പളം നൽകുന്നത്. ഇവിടെ ജോലി ചെയ്യുന്നവർക്ക് ബാങ്ക് പണി മുടക്കിന്റെ പേരിൽ നേരത്തെ ശമ്പളം ലഭിക്കില്ല. മാസത്തിന്റെ അവസാന ദിവസങ്ങളിൽ ശമ്പളം ലഭിക്കുന്ന കമ്പനികളിലെ ജീവനക്കാർക്ക് ചിലപ്പോൾ വൈകാൻ സാധ്യതയുണ്ട്. അതും മാനുവലായി ശമ്പളം കൈകാര്യം ചെയ്യുന്ന ഇടങ്ങളിൽ മാത്രം. ഓൺലൈനായി ശമ്പളം വിതരണം ചെയ്യാൻ ബാങ്കുകളുമായി ക്രമീകരണമുള്ള കമ്പനികളിൽ ഇക്കാര്യം ബാധകമാകില്ലെന്നും പതിവു പോലെ ശമ്പളം ലഭിക്കുമെന്നും ഈ രംഗത്തുള്ളവർ പറയുന്നു.തൊഴിൽ ദിനങ്ങൾ ആഴ്ചയിൽ 5 ദിവസമാക്കണമെന്ന ആവശ്യമുന്നയിച്ചാണ് ജീവനക്കാരുടെ പണിമുടക്ക്. ഇക്കാര്യത്തിൽ കേന്ദ്രസർക്കാർ അനുകൂല നിലപാട് സ്വീകരിച്ചിട്ടില്ല. ബന്ധപ്പെട്ട കക്ഷികളുമായി വിശാലമായ കൂടിയാലോചനകൾക്ക് ശേഷമേ ഇക്കാര്യത്തിൽ തീരുമാനമെടുക്കാൻ കഴിയൂ എന്നാണ് കേന്ദ്രനിലപാട്. ഇക്കാര്യത്തിൽ കേന്ദ്ര ലേബർ കമ്മിഷണറുമായി യൂണിയനുകളുടെ അടുത്ത യോഗം ഒക്ടോബർ 15നാണ്. ഇതിൽ പരിഹാരം കാണാനായില്ലെങ്കിൽ ഒക്ടോബർ 26 മുതൽ അനിശ്ചിതകാല പണിമുടക്കിനും ജീവനക്കാർ ആഹ്വാനം ചെയ്തിട്ടുണ്ട്.

ഇ-ഓട്ടോറിക്ഷകൾക്ക് സബ്സിഡി: 25 മുതൽ അപേക്ഷിക്കാം.

0

സംസ്ഥാന സർക്കാരിന്റെ ഇ-മൊബിലിറ്റി പ്രോത്സാഹന പദ്ധതിയുടെ ഭാഗമായി ഇലക്ട്രിക് പാസഞ്ചർ ഓട്ടോറിക്ഷകൾക്ക് നൽകുന്ന 30,000 രൂപ സബ്സിഡിക്കായി സെപ്റ്റംബർ 25 മുതൽ ഓൺലൈനായി അപേക്ഷിക്കാം. അപേക്ഷിക്കുന്ന അർഹരായ ആദ്യത്തെ 1000 പേർക്ക് സബ്സിഡി ലഭിക്കും. ഇതിൽ 100 സബ്സിഡികൾ വനിതകൾക്കായി സംവരണം ചെയ്തിട്ടുണ്ട്. ആവശ്യത്തിന് വനിതാ അപേക്ഷകരില്ലെങ്കിൽ ഇവ പൊതുവിഭാഗത്തിലേക്ക് മാറ്റും. 2019 ഏപ്രിൽ 1 മുതൽ രജിസ്റ്റർ ചെയ്തതും ഇതുവരെ സബ്സിഡി ലഭിക്കാത്തതുമായ ഇ-പാസഞ്ചർ ഓട്ടോറിക്ഷ ഉടമകൾക്കും മുൻപ് അപേക്ഷിച്ച് സബ്സിഡി ലഭിക്കാത്തവർക്കും വീണ്ടും അപേക്ഷിക്കാം. ഒരാളുടെ പേരിലുള്ള ഒരു വാഹനത്തിന് മാത്രമേ സബ്സിഡി അനുവദിക്കൂ.

“കോഴിക്കോട് ജില്ലയിൽ അതീവ ജാഗ്രത: വടക്കൻ കേരളത്തിൽ ശക്തമായ കാറ്റും മഴയും”

0

ബംഗാൾ ഉൾക്കടലിൽ തീവ്ര ന്യൂനമർദ്ദം രൂപപ്പെടാൻ സാധ്യതയുള്ളതിനാൽ 24-09-2026 വൈകീട്ട് മുതൽ 25-09-2026 പകൽ വരെ വടക്കൻ കേരളത്തിൽ ശക്തമായ കാറ്റും മഴയും ഉണ്ടാകാൻ സാധ്യതയുണ്ടെന്ന് കോഴിക്കോട് കളക്ടർ അറിയിച്ചു. പൊതുജനങ്ങൾ പ്രത്യേക ജാഗ്രത പാലിക്കണമെന്നും ആവശ്യമായ അടിയന്തര നടപടികൾ ഉടനടി സ്വീകരിക്കണമെന്നും ജാഗ്രതാ നിർദേശത്തിൽ വ്യക്തമാക്കുന്നു

റോഡ് മുറിച്ചു കടക്കുന്നതിനിടെ കണ്ണൂരിൽ വിദ്യാർഥിനികളെ സ്വകാര്യ ബസ് ഇടിച്ചു തെറിപ്പിച്ചു

0

കണ്ണൂർ: റോഡ് മുറിച്ചു കടക്കുന്നതിനിടെ വിദ്യാർഥിനികളെ ഇടിച്ചു തെറിപ്പിച്ച് സ്വകാര്യ ബസ്. രാവിലെ 9ന് കണ്ണൂർ താവക്കരയിൽ ആണ് അപകടം ഉണ്ടായത്. പാനൂർ സ്വദേശി ആവണി, ചെറുപറമ്പ് സ്വദേശി സ്നേഹ എന്നിവർക്ക് പരുക്കേറ്റു. ഇരുവരും കണ്ണൂരിലെ സ്വകാര്യ ആശുപത്രികളിൽ ചികിത്സയിലാണ്. സ്വകാര്യ ഇൻസ്റ്റിറ്റ്യൂട്ടിലെ ബി എസ് സി വിദ്യാർത്ഥികളാണ് ഇരുവരും. കണ്ണൂർ-വടകര റൂട്ടിൽ ഓടുന്ന ഐവാൻ ബസ്സാണ് ഇടിച്ചത്. ഡ്രൈവർ ആദർശിനെയും കണ്ടക്ടറെയും കസ്റ്റഡിയിലെടുത്തു. ബസ് അമിത വേഗതയിൽ ആയിരുന്നു എന്ന് പൊലീസ് പറഞ്ഞു.

ചെറുവണ്ണൂർ മേൽപാലം പ്രധാന ഗർഡറുകൾ സ്ഥാപിച്ചു; ജംക്‌ഷൻ തുറന്നു.

0

ഫറോക്ക്: ചെറുവണ്ണൂർ മേൽപാലത്തിന്റെ പ്രധാന ഗർഡറുകൾ സ്ഥാപിച്ചതോടെ അങ്ങാടിയിലെ ജംക്‌ഷൻ ഗതാഗതത്തിനു തുറന്നു. വൈകിട്ട് 6നാണു ജംക്‌ഷനിലൂടെ വാഹനങ്ങൾ കടത്തിവിട്ടത്. ഇതോടെ ചെറുവണ്ണൂരിൽ നിന്നു ബേപ്പൂർ, കൊളത്തറ റോഡുകളിലേക്കു വാഹനയാത്ര സാധ്യമായി.അങ്ങാടിയിലെ ഗതാഗത പ്രതിസന്ധിക്കു താൽക്കാലിക പരിഹാരമായെങ്കിലും ഫറോക്ക് ഭാഗത്തുനിന്നു ചെറുവണ്ണൂർ പ്രധാന പാതയിലൂടെ നഗരത്തിലേക്കുള്ള ഗതാഗത നിരോധനം 26 വരെ തുടരും.ഉച്ചയോടെയാണ് ജംക്‌ഷനിലെ സ്പാനുകളിൽ 6 ഗർഡറുകളും സ്ഥാപിച്ചത്. പിന്നീട് ഗാൻട്രി ക്രെയിൻ കൊണ്ടുപോകാൻ സജ്ജീകരിച്ച റെയിൽ നീക്കി റോഡ് അറ്റകുറ്റപ്പണികൾ നടത്തിയ ശേഷമാണ് ഗതാഗതം അനുവദിച്ചത്. ജംക്‌ഷൻ തുറന്നതിന്റെ ആഹ്ലാദം പങ്കിട്ട് നാട്ടുകാർ പടക്കം പൊട്ടിച്ചു. ഒരാഴ്ചത്തെ സമ്പൂർണ ഗതാഗത നിരോധനം ഏർപ്പെടുത്തി നടത്തുന്ന മേൽപാലം പ്രവൃത്തിയുടെ 3 ദിവസം പിന്നിട്ടപ്പോൾ 8 ഗർഡറുകൾ മാത്രമാണ് ഇതുവരെ സ്ഥാപിച്ചത്.മേൽപാലം ഉയരം കൂടിയ ഭാഗമായ ജംക്‌ഷനിലെ ഗർഡറുകൾ സ്ഥാപിച്ചതിനാൽ പ്രധാന കടമ്പ പിന്നിട്ടു. ഇനി 3 ദിവസം കൊണ്ടു മറ്റു 3 സ്പാനുകളിലെ 16 ഗർഡറുകൾ സ്ഥാപിക്കാനുണ്ട്. പെട്രോൾ പമ്പ് പരിസരത്ത് നിർമിച്ചു വച്ച കോൺക്രീറ്റ് ഗർഡറുകൾ ഗാൻട്രി ക്രെയിൻ ഉപയോഗിച്ചാണ് തൂണുകളിലേക്കു എത്തിക്കുന്നത്. 50 ടൺ ഭാരമുള്ള ഗർഡറുകൾ പ്രതീക്ഷിച്ചപോലെ കൊണ്ടുവരാൻ കഴിയാത്തത് വെല്ലുവിളിയാണ്.അതേസമയം കഴിയുന്നത്ര വേഗം പ്രവൃത്തി പൂർത്തിയാക്കി റോഡ് ഗതാഗതത്തിനു തുറക്കാനുള്ള പരിശ്രമത്തിലാണ് കരാർ കമ്പനി. 700 മീറ്റർ നീളവും 16 മീറ്റർ വീതിയുമുള്ള നാലുവരി മേൽപാലത്തിന് 25 മീറ്റർ നീളത്തിൽ 14 സ്പാനുകളുണ്ടാകും. ഇവയിൽ ആകെ 84 ഗർഡറുകളാണുണ്ടാകുക. പാലത്തിന്റെ ഇരുഭാഗത്തുമായി 46 ഗർഡറുകൾ ഇതിനകം സ്ഥാപിച്ചിട്ടുണ്ട്. നഗരപാത വികസന പദ്ധതിയിൽ ഉൾപ്പെടുത്തി 89 കോടി രൂപ ചെലവിട്ട് കേരള റോഡ് ഫണ്ട് ബോർഡ് നേതൃത്വത്തിലാണ് ചെറുവണ്ണൂരിൽ മേൽപാലം നിർമിക്കുന്നത്.

ദാമ്പത്യ പ്രശ്നം പരിഹരിക്കാനെത്തിയ യുവതിയെ പീഡിപ്പിച്ചു; വ്യാജ സിദ്ധൻ അറസ്റ്റിൽ: പോക്സോ കേസിലും പ്രതി.

0

കോഴിക്കോട് : താമരശ്ശേരിയിൽ യുവതിയെ ലൈംഗികമായി പീഡിപ്പിച്ച കേസിൽ വ്യാജ സിദ്ധൻ അറസ്റ്റിൽ. പുതുപ്പാടി ആലഞ്ചേരി കളത്തിൽ അൻവർ സാദത്ത് ആണ് പൊലീസിന്റെ പിടിയിലായത്. ഒന്നര മാസം മുൻപ് വിവാഹിതയായ യുവതിയെ ആണ് ഇയാൾ പീഡിപ്പിച്ചതെന്നാണ് വിവരം. ദാമ്പത്യപ്രശ്നം പരിഹരിക്കാൻ ഭർത്താവിനൊപ്പം എത്തിയപ്പോഴായിരുന്നു പീഡനം എന്നാണ് പൊലീസിന് ലഭിച്ച പരാതിയിൽ പറയുന്നത്. പ്രശ്നപരിഹാരം തേടിയെത്തിയ ഭർത്താവിന്റെ കൈയിൽ മന്ത്രം ജപിച്ച് ഒരു തേങ്ങ കൊടുത്ത ശേഷം പുറത്തേക്ക് നോക്കി ആ മന്ത്രം ചൊല്ലാൻ പറയുകയായിരുന്നു. തുടർന്ന് യുവതിയെ മറ്റൊരു മുറിയിൽ എത്തിച്ച് പീഡിപ്പിക്കുകയായിരുന്നു എന്നാണ് കേസ്. മുൻപ് പോക്സോ കേസിലും പിടിയിലായ ആളാണ് അൻവർ സാദത്ത് എന്നാണ് വിവരം.താമരശ്ശേരി ഡിവൈഎസ്‌പിയുടെ നേതൃത്വത്തിലുള്ള സംഘം അന്വേഷണം നടത്തുന്നത് അറിഞ്ഞ് ഒളിവിൽ പോയ അൻവർ സാദത്ത് കഴിഞ്ഞ ദിവസം ഈങ്ങാപ്പുഴയിലെ വീട്ടിൽ എത്തിയപ്പോഴാണ് പൊലീസിന്റെ പിടിയിലായത്.

കെഎസ്ആർടിസി മിന്നൽ, സ്വിഫ്റ്റ് ബസുകളിൽ സീറ്റ് ബെൽറ്റ് നിർബന്ധമാക്കണം; കത്ത് നൽകി അബിൻ വർക്കി എംഎൽഎ

0

തിരുവനന്തപുരം: കെഎസ്ആർടിസി മിന്നൽ, സ്വിഫ്റ്റ് ബസുകളിൽ സീറ്റ് ബെൽറ്റ് നിർബന്ധമാക്കണമെന്നാവശ്യപ്പെട്ട് കെഎസ്ആർടിസി മാനേജിങ് ഡയറക്ടർക്ക് കത്ത് നൽകി അബിൻ വർക്കി എംഎൽഎലിമിറ്റഡ് സ്റ്റോപ്പുകളോടെ സ്റ്റേറ്റ്-നാഷനൽ ഹൈവേകളിൽ ഉയർന്ന വേഗതയിൽ സർവീസ് നടത്തുന്ന മിന്നൽ ബസുകൾ ചുരുങ്ങിയ സമയം കൊണ്ട് ജനപ്രീതി നേടിയിട്ടുണ്ട്. എന്നാൽ, രാത്രികാലങ്ങളിലെ അതിവേഗ യാത്രയും ദേശീയപാതകളിലെ ഗതാഗത സാഹചര്യങ്ങളും കണക്കിലെടുക്കുമ്പോൾ യാത്രക്കാരുടെയും ഡ്രൈവർമാരുടെയും സുരക്ഷ പ്രധാനമാണെന്ന് എംഎൽഎ കത്തിൽ ചൂണ്ടിക്കാട്ടുന്നു.ഉയർന്ന വേഗതയിലുള്ള പെട്ടെന്നുള്ള ബ്രേക്കിങും അപകടങ്ങളും വലിയ പരിക്കുകൾക്ക് കാരണമാകാന്‍ സാധ്യതയുള്ളതിനാൽ സുരക്ഷ മുൻനിർത്തി എല്ലാ മിന്നൽ ബസുകളിലെയും ഡ്രൈവർ സീറ്റിലും എല്ലാ യാത്രാ സീറ്റുകളിലും മികച്ച നിലവാരമുള്ള സീറ്റ് ബെൽറ്റുകൾ ഉറപ്പാക്കണം എന്നതാണ് കത്തിലെ പ്രധാന ആവശ്യം.യാത്രയിലുടനീളം ഡ്രൈവർമാരും യാത്രക്കാരും സീറ്റ് ബെൽറ്റ് ധരിക്കുന്നത് കർശനമാക്കാൻ ആവശ്യമായ നടപടികൾ സ്വീകരിക്കണമെന്ന് ആവശ്യപ്പെട്ട് നൽകിയ കത്ത്, അടിയന്തര പ്രാധാന്യത്തോടെ പരിഗണിക്കുമെന്ന് കെഎസ്ആർടിസി എംഡി ഉറപ്പുനൽകിയതായി അബിൻ വർക്കി അറിയിച്ചു.

സംസ്ഥാനത്ത് വൈദ്യുതി ഉപഭോഗം റെക്കോർഡിലേക്ക്; നിയന്ത്രണം പാലിക്കാൻ നിർദേശം നൽകി KSEB

0

തിരുവനന്തപുരം: സംസ്ഥാനത്ത് വൈദ്യുതി ഉപഭോഗം റെക്കോര്‍ഡിലേക്ക്. പിക്ക് സമയത്ത് വൈദ്യുതി ഉപഭോഗത്തില്‍ നിയന്ത്രണം പാലിക്കാന്‍ നിര്‍ദേശം നല്‍കി കെഎസ്ഇബി. സര്‍ക്കാര്‍ ഓഫീസുകളില്‍ വൈദ്യുതി ഉപഭോഗം കുറയ്ക്കണമെന്നും നിര്‍ദേശമുണ്ട്. എസിയുടെ താപനില 25 ഡിഗ്രി സെല്‍ഷ്യസിന് മുകളിലായിരിക്കണം. അനാവശ്യ ദീപാലങ്കാരങ്ങളും പ്രകാശ സംവിധാനവും ഒഴിവാക്കണമെന്നും നിര്‍ദ്ദേശമുണ്ട്. അതോറിറ്റിയുടെ പമ്പിങ് പ്രവര്‍ത്തനങ്ങള്‍ പകല്‍ സമയത്ത് മാത്രമേ നടത്താവൂ എന്നും ഊര്‍ജ്ജം ആവശ്യമുള്ള വ്യവസായ സ്ഥാപനങ്ങള്‍ പ്രവര്‍ത്തനങ്ങള്‍ പകല്‍സമയത്ത് ആക്കണമെന്നും ഉത്തരവില്‍ പറയുന്നു.വേ ഗ്ലോബൽ ഇന്ത്യ പ്രൈവറ്റ് ലിമിറ്റഡ് കമ്പനിയിൽ നിന്ന് ഇന്നുമുതൽ 200 മെഗാ വാട്ട് വൈദ്യുതി കൂടി ലഭിച്ചു തുടങ്ങുമെന്നാണ് കെഎസ്ഇബിയുടെ അറിയിപ്പ്. വൈകീട്ട് ആറുമണി മുതൽ രാത്രി 12 മണി വരെയുള്ള പീക്ക് സമയങ്ങളിൽ ആയിരിക്കും വൈദ്യുതി ലഭ്യമാകുക. അടുത്തമാസം 31 വരെ വൈദ്യുതി ലഭ്യമാകുന്ന രീതിയിലാണ് കരാർ. ഒരു യൂണിറ്റിന് 11 രൂപ നിരക്കിലാണ് വൈദ്യുതി ലഭിക്കുക. എല്‍ നിനോ പ്രതിഭാസത്തെ തുടര്‍ന്നുണ്ടായ മഴക്കുറവും അന്തരീക്ഷ താപനില താരതമ്യേന ഉയര്‍ന്ന നിലയില്‍ തുടരുന്നതും മൂലം സംസ്ഥാനത്ത് വൈദ്യുതി ഉപഭോഗം ഉയര്‍ന്ന നിലയില്‍ തന്നെ തുടരുകയാണെന്നും മുന്‍കാലങ്ങളിലെ സെപ്തംബര്‍ മാസത്തെ ഡിമാന്‍ഡില്‍ നിന്നും ഏകദേശം 1200 മെഗാവാട്ട് വരെ കൂടിയിട്ടുണ്ടെന്നും കെഎസ്ഇബി വ്യക്തമാക്കിയിരുന്നു.ദേശീയ തലത്തില്‍ ഗ്രിഡ് കണ്‍ട്രോളര്‍ ഓഫ് ഇന്ത്യ അറിയച്ചതുപ്രകാരമുള്ള 12,000 മെഗാവാട്ടിന്റെ കുറവ് പൂര്‍ണമായും പരിഹരിക്കാത്ത സാഹചര്യവും നിലനില്‍ക്കുന്നുണ്ട്. 5000 മെഗാവാട്ട് വരെ ഓള്‍ ഇന്ത്യ ഡിമാന്‍ഡ് കൂടാനും 5000 മെഗാവാട്ട് വരെ വിന്‍ഡ് ജനറേഷന്‍ കുറയാനും സാധ്യത ഉണ്ട് എന്ന് ഗ്രിഡ് ഇന്ത്യ കഴിഞ്ഞ ദിവസങ്ങളില്‍ അറിയിച്ചിട്ടുണ്ട്. കൂടാതെ കഴിഞ്ഞ ദിവസങ്ങളില്‍ പീക്ക് സമയങ്ങളില്‍ ഗ്രിഡ് ഫ്രീക്വന്‍സി ക്രമാതീതമായി കുറയുകയുണ്ടായി എന്നും കെഎസ്ഇബി അറിയിച്ചിരുന്നു.

വിദേശത്ത് ജോലി വാഗ്ദാനം ചെയ്ത് പണം തട്ടിയെന്ന് പരാതി; ആംസ്റ്റര്‍ ഓവര്‍സീസ് സിഇഒ പാര്‍വതി മായ കസ്റ്റഡിയില്‍

0

കൊച്ചി: വിദേശത്ത് ജോലി വാഗ്ദാനം ചെയ്ത് തട്ടിപ്പ് നടത്തിയ കേസില്‍ ആംസ്റ്റര്‍ ഓവര്‍സീസ് സിഇഒ പാര്‍വതി മായ കസ്റ്റഡിയില്‍. തിരുവനന്തപുരം വിമാനത്താവളത്തില്‍ വെച്ചാണ് പിടിയിലായത്. വിദേശത്തുനിന്ന് എത്തിയതായിരുന്നു ഇവര്‍. പാലാരിവട്ടത്തെ രണ്ട് കേസുകളില്‍ പാര്‍വതി ഒന്നാം പ്രതിയാണ്അര്‍മേനിയയിലും പോളണ്ടിലും ജോലി വാഗ്ദാനം ചെയ്ത് പണം തട്ടുകയായിരുന്നു. പത്ത് ലക്ഷത്തോളം രൂപ തട്ടിയെടുത്തെന്ന് എഫ്‌ഐആറില്‍ പറയുന്നു. കോട്ടയത്ത് രജിസ്റ്റേര്‍ഡ് ഓഫീസും കൊച്ചി, കട്ടപ്പന, തൃശൂര്‍, തിരുവനന്തപുരം, കോഴിക്കോട്, ബെംഗളൂരു, ഒമാന്‍, ദുബായ്, അബുദബി, ബഹ്‌റൈന്‍, നേപ്പാള്‍ എന്നിവിടങ്ങളിൽ ശാഖകളുമുള്ള ഏജന്‍സിയാണ് ആംസ്റ്റര്‍. വിദേശരാജ്യങ്ങളിലേക്കുള്ള തൊഴിൽ സാധ്യതകളടക്കം സേവനങ്ങളാണ് സ്ഥാപനം വാഗ്ദാനം ചെയ്യുന്നത്.

സെപ്റ്റംബർ 27 ഞായറാഴ്ച എല്ലാ പൊതുമേഖലാ ബാങ്കുകളും പ്രവർത്തിക്കും.

0

ബാങ്ക് ജീവനക്കാരുടെ സംഘടനകൾ പ്രഖ്യാപിച്ച രാജ്യവ്യാപക പണിമുടക്കിന് മുന്നോടിയായി ബാങ്കിങ് സേവനങ്ങളിൽ നേരിടുന്ന തടസ്സം കുറയ്ക്കുന്നതിന് വേണ്ടി 27 ഞായറാഴ്ച എല്ലാ പൊതുമേഖലാ ബാങ്കുകളും റീജിയണൽ റൂറൽ ബാങ്കുകളും സാധാരണ പോലെ തുറന്നു പ്രവർത്തിക്കുമെന്ന് കേന്ദ്ര ധനമന്ത്രാലയം. സെപ്റ്റംബർ 28 മുതൽ 30 വരെയാണ് രാജ്യവ്യാപക പണിമുടക്കിന് ആഹ്വാനം ചെയ്തിരിക്കുന്നത്. സെപ്റ്റംബർ 26 ശനിയാഴ്ച, 27 ഞായർ എന്നീ അവധി ദിവസങ്ങൾക്ക് തൊട്ടുപിന്നാലെയാണ് യുണൈറ്റഡ് ഫോറം ഓഫ് ബാങ്ക് യൂണിയൻസ് മൂന്ന് ദിവസത്തെ പണിമുടക്ക് പ്രഖ്യാപിച്ചിരിക്കുന്നത്. ഇത് ജനങ്ങൾക്ക് തുടർച്ചയായ ദിവസങ്ങളിൽ ബാങ്കിങ് സേവനങ്ങൾ തടസ്സപ്പെടുന്നതിനിടയാക്കുമെന്ന് ചൂണ്ടിക്കാട്ടിയാണ് ധനമന്ത്രാലയം ഞായറാഴ്ച തുറന്ന് പ്രവ‍ര്‍ത്തിക്കാൻ തീരുമാനിച്ചത്.ബാങ്കിങ് ആവശ്യങ്ങൾ തടസ്സപ്പെടാതിരിക്കാൻ 27 ഞായറാഴ്ച എല്ലാ പൊതുമേഖലാ ബാങ്കുകളും റീജിയണൽ റൂറൽ ബാങ്കുകളും സാധാരണ പോലെ പ്രവർത്തിക്കുന്നതായിരിക്കുമെന്ന് മന്ത്രാലയം വ്യക്തമാക്കി. തിങ്കളാഴ്ച പണിമുടക്ക് ആരംഭിക്കുന്നതിന് മുൻപായി ഉപഭോക്താക്കൾക്ക് അത്യാവശ്യ ബാങ്കിങ് സേവനങ്ങൾ ലഭ്യമാക്കുകയാണ് ഈ തീരുമാനത്തിന്റെ ലക്ഷ്യം.